المباني
………………..
جابك الله من فراق ضيق صدور المباني
قبل لا الوحشه تزعزع بيتك الصلب وتبيده
بيتك اللي من رحلت وكل جدرانه تعاني
ماتحمل ينتظر شهرين وعيونك بعيده
الله العالم لو انك جيت متاخر ثواني
ماتشوف الا بقايا من حصاه ومن حديده
من عرفتك وانت ضايع من مواني لي مواني
وتاركٍ قلبي يولع من وقيده لي وقيده
ضاع عمري بس احد بها لليالي واتحداني
وانت لاتشبع فراق ولا تجاف النقيده
ودي اتحمد لك بالسلامه….ما مداني
كل ماتوصل من رحله ترجع برحله جديده
دامـ تدري كل وجه غير وجه الله فاني
يااخي اكسب ثواب وخاف ربك في عبيده
كان فيني عيب قلي … فيك العيب الفلاني
كان هجري مزعلك في شي قلي :لاتعيده
لعنبوك ان مت بيدك وش يفكك من اخواني ؟!
لــ حزنوا ربعي غلي ومت … شاللي تستفيده؟
ليه تصغر في عيوني وانت في رقاب الغواني
عيب تستسهل طعوني وانت خابرني وليده
انت منت اللي عشقته !! انت انسان ثاني
كيف صرت بالبروده وهالاحاسيس البليده
وين حبك للزعل …. وين الهناد الالولاني؟
وين حنية زمان وفرحة العمر الرغيده؟
وين ذاك اللي ليا اقبل ما ابيات الا باماني
وين راح اللي فقا مايروح الا فقيده
واحد من جابه الله بس يامر ويعصاني
الوحيده اللي اخافه غصب وامشي معه" سيده "
مابغيت اطيح بيده لين ماربي بلاني
والا انا لو هي بكيفي … مابغيت اطيح بيده
ذاك بس اللي ليا شفته يلخبط كياني
ذاك من نظره ينشف دمـ قلبي في وريده
قبل اشوفه اجمع إله احلى القصايد والمعاني
وان لقيته ماعرفت اقول لي جمله مفيده
الف مره قبله اعد القصيده من لساني
ولعنبوه ان جيت عنده قمت اخربط بالقصيده!
امدحه وانا ادري انه لو تباطاني نساني
انصحه وانا اعرفه مجنون وافكاره عنيده
من يسوي بي سواتك يالرهيف الاسمراني
منهو من الناس غيرك غلتطه ترفع رصيده ؟!
من يقص جناح طيرك وانت اعز انسان جاني
كيف اخاف رماح غيرك وانت طعناتك سديده
إن تبعتك اتبعك من طيبي وواس بطاني
والا انا لا جيت اكيد انسان تدري كيف اكيده
اقدر انزع ثوب طيبي والبس ثيلب الاناني
واقدر اطلع من عذابي والعب بدورك واجيده
وان بغيت اكسب رهاني باي وقت اكيب رهاني
واخدعك باحساس كاذب واتحدى من يصيده
ابك انا لا شفت خلي حط غيري في مكاني
والله اني لاتركه واصد واعشق سيد سيده
خلني داخل حدودك واجبر خاطر زماني
إكذب فـ باقي وعودك واصدق بلحظه سعيده
انتشلتي من برودك لو تولع بالمحاني
عطني احساس بوجودك واحد كل اللي تريده
تكفا واليا قلت تكفا بيع خلق الله عشاني
لا تضيع من يديني فرصة العمر الوحيده
جيت مابيك تحقرني جيت ابيك تعز شاني
جيت ابي فزعة ضلوعك من مشاعرك البليده
يعلم الله شفت منك ومن غيابك ماكفاني
كان ما تقدر تخفف هم قلبي لا تزيده
شف غيابك وش يسوي بالصدور وبالمباني
وانت تدري كيف كانت صدمة غيابك شديده
والله لو انك وصلت البيت متاخر ثواني
ما لقيت الا بقايا من حصاه ومن حديده
……………………….
للشاعر : حامد زيد[/poem]
شاعر له ثقله
حبيبة دمعه مخنوقه
نقل رائع لقصيده رائعه
تسلم أناملك الرائعه المميزه
دمتي ودام قلمك الرائع
لكِ أجمل الورود والزهور
القلب الطائر
نقل متميز رائع وجميل
لك منا الشكر الجزيل
اجمل الامنيات
من سيد الامنيات
تحياتي
نشوان/سيد الامنيات
تسلمين …
القلب الطاائر
مشرفناا سيد الأمنيات
asoolah3
الله يسلمكم
تحيااتي ..
دمتم بخيير دائماً …
اختكم .. حبيبة دمعه مخنوووقه
هلا فيكِ
تسلم يمناكِ على النقل الجميل
تحية لكِ
لشاعر مبدع ..
يعطيك العافيه لاخلا ولاعدم …
على المجهود
والله اني ادور عليها من فتره
تحياتي لك
لشاعر رائع
مشكوره على النقل الجميل