السلام عليكم ورحمة الله وبركاته
مسا الخير
عسى عامك سعاده وحب وتفرح بالهنا كلّه
وكل الدنيا تضحك لك وتسعد يا نظير العين
عسى العام الجديد أحلى ونقطف ورده وفلّه
ترافقنا السعاده والعمر يبقى لنا عمرين
إذا قالوا تحبه قلت كل العمر هو والله
انا مخلوق لعيونه وهو بعيوني الثنتين
إذا ما أسمعك لحظه أحس القلب متولّه
واشوف الناس بعيوني سراب وملتقاهم شين
أحاول ألتقي بطيفك واسامح لو بدت زلّه
أسهّر قلبي وعيني إلى حد النهار يبين
اكلّم وردتي الحمرا وهي بالنود مبتلّه
أطرشها لجل عينك وياخذها نسيم العين
ينام السعد في حضني واتشافى من العلّه
اذا صوتك وصل سمعي أحس ان الزمان يزين
أنا من لي بهالدنيا أعيش العمر في ظلّه
عسى العام الجديد احلى .. عسى يتجمَّع القلبين
للشاعرة / مطلع الشمس
جدا روووعه الكلمات
يعطيكي الف عافيه
دمتي بود
فراشة النت