السلام عليكم ورحمة الله وبركاته ..
.gif "Graaam (135)")
هاي رابع رواية لي انا رواياتي للعلم بارتاتها قصيره احداث جميله ومثيره
ما ابخل على حد استقبل جميع الردود حتى اللي تجرح
راح يكون يمكن بعض الاخطاء الاملائيه مب مني من الطباعه
طبعا انا مخلصه الروايه كامله وبنزل كل يوم بارتين
ولكن اذا عندي امتحان ماراح انزل في هاليوم
اللي حاب يتابعني حياه الله واللي مب حاب هم بعد شكرا
طبعا اللي يتابعني من خلف الكواليس ارحب فيه
واللي مشارك فالمنتدى لايبخل علي بردوده الجميله
وتوقعاته
والسموحه على التطويل
تقبلو مروري اختكم الحب اختياري ..
.gif "Graaam (278)")
وارد واعيد وازيد واقول انه البارتات قصيره
عائلة ابو نايف :
نايف 24 الشرطه
نجود 21 بطاليه
بطي 23 الكليه
عائلة ابو زهراء:
زهراء 21 هندسه
مصعب 19 كلية الشرطة
عبدالله 20 الوزاره
عائلة ابو شيخه:
شيخة 23 بطاليه
شجون 30 مدرسه
شموخ 27 محاميه
عائلة ابو مبخوت:
مبخوت 25 لاعب
مزنه 20 بطاليه
عائلة ابو جميله:
جميله 21 هندسه
محمد 20 كلية الشرطه
ريم 18 ثانويه عامه
عائلة ابو مبارك:
مبارك 25 لاعب
بلقيس 20 بطاليه
منصور 24 الشرطه
نواف 19 كلية الشرطه
عائلة وفاء:
وفاء: 20 بطاليه
جليله: 21 مغنية
جمانه: 23 مصممة ازياء
عائلة ابو نوف:
نوف 20 اعلام
نادر 25 الشرطه
عند الفراق ؟؟
هل سوف يمضي حبي بين الجنة والنعيم ؟؟
ام ستكون جحيم على خطوات اقدامي ونفسي المتسارعه وقلمي المتاني بقلبي الحزين اكتب لكم هذه الروايه الرابعه من كتاباتي ..
احب ان املي سطور اوراقي بحبي وحنيني بعطفي وروحانيتي وسوف تملى اقلامي ببعض الاحداث الحقيقه الممزوجه من الخيال ؟؟
لتصل لكم معلومة العشيق !!
ابدا سطوري بحبي وانتهي بعشقي ..
كل صفحة انتهي منها يكون قلبي خالي من الهم
ان سالتني عن سبب ابتعادي سوف اردد مقوله دائما اقولها ..؟
(( عند الفراق سامضي بين الجنه والجحيم باقترابي وابتعادي عنك .. ))
تقبلو مروري اختكم الحب اختياري
30-1-2014
وانا صرااااحه اشووف م البداايه او المقدمه ف لمحة م الروعه والابداااع ف قلمگ
تحيااااتي لگ شموووخ صلاااااله
تسلمين غلااااااتـي..
لاتتوقفي تاابعي وانا منتظررره والله..
تااااابعي حبيبتي تراااني منتظرره
|
المشاركة الأساسية كتبها الاميره اميره
 تصدقي والله رجعت اقرئي الاسئله مرره ثاانيه وووربي اني احس ف الرواايه شي م الحماااس والروووعه غير ع اسماء الشخصياات ف
تااااابعي حبيبتي تراااني منتظرره |
تسلمين حبيبتي ترقبي البارت الاول والثاني
صح انهم قصار بس ان شاء الله راح تستمتعين معاي
نوف: يووه ندور لوعت جبدي بربيعك منصور ياخي ابي اشوف المباراه براحتي ابي اصرخ حتى في بيتنا ممنوع كفايه كل ماقولك ودني الملعب تتحجج الشغل
نادر: عفيه على اختي الشاطره كوني هاديه شوي واوعدج بخليج تحضرين وحده من المباريات بس لاتصرخين بيتحراج بويه ^^
نوف: جذاب احلف ؟؟
وبققت عيونها وكملت
نوف: احلف وثانيا انا قمه في الانوثه
نادر: والله بس يالله قومي سوي شي حلو حق الولد وفديت ام الانوثه اللي فيج
نوف: ان شاء الله يا اخي الوسيم اموت انا واعيش سنه هههههههاي
نادر: مصلحه ولا مو عشان سواد ويهي
نوف: الله لايحرمني منج يا احلى اخت في الكون
نادر: نعم شو قلتي ؟؟
نوف: هههههه بالغلط السموحه اقصد الله لايحرمني منك يا سندي في هالدنيا
نادر: امين ولا منج يا احلى اخت في الكون
وقامت نوف اتسوي اكل لاخوها نادر وهي تغني
نادر: والله وتحقق منايا شوفو حبيبي معايه ههههه يس يس يس
اكلمكم عن نفسي انا نوف احب كرة القدم مب بويه انا بنوته وحلوه وطرر وقمرر بس احب اشجع وانا وصلاويه مووت وابصراحه احب لاعب وبتعرفون منو مع الايام واخوي نادر وايد حبوب ويخاف علي وانسان مثقف وفاهم الدنيا عدل
__________________________________________________ ________
في احد البيوت الجميله التي تمتاز باصوات عجيبه في احد الغرف ومحمد يدق ع الجيتار ويغني وينفتح الباب بالقو
جميله: خلاص يا ولد صدعت راسي مب رايمه اذاكر ولا كلمه
محمد: هههههه مب عايبنج طلعي برع ياحلوه الغرفه غرفتي والبيت بيت ابويه
جميله: حط عازل صوت علشان ماتزعجنا بصوتك وعزفك الخرا
محمد: ومابي اوكي
وقعد يعزف وتمت جمول تنقز وترقص ضحك عليها وفلعها بالمخده
امممممممم نحن عائلة من العوائل المتوسطه عندي اخت واخو والله لايحرمني منهم احب العوز اخوي ودايمن اقوله صوتك وع وانه هو مزعج بس بالاساااس صوووته نااااااار
__________________________________________________ ________
…………: ليش ماتروحين تتعالجين ؟؟
———–: اتعالج ؟؟ اخاف انصدم
………………: مافي شي يخوف او يصدم دام انه الله معااج
———–: بس انا خايفه
———–: لا تخافين نحن معاج
كت:
اترك التوقعات لكم ..
( اكمل ام اقف ؟؟
ان اكملت فسوف تعرفون قصتي
وان وقفت فسوف اغلق الباب واكملها لنفسي ؟؟ )
اليوم الثاني على العوائل كانت الساعه 4 ونص العصر في بيت ابو شجون في الصاله عند البنات ..
شيخه : ابي اطلع اسقي الزرع
شجون: توه الناس بتييج ضربة شمس اتريي لين مايبرد الجو شوي
شموخ: صدقها اتري ترى الورود مايطيرون وماعندهم جناح
شيخه: بس اتعرفون انا اشكثر اعشق الورود كثر عشقي اني اناظر فيكم كل شوي
قربو شموخ وشجون من شيخه وحضنوها ..
__________________________________________________ ________________
في بيت ابو نايف ..
بطي: هلا هلا اي مس يو دبوووه
نجود: مس يو تو حبي
بطي: اكيد الدب راقد فوق ؟؟
نجود: ماعنده شغل غير الرقاد هههه تعال سولف لي شو سويت في العسكريه ؟؟
بطي: اسكتي كنت بنحجز هالاسبوع
نجود: اوييه ليش؟؟
بطي: على اساس انه بنتخرج قريب
نجود: واااو وناسه متى ؟؟
بطي: ماعرف بخبركم اكيد ..
وقعدو يسولفون لين 5 العصر صعد بطي عند نايف فتح الباب لققاه في سابع نومه نقز على السرير وقعد يقرقطه مافاد فيه فتح الستاره علشان يدش النور انتبه على شي ..
بطي: نيوووف نيييوف
نايف: همممم ؟؟
بطي: نش اكيه تحت نش ابسرعه
نايف: منو؟؟
بطي: راعية الورود
نط نايف وكانه حد صب عليه ماي بارد او منشط ربع صوب الدريشه وقعد يناظر فعيونها وتنهد بصوت مسموووع ..
نايف: اوف ملاك بهيئة انسااان
بطي: سلامتك ياخوي من الااااه
نايف: احبها ياليتها تحس
بطي: اسحبها من شعرها عشانك ؟؟
نايف: كف ع ويهك بكسر ضروسك هههههه
قام وراحح الحمام وهو يركض تغسل وقال لبطي ..
نايف: قوووم ننزل تحت عندها ؟؟
بطي: يالله فوقه احب المغامرات
مشو للحوش لين ماطلعو برع مشى قريب منها وهي واقفه صوب المزرعه مالهم كانت تسقي الزرع برع صوب الباب تم يشوفها رفعت راسها وقعدت تناظره قرب منها لاشعوريا حست بحد
نايف: ممكن اساعدج؟؟
شيخه: لو سمحت ابتعد عن حد ياخذ عني فكره مب حلوه
نايف: صح كلامج السموحه يالغلا
شيخه: مسمموح اخوي
مشيت عنها وانا اتمنى تقولي اوقف ابيك لكن ماحسيت الا بماااي باارد ينصب علي
شيخه: اوه اسفه ماكنت اقصد والله الماي طاار من ايدي اسفه حييل والله سوري
نايف في قلبه: الماي استحى من جمالج
وبعدين قال لها بصوت عالي
نايف: لا عادي هههه بس الماي بااارد
وكمل في قلبه : بس قربج يدفي وعيوننج نااار
مشى وخلاها وبطي يضحك عليه بدل نايف لبسه وقعد يتجهز للدوام ..
__________________________________________________ _______________
في بيت ابو مبارك ..
منصور: ههههههههههههههههههههههههههههههههههههههه
بلقيس: شوفيك تضحك اتخبلت عسساك دووم مستانس ان شاء الله
منصور: اميين بس تذكرت شي ^^
بلقيس: شو هالشي اللي يضحك هالكثر ضحكني معااك
منصور: اخت اربيعي
بلقيس : بلاها ؟؟
منصور: اتحب اتشوف مباريات امس كنت في بيتهم كانت متحمسه بالقو احسها كيوووت
ضربته بلقيس ع راسه
بلقيس: عييب استح ع ويهك اخت اربيعك يالتافهه
منصور: ههههه ادري انا اقول انها funny ووناسه
__________________________________________________ _______________
كــــــــــــت:
اترك التوقعات لكم ..
( هل احببتها ام مجرد اعجاب ؟؟
هل عشقتها ام موهبة اطفال ؟؟)
بس ماراح اقصر معاكم وكل يوم بنزل بارتين واذا لقيت المتابعات زايده
راح انزل 3 بارتات
تقبلو مروري اختكم الحب اختياري ..