أصول الرجولة / بقلمي 2024.

الفصل الاول

نزلت من سيارتها البورش السبورت اخر موديل حطت الشيله بأهمال على شعرها وخصل شعرها الذهبيه تنزل على عينها كانت تتمشى ف مواقف الجامعه وعبايتها مفتوحه والكعب حاااد ماركه كرستيان لبوتون وتشوف البنات من تحت نضارتها ماركه تيفاني المرصعه بالالماس كانت ف قمت الاناقه كانت هاذي تقريبا كشخه كل بنات الجامعه كأنها ينيفورم, ابتسمت على التعليقات الي تسمعها من بعض البويات في مواقف الجامعه الي كانت كأنها مواقف الاندمارك (كلها ترقيم )بس الفرق الوحيد ان ذيلاك شباب وهذولا بويات!! دشت الجامعه وراحت ستار بكس الي اغلب البنات يكونون موجودين فيه كان عباره عن طاولات مكرره مب بس الطاولات والكراسي نفس الاشخاص ونفس الوجيه !!بنات الجامعه لو تشوفهم ف اي مكان تعرفهم من كشختهم!! لان الزي كان موحد عندهم ولكن زي الكشخه وليس زي الجامعه نفس الملامح نفس الميك اب نفس العبايات المبالغ فيها كعب حاااد جينز سكيني تسريحه كبيره عباره عن بف شنطه يد كبيره جدا اكسسوارات مبالغ فيها و في عددها ومن ناحيه الصوت الصوت ناعم جدا نضام حليمه بولند …
وصلت ريما الجامعه مع روضه ب نفس الوقت ووصلت بعدهم ب فتره شمه
شمه :هاي شخباركم صبايا
روضه الي قامت وحضنتها: تمام حياتي
ريما بلامبالاه: تمام..
قعدت شمه وماعلقت لانها متعوده على هالاسلوب من ريما مره تكلممها عدل وفجاه تقلب (شمه و ريما بنات خاله ولكن من جده اخرى )
شمه(شين):الساعه 11 بنطلع نتغدى سحبو على محاضراتكم
روضه:اكييد انا اصلا مب ناويه احضر اليوم دوامي ف ستار بكس و.. قاطعتها رنه جوال شمه الي رفعت صبع حق روضه ب معنى اسكتي
شمه:هلا ولله هلا ابووووي (كلمه تستخدم للتدلييل ) خلاص اوكي انا الحين بجي اخذج من المواقف خلاص حبي باي
ريما بأحتقار:شفيها ماتدل المكان؟
شمه:مايخصج يله بروح اجيبها و برجع
ريما الي تنرفزت على الاخر طلعت باكيت زقاير من شنطتها و ولعت لها زقاره و الامن طبعا يشوفون وساكتين لانها مش بنت اي حد بالاضافه الى انها مب الوحيه الي تدخن
روضه: شفيج تنرفزتي
ريما بملل: انا نو وي ابلع هاذي البنت
روضه:ماراح تطول معاها
شمه رجعت وهي محاوطه عبير(حبيبتها) من خصرها وتكلمها وعبير كانت بالنسبه لـ شين تقزيره يعني اسبوع وتدور غيرها شعاع كانت من النوع الي ماتتشبك او تطول مع احد
شمه بصدمه وعصبيه:ريما طفي الزقااره احسن لج
ريما بملل: واذا ماطفيتها ؟
شمه(شين)بعصبيه :ولله لاطفيها ف جسمج
ريما الي خافت بس كملت باستفزاز وبضحكه عاليه : رويني شلون
شمه الي صرخت ولفتت انتباه الموجودين كلهم : اقوولج طفيييها
ريما خافت قطتها وداست عليها بكعبها وقامت تركض ودموعها تنزل من الاحراج الي سببته لها شين و من صرختها الي هزت المكان

ف نفس الوقت على طاوله ثانيه بعيده شوي كانت سارا قاعده مع شلتها بنفس كشخه ريما و روضه لاكن الفرق ان اغراضهم تقليد كانو ناس على قد حالهم
سارا:بسمالله انا اموت خووف من هالشعاع سمعتي شلون صرخت
شيخه:اي واعليا على ريما قامت تصيح
انتبهت سارا حق الساعه سارا بخوف:وااااي بدت محاضرتي من ربع ساعه انشالله يدخلني يله اشوووفكم بعديين
قامت بسرعه وخذت الكوفي ف يدها وسحبتها نجود الي كانت قاعده (حبيبت سارا ) :وين وين بوسيني و روحي سارا الي ضحكت بخجل و عطتها فلاي كيس وراحت تمشي بسرعه و ف نفس الوقت كانت شمه وروضه يدورون ريما الي اختفت من بعد الموقف..!!
سارا كانت تمشي وعينها فالبلاك بيري ماحست الى بشي قوي يصدمها رفعت عينها نضرا لطول شمه وجسمها الرياضي فكانت قزمه عندا ساارا بالرغم من انها لابسه كعب
شمه بصراخ:عمممممى ماتشوفيين انتي ولا شسالفتج !!!
سارا بخوف:اسفه ولله اسفه انا ماكان قصدي و..
وخرتها شمه عن طريقها بقرف و كملت طريقها
نبذه عن شمه(شمه من اشهر البويات فالجامعه تخصص رياضه طويله جسم مشدود مافيه معالم انوثه بشره برونز ملامح حاده خشم حاد وعيون جريئه شعرها اسود ناعم مقصوص بطريقه ملخبطه كانت بدون عبايه او شيله ولبسها واضح عليه العز ) سارا الي وقفت متجمده ف مكانها من الصدمه دموعها نزلت من غير ماتحس قامت تتحسس المكان الي وخرتها منه شمه كان يعورها لما تمسكه !!
رجعت بعد فتره لشلتها
شيخه : شفييج شايفه عفرييت؟
حصه : اي ولله لونج شااحب
سارا الي سكتت عشان نجود كانت بينهم وماتبي مشاكل معاها ولو ان نرفزها عدم سؤال نجود عنها بس تجاهلت
نجود:ماقلتي بتروحين المحاضره
سارا:ها اي مادخلني المحاضره
نجود:ابن الكلب امس جدامي شين وشلتها داشين نص المحاضره
نبذه عن نجود:(حبييبه سارا من ايام الثانوي ضعيفه طولها متوسط اطول من سارا ب شوي اما كشختها ف كان بعد نضام موحد …اي مب بس البنوتات الي عندهم نضام موحد ! نضاره راي بان ملف جلد اوشنطه على صوب طويله ساعه رجاليه كبيره وعطر رجاالي ينشم من بعد امياال عبايه ساده والشيله تنلف على الرقبه واذا فصخو العبايه جنز و بلوزه )
حصه:بروحج قلتييها شين وشلتها هاي اصلا مايحضرون وياخذون امتياز تقارنيين نفسج فييهم!
نوره:اخخخ يلعن ابو الفلووس شتسوي
سارا الي توترت لما انذكر طاري شين :انا بروح البيت قومي وصليني شيخه
شيخه:شفيييج بدددري
سارا:شيخه قومي وصلييني
شيخه الي فهمت ان سارا تبي تقول لها سالفه قامت معاها وراحو سياره شيخه وقالت لها الي صار
شيخه:ابيييه كذاااابه!!!! جنييتي على نفسسسج
سارا الي خافت زياده:افف افكر ماداوم فالجامعه
شيخه:لا عاد تخسي داومي وتجاهليها وادعي انها تنسى الي صار
نزلت سارا البيت بعد ماودعت حصه وشافت امها مع اختها اصغيره والوحيده
الام:رااجعه بددري ماعندج محاضرات
ساارا:بلا بس مصدعه وقلت برجع
الام:ليش هي جامعه ابوج
سارا تنهدت :الله يرحمه ودشت غرفتها وماغفت عينها تفكر بالي صار وشنو بيصير بكره
—————
في الجامعه اليوم الثاني
استجمعت سارا قواها وراحت الجامعه وهي تدعي انها ماتشوف شين اليوم وصلت الجامعه وراحت عند شلتها
سارا بغنج :صباااحوو
شيخه:صبااحو حيياتي الي يشوفج امس مايقول هاي انتي اليوم
سارا:ههههههه خلاص خليني انسى
و وسط زحمه البنات انتبهت سارا على شين كانت قاعده على الطاوله مع شلتها و يضحكون والي زاد من دهشتها ان ريما تضحك وتسولف مع شين ولا كأن امس صار شي
حصه الي صحتتها من سرحانها:لاتستغربين هم جذي يحبون يسون دراما فالجامعه بس عقب يرجعون مثل السمن على العسل
سارا ابتسمت وردت سرحت ف شين وانتبهت عليها شين شلت النضاره عن عينها ورفعت لها حاجب وابتسمت على جنب
سارا انصدمت ماتوقعت هالشي من شين وهي توها متهاوشه معاها امس!! صحت مره ثانيه من سرحانها على صوت نجود هالمره الي كانت معصبه
نجود:بسج قزيتيها قز اروح اجييب لج رقمها ؟ لا روحي لها احسن ليش قاعده حذاي ساررا روحي ضبطييها لج ليش قاعده وكملت العتب الي سارا ماسمعت منه ولا حرف لانها كانت سرحانه ف شين وتفكر شنو السر ورى هالنضره

*ربما ضللتكم ولم تعرفوا الشخصيات الرئيسيه لهذه الرواييه وربما كانت جدا واضحه للاخرين الغموض صفه من صفاتي وسوف تنكشف حقائق اخرى فالفصول القادمه..

ارائكم و نقدكم اتمنى تعجبكم
قراءه ممتعه