مساكم الله بالخير جميعا…
وصلتني رساله من شخص لااعرفه في احد المنتديات التي اشارك فيها وذكر لي قصة مؤثرة اسأل الله لي ولكم السلامه لا اعلم مدى صحتها وطلب مني صياغتها في قصيدة وقد اجتهدت وكتبت القصيدة التالية بناء على عناصر القصة التي ذكرها ….اتمنى ان تنال استحسانكم….
وللمعلومية هذه القصيدةنزلتها في عدة مدونة اشارك فيها بعدة اسماء مختلفة….ولكم خالص الود
[poem font="Simplified Arabic,6,white,bold,normal" bkcolor="transparent" bkimage="http://www.graaam.com/vb/images/toolbox/backgrounds/21.gif" border="none,4," type=0 line=0 align=center use=ex num="0,black"]
سلام الله سلام(ن) ياصل اللي يدخلون الشات=سلام(ن) من صدوق(ن) صادق(ن) مخلص به النيه
ابااحكي قصة(ن) صارت على رجل ارتكب غلطات=حكاها لي بتفصيل(ن) كشف امور سريه
دخل بالشات مع وحده وقالت له انا وردات=وقال انه من الفرسان غزواته تجي ميه
مدح نفسه وصدقته وهو ناوي بها نيات=وهوما يدري ان الله عليم بكل مخفيه
يراسلها يجي شهرين في ساعه من الحزات=معاه اسلوب خلاها تعيش احلام ورديه
ودخلها بماسنجر معاه تبادل النغمات=تطور وارسل افلام ومقاطع حب دونيه
ملك عـقـل الفتاة وقال هذي حزة اللحظات=وقال انتي ملاك القلب اشوفك وين يابنيه
وقالت له بسوق الحب تلقاني معك بسكات=وواعدها وواعدته وحانت حزة الجيه
بعد ماشافها بالعين منه هلت العبرات=بلحظة صمت للعاقل ترى ماهي طبيعيه
من الصدمه تمنى انه قبل يجي لها قد مات=وهي من شافته طاحت بوسط السوق مغشيه
لقاها اخته وقال الله يتوب ويغفر الزلات=بغيت ادْمر حياتي ياجماعة خير بيديه
الا ياغافل احذر لاتجي في موقع الشبهات=ولاتغتر لو قالت تراني بنت حورية
تصادف فعلة المنكربلحظه هادم اللذات=ولاتقدر تتوب وجثتك بالقبر مرميه
والا يابنت لايلعب عليك اللي حكى كذبات= يلاطفك بسهوم الحب في كلمات سحريه
ترى تفكير عاطفتك رماك بساعة الغفلات=وصّور لك حياة العشق في صورات وهميه
وانا من دافع الغيرة كتبت وبالصدر ونات=دخيلك ياولي العرش من عيشه شقاويه
ترى ماهيب من راسي انا سويتها بابيات=حقيقه لكن الطيّب ترى مافيه ماريه
اصوغ القاف واصوّر تماثيله كما لك جات=لعلك تعتبر وانقد على كيفك بجديه[/poem]
صح لسانك وعلا شانك
ارق تحياتي لتواجدك معنا
وتقبل مروري
استنارت بقصيدتك صفحات قسم الاعضاااء
صح لسانك …
شامخه ولا تستغرب منك ..
كل الشكر
دائمآ عودتنا عالأبداع والجزالة
قصيدة مؤثرة في معانيها وصياغتك لها اعطتها قوة اكثر
دام لنا نبض قلمك الجميل
مشاركة قيمة وجزلة
جزاك الله كل خير
وصح السانك يالغالي
دمت بسعادة
اجمل الامنيات
من سيد الامنيات
تحياتي
نشوان/سيد الامنيات
قصيده جزله جميله
وهادفه
تقبل مني اخوي عظيم الود والاحترام
كلمات معبرة جدا… وقوية ….. ولاتحرمنا جديدك ….
همسة غلا ..صح بدنك لاعدمتك.وتشرفت بمرورك
nashwan/wish master …صح بدنك لاعدمتك..
قصيده معبره ورائعه جداا
تقبل مروري