الهجران 2024.

من كلمات احمد بن محمد التميمي
   الحب مظلم من الهجران و إهمالك

و البعد نجمة حزن بالتيه مرتسمة

أمطر مخاييلك اللي في سما فالك

يمكن تخفف عويل الجرح لو بسمة

من كثر ما فالوعد كثّحت برمالك

محتاج ديمة وفا تطرح غبر جسمه

ليتك تلمّ الهقاوي أن هدى بالك

من قدرة وكثرة النزوات منقسمة

أحذر دروب الغواية ظُلمها حالك

وأقطف زهور المحبة شمّها نسمة

ودي تعير الأماني صفوة آمالك

وش له يهاجر حنانك لا أقترب وسمه !؟

أقرب وبدد شقى اللهفة على وصالك

و شكّل بصفحة لقانا للفرح رسمة

يومك تمنّى ودادي يحتضن جالك

كلت القهر والألم وهمومهن دسمة

أما تجي و أنثر الأشوق بقبالك

والا فراقك أمر ( قد أقترب حسمه) !

اقتباس:

المشاركة الأساسية كتبها حمدفهد سلمت يداك طرح رائع لا عدمناك أدبا وثقافة

شكرا اخوي عالرد لا عدمت طلتك تسلم لاهنت ولا شنت ولا شفت مكروه

اقتباس:

المشاركة الأساسية كتبها عايشه جكر للبشر يعطيك العافيه اختي طرح ولا اروع تحيتي

شاكرة لك مرورك يالغلا لا عدمت طلتك تسلمين لا هنتي ولا شنتي ولا شفتي مكروه