روايتي الأولى : عادة الدنيا على العاشق تميل 2024.

"ســــــعوديه من الصــــــميم "

{ روايـــتي الاولى }

لـــ: جبرك الوقت ترجعلي

طبعا هذي المره نزلتها بعد التعديل..!!

وارجو الابتعاد عن الردود السطحيه الي تخلي الكاتب يكره نفسسه ويفقد متعه الكتابه
يسسلمو ..الروايه رووعه ,, كملي …

في انتظارك

هذي الردود تخلي اللي يكتب .. "يعزف عن التكمله "

ومن الحين اوعدكم ان شفت ردود وتفاعل اكمل معكم لااخير باذن الله …!!!

بأسمك اللهم آبدأ

ببيت ابو عبد العزيز

ابوعبد العزيز

ام عبدالعزيز

عبد العزيز 28سنه" انسان حكيم عاقل يدير شركه العايله و خاطب "

فوزيه 25سنه"متزوجه عندها ولد اسمه سعود عمره اربع سنوات "

بدر 23سنه" على حسب المزاج يشتغل في القوات المسلحه "

دلال 21سنه" انسسانه رايقه درست نص ترم بالجامعه وتركتها "

نجلا20سنه" ترهق نفسسها احيانآ في ذكرى نعرفها مع الاحداث مخلصه الثانويه وقاعده بالبيت "

متعب 20سنه" انسان عايش حياته "قريبا بيشتغل مع عبد العزيز وصديقه الروح بالروح ولد عمه مشعل "

***
عايله سيف

ام سيف

سيف 28سنه" يشبه ولد عمه عبد العزيز في طريقه تفكيره متحمل مسوليه اهله من بعد وفاه ابوه يدير الشركه مع عبد العزيز "شركه عائليه "

طلال 25سنه" يشتغل في بنك "

ريم 21سنه"عفويه وبسرعه تفقد اعصابها تركت الجامعه مع دلال بنت عمها "

مشعل20سنه " نسخه عن متعب في كل شي قريبا راح يشتغل معهم ويحسب متعب اخ مو ولد عم "

***
عايله نايف

ام نايف

نايف 25سنه"يشتغل في بنك مع صديقه طلال "

فواز 24سنه"مسافر يدرس في كندا "

غاده 21سنه"في الجامعه "

رهف 20سنه"في الجامعه "

***
عايله سلمان

ام سلمان"اخت ابو عبد العزيز وابو سيف وابو نايف "

سلمان 27سنه"مدرس ثانوي كيميا "

فهد24سنه" عايش في عالمه الخاص يشتغل مهندس "

عليا 22سنه"تاركه الدراسه من ثاني ثانوي وحبوبه "

***

والكثير من الشخصات نعرفها من الاحداث

******

_مشت بخطوات ثقيله و رمت نفسسها على اول كرسي قابلته …

دلال :_ان شالله بعد المغرب _ لامو مجموعه ثنتين اممممم ثلاث _باذن الله بس لاتتاخرين _مع السلامه

دلال مسكت راسها :اووووف مابغت تقول موافقه هالكوفيره "ناظرت فيها ":
هيه نجلا اكلمك
نجلا "لفت راسها بعدك مبلآه وابتسمت " : الهم انها بتجي..امممم شكلي بنام
دلال وهي تقوم وتعدل تنورتها السواد الميدي مع تيشرت اورنج :. اوكيه نامي وانا بسوي لنا حلا خفيف ريم بتجي

نجلا بدات تستوعب : ريموه بتجي كان قلتيلي

دلال : هه قلتلك شكل النوم طار قدامي على المطبخ
نجلا : اوكيه "ومدت يدها "
دلال "وهي تسحب يدها ""حشى عجوز موب بنت
***
مشعل : على وين العزم ان شالله
ريم وهي تقفل باب غرفتها :بروح لبيت عمي وابي واحد منكم يوصلني" وابتسمت بخبث" :انت بالذات

مشعل يتكي على الدرج: هه انا بذات يقالك تعذبيني سيارتي عند واحد من الشباب وبعدين ليه تروحين هاه,,!! توك
جايه من يومين

ريم نتاظر بطريقه كانها بتدخل في وجهه وبصوت هادي :مالك شغل
مشعل :هه دامه كذا تحلمين والله ماوصلك

ريم :اصلا مانويت انك بالمره توصلني الا سيف موجود
مشعل: موجود في مكتبه
ريم :كيف مزاجه لايكون معكر.!!
مشعل :لاابشر ك دامه مقابل كومه الورق اكيد مروق هو اصلا خلقه ماينرفز
كيف يعكر مزاجه ..!

ريم :مدري … "ومشت " اجل يالله بروحله

وصلت لمكتبه في جهه مستقله من البيت

دقت الباب

سيف : تفضل

طلت براسها بشكل طفولي

ريم : مشغول

سيف هو ينزل نظاره القراهء :لا تعالي

جلست على الكرسي القريب من مكتبه

سيف :وش عند الريم "وابتسم "

ريم :بنات عمي جايبين كوفير وابي اروح عندهم

سيف "مسك قلمه ورجع يكتب على الورق ":والله ماعرف لحركات البنات هذي محتاجه فلوس

ريم بسرعه :لالاعندي بغيتك توصلني

رفع راسسه وعقد حواجبه :الحين

ريم : اذا مشغول عادي

سيف ناظر في ساعه جواله : دقايق واخلص

ريم:لاعادي اذا مشغول يوصلني مشعل بس عطني مفاتيح السياره سيارته مو

معه

سيف : اجل خلاص "ومد يده اللدرج وفتحه وطلع المفتاح فتح بوكه وطلع لها فلوس "

سيف :ريم

رفعت راسها : نعم

سيف :اخذي"مد لها الفلوس "

ريم بتردد:معي

سيف مد يده مره ثانيه: خذي

ريم :مابي

رفع من حده صوته : خذيها يالله

اخذتها :الله يطول بعمرك ياخوي

ابتسم لها : بعدين ذا عطيتك شي تاخذيه ما ابيك تحتاجين لاحد وانا موجود

ريم :ماتقصر

***
فهد :علو بسرعه كاس المويه

عليا :ثواني وجايه

فهد "ضرب برجله ":بسرعه يابنت وراي نادي

عليا وكاس المويه في يدها :مايحتاج نادي جسمك رياضي ويهبل

فهد :قولي ماشا لله" شرب من المويه" ياحبكم يالحريم للقرقه براحتي

عليا : كيفك ماقلنا شي ياليت لو تسجلني في نادي لسيدات

فهد ضحك وهو بشرب مويه :قويه لسيدات

عليا :خير وش شايف

فهد وهو يعطيها الكاس : شايف قدامي ابو علي

عليا وهي تهز راسها : ليه سواق باص اااه يحق لي اتاثر بنت بين ولدين يابش مهندس

فهد مسسك قلبه : قطعتي قلبي .. "نزل كابه الابيض المموج بالرمادي ومسسك شنطته ": يالله انا طالع تامرين بشي

عليا :ايه ابي عسكريم

فهد: اول اسمه عسكريم الحين اسمه ايس كريم

عليا :المهم جبلي كونزون مو ابو نص

فهد : هه مشكلتك عارفتني

***
وقف سيارته عند بيت عمه

مشعل "نزل النظار لعند خشمه وبانت عيونه " : وانتي نازله نادي متعب

ريم "بعناد ":بس سيف قال نزلها وتعال

مشعل :اقول لايكثر ناديه بسرعه

ريم :ترى بكلم سيف واقوله

مشعل :لايهمك انا اريحك من الهمه وابلغه انزلي بسرعه الشمس احرقتني "واشر على الباب "

ريم وهي تنزل : يالله مع السلامه

مشعل : طيب مع السلامه ويا ليت تستعجليه

دخلت بيت عمها

وصلت الصاله الواسعه اللي يترواح اثاثها بين الذهبي والبني "نزلت غطاها"
ريم :"بصوت واضح " :ياهل بالبيت

لفت يمين يسار محد موجود مشت لين اول درجه

نجلا: مرراحب
ريم "وهي نتاظر لورى": اهلين ..وينك مارديتي علي

نجلا "وهي تقدم كاس المويه ": اشرب مويه

ريم : بالعافيه اممم جت الكوفير

نجلا : لا للحين تعرفين مواعيدهاا

ريم : ازين علشان نقعد مع بعض لين ماتجي الآ دليل وينها

نجلا : تاخذ شور"ومششت " خلينا بغرفتي لين ماتطلع

ريم : اوكيه " وكانها تذكرت:" نجلا بلغي متعب مشعل ينتظره في اليساره

نجلا : طيب روحي للغرفه وانا ابلغه واجي

***
ركب سيارته وانطلق فيها الابجواله يدق

استغرب من الرقم الغريب

عبد العزيز :نعم

جاه صوت انثوي كله دلع :عبد العزيز

قطب حواجبه: من معي

لفت للجهه الثانيه : ماعرفتني

عبد العزيز :ليه انا اعرف غيرك علشان اعرفك ..!!

_: اووه ريحتني انا سلمى

شد على الدركسون: اهلين

سلمى :كيفك اليوم حبيبي

عض على شفته بقوه :بخير

سلمى :طيب امممم انا بخير ليش ماتسال

عبد العزيز : مايحتاج سالتي وجاوبتي
سلمى :ليه تعاملني كذا ماكاني خطيبتك زوجتك على فكره ترانا مملكين اذ كنت ناسي
عبد العزيز:لا ماني ناسي بس مشغول
سلمى: من الحين مشغول وشلون بكره
قاطعها :سلمى معي خط مهم
صرخت بدلعها :اوووف ماهي حاله شوفني ميته حيه اسال عني

عبد العزيز:ماتنافخين في وجهي فاهمه

يالله مع السلامه وقفل

سلمى "نتاظر في هيفا صديقتها ":اوووف قفل

هيفا :قايلتلك من الاول مالك فيه ياسلمى وماطعتيني
سلمى:ماتوقعته كذا جلف كانه جدار موادمي

هيفا : عيني بعينك انتي ماخذته علشان اللي عنده وعند ابوه

سلمى ضحكت :تفهميني دوم ياهيفا فيه وحده صاحيه ترفضه مال وجمال وعز بالعربي ترفض ولد" ال ……"

هيفا"وهي تضرب على صدرها " :ياويلي ياسلمى داخله على طمع

سلمى"وقفت قدام مرايتها واخذت لها قلوس وبدت ترط به شفايفها " :تقدرين تقولين وصدقيني لو مافيه من الصفات هذي ماقبلته

من زين الاخلاق ." ":يالله فلوسه بكره تعزني وترزني واقهر بنات خلاتي

اللي كل وحده زوجها ماليه فلوسه البنوك

هيفا تعدل جلستها :سلمى انتم ماشا الله عليكم عندكم خير ليه الطمع اهم شي راحه البال اذا هو على قولتك ان اخلاقه مو ذاك الزود كنسلي

الفلوس مو كل شي

سلمى :هههههاي تصدقين انك نكته زيادت الخير خيرين وبصراحه بعد شكله عاجبني ناويه اقهر فاتن بنت خالتي

هيفا باساء:الله يعينك على تفكيرك يعني ماتحبينه ..!!!