الدنياء مواقف منها حزن ومنها فرح لاكن..الذي يصيبه الحزن يعتقد ان الدنيا توقفت ويبقى حزيناً طول عمره يتذكر ما اصابه مع نفسه ..لاكن..الذي يصيبه الفرح يكمل حياته فرحان لكن..لم يفكر ان في يوم من الايام سيصيبه الحزن فتتوقف حياته والبعض يصيبهم اكيد الفرح والحزن لانهم فكروا حتماً ان الدنيا ستكمل لن تقف عند مصيبة حزن اوفرح او الوسط..
البعض ينصدم وينجرح من مشكله كبيره للاسف ..لم يفكر ان المشاكل الاكبر في انتظاره .لاشك لا احد يخلوا من المشاكل الكبرى والصغرى
والبعض ينهار من مشاكل كبيره لانه يعتقد ان المشاكل الصغرى لا يظهر لها اثر ..
نصيحه قبل ان ابداء الروايه …
((مهما كان الانسان شريراً فإن له جانباً من الخير ))
(بـوقـت مــن الـبطا،وبليل تـترقص شـياطينه
بـعد شـفت الـضيا يـنزع مـن ثياب المسا ثلثين(للكاتبه: همسات منتثره )
بـــــــــــــــــــــ البارت 1 ــــــــــــــداية
تركي:اميره هدي ان شاء الله يطلعونه من العمليه سليم
(تركي ولد الخاله امل عمره 24))
اميره (تبكي):وينهم تشوف احد كل واحد نسأله يتركنا ويروح
(اميره بنت الخاله امل عمرها22 متزوجه طلال واللحين حامل)
رشا(تبكي):ياربي ..ابوي محتاجينك لاترووح
(رشا بنت الخاله امل عمرها 17))
نواف:رشا خلاص هدي اللحين رح يطلعونه ،،والعمليه يقول الدكتورسهله
(نواف ولد الخاله امل عمرها 20)
خ امل(بصوت مبحوح):خلاص بنات بدال ماتبكون ادعوا انهم يطلعونه سليم هو اللحين محتاج لدعانا
اميره: يا رب يا رب (وجلست تبكي)
رشا:ياربي طلع ابوي بسلامه محتاجينه
طلال( جلس جنب اميره):اميره اهدي خلاص تكفين عشان البيبي
اميره(بصوت مبحوح):بكيفه البيبي اهم شيء ابوي وبس
طلال(وقف):برااحتك
(شوي طلع الدكتور ،الكل وقف وسؤاال وراا سؤاال )
اميره:وش فيه..!!؟ ابوي……… ليش كذا منزل راسك..؟؟ قول
رشا:نجحت العمليه وإلا لا؟؟،، تكلم
تركي:هااه دكتور وش فيه ابوي..؟؟ ترااك لعبت بأعصابنا
الدكتور(نزل راسه):العــمــر لـــكــــم
(كلمة الدكتور جت صدمه عليهم كلهم لان حد علمهم ان العمليه سهله الكل انهار خاصة الخاله امل وبنتها رشا لانها البنت الصغيره ودلوعة ابوها )
اميره (جلست وبصدمه):هااه….!!
رشا(مسكت راسها ):لا مستحييل مستحييل(وجلست تبكي )
(الخاله امل ما تكلمت بس الدموع تعبر عن احساسها ،،الكل رجع البيت وجاء بكره ودفنوا ابوهم ومر شهر على الحادثه واللحين الكل متجمع في استراحه)
نسرين:رشا خلاص هدي ياليت ما جبنا سيرة المرحوم
(نسرين بنت الخاله نوره عمرها 19)
اميره (بعصبيه):هي كذا (ألتفتت على رشا):خلاص مات الله يرحمه مو تموتين نفسك بعد مثل ما هو ابوك ابوي بعد لاكن انا تصبرت وخلاص ليش انتي ما تصرين مثلي
رشا(وقفت،وبصراخ):اصير مثلك انتي عندك زوج ينسيك الموضوع بس انا عندي امي كل يوم معبسه ما نسته وكل شوي تقول كان المرحوم يسوي كذا وكان المرحوم..واخوانك كل يوم يذكرونه وتبيني انساه يعني اقعد في غرفتي وبس وتقول صيري مثلي ..؟؟(وطلعت)
اميره:حسبي الله ونعم الوكيل
رؤى:اميره هدي انتي حامل ما يصلح العصبيه على الحامل
(رؤى بنت الخاله مشاعل عمرها 20)
اميره(ابتسمت):ان شاء الله
ملاك:ان لله وان اليه راجعون
(ملاك بنت الخاله ياسمين عمرها 20)
((شوي دخلت رنا)
رنا :وجع وش فيكم اضحكوا كأني داخله على مغسلة موتى
(رنا بنت الخاله ياسمين عمرها 16)
امجاد:رنا روحي هدي رشا تلقينها في المسبح انا شوي وجايه
(امجاد بنت الخاله نوره عمرها 15)
رنا :طيب
(راحت رنا لقت رشا قاعده على حافة المسبح ومنزله رجولها في المسبح وتبكي)
رنا بحزن جلست:الدموع على وجهك مو حلوه
(رشا ظمة رنا وبكت)
رنا:يا بعد روحي خلاص لا تخليني ابكي معك
(دخل حمد،،رشا بعدت رنا)
رنا:الله ياخذك تونا ناوين نتغطى
حمد:وش فيها رشو زعلانه وتبكي مو حلو شكلك وانتي تبكين
(حمد ولد الخاله مشاعل عمره 21)
رنا:ممكن تتطلع
حمد:وانتي مو حلو عليك العصبيه ،،تعالي من جد رح تتغطون اقول بلا استهبال
رنا :على كيفنا ….اقول رح اطلع وصك الباب وراك
حمد:وش هالطرده الجامده
رنا:خلها سايله ……اطللللع
حمد:ههههههههه امووت والله تعرفين تنكتين
رنا:بتطلع وإلا شلون
حمد:وإذا ما طلعت
رنا:رشا تبين جزمتك
حمد :لا خلاص والله لاطلع ..يلا بااي قيرلز
(حمد وهوطالع إلا امجاد داخله)
حمد :هلا والله بأمجاد
امجاد:اقول اطلع
حمد:لا عاد كل شيء ولا عصبية امجاد طالع مهبول انا اجلس
(وطلع)
امجاد:هدت..؟؟
رنا:اي شوي
(امجاد جلست جنب رشا من الجهه الثانيه)
امجاد:رشا وش فيك هااه..؟؟
رشا: عشان ابوي …(وتمسح دموعها)
رنا:شوفي المويه صافيه ليش مايصير قلبك كذا صفيه من الحزن خلاص انسي
امجاد:حبيبتي رشا الدنياء بتمشي مو موقفه
رشا( هزت راسها منزلتها لتحت و بصوت هادئ ):صادقه…انا ليش موقفه حياتي
امجاد:اشووووووووووه رجعت رشا زي اول الخبله المجنونه
رشا:خبله ومجنونه هااه
(رشا قامت تلاحق امجاد حولين المسبح ورنا تناظرهم)
امجاد وهي تركض:حراام عليك رورو خايفه اطيح ماجبت لبس
رشا:اووووه بعد والله فللَه
رنا:اقول يلا يا الخبلان مع السلامه
امجاد مسكت رنا من وراء :خلاص رورو تكفين والله تعبت
رشا حطت يدها على ركبتها :بس عشاني انا تعبت وإلا ما وقفت
رنا:اقول بلا هبال انتي وياها ويلا تعالوا
رشا وامجاد:يلا
(رنا وامجاد بنات الفرحه عندهم عنوان لحياتهم بس مافي ناس مرتاحين نكمل القصه ونشوف هل الفرحه رح تكون بعد عنوان وإلا بس نص او جمله مفيده)
خ ياسمين(ام بدر):وينكم..؟؟!! فجأة اختفيتوا
امجاد:ههههههه ليه وش شايفتنا جن
خ ياسمين(ام بدر):باييخه….اقول وينكم فيه
رنا:كنى في المسبح
رشا:انا بروح لدورة المياه
(بعد ما راحت)
خ امل(ام تركي):وش فيها بنتي
امجاد:رشا لين اللحين مانست ابوها عشان كذا منهاره
رنا:بس الحمد لله هديناها وفهمناها ان لما ابوها راح هي لا تروح نفسها وان في ناس يبونها وفاقدين رشا القديمه
رشا(جت):ايه يمه خلاص اوعدك رح انسى الموضوع بس تكفين وانتي اوعديني انك تنسين
خ امل(ام تركي):اوعدك رح انسى
(رشا ضمت خ امل )
خ نوره(ام عبدالعزيز):الله يرحمه ويطول بأعماركم
خ مشاعل(ام وليد) :يالله حسن الخاتمه
الكل :اااامين الله يسمع منك
رشا(وقفت ):رحبوا في رشا القديمه رجعت زي قبل واوعدكم رشا مارح تتغير
رنا (تسلم على رشا):السلام وش اخبارك وين هالغيبات
رشا:انتي مسلمه علي يا الفاهيه
رنا:بس ماسلمت على رشا القديمه مو انتي قايله رحبوا
الكل:هههههههههههه
(شوي جت نسرين تركض وجلست جنب امها خ نوره)
نسرين:ليش ما حطيتوا العشاء انا ميته جووع من جد جيعانه ،،وش فيكم تناظروني وش فيني،قلت شيء غلط
الكل:هههههههههه
خ نوره(ام عبدالعزيز):لا ما فيك شيء بس توني قايله نفس الكلام ،،المطعم بيجي اللحين
خ ياسمين(ام بدر):اللحين تأكدت انها بنتك
خ امل(ام تركي):وين البنات
نسرين:بسم الله هذا هم جو
سحر:ليش تسمين شايفه جن
(سحر بنت الخاله مشاعل عمرها 18)
نسرين:لا عفاريت
سحر:ياخذونك
نجد:خير وش فيكم كأنكم جارات
(نجد بنت الخاله مشاعل عمرها 20)
خ نوره(ام عبدالعزيز):اعظم
سحر:ههههه نستهبل اكييد مو من قلوبنا
نسرين :اكيد
رؤى:خلاتي بنات خالاتي ممكن تسمعوني ،،،..ليش مانغير الروتين يعني دايم وكل اربعا خميس وجمعه فالاستراحه يعني كل اسبوع نفسه انتوا في الصاله واحنا في المجلس والاولاد برى يعني ما في شي جديد
رنا(همست لامجاد بصوت خفيف):عاجبتها رؤى كلمت يعني
امجاد(بصوت عالي):ههههههههههه
(الكل التفتت على امجاد بعدين استوعبوا )
زوجة العم علي (منى):استراحة خوالي كل اسبوع شي الاسبوع الاول حفلة تنكر والاسبوع الثاني بروجكتر ويحطون صورهم وهم صغار وتعالي شوفي التعليق والاسبوع الثالث حفلة صغيره للبنات والاسبوع الرابع لعب حبشه او اونو (لعب ورق ) اوكيرم والاسبوع الخامس رقص واغاني والاسبوع السادس مقالب والاسبوع السابع يكون سوالف وقصص وكل اسبوع له شي ولين خلصت نعيد من جديد
رشا:الللللللللله فللللللللللللللله يلا
((المهم وصل العشاء وتعشوا وناموا الساعه 4 الفجر طبعاا الاولاد راحوا لبيتهم ينامون <<<ما يقدروون ينامون في الاستراحه ((قرررف)) في غرفة النوم تبع البنات الساعه تقريبا 6الصبح))
رنا(همست لامجاد):امجاد نمتي
امجاد:لا ماجاني نوم وانتي
رنا :حتى انا
امجاد:نطلع
رنا:يلا
رشا(بصوت خفيف):وين تروحون
رنا:بنطلع تروحين معنا
رشا: مدررري بنااااااااااااااااام
امجاد:نامي نامت عليك طوفه
رشا:اممممممممممممممممممممممم
(طلعوا رنا وامجاد)
رنا:يااااااااااااااااااااااااااااي الجو رواااااااااااق
امجاد:مرررررررررره
رنا:وش رايك؟؟ نفتح الباب
امجاد:باب الاستراحه..!!؟
رنا:لا باب راسك ..!! يعني اي باب اكيييييييد باب الاستراحه
امجاد:يلا ماعندي مشكله
رنا( فتحت الباب ناظرت يمين شمال ما في احد):امجاد فاضي الشارع
امجاد:بعدي ابي اشوف زيين يا الدبه
رنا(فتحت الباب كله):هاااه تناظريين
امجاد:اي
رنا:تسمعين صووت
امجاد:اي صوت …صوت…..صوووت احد يغنييي
رنا:يممه سكرااااااااااان …سكرااااااااااان
انتــــــــــــــــــــــ البارت ـــهـــــــــــــــى
إذا عجبتكم ردو واطلبوا التكمله ولا تحكمون على البدايه الجاي احلى واحلى
وشكررررراً
1- وش رح يصير بـ رنا وامجاد ..؟؟
تسلم الأنامل وما ننحرم من جديدك
ننتــظرك وننتظر جديــد إبدآآآعـــكـ
تقبلــي مروري..ودي لـروحــكـ
نتــــريـــــــآآآآ يديـــــدج و تسلــم انــاملـــــج ،،
وذ مــــــــــــــــآآآآآي xoxo
ســــــ^^ـوفتيــــه .. AD
قبل ما اكمل الروايه
1-نقل الروايه تنقل مع ذكر ((المصدر))
2-نقلها كامله
3-تنزيلها يكون كل يوم الاثنين ((او قبل ..،،على حسب المقدره))
الرموز: "خ = خاله او خال "
وشكراا
بـعد شـفت الـضيا يـنزع مـن ثياب المسا ثلثينه(للكاتبه: همسات منتثره )
بـــــــــــــ البارت 2ــــــــــــداية
(مرت تقريباً 8 ساعات اللحين الساعه 2 الظهرالكل صحى من النوم إلا رشا نايمه وبعض البنات)
خ امل(ام تركي):وين البنات ما اشوفهم وامجاد ورنا خبري اول ما اقووم إلا هم فوجهي
خ نوره(ام عبد العزيز):اكييد نايمين
اميره:بروح اصحيهم
خ ياسمين (ام بدر):اي تكفين صحيهم كلهم بعد شوي بنحط الغداء
اميره(رااحت وكم دقيقه وجت):رشا والبنات قاموا بس امجاد ورنا مو موجودين
خ نوره وخ ياسمين (وقفوا):هااه
اميره:دورت بدورات المياه وما لقيتهم
خ نوره(ام عبد العزيز):بروح ادور عليهم
خ ياسمين(ام بدر):جايه معك
خ امل (ام تركي):يعني وين يروحون
رؤى(جايه دايخه وبصوت نايم):السلام
خ مشاعل(ام وليد):وعليكم السلام،،إذا فيك النوم روحي نامي
رؤى(تتثاووب):لا ما ابي انام خلااص
نسرين:هااااي
خ مشاعل(ام وليد):وش عندك مروقه …؟
نسرين:حلمت حلم يهبل
اميره:خلونا من حلوومكم ودورا على امجاد ورنا
رشا:لييش
اميره:ما لقيناهم
البنات (وقفوا):هااه
(البنات راحوا يدورون عليهم والحريم يتصلون على الشباب يمكن رايحين مكان وصاروا يدون عليهم لما الساعه 4 العصر الخاله ياسمين خايفه على بنتها رنا والخاله نوره خايفه على امجاد إلي لحد الان ما لقوهم وما يعرفون مكانهم الكل متجمع في الصاله حتى الشباب)
فهد(معصب ويصارخ):يعني وين يروحون إذا انتوا تقولون انكم نمتوا وهم نايمين معقوله قاموا بس وين يروحون إذا الاولاد يقولون محد اتصل علينا وكنى نايمين ويين رااحوا..!!!!
((فهد ولد الخاله ياسمين وعمره 20))
بدر(مسك كتف فهد اخوه):خلاص فهد هد ان شاء الله رح نلقاهم يعني وين يرحون اكيد تلقاهم في مكان في الاستراحه واحنا ما دورنا فيه
((بدر ولد الخاله ياسمين وعمره 22))
رشا(بصوت مبحوح):رنا وامجاد الصباح الساعه 6 قاموا وانا حسيت فيهم وسألتهم وين بيروحون قالولي بنطلع بس انا نمت ولين اللحين ما شفتهم
عبدالعزيز:وتوووك تتكلمين اللحييين
(عبدالعزيز ولد الخاله نوره وعمره17))
بدر(مستغرب):الساعه 6 الصبح وين يروحون
خ ياسمين(ام بدر):نعلم الشرطه
فهد:لا لما نتأكد انهم برى الاستراحه،،،،..دورتوا في المسبح
الكل :لا
خ نوره(ام عبد العزيز):ما خطر على بالنا
(بدر ركض للمسبح لقى رنا نايمه على طرف المسبح وجنبها امجاد)
بدر(هدى اعصابه وارتاح يوم شافهم راحه غير طبيعييه):امجاد…رورو…يلا قوموا
امجاد ورنا:ااامممممم ………
بدر(جلس جنبهم):خوفتونا عليكم قعدنا ندوركم من الساعه 2 وانتوا هينا
رنا:………ك…م السااااعه
بدر:الساعه 4 العصر
رنا (دايخه):من الساااعه……… 2 الفجر
امجاد(دايخه وفيها النوم):…….يــــــــا غب..ييييه احنا طالعيين من الساعه 6 الصبح ….يعني وشلون يدورون علينا من الساعه 2 الفجر…… ذكااااااااااااااااء..نامي بس وانتي ساكته
بدر:هههههههههه ..2 الظهر يلا قوموا
(وجلس يلعب بشعر اخته رنا )
(إلي في الصاله جوو للمسبح وبدت رنا تشرح الموضوع من البدايه )
رنا:وسمعنا احد يغني يوم طليت إلا هو سكراان من زوود الخووف بغيت اكسر البااب وانتوا ما شا الله عليكم ما تسمعون
فهد:كملي
امجاد:بعدين دخلنا المسبح وقعدنا نسولف وما درينا عن نفسنا إلا اللحين
خ نوره(ام عبدالعزيز):خوفتونا عليكم في الاخير في المسبح
امجاد(حبة راس امها ويدها):خلاص يالغاليه اسفه،،والله ما اقوم إلا وانا معلمتك يا ست الحبايب
خ نوره(ام عبدالعزيز):الله يرضى عليك يابنتي
خ ياسمين(ام بدر،،مسكت رنا وضمتها):خوفتيني علييك
رنا:اسفه يمه ساامحيني
(ودخلوا الكل وتغدوا وبعد الغداء كل واحد راح لبيته،،، ملاك في غرفتها قاعده على الاب حقها وفاتحه منتدى مسجله فيه بنك((ملاك الروح))وكانت قاعده تنزل موضوع وهو((انت لا غبت يوم زآدت لهفتي ..اجل وش يصبرني بالهسنين في غربتكـ))
إذآ تبي فرآقـــي حآضــر وتحــــــــت امركـ
انت وش يهمـــــــــكـ في بعآدي وجيتي
انــآ مثــــــــل "الهواء"اروح وامر من عندكـ
همــــــــــكـ بس تبي تعيش وتتــــركني
مآ طلــــــــــــب شي بس خلكـ على "وعــدكـ
إذآ تكرهنــي صـــــــــــدق ضمنـــــي
وروح ولاتلتفت وش ابي بعد روحتكـ نظرتكـ
انت إذآ غبـــت يـــــــــوم زادت لهفــتي
اجل وش يصبرني بالهسنين في غربــــــــتكـ
بيكــــــــــــــون ظلكـ حولــــي ويلفنـــي
مآ بقـــــــــــى إلا هو بعـــــــد روحتـــــــكـ
مع السلآمه يآالحبيب وخلكـ دوم تذكرني
خآيفهـ تنسى ويوم تشوفني تقول "مآعرفتكـ"
^^
كلمآآآتي " همسآت منتثره "
(بعد ما نزلت ((ملاك الروح موضوعها الكل بداء يرد لانها معروفه بخواطرها وقصايدها واشعارها ..وبين ماهي تقرا جذبها رد وكان من((الامير النائم))
وكان الرد كذا((جناااان ما شا الله يعطيك ربي الف عاافيه اختي على هالكلمات الحلوه وبصراحه متعودين عليك وعلى كلماتك واشكرك على اجتهادك في هذا القسم ،،مع انك عضوة لاكن الله لايضرك مميزه بقوه بنسبه لي وعقبال الاشراف …تحياتي…..الامير النائم))
(ملاك اعجبها الرد وكاتبه لان كانت ردوده الرفيعه والراقيه وشكره لها كان تشجيع لها وكانت لين حطت مو ضوع وما يرد حست ان الموضوع مو حلو بس ماكان يترك اي موضوع إلا ويرد عليه وحتى كانت مرتاحه عشانه دايم يقول ((اختي…خيتوو))) بعد كم دقيقه رن جوال ملاك:هلا نجود
نجد:اهلين كيفك
ملاك: تمام وانتي
نجد:والله بخير يوم سمعت هالصوت
ملاك(قفلت الاب وقامت وقفت عند الاستاره):وش عندك متصله
نجد:ابد بس ضايق صدري ابي اسولف معك اشتقت لسواليفك والاستراحه ما نقعد مع بعض
ملاك :من جد
(ملاك ونجد بدو يسولفون ))
(بـوقـت مــن الـبطا،وبليل تـترقص شـياطينه
بـعد شـفت الـضيا يـنزع مـن ثياب المسا ثلثين(للكاتبه: همسات منتثره )
((في غرفة وليد وحمدوكان قاعد على لاب)
حمد: هههه ماشاالله مواضيعها روعه بصراحه عندها ذووق واحساس مختلف عن هالبنات،ودي اقولها لو اطلع كتاب لها
وليد:من هاذي إلي عندها احساس مختلف
(وليد ولد الخاله مشاعل وعمره 24)
حمد:وحده الله يستر عليها وعليك
وليد:ليه وش مسوي انا..!
حمد(بعصبيه):يعني ماتبي ربي لين سويت شيء يستر عليك…
وليد:إلا
حمد(بعصبيه):خلااص كل العافيه واسكت
وليد(يمسح يده ويناظر اخوه ويغمز له):اللحين الغريبه بتطلع لها وبنت خالتك ملاك تترجاك هذيك لايام وانتي ماعطيتاها وجه ومسوي حالك مشغول
حمد:اساساً انت شفت كلامها كيف كلام حتى ماتعرف عشان اطلع لها كتاب انا بس قلت اصرفها باني مشغول عشان ماتزعل خالتي
وليد: حرام عليك البنت متحمسه مره من المرات قالت لنا قصيده وانت مو موجود وكانت قمه في الروعه
حمد : شف من وين بس سارقتها من اي مجله وجت تقولها لكم
(كذا حال حمد ووليد كل يوم ))
(بـوقـت مــن الـبطا،وبليل تـترقص شـياطينه
بـعد شـفت الـضيا يـنزع مـن ثياب المسا ثلثين(للكاتبه: همسات منتثره )
(الساعه اللحين 10 ليل في بيت الخال علي)
خ علي:غلاااا غلااا
غلا نازله:هلا بابا وش فيك..!!؟
خ علي:بكره بتروحين بيت عمتك ياسمين
غلا:ليش..؟؟!
خ علي:اتصلت علي عمتك ياسمين تقول ان حفلة الصبايا عندها
غلا:اييييييي صح بكره،،اي بروح
خ علي:اهاا
زوجة خ علي(منى):وش يوديك.؟؟!
غلا:يمه هذي كل شهر يجتمعون البنات عند وحده من بنات عماتي هذا إلي اتفقنا عليه يوم الاستراحه
(بـوقـت مــن الـبطا،وبليل تـترقص شـياطينه
بـعد شـفت الـضيا يـنزع مـن ثياب المسا ثلثين(للكاتبه: همسات منتثره )
((في غرفة ملاك توها داخله نطت على السرير بخفه ودلع وفتحت الاب اول ما فتحته لقت طلب صداقه في المنتدى من ((الامير النائم))طبعاً ملاك قبلت هذا الشيء عندها شيء عادي يعني تعتبره كصديق ،،الساعه اللحين 2 الفجر،، الكل في غرفته بس رؤى كانت قاعده مع اخوها وليد برى عند المسبح ))
رؤى:وليد ممكن سؤاال
وليد:قولي وش عندك..
رؤى(جلست على الكرسي إلي قدام المسبح):لييش ما….تتزوج..؟؟
وليد(نزل راسه ):ايييييييييييه ….لين اللحين ما لقيت البنت إلي تناسبني لين حطيت فبالي بنت احس لقيت فيها عيب..مدري
رؤى(بعصبيه):تعرف ليش يصيير كذا…!!؟؟
وليد(عطاها ظهره وبروواق):لييش…
رؤى(بعصبيه):لانك لين اللحين ما نسيت اميره وليد خلاص اميره تزوجت واللحين حامل خلاص انساها اميره عمت على عينك عن كل البنات معقوله ولا وحده من بنات خالاتي ولا عماتي ما عجبتك انت إلي مو راضي تنساها
وليد(تذكر، ورؤى قلبت المواجع عليه وملت عينه دموع):تحسبين هالشي سهل علي هااه،،لين دخلت اسلم تتطلع وانا ادخل ولين سلمت حتى السلام ما تقوله وتقولين مو راضي
رؤى(بعصبيه وفي نفس الوقت راحمه اخوها ):هي تتطلع من المكان إلي تدخله تبيك تنساها نسيت وش كنت تسوي اول ماتزوجت لو انك محترم نفسك من البدايه كان ماصار كل هذا
وليد:كذا هي تزيد ،،والله ما قدرت انساها حاولت لاكن ما قدرت والله حاولت بس ما في فايده
رؤى(وقفت جنبه وحطت يدها على كتفه ):انت لو تحب وحده ثانيه كان قدرت تنساها
وليد:مالقيت لحد اللحين البنت إلي تقدر تنسيني دلع وخفة اميره يا رؤى
رؤى:طيب براحتك انا رايحه انام بس تذكر انساها.. اانساها يا وليد
وليد(نزل راسه ورفعه والتفت على رؤى وابتسم ابتسامه مصطنعه):طيب
(رؤى راحت ووليد جلس على الكرسي وصوت رؤى في اذنه :انساها.. اانساها يا وليد
وليد(صرخ):كييف كييف…..؟؟
انتــــــــــــــــــــــ البارت ـــهـــــــــــــــى
إذا عجبتكم ردوا واطلبوا التكمله
وشكررررراً
(بـوقـت مــن الـبطا،وبليل تـترقص شـياطينه
بـعد شـفت الـضيا يـنزع مـن ثياب المسا ثلثين(للكاتبه: همسات منتثره )