هذي روايتي الأولى اضعها بين ايديكم..
<<<<<<<<<<<<<<روايـــــــة حطـــــمتني قســــــــــوة الأقــــــــــدار..>>>>>>>>>>>>>>
للكاتبه**** نســـــــــــــــــــايم ليــــــــــــل*******لن اطيل عليكم بالمقدمه,, وسأترككم مع اول بارت لتعيشو احداثه كما عشتها وانا اكتبها……
*****
*****
عائلة ابو فهد…………
محمد الأب/تزوج من بنة عمه ام فهد وحبها كثير وجابو بنتين وولد
هدى الأم/ تزوجت ابو فهد وهي صغيره في السن واللي يشوفها ويشوف بناتها مايصدق انها امهم كأنها اختهم
فهد/ ولدهم الوحيد عمره25 حبوب كثير وحنون على اهله يدرس الماجستير ببريطانيا يشبه محمودبوشهري كثير
ساره/ بنتهم الوسطى عمرها 24 اصغر من فهد بسنه متزوجه وحامل بالشهر الثاني حلوه ملامحها..تشبه امها كثير
مها/ بنتهم الدلوعه عمرها 20 سنه.. ملامحها جذابه.. خشمها سيف.. عيونها وساع.. فمها مرسوم ومليان شوي وعندها غمازات طبعا بشرتها بيضا
طبعا ابو فهد وعيلته كانو بالرياض بس نقلو لجده قبل كم سنه عشان ابوفهد يشرف ع املاكه وشركاته اللي بجده بنفسه ويساعد اخوه شريكه
عائلة ابوناصر …………
بوناصر/اخو ابو فهد الوحيد وشريكه في الشركات والمشاريع وعيال بوفهد يحبونه كثير وقريبين حيل منه خصوصا بعد وفاة زوجته
ناصر/ولده الكبير عمره 22 آخر سنه بجامعة الملك عبدالعزيز..
لمياء/ 20 سنه صديقة مها الروح بالروح ملامحها عاديه وتدرس بمعهد كمبيوتر
لمى/ 17 مراهقه بمعنى الكلمه تدرس بثاني ثانوي ادبي
مشاري/ 11 سنه دلوع كثير وطلباته مجابه بحكم انه آخر العنقود
………………………………………….. ………………………………………….. ………..
………………………………………….. ………………………………………….. ……….
هذي العيلتين من اهم ابطال الروايه.. وكمان فيه شخصيات مهمه ولها دوووور كبير لكن اترككم تتعرفو عليها مع القرائه افضل…
<<<<<<<<<<<<<<<<<البـــــــــــــــــارت الأول>>>>>>>>>>>>>>>>
الساعه 11 الصباح بفيلا ابو فهد
ام فهد جالسه بالصاله تشرب كوفي وماسكه مجله تتصفح فيها رفعت راسها للشبابيك الكبيره بالصاله المطله ع الحديقه اللي بالحوش ولمحت زول وحده لابسه عبايه ماشيه بالحوش الكبير جايه لجهة الباب الرئيسي للصاله استغربت مين هالبنت اللي جايه الحين بس ماأمداها تفكر مين تكون هالبنت إلا وأنفتح باب الصاله الفخم ودخلت لمياء بنت اخو ابوفهد
ام فهد/اهلين لمو هاذي انتي
لمياء/هلا بك خالتي
ام فهد وهي واقفه تسلم ع لمياء /شخبارك وشخبار اخوانك
لمياء/الحمدلله بخير .. امس كنت هنا وسألت عنك ابسلم عليك قالو لي انك معزومه
ام فهد/ايه صح كنت معزومه ع زواج ولد صديقتي عقبال ماأزوج فهودي يارب<قالتها وهي تناظر لمياء وتضحك>
لمياء بإحراج/اقول خالتي مها صاحيه وإلا نايمه
ام فهد/نايمه بس برسل سوزي تصحيها اجلسي ارتاحي ع بال ماتقومها والا تبين تتطلعين لها بنفسك؟؟
لمياء/مشكوره.. لا عاادي بنتظرها هنا
وجلسو يسولفو شوي بعد ماراحت سوزي تصحي مها واستأذنت ام فهد من لمياء وطلعت لغرفتها
.. …
سوزي تدق ع باب مها تصحيها من النوم
سوزي/مها
مها.. مها
<مها بسابع نومه مو حاسه بشي>
سوزي رجعت تدق ثاني بصوت عالي/مــــهــــــاااا
ومها لاحياة لمن تنادي!!!!!!!!
سوزي وبدت تعصب وبصوت اعلى وتنافخ //مهــــــــــــــــــاااا اوووووووووووف مافي يسمع انتا !!!!!!
مها وبدت تسمع/ سوزي وجعة جدي خير وش تبين؟
سوزي تنافخ/يلا قوم هادا لمياء يبي انت
مها بعصبيه/كم مره اقولك لاتنافخين لاصرت شازان وإلا إلحاق نافخي براحتك <<شازان وإلحاق هذولا عيال سوزي>> وبعدين قولي للمياء مها نايمه خليها تدق بوقت ثاني
سوزي وبدت تخاف من مها// بس هادا لمياء تحت مافي دقي ع تلفون
مها ومفتحه عيونها للآخر/ هاذي مجنونه ماتنام مو كفايه مسهرتني امس للفجر
سوزي/نئم ايش قول؟
مها/ اقول طسي والحين نازله
سوزي وهي نازله من الدرج متذمره من مها إذا كانت رايقه مافي احسن منها وإذا كانت معصبه ياشينها
……………………
………………….
قامت مها وهي تتثاوب وشعرها المصبوغ بالأشقر طايح ع وجهها مشت ودخلت الحمام اخذت لها شاور سريع تصحصح وتنزل للمياء لبست لها بجامه عاديه للبيت لونها وردي وابيض وتركت شعرها ينشف براحته خصوصا ان شعرها ناعم وحطت مرطب ع شفايفها وتعطرت بعطر هادي يناسب جو الصباح ونزلت
لمياء وهي توقف تسلم ع مها /
ياهلا ياهلا مابغيتي تشرفين
مها وهي مقهوره منها وودها تتوطى ببطنها بسبب جيتها الصباح جت بتتكلم وبتبرد حرتها بس ماأمداها لأن لمياء جت تركض حضنتها
لمياء بإستهبالها المعتاد/تصدقي مهاوي وحشتيني احس صار لي عنك مية سنه
مها وهي تدف لمياء وتضربها بنعومه ع كتفها/ لمو بلاش استهبال ماكأنك كنت غاثتني قبل كم ساعه اخلصي قولي وش عندك بنت عمي وأعرفك زين ماتتمصلحين إلا وراك شي
لمياء /هههه مهاوي مشكلتك انك فاهمتني
مها بإبتسامه بينت غمازاتها/محد فاهمك قدي.. اخلصي وش تبين بهالصباح
لمياء/اممم بصراحه يابنت عمي انا جوعانه ومشتهيه افطر بستار بكس خبرك عاد ببنت عمك مطفره ومحد راضي يتصدق علي عاد انا قلت مالي إلا مها فديتها عندها اللي يدلعها ويحبها ويترس حسابها
مها/ وي اعوذبالله منك قولي ماشاءالله لاتحسديني شكلك عيانه ياخوفي على اخوي منك
لمياء/ وآه بس خليه يجي وأكحل عيني بشوفته وبعدين خذي تف تف تف ماشاءالله عشان ماتقولي حسدتك
مها/وع الله يقرفك يالخبله
لمياء وهي تدف مها للدرج/اقول بلا خبله بلا بطيخ واطلعي ألبسي
مها/اوف طيب طالعه بس ترى ساعه بس وبنرجع مالي خلق نطول نعسانه ابي ارجع انام
لمياء/ايه خير نتفاهم بعدين
طلعت مها وهي تضحك بنفسها ع رجة بنت عمها دخلت غرفتها ولبست بنطلون ايسكني ع بلوزه ورديه وحطت روج وردي فاتح ولبست عدسات زرقاء وحطت ماسكرا وأحمر خدود خفيف طلع شكلها جنان رشت من عطرها المفضل ستيلا ولبست عبايتها المخصره ولفت الطرحه ع راسها وخذت شنطتها ونزلت وقالت لسوزي لو سألت عنها امها تقولها طالعه مع لمو
<<<<<<مها ولمياء علاقتهم قويه ببعض خصوصا بعد مانقلت مها هي واهلها من الرياض لجده ماكانت تعرف احد بجده إلا لمياء بنت عمها وكم وحده تعرفت عليهم من الشات مها شخصيتها قويه_عنيده_دلوعه بطبيعتها _حبوبه كثير
اما لمياء/دبدوبه شوي ملامحها حليوه بس اذا سوت ميك اب تطلع قمر شعرها فراوله قصير مصبوغ بكستنائي طالع لونه كثير حلو ع لون بشرتها >>>>>
****؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛*******
في مكان ثاني بالتحديد في مستشفى الملك(……………)
كان جالس على مكتبه وطفشان من المرضى مريض داخل ومريض طالع .. تنهد بعد ماطلع من عنده آخر مريض بالإنتظار كان يشتكي من الالام برجوله كشف عليه وكتبله كم دواء مسكن
……….
طق طق
عدل جلسته وتنح نح ورد بصوته اللي كله رجوله/تفضل
كان منزل راسه يقرا بالكتاب اللي بيده بس سمع صوت كعب وحده تمشي جهته ..وريحة عطرها تسبقها
الدكتور خالد بينه وبين نفسه<<اوف اكيد هاذي شوق جايه تتمخطر كالعاده>>
رفع راسه لما سمعها تقول بدلع ومياعه/ دكتوررر اشبك لسى جالس ترى دوامك انتهى
خالد بثقل/عارف
الممرضه شوق بنفس الدلع الماصخ/طيب وليش ماتطلع
خالد<اوف الظاهر ذي ماراح ترتاح إلا إذا غسلت شراعها كالعاده >
خالد وهو ماسك اعصابه/ جالس اقرا كتاب شوفة عينك بس حضرتك قطعتي علي
شوق/شوفتك تأخرت ماخرجت وجيت ابلغك ان الدوام انتهى
خالد/مشكوره .. ياليت اذا طلعتي تسكري الباب وراك
شوق<هادي طرده لكن ازا ماخليتك تحوبني وتتجنن عليا ياخالد ماأكون انا شوق>
شوق وهي تقفل الباب /اوكي سي يو
خالد بعد ماطلعت/الله يقرفها جايه تتميلح هي وخشتها ياليتني اقدر انقلها من هالمستشفى وارتاح من غثاها على قد ماأهزأ فيها ماينفع معها صدق انها عديمة احساس!
…………..
((((((((خـــــــــالــــــد)))))) =دكتور عظام ناجح ويحب عمله كثير بس يتذمر لاصار عنده ضغط بالعمل والمرضى كثار.. اهله ساكنين بالرياض وهو ساكن بجده بحكم عمله.. عمره 28 جذاب كثير جسمه عريض… وعنده عضلات ..ابيض مسوي سكسوكه طالعه جنان ع لون بشرته شعره طويل لحد رقبته وناعم وكثير له هيبه ورزه بس عصبي كثير .يحب الكشخه والشياكه سيارته لكزس وجواله آخر موديل
………………………………………….
بمكان ثاني بإحدى فلل حي (………….)
ساره وهي تحس بيد تمسح شعرها
صحت مفجوعه بس انبسطت لما شافت الشخص اللي قدامها
ساره بصوت كله نوم/حبيبي متى جيت
فيصل/دوبي
ساره/ كم الساعه الحين
فيصل زوج ساره/الساعه 11 وربع ياعمري
ساره/غريبه طالع بدري من الدوام
فيصل/حسيت نفسي مشتاق لسوسو قلبي واستأذنت وجيتك طيران
ساره/ههه فديتك انا
فيصل باسها ع خدها وسحبها بيدها/يلا حياتي قومي نفطر سوا ..جبتلك فطور يحبه قلبك
ساره/لا واللي يعافيك مالي نفس آكل شي
فيصل /وإذا قلت عشاني؟
ساره/اممم اذا عشانك ماأقول لأ
قامت وغسلت وجهها ونزلت مع زوجها للصاله وأفطرو
………………………………………
بفيلا ابوناصر,,,,,,,,,,,,
لمى استأذنت وطلعت بدري من المدرسه كانت جالسه بالصاله وتقلب بقنوات التليفزيون تستنى الأندومي يخلص اللي طلبت من الشغاله تسويه لها … سمعت صوت باب الصاله ينفتح بقوه ويتقفل بصوت قوي…
دخل مشاري للصاله كان توه راجع من المدرسه مجرد انو دخل بدا يفصخ جزمه وطيرها بالجو ورمى شنطته ع اقرب كنبه ..فصخ ثوبه ورماه ع الأرض وبدا يصارخ ع الشغاله/زاهرا زاهرا
لمى كانت تناظر فيه من يوم دخل /هيه هيه انت وين قاعد وش هالفوضى
مشاري/اوووف جاي من المدرسه تعبان وقرفان وتطلع لمى بوجهي!لااااااا كثير علي كذا((ناظر بلمى بطرف عينه)) لو سمحتي ياآنسه انثبري مالي خلقك.. ورجع ينادي بصوت اعلى وصراخ/زاهرا زاهرا يازفت
لمى/الحمدلله والشكر صدق العقل نعمه
جت زاهرا تركض شايله بيدها صينيه فيها اندومي لمى وكاسة عصير/يس يس مشاري
مشاري/انقلعي جيبيلي مويه
حطت الشغاله اكل لمى ع الطاوله وراحت
اما لمى اخذت الأكل وراحت غرفتها..تكره الجلسه مع مشاري لأنهم مستحيل يجلسو سوا من غير مايتهاوشو
….
بنفس الوقت بحي (….)
في هذا الحي القديم عند الشوارع الضيقه والبيوت القديمه المتلاصقه ببعضها وبينها ممرات ضيقه حتى السيارات ماتقدر تمر فيها من ضيقها! اللي يدخل هالحي مايصدق ان جده ع تطورها فيها احياء زي كذا! في بيت قديم جدا من بيوت هالحي دور واحد فيه 3 غرف وصاله صغيره جدا يسكن في هالبيت ام نوف وأولادها … نوف21 سنه//ماجد18 سنه نوير..10 سنوات……… نوره..7 سنوات…………….
ام نوف وهي تنادي بنتها في المطبخ /نوف يمه نوف
نوف وهي في المطبخ تطبخ الغدا ومعصبه كالعاده/هاه خير
ام نوف/يمه جهزي الغدا ع السفره اخوانك جو من المدرسه جوعانين
نوف بتذمر/الله والغدا عاد! اللي يسمعك يقول مسوين مفطح وهو كله رز مسلوق بدون لا لحم ولادجاج
ام نوف/الحمدلله يابنتي هذي نعمه وغيرنا مو محصلها
طلعت نوف من المطبخ وفرشت اوراق جريده ع الأرض لأنو وببساطه ماعندهم سفر وبدت تحضر الغدا
(خلوني اتكلم شوي عن نوف وأهلها..نوف اكبر اخوانها مادخلت لاجامعه ولاشيئ لأن ظروفهم ماتسمح وأحوالهم الماديه زفت ويادوب يغطون مصاريف الأكل والشربوعايشين ع الضمان .. واملهم في ماجد يكبر ويتوظف
ويغطي بعض المصاريف…
ام نوف/حرمه كبيره في السن صايمه مصليه بس تعبتها الأمراض وكل يوم من مرض لمرض واكثر شي تاعبها نوف وتذمرها الدايم من عيشتهم بعكس اخوانها اللي تعودو على هالوضع طبعا ابوهم متوفي
..
..
..
..
..
دخل ناصر للبيت بعد مارجع من الجامعه وتغدا مع اصحابه في المطعم اول مادخل لفت انتباهه حاجه ع الكنبه لف يناظر وضحك ع المنظر اللي شافه
كان مشاري مبطوح ع الكنبه ونايم مو حاس بشي لابس فانيله وسروال
ناصر/ميشو..ميشو يادوب وش منومك هنا
مشاري ف سابع نومه قرب ناصر منه وبدا يهزه/ميشو ميشو
مشاري/همممم
ناصر/قوم وش منومك هنا اطلع نام ف دارك
قام مشاري وهو يفرك عيونه
ناصر/تغديت؟
مشاري/لا مابي غدا بطلع انام واذا صحيت بتغدا
ناصر رغم انه اكبر اخوانه وإنشغاله بدراسته إلا انه حنون كثير ع اخوانه بعد ماماتت امهم دايم يهتم فيه
…………………….
في مكان ثاني ,,, ,, في شقه من افخم الشقق
..
كان جالس هو وأصحابه.. اصحاب السوء .. جلسه كلها معاصي واثام وفواحش
.. بنات.. وخمر.. وزنا
هذي حياته.. لأن ابوه من اشهر تجاااار المنطقه الغربيه.. ماكان مقصر مع ولده بشيء.. مغرقه بالفلووووس
وأوقات تكون الفلوس نقمه على اصحابها…
<بــــاســل>
هذا اسمه .. عمره 24 سنه.. درس في جامعة<…..> ونجح بعد ماأعطى نص الأساتذه واللي كانو معظمهم اجانب..
اعطاهم رشوه مقابل انهم
ينجحونه.. كثير مغرور وبنظره يشوف انه بفلوسه يقدر يملك كل شي بالدنيا!!ونسي الأخره والحساب..
……..
باسل بعد مادخل شقته اللي مخصصها للسهر والوناسه المحرمه/هاااااي شباب وصبايا
رحبو كلهم فيه ..وهم بالأساس يكرهونه ويكرهون غروره بس مظطرين يجارونه لأنهم وببساطه هم مستعدين يصيرو عبيد عند فلووووسه!!
…
جت وحده من البنات اللي لابسه لبس يفضح اكثر من اللي يغطي!!!
قربت منه وباسته على خده/اهلييييين بيسو كيفك؟
باسل وهو يحاوط خصرها بذراعه/تمام ياحلوه <وبغمزه>وش هالحلاوه!!
جنى وهي تتلزق فيه/اعجبتك؟؟
باسل/قمرررر
مسكها بيدها وراح هو وياها لجهة الطاوله الكبيره اللي عليها انواااااع الويسكي..
باسل بأمر/صبيلي ربع الكاسه .. وانتي خذي نص
جنى /اوكي حياتو بس ليش لي النص وانت الربع!!
باسل/لأني ماأبغى أسكر.. وانتي ابغااا هذا يطيييييير<<وهو يأشر بأصبعه ع راسها>
بسرعه جيبي الويسكي وألحقيني الغرفه..
جنى/اوكي
………………
………………
راح باسل لجهة غرفته الخااااصه فيه بهالشقه ومر من جنب الشباب والبنات اللي
جالسين وماكان وضعهم احسن من وضعه!! كلهم هنا زي الحيوانات اللي عايشه بدون
عقل ولا تفكير..
أشر بيده لهم وقال/انا داخل غرفتي ابغى هدوووووء ماابغى اسمع صووووت .. دخل لغرفته الكبييييييييره واللي بوسطها درجتين
وفوقها السرير الفخم الكبير .. وشوي ودخلت جنى وقفلت الباب وراها و………………
,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,
في نفس الوقت بس
في مكان ثاني بعيييييييد عن هالنجاسه والقذاره.. في حي من الأحياء المتوسطه في فخامتها..
بيت عادي جدا دورين يسكنه ابوسلطان وزوجته وعيالهم.. سلطان/15 سنه.. هاله/26 سنه.. هند/ 23سنه ..والبنت اليتيمه
اللي متمننين عليها بتربيتهم لها <ريهــــام 22 سنه>
ريهام حكايتها حكايه… توفو ابوها وامها بحادث وكان عمرها وقتها سنتين!! ظلت بالمستشفى فتره طويله
بالرغم من انها شفيت تماما من الجروح اللي سببها لها الحادث.. لكن ماكان في احد يسأل عنها وبعد فتره طويله قررو ادارة
المستشفى ينقلونها لدار الأيتام لأنو فيه اطفال مرضى بحاجه للسرير اكثر منها
…………….
عاشت بدار الأيتام ثلاث سنواااات!! وبعدها كفلتها مره ماتنجب عيال وأخذتها وربتها هي وزوجها<هاجر>و<محمد> ..ربوها احسن تربيه
ودلعوها ماقصرو معها بشي.. حبوها كثير واعتبروها بنتهم !! توفي محمد بعد مواجهه له مع المهربين لأنو كان يشتغل
بمكافحة المخدرات وكان عمر ريهام وقتها 10 سنوات ومرت الايام والشهووور والسنين ومرضت هاجر بالسرطان وكانت حاسه ان
ايامها الباقيه لها بهالدنيا معدوده . من خوفها ع ريهام بعد موتها وايش ممكن يصير لها وصت اختها ام سلطان
عليها وامنتها على ريهام ..
وفعلا مامرت ايام بسيطه الا وهاجر ودعت الدنيا وأخذت ام سلطان ريهام لبيتها .. كان عمر ريهام وقتها
15 سنه.. وعاااااشت انوااااع الذل والأهانه!! يعاملوها على انها خداااامه !!ونسيو انها امااااانه عندهم!!
حتى دراستها رفضت ام سلطان تخليها تكملها..
…………………..
في نفس البيت وبالتحديد في المطبخ..
كانت ريهام جالسه تمسح ارضية المطبخ وشوي طاحت الشباصه من شعرها وانفك شعرها الطويييل
بدت تلم شعرها وبسرعه قبل ماتجي ام سلطان وتسوي لها سالفه لكن حظها ماكااان حلو!!
طررراااخ<<دخلت ام سلطان المطبخ وشافتها وهي تاركه الشغل وقاعده تلم شعرها ضربت بيدها باقوى ماعندها ع باب المطبخ
وبصرااااخ/ماشاءالله ماشاءالله تاركه الشغل وتلعبين بشعرك!!
وراحت تمشي لجهتها
ريهام وهي خايفه وترجع لورى/والله ماكنت العب فيه والله هو انفك وطاح وانا كنت المه وبرجع اكمل شغلي
ام سلطان بحقدها المعتاااد وغيرتها من ريهام لأنها احلى منها هي وبناتها مسكتها بشعرها/ انفك هاه!! طيب انا اعرف
كيف اريحك منه..
تركتها بعد ماتقطع نص شعرها بيدها وراحت جري للغرفه اللي بجنب المطبخ
اما ريهام كانت تبكي وخاااايفه من اللي ممكن تسويه لها عمتها وفجأه دخلت المطبخ ومخبيه حاجه ورا ظهرها
قربت من ريهام وقربت الين صارت لازقه فيها وطلعت المقص من ورا ظهرها/الحين اريحك ياريهاموه
ريهام تترجاها /لااااااااا تكفين واللي يعافيك وخري عني لاااااا شعري لااااا عاقبيني بأي شي الا شعري لااااااا
..
سكتـــت بعد ماشافت خصل شعرها الطويله بدت تطيح ع الأرض خصله ورى خصله!!!!!
طلعت ام سلطان من عندها بعد مافشت غلها وحقدها .. طلعت من المطبخ وعلى فمها اكبر ابتسامه .. مبسوطه باللي عملته
اما هي انهااااااارت بكت وبكت وهي تلم شعرها الطايح ع الأرض مظلووووومه بهالعيشه لكن ماعندها حل ثاني غير الصبر
والا راح تطردها عمتها ووقتها عاد وين بترووووح!!!!
………………………………………….. ………………………………………….. ……………………………….
………………………………………….. ………………………………………….. ……………………………….
نهــــــــــــــــــــــــــــــايــــــــــــــــ ــــــــــــــــــــــــة البـــــــــــــــــــارت الأول……
وفيه ذكرت لكم بهالبارت تقريبا كل ابطال روايتي..وبينت لكم حيااااة كل شخص فيهم…
……………
انتظروووني في البااااااارت الجااااي وتابعو تكملة الأحدااااااااااث..
مها ولمياء…؟؟
خالد وتلزق شوق فيه!!……. ريهام والظلم والقسوه اللي عايشتها..!! باسل ولعبه بالحرااام…!!
انتظروووووووووووووووووووووووووووووووووني
بالكثييييييييير وراح يكووون البارت الثاااااني موجوووووووووووووووود..
في انتظار البارت الجديد بكل شوق
ودي .. {