ما يفرقنا الزمان ~ بقلمي

السلام عليكم ورحمة الله , يسعدني انضمآمي لكم من جديد
لا ادّعي الكمال فانا رغم كتابتي كنت ولا زلت قارئة ..
بعد دراستي لاصول الكتابة قررت ان اكتب , وها انا اضع بين ايديكم روايتي الاولى
ان أصبت فـ من الله وان أخطأت فـ من نفسي والشيطان ..
اتقبل النقد البناء غرام

,
عبث

,
الـبـارت الأول
The first part
الساعه 12:30 اليوم الاربعاء
كانت بالمطبخ تجهز لها شي تشربه ورايقه على الاخر
سوت لها موكا ووصلت غرفتها لقت جوالها يدق مثل ما توقعت .
دانه / اهلين
محمد/ صباح الخير
دانه / صباح النور . كذا ما تتصل علي اليوم كله ؟
محمد/ اكيد يعني ما كنت العب .
دانه / طيب ما قلت كنت تلعب بس تذكرني باتصال !
محمد/ دانه ناويه مشكله ؟
دانه / مو ناويه شي خلاص
محمد يتنهد / يعني طول اليوم مكروف والحين لما اسمع
صوتك تخترعين مشكله غصب ! انتي اصلا ما كنتي فاضيه
دانه / طيب خلاص
محمد/ أي خلاص
دانه / طيب خلاص
بعد صمت دام ثواني ضحكوا الاثنين سوا بنفس الوقت
دانه / اخر مره تسويها وتختفي يوم كامل
محمد/ حاضر بس اليوم بالذات كان عندي شغل لراسي
دانه / طيب خلاص سامحتك
محمد / غصب عنك ويلا الحين نوم عشان الدوام
دانه/ لا ما راح انام وانت صاحي
محمد / انا خلاص طالع البيت وبنام
دانه/ طيب خلاص انا بعد بروح انام وبكره ان شاء الله اكلمك
…
قفلت منه واتصلت على رفيف ( اقرب صاحباتها )
رفيف / اهلنن
دانه / وجع
رفيف/ يوجعك خير داقه هالحين !
دانه/ محمد كلمني
رفيف / واااو اوميقاد سبيشل نيوز طيب وش اسوي انا ؟
دانه/ يلا رفيف بلا سخافه
رفيف/ هههههههههه طيب اسفه يلا قولي
دانه/ يقول كان مشغول وكذا
رفيف/ اوكي طيب خلاص الرجال مشغول
دانه/ اففف طيب
رفيف/ خلاص دانه اثقلي لا تصيرين خفيفه
دانه/ طيب فهمت كل مره تعيدينها لي
رفيف / طيب بتداومين بكره؟
دانه / انتي وش رايك؟
رفيف/ وش رايك نسحب؟
دانه/ طيب سواقكم موجود يطلعنا هنا والا هنا؟
رفيف / افا عليك ايه انا اضبط لك طلعه نطلع نفطر ونرجع
دانه/ خلاص تم يلا تصبحين على خير
رفيف/ وانتي من اهله .
…
الصباح الساعه 6:30 اليوم الخميس
فتحت عينها على صوت امها
ام رفيف/ يلا يا رفو ما بتداومين ؟
رفيف/ لا
امها / ليش بعد؟
رفيف/ والله مافي شي مهم
امها/ وكالعاده بتطلعين مع دانه
رفيف/ ما نطول والله
امها/ طيب شسوي احد يقدر يقولك لا
قامت رفيف تبوس امها وراحت تتوضا عشان تصلي .
بعد ما صلت وخلصت مسكت جوالها وفتحت تشوف اخر
الرسائل عندها ولقيت اختها مرسله لها
رويدا/ يا صباح الخير
رفيف/ يا صباح النور
رويدا/ ماعندك دوام ؟
رفيف/ لا والله مالي خلق
رويدا/ انتي على طول مالك خلق
رفيف/ ههههههههه طيب طيب
رويدا/ ناوين نسافر تجون معانا؟
رفيف/ لالا مش ممكن . ويين ؟؟
رويدا/ دبي الحب
رفيف/ جد بالله؟
رويدا/ والله شوفي متى اجازتكم ونضبط موعد ونسافر سوا
رفيف/ يسعدك على ذي الاخبار الصباحيه الشميله
رويدا/ شميله؟
رفيف/ ايه جميله شفيك؟
رويدا/ ههههههههه طيب
رفيف/ يلا بايو ابلحق انام شوي قبل ما اطلع افطر مع دانه
رويدا/ اووه سلميلي عليها
رفيف/ يوصل حبيبي
رويدا/ في حفظ الرحمن
~ The end of Part

البارت الثاني
Second Part
طلع الصباح على اهل بيت ثاني بمنطقه ثانيه تماما (الشرقيه)
دخلت دينا وهي شبه مستعجله / صباح الخير
ابو عبدالرحمن / صباح النور
ام عبدالرحمن / كل صباح تتأخري وتطلعين مستعجله؟
دينا/لا اصلا انا مو متأخره
ام عبدالرحمن/ مو متأخره وكذا كيف لو متأخره ؟
دينا / هههههههههههه لا مام بس م احب البرود
ابوعبدالرحمن / ليش اختك ما تنزل تفطر؟
دينا / ايمي ؟
ابوعبدالرحمن / والله انا سميتها ايمان ايمي والكلام الفاضي ما اعرف له
دينا / ايه احسن مو لازم تدلعها المهم هي نامت بعد الفجر
ام عبدالرحمن / ايه وانتي ما شاء الله وش دراك انها نامت بعد الفجر؟
دينا/ لاني صحيت ولقيتها صاحيه
ام عبدالرحمن/ على الله يا دينا ادري انك مواصله
دنيا/ لا مامي مو مواصله والله
ابوعبدالرحمن / يلا عشان ما تتأخرين على الجامعه
دينا / يلا انا قايمه
طلعت دينا مستعجله على فوق وقابلها عمر في الدرج
عمر / اووه دينا تعالي من زمان ما شفتك
دينا بنظرة تعجب / خير امس تعشينا سوا
عمر/ لالا اقصد من زمان ما جلست معاك
دينا/ عمر قول وش عندك ؟
عمر وهو يهمس/ ليش عزه هنا؟
دينا وهي تهمس مثله / لا يسمعك ابووي تعال الغرفه وتفهم
وراحوا كلهم على غرفة ايمان
ايمان وعزه اول ما شافوا عمر شهقوا
عمر/ بسم الله تراني عارف انك هنا من بدري
عزه اللي قامت سلمت عليه/ كيف عرفت؟
عمر/ الشغاله قالتلي
ايمان/ الله يستر لا تعلم امي
دينا/ ايمان ترا ابوي سأل عنك وقلت انك نمتي بعد الفجر
ايمان/ وعدت عليه؟
دينا/ ايه عدت المهم انتو لين متى بتخبون؟
عمر/ وش تخبون؟؟
ايمان / عزه تبي تتطلق خلاص
عمر بصدمه/ عزه مو كل مره تتزاعلين مع زوجك تقررين الطلاق
عزه / لا هالمره خلاص
دينا/ طيب يا ذكيه اجل لازم اهلي يعرفون مادامك تبين تتطلقين!
عمر/ اسكتي انتي وش طلاقه عزه فكري بعقلك انتي الحين معصبه
عزه / عمر خلاص قررت مالي رجعه
عمر/ وش صار هالمره؟
عزه/ لقيت بجواله رقم وحده ثانيه
عمر/ وبعدين؟
عزه/ واجهته اول شي انكر بعدين حلف ماعاد يعيدها بس انا خلاص ماعدت ابغاه
عمر/ ليش الموضوع لعب؟
عزه/ عمر تكفى لا تصير انت بعد علي انا متأكده ابوي ماراح يرضى وابغاك انت تقنعه
عمر/ طيب بفكر
ايمان/ ولا تقول انها هنا
عمر/ لا اسف على الاقل امي لازم تعرف
دينا/ يلا باي ي جماعه تأخرت ع الجامعه
عمر / استني بجي اوصلك
ايمان وعزه / مع السلامه
نزلوا عمر ودينا مع بعض
…
صارت الساعه 9 صحيت رفيف على صوت المنبه وبعد نص ساعه كانت جاهزه
واتصلت على دانه وبعد ثواني جاها الرد
دانه / نعم يا مزعجه
رفيف / انا مزعجه ها ؟ ما صحيتي لسا!
دانه/ يووه مرا بدري اشبك
رفيف/ ترا والله ارجع انام واسحب عليك
دانه / لالا خلاص والله قايمه
رفيف/ ايه كذا ادب يلا الحين بطلع انا
دانه بزعل/ طيب خلاص باي
رفيف/ باي
وهي طالعه شافت اخوها رامي في الصاله
رفيف/ صباحو رموش
رامي / اسمي رامي مو رموش
رفيف/ طيب رموش اخر مره ادلعك
رامي/ دلعيني سوي لي فطور
رفيف/ يعني ما تلاحظ اني لابسه شي؟
رامي/ عبايه؟
رفيف/ ايه ليش يلبسون العبايه؟
رامي/ ههههههههههههههه طيب درينا انك طالعه بس سويلي فطور
رفيف/ ليه ما تداوم وتروح تفطر بمطعم؟
رامي/ ماعندي جامعه وما احب افطر وحدي عادي اطلع معاك؟
رفيف/ اووبس برو حزنتني انا طالعه مع دانه معليه خليها مره ثانيه
رامي/ هههههههههههههههههههههه حزنت على نفسي صراحه
خلاص بروح انام
رفيف/ طيب نام وانا بجيب لك معاي وانا راجعه وبصحيك
رامي/ خلاص تمام
رفيف/ يلا باي
رامي/ مع السلامه
وصلت رفيف لدانه اللي بيتها كان قريب ونزلت دقت الجرس وفتحت لها
الخدامه وطلعت على طول لغرفتها بما انها اعز صاحبتها ومثل اختها وتمون
فتحت الباب بقووه
رفيف/ عععووو
دانه / وجع خوفتيني
رفيف/ ههههههههههه خفي علينا يا رقيقه
دانه/ يلا اقول روحي جيبي عبايتي لحد ما اخلص
رفيف/ الصراحه حالتك مزريه تكشخين لمين وانتي بتلبسين عبايه
وتتغطين ورايحين نفطر ونرجع !
دانه/ مالك شغل اكشخ لنفسي
رفيف/ طيب يلا عجلي
دانه / خلصت روحي جيبي العبايه
رفيف/ حاضر مدااام
دانه/ ههههههههههههههههههه
لبست رفيف وبدقايق كانت جاهزه وطلعو الثنتين ركبو السياره
رفيف/ يلا يا اخت دانه بما اني قررت اصير اتيكيت وحركات آمري
وين تبين؟
دانه/ شدراني عنك أي مكان
رفيف/ متأكده؟
دانه / ايه!
رفيف/ اوكي كريم روح محل كبده
دانه بصدمه / وش كبدته !!! يا الله صباح خير
رفيف/ امممم كبده وفلافل وااااااااااااااوووو
دانه/ اعقلي يا بنت جاني غثيان
رفيف/ هههههههههههه كريم روح كودو
كريم/ حاضر
طلعو الثنتين يفطرون وكان الصمت سيد الجو بما ان دانه تفكيرها كله بمحمد
ورفيف كانت مندمجه بالاكل
…
في بيت راح تتعودون فيه على الهواش كثير
حنان / يعني كل مره تطلع وتجيني اخر الليل!
عبدالرحمن/ شعندك من الصبح تصارخين كذا؟
حنان/ عشان انت زودتها والوضع ما ينسكت عنه
عبدالرحمن/ آمنت بالله على هذا الصباح وش سويت!
حنان/ مو معقوله كل يوم تجي بعد نص الليل!
عبدالرحمن/ حنان خلاص تعوذي من ابليس
حنان/ اخر مره اعديها
عبدالرحمن/ لا تخليني اقلب على الوجه اللي تعرفينه
حنان/ خلاص وديني بيت اهلي
عبدالرحمن/ كلميهم يجون ياخذونك انا ما اضيع وقتي اوصلك
حنان/ طيب يا عبدالرحمن ماراح انساها لك
عبدالرحمن/ لا تزوجت عليك الثانيه تذكري قلة ادبك معاي
…
طلعوا من المطعم وفي الطريق
رفيف/ اووه دنوش الاسبوع الجاي ميلاد اصايل
دانه/ طيب؟
رفيف/ لازم نجيب لها هديه
دانه/ جيبي انتي انا اخر مره ما جابت لي هديه
رفيف/ هههههههههههههههههههه بطلي حركات حريم
دانه/ وانا صادقه . انتي جابت لك هديه؟
رفيف/ ايه جابت لي ورد
دانه/ خلاص جيبي لها ورد مثلها
رفيف/ هههههههههههههههه والله انتي مرا حاقده
يمكن نسيتك شفيك! المهم ابغى شي مميز
دانه/ والله ما ادري عنك
رفيف/ الحين ذا المزاج الخايس عشان محمد ما كلمك ؟
دانه/ ايه
رفيف/ فخوره بعد!
دانه/ هو مشغول ادري بس مو معقوله حتى ما يرسل!
رفيف/ الحمدلله عرفتي بنفسك . اليوم قوليله تعال اخطبني وشوفي ايش يقول
دانه/ ما بيقول شي
رفيف/ طيب بنشوف . المهم ما قلتلك بنسافر دبي
دانه/ لا عاد . متى!
رفيف/ الصراحه ما ادري عن اهلي بس رويدا تقول يبونا معاهم
دانه/ تتوقعين يرفضون اهلك!
رفيف/ والله ما ادري ! اصلا كم بقى ع الاجازه؟
دانه/ اتوقع اسبوعين
رفيف/ اوووه ان شاء الله نلاقي حجز
دانه/ خليهم يوافقون بالاول
رفيف/ هههههههههههههه طيب يلا انزلي يا ثقيلة الدم وصلنا
دانه/ لالا على اساس ما اشوف انتظرك تعلميني .يلا باي
رفيف/ بتجين معاي نشتري هديه بكره؟
دانه/ لا طبعا
رفيف/ كيفك يلا باي
…~ The end of Part

ما يفرقنا الزمان ~ بقلمي

اترك تعليقاً إلغاء الرد