تعلمت الهوا منًك وصرت بحبكم هيمان
ومن ذاق الغرام العذب يجيه الشيب ماتابي
تعاتبني تخاصمني أنا مقدر على الكتمان
تقول الناس لاتدري وقول الحب غلابي
يجيبك لى هوا الغربي إذا ذعذع لي مسيان
وقول أهلا هلابك يارسول(ن) جا من أحبابي
وعلي تطري إذا غنى حمام الورق باالألحان
يحرك قلبي بصوته إلا من هب هبابي
أثر دمع المولع سهل وياقربه من الأعيان
إلامنه طرا له ماطرا ينهل سكابي
ربيع العمر في شوفك ونا المغرم ونا الولهان
وإلا من قلت أنا بنسى تراني اليوم كذابي
لقيت بوصلكم فرحه وبعدك للفؤاد أحزان
وصوتك بلسم جروحي وقربك طب الأطبابي
أنا باقي على الذكرى ولو مرت بي الأزمان
وغيرك ماملا عيني ولا أحسب له إحسابي
عهود الحب مصيونه وسر العشق باالكتمان
بوسط قلوبنا تبقى ولو عشنى به أغرابي
تأكد لو تخاصمني أنا ماني ترا زعلان
لأني فعلا أحبك وعنك شي جذابي
على كيفك إلا منك نويت الصد والهجران
ولاكن صورتك تبقى مابين الجفن وأهدابي
يذكرني بها طيفك وأقوم من الغلا شفقان
وأقول الله يجيبك لي مدام الجرح ماطابي
وسلامتكم
وصوتك بلسم جروحي وقربك طب الأطبابي
…
محسن
صح لسانك وعلا شانك
جميلة احرفك
احترامي
صح لسانك أخوي مدد وبلا عدد
وربي يسعدك على هالدره…
والله يسعد أيامكم ولياليكم ويحميكم من كل شر
أخوكم / محسن الهزاني
صح إلسانك …لاهنت ولا هان منطوقك
قصيده جزله وإحساس عذب …ابدعة
يعطيك الف عافيه ..إحترامي
ولاهنت على كرم الحضور
وتشريفك متصفحي
يعطيك العافيهـ