ايدام باكستاني "من مطبخي" 2024.

1_بصله مقطعه بالطريقه اللي تحبيها..
1_ طماطم مقطعه وفلفل رومي < ما احبه علشان كذا ماكثرت عاد انتوا وذوقكم..
بهارات مشكله + حبه ماجي < اكتفي بالماجي ومايحتاج ملح.
4_ بطاطس مقطعه ..
خضار السنبله جاهزه عبارة عن ذرة ,بازلاء,جزر…
زيت ..
معجون طماطم ونسيت اصوره ^_*

نأخذ قدر ضغط انا استخدمت السيف اللي حجمه 4 ليتر
ونضع البصل والزيت في القدر حتى يذبل

نضيف على البصل البهارات والماجي ونحركها وبعدها الطماطم والفلفل الرومي

نحرك كل ماسبق ونحط عليها معجون الطماطم

الان جاء دور الخضار المشكله والبطاطس نضيفها ونحرك الجميع

هنا اضفنا المويه حتى غطينا الخضار تقريباً نصف القدر

الحين نقفل القدر ونحسب له ربع ساعه على نار متوسطه يطلع شبه مهروس
واذا تبغوا الخضار ماسك عشر دقائق بس احنا عائلتنا تحبه وهو لين ,,,

هنا بعدما جهز

نبدأ الان التحضير للايدام الباكستاني :

المقادير :
نصف دجاجه بالعظم مقطعه صغار < جربت الفيليه طلع اللي بالعظم اطعم
بصله كبيره
" طماطم , نصف علبه معجون طماطم , ماجي,2_فلفل ,علبه زبادي" < كلها تنحط في الخلاط
زنجبيل طازج مبشور < ضروري , بهارات .
طبعاً مانستخدم المويه في الايدام الباكستاني ابداً تكفي الزبادي والطماطم عنه

نجيب قدر عادي الضغط ماينفع لانه لازم نحرك كل شوي

البصل مع الزيت

اذا ذبل البصل نضيف الدجاج وننزل النار والطبخ كله يصير على نار هادئه < وهنا السر

نحرك الدجاج حتى يتغير لونه ويصير ابيض وكل شيئ على نار هادئه

نضيف الخلطه اللي وضعناها في الخلاط ونحركها تمام

الان نحط البهارات والزنجبيل ونحركهم

بعد كل دقيقه تقريباً نحركه ونغطي القدرعشان ماينشف لانه بدون مويه
طبعاً ربع ساعه والاكل يصير جاهز < شفتوا ما يأخذ وقت
بس انا طولت في الشرح لان كل شيئ بالتفصيل

يعني نوعين ايدام في نصف ساعه لكم ولاطفالكم

هنا صورته بعدما جهز

الان نأخذ ملعقتين من الايدام الاول اللي بالخضار ونضيفه للايدام الباكستاني
واللي بس تبغاه دجاج خلاص بس تسوي الطريقه الثانيه

وهنا صار جاهز للاكل طبعاً قلت لزوجي يجيب خبز جاهز للايدام الباكستاني
نسميه شباتي وبعضهم يقولون جباتي < كل واحد وطريقته…

وهذا لاول من يرد

بكذا خلصت

اتمنى تطبقوه ويعجبكم مثل ما اعجبني لاتنسوني من الدعاء ,,,,

" الحمدلله الذي اطعمني وسقاني من غير حول مني ولا قوة "