بيت مشهور من أكثر القصائد التي كثر اللغط حولها وتداولها بعض الشعراء في بعض قصائدهم ونسبوها لهم والحقيقة تقال إنها للشاعر العذب : محمد الدحيمي الشهري المعروف بــ (أخو تكفى) ..
اليكم القصيدة بمحتوى البيت السابق.
اما لطمنا العيل والا الطم العيل
مادام شب النار مندوب الاطفا
من ذاق حر القايله يعشق الليل
ومن شب ضوه ليلة البرد يدفـا
امسيت في جيلٍ ولاهوب ذالجيل
واصبحت والا ديرتي شبه منفـا
واللي حما بيته بطيـرن ابابيـل
ماجيت ادور كل من صد وقفا
ولاجيت ابشحذ يانما دلّه وهيل
جيتك وجرح الظلم غاديه يشفا
جيتك بكلمه كنها صعقة الويل
ان قلت تكفا لاتهـاون بتكفـا
تكفا تراها كلمةٍ تقطم الحيـل
لابالله الا تنسف الحيـل نسفـا
تكفا ترا تكفا لها هدرة السيـل
في صدر حرٍ ينتف الطيب نتفـا
تكفا ترا تكفا لها تسّرج الخيـل
ان كان لك في مجمع الخيل عسفا
تكفا تراني من قرومٍ مشاكيـل
حماية الساقه بسيـفٍ وشلفـا
تكفا وتكفا ماتسـاق لمهابيـل
تكفا تخلّي القرم لاشٍ وهطفـا
تكفا ترى تكفا تهزّ الرجاجيـل
لولا ظروف الوقت ماقلت تكفا
اول شي ياهلا ومرحبا بك وبمشاركتك
وفعلآ القصيده هذي وخصوصآ البيت اللي انت ذكرت مشهور ومانعرف قائله الا منك حسب معلوماتك
عمومآ يالغالي القصيده التي تكون بقلم غير قلمك حاول تنزلها في قسم المنقولات الادبيه لأنه القسم المناسب لها
لاعدمتك اخوي واسمح لي بنقل المشاركه للقسم المناسب لها
اخوووووووووووووووووووووووك
أســــ الغنج ــــير
كلمات قمه في الروعه
إختيار موفق وجميل
//
أهلاً بكـ سلمت على النقل
دمت بخير