هالقصه تسير كثير ابيكم تسمعون الولد وهو يحكي قصته
بعد السلام حاب اقولكم هالقصه وماابي اطول معكم بمقدمات بس كل الي ابيه منكم انكم تتعضون من هالقصه مو تقرونها والسلااام …
قصتي تتكلم عني انا وصديقي او اخوي الي ماولدته امي احمد الي تعرفت عليه من اول سنه في الابتدائي دخلت الفصل والاستاذ طلب مني اجلس بااخر مكان طبعا كنت زعلان ومنزل راسي ودي اجلس قدام
المهم رحت وحطيت شنطيتي والزمزميه والدنيا كلها وحطيت راسي بالطاوله
قام احمد سالني انت وش اسمك
طالعت فيه بطرف عيني اسمي فيصل انت وش دخلك
طالع فيني وجالس يضحك عصبت وقروني طلعت قلت هيييي انت وش فيك تضحك علي احترم نفسك
قال ابد سنونك شكلها يضحك
قلت اقول اسكت انت مرررررره نحيف شكلك كانك مسواك وبعد جلس يضحك لان انا مااعرف انطق حرف الراء ليومي هاذا بس اللحين موبمره زي اول ودخلنا جو مع بعض كل واحد يعيب الثاني
المهم مرت الايام وجات السنه الثانيه والثالثه درسنا كل الابتدائي بفصل واحد الا سنه رابع وكانت بالنسبه لنا اخس سنه رحنا وبكينا وحاولنا نكون بفصل واحد وجات لي فكره بعد ماحكيت راسي وتاكدت بعدها اني ذكي واحمد يطالع فيني نظره اعجاب قال والله انك خطير قوم قوم اللحين ننفذ خطتك نزلنا طبعا بتسلل عند المدير واحمد كان يقفل الازرار الي فوق >>>>>اكششششخ
فلمن ندخل عند المدير يجلس يصبطني وينزل اكمامي وبعدين ندخل عند المدير ومنزلين راسنا ونتكلم الي يشوفنا يقول يتكلمون مع نفسهم
المدير كان شديد بمجرد انه شافنا دخلنا غرفته جلس يهزء فينا
طلعنا من الغرفه واحمد وقتها جلس يبكي ولا حضر ولا حصه ذاك ا ليوم كله عشان المدير هزءه
رجعنا البيت
حاولت مع ابوي ينقلني بفصله بس ماوافق حاولنا وحاولنا الين فقدنا الامل اتفقنا انا بالشهر احضر معه حصه وهو بعد بدون مااحد يدري طبعا مرا كفشونا ومرات مااحد درى عنا
المهم عدت السنه على خير ورحنا للصف خامس ورجعنا لبعض بفصل واحد يومتها كنا بنطير من الفرحه وسارت لنا مواقف بهالسنه كثيره لو اذكرها كلها مابخلص
بذكر لكم موقف في الصرفه كنا تعابنين وحالتنا حاله والجو كان اشد من الحاروانا كنت طفشان وفيني هفه ابي اسوي شي رحت اشتريت مويه بارده واسوي اني اشربها واحمد كان يسولف ومتحمس مع هرجته ويوصف وينزل يده ويرفعها وهو متحمس رشيت عليه المويه قام يصرخ انا وقتها انفجعت وكنت خايف بس جلست اضحك راح جري على المقصف وقالي والله لااوريك يافيصل وهو بين الزحمه والدنيا جبت تايد ومويه ولخبطتهم وكبيته فيه ووقتها كان ربي يحبني نادا علي اسمي قمت اشيل شنطتي واهبق وصلت البيت وحكيت العيله كلها وانا اضحك ومبسوط
المهم اليوم الثاني في الصباح طبعا متعود ان احمد مايجي الا على بدايه الحصه الاولى نشدنا النشيد الوطني وطلعنا ويومها كان علينا علوم واستاذ العلوم مصري شديد مررره وانا واحمد نجلس قدام سال عن الغايبين قلت له ان احمد دايم يتاخر
دخل احمد واول مادخل قلت لاستاذ هاذا هو جاء والفصل كان ازعاج و احمد مسكين ماشاف الاستاذ الا ويكبني بذيك المويه البادره ويضحك ويناضر بالطلاب ويقولهم احسن يستاهل ويجري شوي يلتفت الا الاستاذ ماسك ثوبه ويهزء فيه وهو من الخوف جلس يبكي ويشهق والمصري ولا سكت قمت و حكيت الاستاذ السالفه اللي سارت بالصرفه طبعا بعدالتاته وجلسنا الحصه كلها نفهمه مامشها لنا نزلنا عند المدير وجاب الوالد وتهزءنا شوي وجاء اليوم الثاني واحنا نضحك ولا كأن شي سار
وطلعنا سادس وعدت على خير وجات حفله تخرجنا من الابتدائي حظر ابوه ويوم شفته سلمت عليه وسحبت ابوي من ثوبه خليته يسلم عليه وجلس ابوي مع ابوه طلعنا وغنينا وسوينا مسرحيات وبرامج وكل الهبال
صور ابوي هاذيك الايام الي مستحيل انساااها لو اش يسير فيني
المهم بدت الاجازه فكر ابوي اننا نسافر تركيا
رحت عن التلفون وقلت لاحمد على الفور قالي والله مالي دخل لااجي معك قلت ايه مين قالك اني اخليك لحالك والله مالي صالح تيجي لازم وقفلنا ورحت فتحت لاابوي الموضوع ابوي رفض وجلست انيح وابكي ومن هنا وهناك الين قال طيب
رحت جري ع التلفون ودقيت عليه وقلت ابشرك ابوي قال طيب وانت ها كلمت ابوك
قال وهو يبكي ابوي قال عايدي بس امي قلت لا وش هاذا والله قهرقلت اعطيني امك انا والله لااحرجها>>>
يوم جات امه اعطيتها امي وبعد السلام والسؤال عن الاحوال وهرج الحريم وبحمد الله انتهى وبدت بالموضوع اللي تبغاه فيه بعد نص ساعه تقريبا قعدت تنوح فوق راسها وووو الين قالت تم وانا وقتها بغيت اطير من الفرحه
جاء الليل والكل نام الا انا عيا النوم يجيني رحت دقيت على احمد رد علي وبصوت واطي وطول الوقت التفت >>خايف احد يصحى ويهزئني قلت له احمد ها وش بتشيل معك ايه لا تنسى تجيب معك ذيك الشطرنج >>كنا حرفين فيها
المهم جلسنا نسولف الين قريب الفجر سمعت صوت باب قلت يالله مع السلامه مع السلامه
ابوي صحي ورحت جري ع غرفتي وسويت اني نايم وبعدالفجر ابوي جاء يصحني وانا مغمض عيني ومقفل عين كاني توي صحيت قلت وش بنروح اللحين >>كانه مايدري
قال ابوي يالله روح افطر مع اخوانك وفطرنا ومرينا على احمد وجلسنا انا وهو بالشنطه حق السياره وكل واحد يطلع العابه وحلوياته وصلنا على المطار
وبعد الانتظار وصلت الطياره قضينا اجازتنا بتركيا كانت احلى اجازه لي رحنا كل مكان بتركيا تعرفنا انا واحمد على ورعان تركين كثيرين جلسنا نتكلم معهم بالاشاره وكنا بالقوه نفهم بعض رحنا البحر وسوينا جبال حفرنا اسمي واسمه على الحجر شفنا اشجار اول مره نشوفها اشكالها حلوه قطع احمد لي ورقه شجر وكتبلي احبك واحمد+فيصل= حب للابد وقلي خلها عندك ذكريات
رحنا البحر وجمعنا اصداف تسبحنا حصلنا ناس تدهن جسمها بالتراب رحنا سالنهم قالولنا بالاشاره نجلس معهم بسولنا دهنونا بالتراب ورحنا عند ابوي وماندري ليش دهنونا صورنا ابوي واعطا كل واحد صوره شوي سار جسمنا يحكنا ويحرقنا رحنا جري على الحمام مارضي يدخلنا الرجال عشان مانوسخ الحمام بالتراب دخلنا لبحر واحنا ندمع ونضحك غسلنا جسمنا بعدين طلع هالتراب الله يسلمكم يسمر بس احنا ماخليناه يطول هم متعودين
مرت الايام بتركيا كلمح البصر ورجعنا لجده والحر كان باقي اسبوعين على الدراسه
رحنا المكتبه واشترينا اغراض المدرسه طبعا الزمزميه ماشترينها خلاص كبرنا وسرنا بالمتوسط
مر الاسبوعين واحمد يجي يسمر عندي وبعض الاحيان اروح عنده
وجاء يوم الجمعه وكنت عند احمد وجالسين بحوشهم نلعب كوره كان عنده اختين نوره وامل نوره اصغر منه بسنه وامل اكبر منه بسنه وعنده واحد اخوه في الثانوي اسمه خالد المهم جلسو اخواته يشجعون واحنا نلعب رحنا انا واحمد اشترينا بلالين وعبيناه مويه وجلسنا نرشش امل ونوره وطلعو يبكون اخخخخ
المهم ان عندهم جيرانهم ساكنين قبال فلتهم واحد اسمه نواف بنفس عمرنا كنا مانطيقه ليش مااادري
المهم طلعنا من البيت بدون ماام احمد تدري ودقينا على نواف وجلسنا معه على الرصيف شوي احمد يكلمني بذني قلت اييه والله انك خطير انت خليك معه وانا بروح اسوي الي قلته ونواف يطالعنا ويقول الرسول قال ماينفع تتركون واحد وتتكلمون قوليلي وش قلتم والله بعدين مابصاحبكم قام احمد يطلعله سالفه من عقله وانا رحت شوي جاي ومعي صحن ورق عنب ونواف كان يموت بورق العنب قلت تفضل اخذ حبه وقال مشكوور والله ان نيتي سيئه احسبكم تكلمتو عني اكل اول لقمه شوي يتفلها ووجه يتقلب كل الالوان واحنا فاطسين ظحك عليه طلعت ورقت شجروحطينا فيها خرابيط انا واحمد متنا من الضحك عليه كانت علينا افكار جهنميه ماتجي ببال احد بذات مع نواف كنا نستمتع لمن نسوي فيه المقالب
واحنا جالسين برصيف الا وسياره اخوي حسين جايه علي قالي انت وش مطلعك بره هالوقت مو قلت لنا بنجلس بحوشهم المهم يالله ادخل قلت تكفى تعالي الساعه 11 قال اقول اركب بكره بتروح المدرسه دخل احمد بيته وركبت السياره وصلنا البيت واحنا مهمومين شايلين هم اول يوم بالدراسه تعشينا ورحنا نايمين والفجر اسمع صوت امي يالله ياولد قوووم ياربيه بعدين معاك قوم ياولد ……قمت وانا متكاسل قلت خلاص قمت…. وامي طلعت من هنا وانا رجعت نمت من هناك جاء السواق وامي تناديني ياولد يالله انزل السواق جاء وتطلع وتتفجاء اني نايم تشدني من يدي والبس ثوبي واغسل وجهي وانزل على السياره وانام فيها وطبعا سواقنا مايعرف يسكت اش هادا انت تاخر كتير مره ليش فيه مشكل فيه شي …الخ المهم وصلنا المدرسه وانا مشخر وهوا باقي يتكلم يالله خلاص انزل قول بس متى يبي يجيك انا اخخخخخخخش يلف راسهه اوه اش هادا انتا في نوم يلا قوم انا اوصل هنا لا حول ولا قوه الا بلاه فصول يالله خلاص قوم فتحت عيني……
يالله خلاص قمنا دخلت المدرسه واشوف شباب كثيرين مااعرف ولا واحد منهم جلست ادور على احمد مالقيته حطيت شنطتي وجلست اتجول بالمدرسه جوني شله شباب وسالوني انت اول متوسط قلت ايه قالو وش اسمك قلت فيصل ليش مشبهين قال لا ابد نبي نتعرف اذا ماعندك مانع قلت لا عايدي وانتم وش اسمكم عرفوني على اسماءهم ناصر محمد سعود مساعد عاشت الاسامي سنه كم ثالث جلسنا بدكه وقعدين نسولف دق الجرس ووزعو الفصول ونشدنا النشيد الوطني وطلعنا على الفصل جلست بااخر مكان جاني ثلاث اولاد من نفس الفصل وقعدو فوق طاولتي وتعرفنا على بعض قعدنا ننكت ونحكي عن الصيفيه وش سوينا فيها شوي يدق الباب بقوه هجدو الي بالفصل كلهم فتح الباب وطلع احمد صرخت بصوت عالي ونطيت من الطاولات وطحت وقمت سرت سوبر مان على غفله والشباب كلهم يضحكون وصلت له بالسلامه وحضنته قلت قول انك معي بالفصل قال ياحضي انت هنا قلت ايييييه وشلت شنطته وحطيتها بالكرسي الي جنبي ورميت الشنطه الي فيه قالي فيصل لا يكون مكان احد قلت خله يولي اجلس قولي وش سويت امس قام واحد من الي عرفتهم اسمه عمر جالس يضحك قلت وش فيك قال تحبون بعض قلت ايه نحب بعض وش الي يضحكك قال هههههههه لا لا تحبون حبكك ها هههه يالله قولي مابينا شي عصبت وطلعت لاي خمس قرون حسيت انه يخرب سمعتنا مسحت فيه الارض واحمد جلس يسكتني مسكته من ثوبه وجلسنا نضارب انا وهو تجمع الي بالفصل وواحد نادا الاستاذ وجاء وفارع بيننا دخلنا بغرفته وفهم القصه هزء عمر على الكلام واعطاه نص ساعه محاظره تأسف مني عمروسامحته بس مو من قلب
رجعنا الفصل وبدا عيال الفصل بمجرد نظراتهم لي انا واحمد حسسونا اننا نحب بعض حبكبك >—-(الحب الشاذ)
كرهت عمر وحطيته ببالي مرت الشهور وبدات المدرسه كلها تقول ان انا واحمد نحب بعض زعلت كثير لان الي يقولولي مقربين لي كبرنا وسرنا اولى ثانوي وكبر معانا الكره انا وعمر وانا واحمدكنا نحب بعض بس حبنا شريف لاكن ممكن عشان نادر ماتلاقي بين الشباب علاقه قويه كل الي بيننا العلاقات للوناسه او مصلحه
المهم ان كثرت المشاكل بيني انا وعمر وسرنا كل يوم نتضارب من يوم ماعرفته طلعنا الاستاذ يوم الاربعاء في الصباح وهزءنا لان قبلها كنا متضاربين عشان واحد من الشباب كرهت عمر بالمدرسه وكرهني فيها بعد ماطلعنا طلعت من الفصل واخذت معي احمد ونزلنا بالساحه الخلفيه هاذيك الساحه دايم فاضيه نادر ماتلاقي واحد فيها المهم جلسنا هناك وقلت لااحمد ان مااودي احظر الحصه قال ليش لا يكون عشان عمر قلت لا والله ماهمني المهم ماعلينا منه وش سويت امس مع الي تدق عليك قال رديت وجالسه تلمحلي انها تبي تتعرف .
اكمل بعد مااشوف ردودكم000000000
ننتظر التكمـلة لكـن هي كامله ولالا؟
وكرهت ابو جد عم ام عمر الكريه ذا
انتضر التكملة..
| 3 / إغلآق الموآضيع : تُغلق الروآية في حآل طلب صآحبـ / ـة الموضوع الأصلي ‘ تأخره ‘ توقفه ‘ تجآوزآت في االردود |
يُــــــغـــــلــــق