السلام عليكم ورحمة الله وبركاته
أحوالكم ؟ و آخر علومكم ؟
أول روايه لي بعالم الروايات كتبتها ،،
اتمنى تعجبكم ،، وأعذروني لأني توني مبتدئه بهالعالم ،،
و بحآول قد مآ أقدر مآ أقصر بالروايه ،
و اطول بآرتآآتهآآ ،،
الروايه قصة " خيآليـه ، فيهآ من وآقع شفته ولمسته لكـن مآ عشته !! "
برب مع الـ شخصيآت & البآرت الأول
فإن كذب لسانه بقول : أكرهك فيرد القلب قائلاً : أحبك و أعشقك و أهواك
أنت يا محبوبي يامن ملكتني ،، حبك قيدني و جعلني لا أرى سواك ،، أنت وحدكـ ،،
فقصة هوانا ترويها الأجيال بعد الأجيال ،، فأنت مالكي و أنت حبيبي ،،
وإنتِ مالكتي و إنتِ حبيبتي ….. ……
الشخصيـأت الرئيسية :
- عائله أبو جاسم :
أبو جاسم " عبدالرحمن " : رجل أعمال معروف ، له مكانته وأسمه بالسوق ، أب يحب أبناءة و قريب منهم ويعاملونه كأنه صديق له ، فهو كمثل الجبل الذي يستند عليه كل من يشعر بالإنكسار
أم جاسم " مريم " : أم حنونه و طيبه تحب أبنائها ولا تحب أن يتكدر خاطرهم ، ولا أن ترى دمعةً واحدة فـي أعينهم ، جميله شعرها أسود إلى حد كتفها & عيونها عسليه ، جميله والجمال ورثته عن والدتها المتوفيه . . .
جاسم : 27سنه . متزوج من سنه ما عنده عيال ، يشتغل مع أبوه بالشركة ، عيونه بنيه ، حنطاوي ، جاد ، طيب ، وفيه عصبيه / يعنوو لما يعصب ما يعرف أحد K . . . .
تهاني : 25سنه ، زوجة جاسم ، مملوحه ، عيونها سودا و شعرها أسود .. / طيبه وحبوبه
نورة : 25سنه . متزوجه من سنتين عندها ولدين وبنت ، أساميهم " عبدالعزيز & علي & شهد " نورة ~> عيونها بنيه طالعه على أبوهـاا ، حلوه ، شعرها أسود قصة فراوله ، تشتغل معلمة اجتماعيات بأحد المدارس
محمد : 19سنه ،. . عيونه بنيه نفس أبوه ، أبيض ، جماله لا يوصف عنده جاذبيه مو طبيعيه ، بس طبعاً زياد يفوقه بالجمال ، أهوا ما يؤمن بالحب | يدرس إدارة أعمـاال ..
شوق : 18سنه ، تدرس هندسه ، حلوه بكل ما تعني الكلمه كل واحد من أخوانها ماخذ من حلاها شوي " ، بيضاء البشره ، شعرها "قصة حليمة" لونه كستنائي ، عيونها عسليه ، تجذب عيون الناظرين لها ، طيبه ، بسرعه تنحب ، حساسه ، تحب الخيول ،
عبدالله : 16سنه ، طالب سنة حادي عشر (ثانوي) " ثالث ثانوي " . . .
أبيض ، حلو ، عيونه بنيه ، يشبه أخته نـورة شوي ، شعره أسود ، هالولد قصته قصه ،،
مرح ، حبوب ، اللي يكرهه لازم يحبه غصب ، يحب أخـوانه ، ويعتبر شـوق صديقته يفضفض لهـا ويشكي لهـاا ..
فرح : 15سنه ، صف عاشر " ثانوي ". . * حلوه ، بيضااء ، عيونها بنيه ، شعرها بني ، قاصته شلال ، ناعمه و بنفس الوقت رقيقه ، حيل مع أختها^ شوق ^ لأن ما عندهم غيرهـاا بالبيت لأن تدرون نورة أختهم متزوجه وكل تسافر مع زوجها عشان شغله جذي ، . . .
فجر :11سنه ، طالبه سنة سادس (متوسط) "ثانيه متوسط" * حلوه ، عيونها بنيه ، شعرهاا أسـود قصة الفراوله ، هالبنت هذي نفس أخوها عبدالله ، مرحه ، حبوبه ، وكله تخطط مع أخوهاا يوسف عشاان يطفرون فرح ، .. ..
يوسف : 9 سنين ، " آخر العنقود " حلو ، عيونه عسليه يشبه أخته شوق و أمـه ، أبيض .. ما يسمع الكلام ، وكله يعااند فرح ،
- عائلة أبو فواز
أبو فواز " سعد ": رفيج عبدالرحمن ( أبو جاسم ) نفس طبايع رفيجه بس إنه شوي شديد ، رجل أعمال معروف و إهو شريك أبو جاسم بالشركه يعني بينهم شراكه ، ، ،
أم فواز " فاطمة " : إنسانه حنونه و عطوفه على أبنائها ، تحب الناس / رفيجت أم جاسم " مريم " ، وصداقتهم قوية واايد مثل صداقة أبو فواز و أبو جاسم .. " حنطاويه ، عيونها سوداء ، شعرها " كاريه " صابغته أشقر و همن بعد حلوهـ ..
فواز : 22سنه ، يدرس بالجامعة محاماة ، شاب مملوح ، عيونه سودا و همن شعره أسود ،
طبايعه : حبوب ، جااد ، ما يحب اللف والدوران ، عيبه الوحيد إنه ! عصبي !.
زياد : 19سنه ، يدرس هندسه بأمريكا ،" أبيض"، عيونه بنيه ، شعره أسود ، حلو بكل ما تعني الكلمه " أحلى شبآب العآيله " ، كل بنت تتمنى منه نظره و طيب ، حبوب ، جذاب ، عصبي أحيان ، و إهوا " رفيج محمد " ، غامض يعني ما يحب يقول لأحد أسراره ..
طلال : 18سنه ، يدرس إدارة أعمال ، " أبيض " ،عيونه سودا ، حلو ، نظرته مثل ما يقولون تذوب ،، طيب ، لعوب ، لما يحب شي يكون له ما يتنازل عنه بسهوله ، عنيد ، مايحب أحد يرفض له طلب ، رفيج محمد
مرام : 18سنه ، تدرس بالجامعه قسم آداب إنجليزي ،"بيضاء" مملوحه ، عيونها بنيه ، شعرها بني لحد جتفها طبعاً قاصته مدرجات ، عسوله تنحب ، طيبه ، رفيجت شوق الروح بالروح ..
" طلال & مرام ~> توأم "
سارة : 15سنه ، صف عاشر " ثانوي" ، حلوه ، ناعمه ، هالبنت واايد رقيقه و حسساسه ، و اذا حبت أي شخص تتعلق فيه بسرعه ، * عيونها سودا ، شعرها بني طويل لحد جتفهاا ، رفيجت فرح من أيام الطفوله ، يعني الروح بالروح :p ، تحب فؤاد ولد عمها بس إهو ما يدري عن هواا دارهاأ " حب طفوله " < خخ حرام L
عبدالوهاب : 4سنين ، مزيون ، عيونه بنيه ، شعرها أسود ، يهبل كل ع بعضه روعه ، ..
- عايلة أبو فارس :
أبو فارس : " عبدالكريم " ، عصبي ، حنون ع عياله ، شديد أحياان ، أخو سعد " أبو فواز "
أم فارس : " نهى " ، هالأم هذي ماتدري عن عيالها ، ومخليه عيالهاا على هواهم و راحتهم ما تسألهم وين رايحين و وين يياين ؟ مالها شغل فيهم بس رغم كل هذا إهي حنونة و تضعف لما تشوف عيالها منكسرين ، بس تمثل القوة ،،
فارس : 20سنه ، يدرس بالجامعه قسم آداب إنجليزي ، جذاب ، حنطاوي ، ، عيونه سودا ، شعره أسود ، عصبي ، لعوب ، ما يتنازل عن الشي بسهوله ، رفيج محمد و طلآل و زياد ..
أروى : 18سنه ، تدرس بالجامعه ، قسم إدارة أعمال ، * حنطاويه ، مملوحه ، عيونها سودا ، شعرها صابغته عنابي ، تحب زيااد واهوا ما يدري عنها < خخ همن مسكينه " فيها شوية طيبه ، دلوعه بزود ، مغروره ، عصبيه ، أنانيه "
فؤاد :16سنه ، طالب حادي عشر أدبي " ثانوي " ، هالولد رومانسي واايد ، ومو أي بنت تعجبه ، * مزيون ، أبيض ، عيونه بنيه ، شعره بني <~ هالولد طالع ع عمته ، متربي مع عيال عمه " أبو فواز " وحيل معاهم ، طبايعه غير عن أخوانه ..
البارت الأول |First Part
بأحد المناطق الراقيه وتحديداً في أحد الفلل بالكويت ، بيت أبو جاسم
لورا : MDAM, wake up . it’s breakfast time
شوق : okay Lora , I will wake up.. go out
لورا : Okay , I will
شوق : إففف أحسن لي أقوم عشان ما أتاخر عالريوق و ع الجامعه ،
راحت شوق للحمام " تكرمون " غسلت ويهها و راحت بدلت ملابسها و لبست /
" جينز سكيني ، بلوزه من لاكوست مخططه بألوان واهياا : فوشي ، أسود ، أخضر ، أصفر ، وفلات أخضر و لبست إكسسوارات و حطت ميك أب خفيف ونزلت ،
شوق : صباااح الخيير .
أبو جاسم وأم جاسم : صباح النور
أم جاسم هلا بالغاليه يلا تعالي تريقي عشان ماا تتاخرين عالجامعه ..
شوق : أوكي ، إلا صج حمود "محمد " وينه ،
…… : إحم إحم هني هني
شوق : هههههه عمرك طويل
محمد : بسم الله لا تصكيني عين مو ناقصج وربي ،
فجر : أقولك إسكت بس اللي يسمعك يقول كلش براد بيت وأنا مادري
محمد : هههاي ضحكتيني ومالي خلق أضحك أصلاً أنا أحلى منه بمليون مره .
فرح : إي صح إنتا أحلى واحد شفته ، مو ؟
شوق : وي فديت أخوي الحلو أنا ، أنتا أحلى واحد ولا تزعل
محمد شق الويه بضحكه روعه : ادري وربي ،
أم جاسم : أقول يلاا عااد سكرو السالفه ، وراكم مدارس وإنتي يافجر حضرتي درس اليوم؟
فجر : هاا ؟ إي يمه حضرته ، و إلا صج وين يوسفوو وعبود ؟
أبو جاسم : : إسمه يوسف ، والله ما ينلام ولدي إذا تعقد @@ ..
فرح : صج وين يوسف و عبدالله ؟
أم جاسم : يا حلوهم تريقوا وراحو مبجر ..
محمد : والله غريبه يروحون مبجر،يمكن مواعدين والله ما يندرى ..
فجر : لا حبيبي أخواني ما عندهم مثل سوالفك .
محمد : أقول تسكتين ولا أذبحج الحين ؟
….. : منو يتجرأ يمد إيده على فجوورتي ؟
شوق : ههههههههه ، فديت المدافع آنا و آنا شنو أعني لك ؟
جاسم باس راس أمه وأبوه ، ويقول لشوق : إنتِ أحلى إخت بالكون ،
فرح بزعل : حرام عليكم نحن هناا ، ولا ما ننشاف
جاسم : هههه إنتِ عاد شي ثااني .
فرح مستحيه : أدري والله أدري
…..: صباح الخير ..
الكل : صباح النور .
شوق : هلا تهااني تعالي شوفي ريلج العزيز يقعد يغازل " My sister’s من صباح الله خير ، الحين بيدامون وبينسون كل شي ،
تهااني : هههههههههههههه ، يا حلوه يفتح نفسيتهم من الصبح ،
محمد : وأنا شدعوه ما يفتح نفسيتي ،
جاسم : أقول إنت إسكت بس
فجر مطلعه لسانها لمحمد : إحم إحم :p
محمد : أراويج إنتي ، شغلج بعدين ….
شوق واهي تشوف ساعتها : وي تأخرت عالجامعه ، يلا " Good Bye
محمد : و حتى أنا أستأذن عندي محاظره .. مع السلامه ،
أم جاسم : يلا فروح و فجور وراكم مدرسه ، روحو مع السائق و إخذو الخدامه .
فرح و فجر : أوكي يماا "
راحو باسو راس امهم و أبوهم : يلا بااي / Jole , Come we want go school
جولي : Okay,MDAM
جاسم : يلا يالغالين أستأذن ، بروح الشركه وراي شغل ، تهاني يلاا عشان أقلج ع دوامج .
تهاني : يلا بروح إييب جنطتي ، ،
أبو جاسم : عن إذنج أنا رايح الشركه وراي شغل ،
أم جاسم : أذنك معاك ، دير بالك على نفسك ..
فـ بيت أبو فواز ،
طلال ومرام نازلين من الدرج ، و بيروحون يصبحون ع أمهم وأبوهم ،
على طاولة الطعام :
أم فواز : ساره يلا عاد بسج كلام روحي المدرسه ،
أبو فواز : عدل كلام أمج يلا روحي ،
سارة : تو الناس ، الساعه سبع ،
فواز : سااره بلا دلع ويلا قومي روحي المدرسه
ساره زعلانه : إنزين الحين بروح ، بااي ،
طلال و مرام : صبااح الخير
أم فواز & أبو فواز & فواز : صباح النور
أم فواز : هلا بالغاليين ، تعالو تريقو عشان محاظراتكُم يماا ..
طلال : إن شاء الله ، تامرين أمر ، إلا صج شفيها ساروه طالعه زعلانه ،
فواز : ما عليك دلع بنات الأخت تبي تتأخر عن السكول
مرام : ههههههه هذي عوايدها كله جذي ، ما تيي إلا بالعين الحمرا ،
طلال : يقولون العين الخضرا أحسن ،
الكل : ههههههههههههههههههههههههههههههههه ..
مرام : إلا صج يما زيود ما إتصل ؟
أم فواز : لا يما ، أمس كلمني .. و إن شاء الله اليوم بتصل عليه /
أبو فواز : خفو عليه مكالمات ، ترى الحين حزة إمتحانات عنده
أم فواز : شسوي؟؟ قلبي مايطاوعني ما أكلمه باليوم مرتين ،
مرام : يماا خلاص عاد ، إن شاء الله بيرجع ومعاه الشهاده ،
فواز : يما لا تنسين الأسبوع الياي طيارته للكويت ، و يتشوفينه و بتشبعين منه ،
طلال : أقول يمه لو أنا سافرت بتكلميني كل يوم ،
أم فواز : إنت ما ينخاف عليك ، واعرف سوالفك
طلال : لو أنا مكاان زيوود جان قفلت فوني عن أزعاجكم ، حدكم مزعجين .
أم فواز : سوها و تشوف إذا ما ييتك و سحبتك و كفختك ،
الكل : هههههههههه
طلال & مرام : يلا نستأذن ، عندنا محاضره ،
فواز : أفف ، محاضرتي مابقى عليها شي ، تآمرون على شي ؟
أم فواز & أبو فواز ، سلامتك ،
أم فواز : ديرو بالكُم ، و سوقو على الراحه مو تطيريون
طلال : من عيوني يمه إذا ما سقت لعيونج حد السرعه ما أكون ولدج
أم فواز : هذا اللي بيذبحني ، والله حدك 80 و لاا أذبحك
طلال : هههه من عيوني يالغاليه
طلال & فواز & مرام | راحو الجامعه ،
مرام مع طلال ، عشان خاطر أمها تخاف عليهـآآ
فواز بسيارته بروحه .
ابو فواز : يلا حبيبتي أنا رايح الشركه ، أخاف أتأخر على أبو جاسم ، تأمريني ع شي
أم فواز : سلامتك ، دير بالك على نفسك ، ولا تتعب نفسك بالشغل
أبو فواز : من عيوني ما طلبتي شي
أم فواز : تسلم لي عيونك ،
أبو فواز : يلا في أمان الله ..
——–
في بيت أبو فارس ..
…..: صباح الخير
أبو فارس & فؤاد & أروى : صباح النور
أروى بدلع : لو مكمل نومك أحسن لك ، ليش إتعب نفسك و تقوم ؟
فارس : أقول سكتي أحسن لج .. ، إلا صج وين أمي
فؤاد : إمي نايمه
أروى : يلا يبا أستأذن بروح الجامعه
تريق فارس و عقبها قام : يلا أنا رايح ، في أمان الله
أبو فارس : بحفظ الله ،
فؤاد : يبا أنا بروح مع السائق المدرسه
أبو فارس : أنا بروح معاك أوديك المدرسه و عقبها أروح الشركه
فؤاد مستانس : صج يباا ؟
أبو فارس : صج يا عيون أبوك ..
——————
بالجامعه " كليه الهندسة "
شوق تتمشى مع رفيجتها هدىومنال .. وتكلم مرام
شوق : هلا مرووم .. شلونج ؟
مرام : هلا شواقه … الحمدلله بخير وانتي ؟
شوق : دوم قلبي ، آنا تمام ،
مرام : دووم حياتي ، شوشو خلصتي محاضراتج ولا لا ؟
شوق : الحين آنا ما عندي توني مخلصه و عقب ساعتين عندي وحده
مرام : خلاص عيل بييج الحين ، منو معاج ؟
شوق : حيااج ، معاي هدى و منال
مرام : وييي يا ثقل طينت هالهدى ،
شوق : هههههههههههههه حرام عليج ، .
مرام : وااي كله اتدفعين عنهاا ، شوشو شرايج تمريني إنتي ؟ مو كله أنا إييج .
شوق : هههه من عيوني وينج بالكفترياا ؟
مرام : إي ، ناطرتج ،
شوق : أوك ، I will come , Good Bye
و سكروا الخط
هدى : شوقووه وين بتروحين
شوق : هههه بروح لمروم بتروحين معاي ؟
هدى : وي ناطرتهاا من الله ، أطفرهاا اليوم
شوق : هههههه حرام عليج خفي شوي
وراحو لعند مراام ..
هدى / 18سنه ’ارفيجت شوق ، مملوحه ، عيونها سودا و شعرها أسود ، تحب اتطفر مرام ، رغم إنها طيوبه
منال / 18سنه ’ ارفيجت شوق ، عاديه ، عيونها بنيه ، شعرها بني ..
بالكفتريا 4 شباب قاعدين ،
فارس & سليمان & هادي & مشاري …
سليمان : فروس إنت من صجك هذي بنت عمك ؟ اللي قاعده هناك ؟!!
فارس : إي بنت عمي شفيها ؟
هادي : والله حلوه
فارس : أي حلوه ؟ بالله عليك هاذي حلوه ، خلها عنا ، مشاري بشنو سرحان؟
مشاري : هاا ؟ آآه يا فروس في وحده ماخذه عقلي ، أحاول أكلمها مو راضيه تعطيني ويه شسوي ؟
سليمان : حلوه اللي تتكلم عنها ؟
هادي : كااااااااااااك من صجكم مشاريوو ما عنده ذوق بالبنات خلوه عنكم
فارس : والله هالبنت ماكله عقله ،
دخلو شوق و هدى و منال الكفتريا وراح لعند مرام
شوق غمضت عيون مرام ،
مرام : شوشو مو ؟
شوق : هههه شلون عرفتي ؟
مرام : أنا ئلبي دليلي
شوق : ههههههههههههههههههههههههههههههههه إنتي للحينج على هالسالفه .
مشاري : شباااب لحقو علي
سليمان : شفيك بعد ؟
مشاري : كاهي هناك مع بنت عمك يا فروس
فارس : منو اللي هناك ؟
مشاري : اللي ماخذه عقلي و قلبي وروحي و كيااني .
فارس لف ويهه ، وهو يقول : أي وحده ،
مشاري : اللي لابسه بلوزه مخططه
فارس راح فيها : آآآآآآآآآآآآه يا حلاتها
سليمان و هادي : والله أحلى من الحلوه
مشاري : مو قلتلكُم ما أنلاام فيها
فاارس قعد يفكر شلون يكلمها و خطرت على باله فكره : لقيتها
الشباب : شنو
فارس : تبوني أكلمها .
سليمان : بالله عليك شلون ؟
فارس واهوا يبتسم بمكر : إهيا مو قاعده مع بنت عمي ؟
الشباب : إي
فارس : بسيطه أروح أسولف مع بنت عمي و أكلمها ..
الشباب : والله مو هين
فارس : أعجبكُم ، يلاا بروح أكلمهاا ، آآه يا قلبي ..
فارس راح للطاولة اللي فيها شوق و مرام
وقرب منهم و قال : هلاا مرام ، شلونج ؟
مرام مستغربه : هلا فيك فارس ، الحمدلله بخير و إنت شلونك ؟
فارس : تمام بشوفتج ، إلا صج منو معاج ؟
مرام تكلم نفسها " فهمت قصدك يا فروس تبي تتعرف على شوق ، ههههه بالأحلام إذا عطتك ويه " : هذي ارفيجتي شوق ، أبوها إرفيج إبوي ويعرف أبوك ،
فارس " دآآم نعرفهم شلون ماشفتها آآه يا قلبي بس " : هلا شوق ، شلونج ؟
شوق " والله ما عندك سالفة " : تمام الحمدلله ..
مرام طرت في بالها شغله : فارس حياك إقعد مو غريب ،
فارس : أخاف أزعج الحلوـ..ه أقصد الآنسه شوق
شوق " ياليل مطولك " : ولو عادي و تقدر تقولي شوق بدون آنسه
فارس : اوك .. شوق إنتي عندنا هني بالقسم ، لإني أول مره أشوفج ؟
شوق : ههههههههههه ، لا أنا من كلية الهندسة ،
فارس " فديت الضحكه و صاحبتها " : آها ، ليش هندسه ما دخلتي قسم ثاني .
شوق " أففففف هذا ماراح يخلص :@ " : إمم مادري ، بس نسبتي إتذخلني فقلت أدش
فارس " آآه ياقلبي عالاسلوب " : اهآ ، الله يخليج لأهلج ولي آآ !! أقصد لآحبابج يارب
شوق " يغازل أشكره صج قليل أدب " : مشكوور ،
مرام بخبث " آرآويك إذآ ما أحرجتك " : صج فارس ما عندك شغل ؟ ولآ بتقعد طول اليوم تسولف عندنآ ؟
شوق فيها ضحكه ماسكتها
فآرس " آراويج يا مرامو " : لوول ، لا عندي شغل ، يلا أستأذن ، فرصة سعيده يا شوق ،
شوق " هههههههههه " : تشرفت بمعرفتك .. .
فآرس راح عند الشباب ويغني .. " صدفـه "
——-
عند أروى ،
شذى : أروى رحتي حفلة صالحه أمس ؟
أروى : لاا مارحت ، أبوي كان بالبيت و فروس وماقدرت أطلع ،
شذى" فديت فارس أنا " : إلا صج شلون فارس ؟
اروى : تمام .
شذى : يلا خليناا نروح نتسوق و المحاضره طااف
أروى : سوري ما اقدر هالمحاضره بالذات ما اقدر أطوفها ..
شذى عصبت : ااففف منج خلااص بنحضر هالمحاظرة
——
عند فرح و سارة ..
سارة متضايقه : فروح أقولج ما شفته صار لي شهر
فرح : وي صدعتيني بهالولد اللي تحبينه .. ودي بس أشوفه ،
سارة : إذا جفتيه بتموتين عليه ، إيـنن ..
فرح : إهوا معانا بالسكول ؟ ( مدرسة خاصة مختلط )
سارة : إي :$
فرح : وينه بجوفه ؟
سارة : هههه أوكي تعالي معااي ..
راحو فرح و سارة لصف فؤاد /
سارة : فروح جووفيه هنااك وااي حده زوغآآ
فرح : أي واحد فيهم ؟
سارة : اللي قاعد عالكرسي ،
فرح " وااي يهبل " : حده روعه صراحه ما ألومج
سارة : سكتي أهوا ما يدري عني أصلاً ولا حاس فيني
فرح : قولي له يا هبله إنج تحبينه
سارة : فروح لا تعورين قلبي ، إهو ما يحب أي بنت ، وتتوقعين من كل هالبنات بيحبني ؟
فرح تحاول بسارة عشان ما تبجي : ساارونووه منو يقول إنج مو حلوه هاه ؟ إنتي أصلاً أحلى بنت
سارة حمرت خدودها : يا جذابه بس سكتي ترى أصدق
بهاللحظات ، إنتبه " فؤاد إن سارة تبجي ، راح لها يجوفها شفيها ؟
…. : سارة شفيج تبجين ؟
سارة فز قلبها : هاا هلاا فؤاد ، لا مافيني شي ؟
فؤاد إنتبه عالبنت اللي يابت لسارة ماي وتقدرون تقولون إنعجب فيها
فرح : ساروه هاج شربي ماي لحد يشوفج تبجين وبعدها يقولون أنا طاقتج ،
سارة " فضحتيني سكتي " : إحم إحم و تأشر بعيونهاا لـ وراا ،
فرح لفت ويهها إلا تشوف فؤاد مبتسم لها إنصدمت وتقول " ليكون سمع كلامي يارب لا لااء " : آآآآآآآ ، أنا فرح إرفيجت سارة
فؤاد : هلا ، أنا فؤاد ولد عمها ،
فرح : إي إنت فؤاد قالت لي عنك ساره . .
فؤاد إستغرب وقال "شكو" : هاا ؟ شقالت عني ؟
فرح توهقت : هااا ؟ إرفيجك ينااديك
فؤاد لفت ويهه و رد جاف فرح إلا مالقاها إبتسم من قلب…
—–
شوق راحت مدرسة فرح و فجر تآخذهم هالمره : فجور فروح ،
سارة : فروح هذي مو شوق أختج ؟
فرح : لا شوقوه ما تيي لنا تآخذناا
سارة : طالعي وراج مو شوق ؟
فرح لفت ويها : إي والله شوقوه شيابهاا ؟
راحت تنادي فجر الا تلاقيهاا ورى شلة فؤاد إنحرجت بس تحملت ،
فرح : فجوور فجوور يلا بنروح شوقوه يايه تاخذنا
فجر : عيل السائق وينه ؟
فرح " أوف يهالبنت انفضحت بسبتها " : مادري تعالي يلاا ..
فؤاد إبتسم وعرف إنها منحرجه ،
فجر راحت لفرح و ركبو السياره و كانت [ جيب بروش ] سيارة شوق ،
شوق : هلاا بخواتي ..
فرح : شوقوه غريبه يايتناا وين السائق؟
شوق : بالبيت بس حبيت انا أييبكُم و أغديكم برآ وين تبون ؟
فرح طايره من الفرح و فجر بعد
فجر : شرايج نروح " فرآيدايز – الأفنيو "
شوق : أوكي من عيوني ومره وحده أشتري الجنطه اللي شفناها بـ Guess
فرح تبوس شوق : فديتج أنا والله
شوق : وي إستحيت :$
راحو تغدو ورجعو البيت ،
محمد : الآنسات وين كنتو ؟
شوق : كنا نتغدى بالمطعم ، ليش صاير شي ؟
محمد : لا بس مستغرب ،
شوق : آهآ حبيت أطلع " My Sister’s تدري إنت شكثر أحبهم
محمد : إي ماشاء الله الحب وااضح
شوق : حموود باجر أنا عازمتك على حسابي غدا ، أوك ؟
محمد : دام على حسابج أكيد المكان شي ..
شوق : إي بغديك بالأبراج ، تبي عشا ولا غدا ؟
محمد : لا خليها عشا أحسن
شوق : أوكي حبيبي ،
محمد : فديت اختي والله
شوق مستحيه : ترى ما أقدر وربي :$
فرح & فجر : ههههههههههههههههه عاشت الدور
—-
فـ بيت أبو فواز ، ، . .
عايلة أبو فواز تتغدى ،
طلال : ساروه عطيني العصير ،
سارة : تفضل . . .
—–
فـ بيت أبو فارس ، ، . .
فارس توه داش البيت وأمه كانت قاعده تسولف بالتيلفون : السلام .. يما أكو غدا ؟
أم فارس : وعليكم السلام . . لا ماكو غدا ..
فارس : عسى ما شر ؟
أم فارس : أبوك قال بيتأخر ، و أروى تتغدى مع صديقتها . و فؤاد ما يبي ..
فارس : وأنا ما تسألون عني أبي ولا لا ؟
أم فارس : أقول فارس إذا تبي روح للطباخ و خله يطبخ لك .
فارس : هذا اللي بيصير ..
أم فارس ما اهتمت له وو ردت للتيلفون تسولف ..
—–
فـ بيت أبو فواز ، ، . .
الكل يطالع التلفزيون و فجأه رن التيلفون , ورفعت السماعه " مرآم "
……….. : ألـوو ؟
مرام منصدمه : ه ه ه ه ه ه ـلا ا ا ا ..
__________________________________________________ ______
يعطيك الف عافيه
بالتوفيق ^^
،
بارت حلو ننطرك وارجو ان تبلغينا متي بتنزلي البارت
يعطيكي العافيه غاليتي
منو هالشخص اللي كلم مرام ؟
…
فؤاد هل حب فرح ؟ ولا بس إعجاب ؟
اتووقع بيحبها
ساره هل راح يكون لها نصيب من مشآعر فؤاد ؟
اممم مدري بس ماظني )ترحم ساروونه
فؤاد هل رآح يحب ساره أم فرح ؟
فرح
ساره هل راح تعترف له ؟
لا اتوقع ان فؤاد بـ يحب فرح وبيقول لـ ساره انه يحب فرح>$شعوور لا يووصف
فارس حب شوق ؟ ولا بس بيلعب ؟ وشنو تتوقعون يصير ؟
بيحبها
ننتظر البارت خيتوو