لين بصوت عالي: بابا .. بآبآ .. بآآآآبآ ..
أبو لين: ههلا ههلا بابا وش فيك؟؟
لين وهي تعطي ابوها الشهادة وتضمه : بابا نجحت نجحت شوف نسبتي 98 % واخيرآ خلاص خلصت الثانوية ..
ابو لين والفرحة مو سايعتة بنجاح بنته الوحيدة : مببرووك يبه مبرووك عقبال مأ تحققين حلمك وتصيرين احسسن دكتورة بالسعوديةة .
لين بفرحةة : ان شاء الله يبه ان شاء الله اوعدك هالحلم ماراح اتخلى عنه وبسوي كل شي عشان احققه .
" لين انسانةة طموحة حلمها تصير دكتورة .. حساسةة .. دلوعة ابوها وطبعا لانها الوحيدة عمرها 18 سنةة .."
أبو لين : كل شي بحياته لين امنيته سعادتها قضى عمره كله عشان راحتها . ومع الوقت صار اكبر تاجر بالسعوديةة "
بنفس مدينةة الرياض لكن ببيت ثاني :
جمانةة نايمةة او بالاصح تمثل انها نايمةة ..
دخل نواف اخوها وبصوت منخفض: جمانةة قومي بسرعةة بسررعةة قومي بقول لك شي ..
جمانةة وهي تمثل النوم : اممم نواف وش تبي .. خل موضوعك لبعدين مافيني اقوم ..
نواف : جمانةة اخلصي قومي والله بقولك شي ضروري ..
جمانةة: …………..
نواف بخبث : بكيفك كنت ناوي اقولك عن فهد ولد خالتي وش يبي بابوي تحت …
جمانةة وقلبها دق بسرعةة من سمعت اسم فهد .. : وانا وش دخلني بفهد قلت اطلع خلني انام ..
نواف طلع وهو يتحلطم وموب عاجبه انه ماقال لجمانة السالفةة ….
" جمانةة : عنددها الدنيا كلها هبال تحب الضحك والناس الهاديةة بنظرها ماعندهم سالفةة .. رغم هبالها لكنها رومانسيةة تعشق فهد ولد عمها وتدري انه يحبها بس هو ما يعرف عمرها 20 سنةة "
نواف " شخصيتةة مشابهه لشخصيةة جمانةة بس الاختلاف انه بجهه والرومانسيةة بجهةة ثانيةة "
بعيد عن هالاجواء وعن هذا كله .. بغرفةة كبيرةة .. تضم كثير من الأسرَه ( جمع سرير ).gif "Graaam (314)")
كل سرير فيه انسانةة لها قصتها الخاصةة .. لكن بينهم وحدةة قصتها غير .. غير عن كل اللي معها .. حنين كانت بدار الايتام طريحةة بين كثير منهم .. ماتدري هي مين وبنت مين و شنو قصتها.. كيف وصلت لهالمكان اصلا .. اسئلة كثيرة كانت ببالها .. وهي متأكدة جواب هالاسئلة راح تلاقيها عند شخص واحد .. شخص واحد بس .. اللي كل يوم اثنين تصحى من النوم تلقى منه رسالة .. ما تدري ليه هاليوم بالضبط بس كل اللي تعرفه انها تنتضر هاليوم عشان تقرا جملته ..
…
دق منبه جواله ع الساعةة 3 الفجر وفزع من نومه بسرعةة وهو بايده ورقةة .. اخذ مفتاح سيارته بسرعةة وطلع متجه لدار الايتام …. بعد مشوار ثلث ساعة بالطريق وصل .. بعد ما تأكد انه متلثم ومو واضحةة ملامحه كثير نزل متجه لموظف الاستقبال واعطاه الورقةة ووصاه يوصلها لحنين بيدها مثل العادة و من غير لا يذكر لها أي شي عنه وهذا يكون بدون علم ادارة المركز .. وطبعا هذا بمقابل مبلغ مالي من هالشخص للموظف ..
بعد مآ اشرقت شمس صباح الاثنين صحت حنين من النوم وههي تنتضر موعد الفطور اللي كان الساعةة 8 عشان الكل يروح لصالةة الفطور وهي تاخذ الورقة من الموظف .. باقي نص ساعةة ع الوقت وكانت تنتضرها على احر من الجمر ..
………………………..
ببيت ابو سامي..
فهد : يبه ما دق عليك عمي ابو نواف ..
ابو سامي : وين يدق علي يا فهد الله يهداك تونا الصبح وبعدين ما مداه كلم بنته ..
فهد بتوتر : طيب يبه اذا ما دق عليك اليوم انت دق عليه ..
ابو سامي : يا رجال اركد وش فيك انت .. بس على طول يكلمها اليوم على طول ترد ..
فهد : خلاص يبه خلاص سو اللي تبي ..
. ام فهد دخلت : السلام عليكم ..
فهد : ههلا هلا يمه صباح الخير .
ام فهد :صباح النور يمه شلونك ؟
ابو فهد : تعالي يا ام فهد اجلسي الله جابك ..
ام فهد : خير يابو فهد وش صاير ؟
ابو فهد تعالي فكيني من ولدك ذا جاب لي الشيب من حنته ..
ام فهد وهي تطالع فهد : خير يمه فهد وش فيك ..؟
فهد : يمه زين انك تكلمتي تعالي كلمي ابوي عشان يكلم عمي بو نواف شوفي وش سوا مع بنته ..
ابو فهد : لا حول…
ام فهد وهي تضحك : ليه مستعجل يمه اصبر ميب طايرة البنت .. صدقني هي ماراح تلقى رجال احسن منك . وخدها مني اكيد بتوافق ..
فهد بفرحةة : جد يمه يعني هي قالت لك ..
ام فهد : لا وش قالت لي .. بس اكيد بتوافق وين بتلقى احسن منك ..
فهد بخيبةة : ان شاء الله يمه الله يسمع منك ..
" ابو فهد : رجال طيب والزم ما عليه راحة عياله .. بس انه بسرعةة يعصب ويزعل . بس كمان بسرعة يرضى "
ام فهد : حنونة تتحب عيالها كثير .. بس مرره تحب المظاهر .. طبعا مو مغرورة بس يهمها شكلها واسمها كيف يكون "
فهد"رجال بمعنى الكلمةة مره طموح له هيبةة وطبعا هيبته هذي كلها تختفي بس يشوف جمانةة عمره 25 سنة "
……
نرجع لمركز رعايةة الايتام "
بعد ما مرت النص ساعةة : وبعد ما تجمعوا البنات على طاولة الطعام كلهم كانوا يتساءلون وين حنين وليه دايم بهاليوم تتاخر عن الفطور ..
نورهه : انا بروح اشوفها ..
البنات : اوكي بس مو تطولين معها .
نوره : اوكي .
نورة كانت واقفةة ورآ الباب بعد ما سمعت حنين تبكي "
اما داخل الغرفةة حنين كانت تبكي .. تبكي كل شي .. تبكي حالتها .. تبكي المكان اللي هي فيه .. تبكي خوف من مستقبلها .. وتبكي هذا الشخص اللي ما تعرف عنه شي .. كانت رسالته هذي المره " لا اعلم بأي ذنب طرحتي بذلك المكان .. واعلم انك لا تعلمين ذلك ايضا .. ولكن سيأتي يوم وتتحررين منه .و انا معك . ولن اخذلك مهما طال الزمان .. اعدك بذلك . فلا تيأسي " الاثنين /25/ 1/ 1445هـ
بكت ححيل وهي تتذكر رسالته .. تتمنى تعرف من هو .. ومتى بيحررها من هالمكان
يايــمـه أنتي مــو أمــي أنـــا أمــي ما تخلينـــــي
يايمـه أسـألي سجـودي بأعلى الصـوت يدعيني
يايمـه أسـألي ركـوعي مـن حــالي بيرثينـــي
يايمـه أســألك أنتــي الى يومـك تحـبينـــي
يهـون عليك يايمــه بثـوب العــار تكسينــي
يهـون عليك هالعـالم لقيط الدار يسمينــي
….
كمان بنفس منطقة الرياض .. لكن بعايلة ثانيةة غير هالعايلةة ..
ام روان وهي بالصالةة مع بناتها روان وربا ..
روان وبيدها فونها : يمه يمه ..
ام روان : هلا يمه
روان : تذكرين هذيك لوجين اللي كانت معي بالثانوي ورافعة خشمها على ولا شي .
ام روان : ايه يا شين ما طريتي وش فيها ذا القشرا ..
روان : تخيلي يقولون انخطبت .. يعنني هذي الخايسة تنخطب وانا روان لآ ..
ام روان : ماعليك منها بيجيك الاحسن منها .. تلقينها طاحت بكبد اهلها واول واحد خطبها عطوه هي ..
روان : ايه وانتي الصادقةة .
ام روان : انتي اهم شي خلك مع صديقتك لينا بنت بو سامي .. عشان ان شاء الله تخطبك لاخوها فهد …
روان : ان شاء الله يمه الله يسمع منك واخد فهد ..
……………………….
يوم الجمعةة .. تحديدا بعد صلاة الجمعةة .. طبعا الكل يجتمع ببيت ابو لين وهذي عادتهم لان ابو لين اخوهم الكبير ولان ببيته امهم اللي هي ام ابو لين وابو سامي وابو نواف وابو متعب اللي بعد ما تكلمنا عنه ..
..
عند الحريم .. " ام لين – ام سامي – ام نواف – ام متعب "
ام سآمي : الا ما رديتي علي يآ ام نواف على موضوع فهد وليدي ..
ام نواف مبتسمةة : والله يا ام سامي كلمتها وقالت بترد علي وللحين ما ردت بس شكلها موافقةة ..
ام سامي : الله يبشرك بالخير يا ام نواف .. بلآك ما شفتي فهيد وش سوا فينا انا وابوه ..
ام نواف وهي تضحك : الله يوفقهم ان شاء الله ..
ام سامي : آممين .. ان شاء الله نجيكم يوم الاحد ..
ام نواف : على خير ان شاء الله ..
……………….
عند البنات : " لين – لينا-جمانةة- وامجاد اشواق اللي هم بنات ابو متعب"
لينا برجه : ها لين ما قلتي لنا وش نتيجتك ولا جايبةة العيد وما تبين تعلمين ..
لين وهي تضحك : خليت الاعياد لك .. الحمد لله نجحت نسبتي 98 % ..
جمآنةة : مالت علينا احنا .. ناجحين بالثانوي وسنةة اولى جامعة ع الحفةة ..
اشواق وهي تضحك : وانتي الصادقةةة .. خليها مستانسةة بدرجاتها بلاها ما جربت الجامعةة . احنا ادبي وجايبين العيد مدري كيف هي وهي علمي ..
لين : كثير قالوا لي الجامعةة كرف .. بس ان شاء الله انا بحقق حلمي وحلم ابوي وبصير احسن دكتورة بالمملكةة ..
امجاد : خلوها خلوها بدينا بالمثاليةة حقتها ..
لينا : خليها مع مثالياتها (كملت وهي تقلدها ) وبحقق حلمي وحلم ابوي .. انا اصلا ما علي منها .. الزم ما علي مرت اخوي ..
البنات كلهم بصدمةة : مرت اخوك …!
جمانةة نزلت راسها بحيا ::
لينا : ايي ما قلت لكم فهيد اخوي خطب جمانةة .. بس هي ما بعد ترد يعني ينقالها تفكر ومستحيةة ..
البنات كلهم لفوا على جمانةة : !!
جمانة انحرجت اكثر بنظرات البنات لها ..
اشواق : او او وش عليها اللي بتصير حرم فهد الــ
ليين : ونااااااسةة اخيرا في وحدةة مننا بتتزوج ..
جمانةة : وشو بتزوج على كيفك قررتي .. طيب يمكن ما اوافق ..
لينا بصدمةة مصطنعةة وهي تشهق : ليه ليه ما توافقين وش فيه اخوي ان شاء الله .. ( وكملت وهي تدري انها تحب فهد ) تشوفين وربي لا اقوله انك قلتي كيذا ..
جمانة تششهق : وش تقولين له يا قليلة الحيا ..
لينا وتطلع فونها : اصبري اصبري تشوفين بدق عليه اقول له ..
جمانةة : لا لا لينو حبيبتي انتي ..
لينا وهي ترفع حاجب : بشرط ..
جمانةة : آممري ..
لينا : تقولين احين انك موافقةة وقدام البنات .. عشان ادق ابشره ازعجنا فيك ..
جمانةة نزلت راسها وهي منحرجةة .. صحيح احراج اللي بتسويه بس عندها اهون من ان لينا تدق على فهد وتقول له هالكلام ..
: قالت وهي منزلةة راسها موافقةة ..
البنات قاموا يصارخوون وهم يضمونها كلهم مع بعض لين اختنقت ..
" لينا : بنت مرجوجه بس انها حنونةة من زمان وهي تتمنى جمانةة تكون نصيب اخوها فهد لانهم تقريبا شخصياتهم متقاربةة .. عمرها 20 سنةة "
امجاد واشواق بنات ابو متعب : طبعا مستغربين ما تكلمت عنه … لانه توفى وقت ماكانت ام متعب تولد بامجاد . كان رايح لها المستشفى مستعجل وصار له حادث بالطريق ومات ..
نبدا بـ اشواق
اشواق شخصيتها هاديةة .. خجولةة .. بس مع بنات عمها يختفي هذا كله .. وتبدا هبال معهم ..عمرها 20 سنه "
امجاد :شخصيتها مرحةة .. عفويةة .. بس كثير ما تخجل ببعض المواقف ..عمرها 18 سنةة ."
……….
نهاية البارت الاول ..
اتمنى روايتي كبدايةة اعجبكتم + ابي توقعاتكم ..
واذا في احد بيسالني عن مواعيد فـ ما راح اقدر اجاوب .. مالي موعد محدد .. لاني للحين ماكملتها الروايةة بس الفكره العامة فاهمتها .. وان شاء الله اذا لقيت تفاعل راح اكمل ..
روآية:
روعة
حلوه
وبـآين عليها شوي حزينه(اقصد مع حنين)
ؤبدآيهه موفقه
بيت ابو لين ..
لين تدق باب غرفة ابوها :
ابو لين وهو مشغول بالاوراق اللي عنده : تفضل ..
لين دخلت وهي متردده ..
ابو لين : تعالي حبيبتي وش فيك ..( اشر لها ع الكرسي اللي مقابل مكتبه ) تعالي اجلسي هنا ..
لين جلست : امم بابا نفسي اكلمك بموضوع بس …
ابو لين : بس ايش يا بابا ..
لين : خآيفة ترفض او ما تتقبل الفكرة ..
ابو لين : تكلمي حبيبتي قولي اللي عندك انا مابرفض الا لما يكون لي سبب ..
لين : امم بالنسبةة لدراستي ..
ابو لين وهو يناظرها : ايوآ ..
لين : بابا حابةة اكمل دراستي برآ .
ابو لين سكت ..
لين تكمل : , انا اشوف ان المستوى التعليمي برا بيكون احسن بكثير من هنا .. هذا غير انو هنا مابتوظف بسهولةة لازم يكون عندي شهادة قوية عشان اتوظف بمستوى كويس ..
ابو لين تضايق من فكرة انو بنته الوحيدة راح تكون بعيدة عنه بس ما كان حاب انه يوقف بوجه مستقبلها : والله يا لين اذا كان هذا اللي بيريحك انا مابوقف بمستقبلك .. بس ما قلتي لي وين بالضبط تبين ..
لين بحماس : المانيا .. او بريطانيا ..
ابو لين بتفكير : لا خليك بالمانيا احسن .. لانو انا بكون ببداية الدراسةة هناك عندي كم شغلةة .. بنفس الوقت بكون معك الى ما تستقر اوضاعك هناك وتتعودين ع المكان ..
لين بفرحةة : جد بابا بتكون معي هناك .. (راحت له ضمته ) الله لا يحرمني منك يا الغالي ..
ابو لين : ولا منك ياروح بابا انتي ..
دخلت ام لين مبتسمة وهي تشوف لين وابو لين مبسوطين : دوم هالوناسةة يا رب ..
لين : تعالي ماما تعالي ..
ام لين : خير يمه وش فيك ..؟
لين بوناسةة : ماما تخيلي بابا رضى ادرس برآآ ..
ام لين تغيرت ملامح وجهها : وشو ..؟ تدرسين بره ..! ليه جامعاتنا هنا وش فيها ..؟
لين بخيبةة : لا يمه لا تخربين علي وناستي .. ماكنت متوقعة ماراح ترضين ..
ام لين طبعا ماراح ارضى .. اجل وشوله الدراسةة برا .. جامعاتنا وش زينها ياما خرجت دكاتره ..
لين وهي تناظر ابوها : بابا ؟؟
ام لين : لا تحاولين يا لين دراسةة برا مافي .. تبين هنا ولا مافي دراسةة ..
لين طلعت راحت لغرفتها وهي متضايقةة .. ما توقعت ان امها بترفض هالشي .. امها عمرها ما رفضت لها طلب .. ليه احين وهي بتحقق حلمها ترفض انها تروح تدرس برره ..
…………………
مرت الاجازةة سريعةة بعيون اللي عندهم دراسةة طبعا ..كان باقي اسبوع تقريبا وتبدا الدراسةة … الكل لاهي يجهز للدراسةة … اما بالنسبةة لبيت ابو نواف..
…
ام نواف بغرفةة جمانةة : على خير ان شاء الله اجل بعد اسبوعين ان شاء الله تكون ملكتك ..
جمانةة بتوتر : لا يمهه وش بعد اسبوعين تو الناس ليش مستعجلين علي ..
ام نواف : يا جمانة لآ احنا مستعجلين عليك ولا شي .. بس بهالامور دوم يكون خير البر عاجله .. احنا ما قلنا خلاص عرسك بعد اسبوعين .. بس الملكةةة والعرس عاد حدديه بكيفك ..
جمانةة هي بداخلها مبسوطةة انها بتملك على فهد بس كمان متوتره وخايفةة من فكرة الزواج : خلاص يمه سوي اللي تبين ..
ام نواف بفرحةة وهي تزغرط : الف الف مبروك يا يمة والله يوفقك ان شاء الله ..
جمانة وهي تقوم تضم امها : الله يبارك فيك يممه .. امين ….
…………………..
بعد ثلاث ساعات : ككان الكل مجتمع بالمطار حتى يودعون ابولين ولين وام لين اللي كانت رايحةة معم بعد ما اقنعها ابو لين انها بتروح معهم عشان تتطمن على بنتها هناك لانو السبب اللي كان مخليها رافضةة انو هناك بتكون موب امان ..
كانوا البنات كلهم يودعون لين ببكى .. كانت لين شخصيةة ممحبوبة عندهم ما تحلى جلستهم الا معها . الكل كان متضايق وزعلان لروحتها ..
لينا وهي تسلم عليها وتضمها : الله يوفقك حبيبتي وتوصلين بالسلامةة يا رب ..
لين وهي كمان تبكي : آمين يا رب الله يسلمك ..
جمانةة وهي تبعد لينا وتضم لين : وخري انتي خلاص .. ( وكملت ) ربي يوفقك ان شاء وترجعين رافعة راس ابوك وامك وراسنا كلنا ..
لين : آمين يآرب ..بتوحشيني يا دوبةة ..
امجاد وهي تمسح دموعها : عاد تعالي لنا بنتيجةة عدلة مو سفر وهياته ع الفاضي ..
لين ضحكت بين دموعها : ان شاء الله ..
اشواق تبعدها وتضم لين : ما عليك منها ام لسان .. ان شاء الله بتجيننا بشهادة ترفع الراس ولا تروح غربتك ع الفاضي ..
لين من قلب : آميين الله يسمع منك ..
بعد ما الككل ودع لين وام لين ابولين .. توجهوا للطيارةة متجهين لالمانيا …
……..
بدآر الايتآمم ..
نوره : حنون يلآ قولي ليه كنتي تبكين ..
حنين : مافيني شي يانورة مافيني شي .. عادي وحدة بدون ام ولا اب تبينهاا تكون مبسوطةة مثلا …
نوره : لا ياحنين مو هذا اللي بكاك هذاك اليوم .. وش الجديد احنا من زمان كذا بدون ام ولا اب وش اللي تغير احين .؟؟!
حنين : اللي تغير اني انا احين كبرت وصرت اعرف وش معنى الواحد يكون عنده ام واب وايش يعني يطون ما عنده ..
نوره : اوكي .. احين عرفنا وتضاييقنا وش اللي بيتغير .. وبعدين انا ما اقنعني كلامك انتي كنتي تبكين على شي ثاني ..
حنين تضيع الموضوع : نواره انا جوعانةة ما اكلت شي اليوم .. وش رايك نقول لاحد يجيب لنا عشاء وبعدين ننام . ونأجل هالموضوع لبعدين ..
نوره بيأس : يلآ .. هذا اذا رضوا يجيبوا لنا شي .. كل شي لازم بوقته .. ووقت العشاء راح ..
حنين : نجرب حظنا ..
………………………………….
صباح يوم جديد .. كان هذا اول يوم للدراسةة … الكل طبعا مزعله هالشي .. بعد الاجازة والنوم .. والسهر … تجي الدراسةة تقيدهم بانظمةة معينة…
…. بالجامعةة …
لينا كانت مع صاحباتها ..( روان , لوجين , سارة )
سآرةة : ماخبرتينا يا لجونة عن عريس الغفلةة .. كيف شكله ححلو ..
لوجين بهبال : يووووه يا ساره يجنن يهبل قليلةة عليه .. مررا خورافي ..
لينا تضحك : ههههههههههه هبلةة .. اثقلي شوي ..
لوجين : كنت ناوية كذا بس شفته .. نسيب الثقل واللي جاب الثقل ..
روان بغيره : الله يتمم لكم على خير ..
لوجين من قلب : آآآمين ..
لينا : ايي بنات على طاري الزواج .. (كملت بحماس ) خطبنا حق فهود اخوي ..
روان وقفت : كككيف ..؟ فهد ؟؟ مين هذي اللي خطبتوها له ..
لينا استغربت وكملت بصدمة : خطبنا له جمانةة اللي قبل شفتيها ببيتنا ..
روان بقههر :: تخطبون له هذي الشينةة واللي احلى منها تركتوها ..
لينامنصدمةة ووقفت بعصبيةة : احترمي نفسك .. انا مآ اسمح لك تتكلمي عن جمانةة كذا ..
روان : وعمرك ما سمحتي لي يا حقيره .. طول الوقت تلمحين لي انك بتاخذيني له وبعدين تعطونه لجمانه ..
لينا ولا زالت مصدومه : انآ ..؟ متى لمحت لك , وبعدين الحمدلله اني ما خطبت لاخوي وحدي مثلك ..
روان : لييه انا وش فيني .. وش فيها جمانوه احسن مني ..
لينا : ولا تجيبين ربعها .. وحده حقيره مثلك ما تسوى فلس ..
روان : هين يا لينا انتي وجمانةة .. والله لا اوريكم . ما اكون روان ان ما ندمتكم على اليوم اللي عرفتوني فيه ..
لينا : اعلى ما بخيلك اركبيه .. ما عاش من يهددني وانا بنت الـ ….. ,
روان : تشوفين يآ بنت الــ….. بتندمين وقولي روان ما قالت ,
لينا :: اللي ما تطولينه بايدك وصليه برجلك … ما تخوفني اشكالك ..
روان : هين يا لينا هين …
……………………………
ببيت ابو متعب ..
متعب بغرفة اشواق وامجاد : هها بنات شرايكم نطلع نتمشى بمكان ولا نروح كوفي ..
اشواق وهي تنط :ججد .. يلا يلا بروح اللبس ..
متعب يضحك : هههههههههههمن عمرها مهبولةة ..
اشواق بغرفة الملابس وبصوت عالي :ترا سمعتك ..
متعب : ههههههههههههه ,, وانتي امجاد منتي ناوية تقومين ..
امجاد : أي يلا اكيد بقوم .. كيف افوت طلعةة معك ..
متعب : يلا اجل بنتضركم بالسيارهه ..
امجاد : ان شاء الله ماراح نتأخر ..
متعب : اوكي ..
………………….
متعب :بعد وفاة ابوه .. صار لخواته وامه .. الاب الحنون … والام .. والاخ .. والاخت .. ما يقصر عليهم بشي .. طلباتهم اوامر على طول تتنفذ .. ما يحب يحسسهم بالنقص … كتوم .. مايحب يتكلم ويفضفض لأحد .. غامض .. عمره 25 سنةة ..
….
نهاية الجزء الاول