روايتي تحكي قصة فتاة عاشت
في عيشت الذل والاهانة وقاومت
ذلك بكل شجاعة وتحدي من اجل
حريتها والفوز بها ومن اجل البقاء
لمستقبلها الذي تحلم به منذ زمن
ونبدأ مع الرواية
كانت بنت من اجمل ماخلق ربي تعيش في الشرقية مع امها وابوها كان عمرها 14سنةفي بيت صغير على قدهم صار لهم حادث سيارة ماتو الام والاب وهم بجيبونها من المدرسة كان اخريوم من الامتحانات وهي ضلت وحيدة
مع عمها القاسي الي اخذها الى الرياض من بعد العزه علشان الناس ماتتكلم عليه وتصير سمعته بالارض علشان بنت اخوه
وعمها عنده بنتين تؤام وحدة طيبة اسمها افنان والثانية شريرة اسمها اشجان من بعد ماوصلوا الرياض استقبلتها بنت عمها افنان ودخلت
افنان :حمدلله على السلامة يبة كيفك الحين وكيفك ياسمين
ابوها :تمام
ياسمين وهي تناظر بيت عمها الكبيروالفخم عكس بيتهم الي كان
صغير ولاشي بالنسبة لبيت عمها كانت منبهرة بجماله والتحف
الموزعة على كبربيت عمها
ياسمين :تمام وانتي فوني اخبارك>>>>>اسم الدلع لا افنان
افنان بفرح:تمام وناسة تصدقين راح تنامين بغرفتي كل اليوم
وتطلع في وجهها مرت عمها :افنان روحي انتي لغرفتك خليها
تنام في غرفة الخدم لان احنا وضعنا الحين مايسمح لنا نجيب خدامة
افنان والحزن بان على وجهها اهي وياسمين :ان شاء الله يمه
مرت عمها :يلا قدامي على غرفتك
ياسمين وعلامات الحزن على وجهها:انزين
وتنزل من الدرج وهي ماسكة الايبود على يدها وتوها تنتبه ان
بنت عمها وصلت
اشجان بسخرية من ياسمين:او من زمان عنك يالفقيرة >>> وشددت على الكلمة
ياسمين وهي منقهرة انا عمها مادافع عنها قدام مرته وبنته
وياسمين وهي تروح قدام مرت عمها وصلت لغرفتها او بلاصح
غرفة الخدم كان مافي سرير بس بطانية مبهدلة على الارض
والدولاب شوي بيطيح على الارض والمبة مكسورة
دخلت ياسمين غرفة الخرابة وجلست فيها
—————————فاصل تعريف
ياسمين (بنت غاية في الجمال والنعومة بس عيبها انها دبدوبة
هي وصاحبتها عبير الروح بالروح كل اسرارها عندها بعدين نتعرف على عبير)
افنان (بنت طيوبة وحلوة ونحيفة وحنطية بعكس ياسمين البيضة)
اشجان (اخت افنان تشبهها بكل شي بس الصفات يختلفون )
سناء (مرت عمها مغرورة وشايفة حالها على الكل)
عمها (غازي طيب وحنون بس على عياله وراح يكون دوره حلو
في الرواية)
———————————–
نهاية البارت (1)
واعطوني احلى واجمل الردود
مع توقعاتكم
بعد مرور خمس سنوات
جالسة في غرفتها على الباطانية الي على الارض
وهي تكلم صاحبتها عبير على الجوال الي عطتها
افنان
عبير :والله كاسرة خاطري بالحيل سنين وانتي على هالحال
ياسمين بحزن:وش تبيني اسوي بما ان سناء للحين تشم الهوا
عبير بعصبية:ودي اجي حق هالسناء وارويكي وش حاسوي فيها
ياسمين بخوف:اكلمك بعدين يلا باي شكلها جات لي
عبير :باي
سناء وهي تفتح الغرفة :يلا قومي عساكي تموتي وتفكيني منك روحي سوي الغدا
وغسلي الحوش ونظفي المكان زين واذا ماشفت المكان مرتب ومنظف
راح تشوفين شي ماشفتيه لان بيجون الضيوف ولا تنسي الحلا ابغاه جاهز
ياسمين :ان شاء الله
(طبعا قبل خمس سنوات ماتعرف تطبخ بس سناء ودتها عند جارتها وكل يوم تعلمها)
وسوت كل شي وبس باقي لها تنظيف الصحون
وصار الليل وهي بغرفتها وقت وصول الضيوف
سناء وهي تستقبل الضيوف :السلام عليكم
الضيوف:وعليكم السلام
ودت الضيوف على مجلس النساء
وهي بتروح عند بناتها استئذنت الحريم
وراحت غرفة اشجان وهي حاطة سماعات الايبود:بسرعة روحي لبسي ترى جات ام راشد وام خالد
يخطبوكي انت او اختك
اشجان بفزعة :قولي والله الحين البس واجي
سناء :يلا بسرعة انتظرك
وراحت من بعد ما طلعت من اشجان غرفة افنان
ودخات غرفة افنان وافنان كانت جالسة على لابتوب حقها
افنان بخوف :يمة وشفيك وش صاير
سناء :بسرعة البسي احلى الملابس وانزلي تحت
افنان :حاضر يمة بس ليش
نزلت سناء تحت عند الضيوف
————————–
ام خالد :وشفيها تاخرت علينا ذي
ام راشد :علمي علمك بس تجي نشوف السالفة
ودخلت سناء في المجلس
سناء : اسفة على التاخير كنت اشوف اذا الاكل جاهز ولا
ام خالد :ولا يهمك
ام راشد :الا وين بناتك ماشفناهم
سناء: دقايق ويجون الحين
ونزلت اشجان مع افنان نفس الوقت
اشجان بقرف :ليش هالكشخة مفكرة يخطبوكي مثلا ولا ايش
افنان بتمسخر :لا صراحتا بس ابيهم ينبهرو بجمالي
ووصلو عند المجليس وجليسو جنب سناء
ام راشد وهي تهمس لاذن ام خالد مايصلحون لولدك
صراحتا ولدك ذوقه صعب
سناء راحت حق ياسمين تجهز السفرة
ياسمين وهي تكلم نفسهاوتجهز السفرة :انا لو ميتة مع اهلي مو احسن لي
معيشتني بجحيم واكل ماكل الافي الاسبوع مرة بس وش هالعيشة
وهي تكلم نفسها مانتبهت للي تراقبها وهي تكلم نفسها
وراحت سناء قالت للحريم يجلسوا على السفرة
خلصو اكل وجلسوا في مجلس
ام راشد :مين الي طبخ الطبخات الحلوة
سناء :الخدامة هي الي طبخت
نهاية الجزء الثاني
توقعاتكم واحلى الردود
القوانين / الإطلاع هام و الإلتزام ضروري
وهذا الموضوع راح يفيدك ياليت تطلعي عليه
وبانتظار الباررررت القاااادم
وعلى فكره انا بكتب روايتى وناس كتير احبطونى لكن بليييييييييييييييز كملى
ننتضرالبارتـ، الجاي~
والله حقدت على هذي اللي متتسمى
مرت عمها قد ايش انها نذله
سلاموؤو ننتضر الجاي
استمري
ننتضضرك
وبنزله يوم الاثنين
بايوؤو