بطلة قصتي هي فتاة أسمها(( اليازيا ))……..
اليازيا بنية عمرها 24 سنة حساسة جدا ورقيقة و الكل يحبها عند اليازيا أخت أسمها حنان و حنان أصغر من اليازيا بسنة لكن حنان ماتت و عمرها 13 سنة و أما أحمد فهو أخو اليازيا الكبير و عمره 27 سنة أنسان عصبي فوق ما تتصورون حتي مع الناس إللي يحبهم و أخيرا فيصل إللي هو أكبر من اليازيا و عمره 25 سنة و يحب اليازيا واااااااااااايد عائلة اليازيا ساكنة في العين وتتألف من اليازيا و فيصل و أحمد و بو أحمد و أم أحمد
(( إليكم القصــــــــــــــــــــــــــــــــــــــــــــــ ـــــــــــــة ))
نشت اليازيا من رقادها الساعة 2 بليل وهي تصارخ
اليازيا : ح……. حنان ……..لالالالا …. لا تموتين ……..أنا السبب أنا السبب
نشوا أهل البيت بسرعة واتجهوا صوب غرفة اليازيا
أم أحمد : اليازيا بلاج يا بنيتي
اليازيا و هي تصيح : أمايا حنان …. أنا السبب … أنا السبب
أم أحمد : لزوي أهدي يا بنيتي حنان ماتت وراحت عند إللي خلقها رقدي يا بنيتي و ارتاحي
اليازيا و هي ترتجف و تصارخ : كيـــــــــــــــــــــــف أرقد و أنا …… و أنا …….. و أنا …… السبب في موت أختي الوحيدة كيـــــــــــف
أم أحمد ظمت بنتها ويلست تقرأ عليها بعض الأيات ، هدت اليازيا شوي أما أحمد فيلس يتحرطم ويقول
أحمد : أوووووووووووووووف الواحد ما يقدر يرقد في هالبيت أبدا
بو أحمد : أسكت يا أحمد
أحمد : ليش أسكت و الله صدج محد يقدر يرقد في هالبيت أبدا دوم تنش هالمينونة وتصارخ خلاص إللي صار صار أحنا شو ذنبنا إنا نتعذب ويا المينونة هاذي
اليازيا : أسكت إنت أنسان عديم الأحساس ….
أحمد رفع إيده : سكتي ولا………………
بو أحمد مسك إيد أحمد : ما عاش إللي يمد إيده علي لزوي و ثاني مرة إن شفتك رفعت هاليد بويه لزوي بكسرها فاهم
سار أحمد غرفته وهو معصب
أم أحمد : لزوي حبيبتي رقدي أحين يلا يا عمري
اليازيا : أمايا انا اسفة علي الأزعاج إللي أنا سببته لكم
أم أحمد : لا يا عمري لا تتأسفين يلا رقدي
اليازيا: تصبحين علي خير
أم أحمد : وانتي من أهله
باست اليازيا راس أمها و رقدت سارت أم أحمد بو أحمد ويلسوا بالصالة
أم أحمد : معقولة لزوي بعدها ما نست هيك الحادثة مع أن مر علي الحادثة 9 سنوات
بو أحمد : كيف تبينها تنسي و هي شافت أختها تموت جدامها و ماقدرت تسوي شي كيف
أم أحمد : أعرف إن هالشي صعب و أن لزوي عاشت صدمة كبيرة بس مصير الأنسان ينسي
بو أحمد : صعب تنسي صعب
أم أحمد : الصراحة حياتنا كلها انقلبت من بعد الحادثة لزوي تغيرت ما صارت لزوي إللي نعرفها تضحك و تسولف
بو أحمد : لزوي عايشة بكابوس من 9 سنين و ماراح تنساه أبدا و فوق هاذا إنها ما ترقد أبدا لأنها دوم تنش من رقادها وهي تصارخ و الصراحة من 9 سنين و أحنا ما صرنا نرقد أبدا بسبب لزوي و أنا أبي أساعدها بس كيف ما أقدر
أم أحمد رفعت إيدينها للسماء وقالت : اللهم أبعد الحزن و الهم والضيق من لزوي و ارحم حنان يا أرحم الراحمين
بو أحمد : آمين يلا نسير نرقد عسب نش لصلاة الفير
وبعد ثلاث ساعات نشت أم أحمد تصلي صلاة الفير و بعد ما خلصت صلاتها صارت صوب غرفتها وهي تمشي سمعت صوت اليازيا يلس ترمس حد دخلت أم أحمد علي اليازيا و انصدمت لما لقت اليازيا تكلم عمرها
أم أحمد وهي منصدمة : لزوي يالسة ترمسين منو
اليازيا : يالسة أرمس حنان
أم أحمد : ح….. ح….. حنان …. حنان
اليازيا : هي حنان ليش مب مصدقتني
أم أحمد : لالالا أنا مصدقتنج
اليازيا : كنت أرمس حنان وقبل ما تدخلين بخمس دقايق سارت
أم أحمد وهي خايفة : شو كانت تقولج
اليازيا : كانت تسألني عن أخباركم وتسلم عليكم واااااااااااااااااااااااااايد
أم أحمد سارت و ضمت لزوي ويلست تقرأ عليها بس اليازيا نشت من مكانها وقالت
اليازيا : إنتي علي بالج إني مينونة بس و الله أن حنان كانت عندي ويالسة تسولف وياي
أم أحمد : لا حبيبتي أنا مصدقتنج
اليازيا يلست تصارخ و تدور في الغرفة و تقول : حنان وين سرتي يا حنان ظهري خلي أمايا تشوفج عسب تصدقني ظهري يا حنان ظهري
نشت أم أحمد و ضمت لزوي بقوة ويلست تهدي بلزوي وبعدين سارت لزوي وصلت ورقدت و الصبح نشت اليازيا وجهزت الريوق وسارت تزقر الأهل لريوق , الكل أجتمع علي الريوق ويلسوا يسولفون
فيصل : تسلم إيدينج يا لزوي الصراحة أحلي ريوق ذقته في حياتي
اليازيا : خلاص بصدق عمري
أم أحمد : و أنا بعد أشوف أن الريوق وااااااايد حلو تسلمين يا عمري
أحمد نش من الطاولة : الحمد لله …. لا تصدقين عمرج تراهم يجاملونج
أختفت ابتسامة اليازيا , نش فيصل من الطاولة وسار وباس راس لزوي وقال :
فيصل : لزوي حبيبتي لا تزعلين ترا أحمد يمزح وياج
اليازيا : لا أنا مب زعلانه
أحمد وهو ساير صوب غرفته : أنا ما امزح أنا أقول الصدج
سار فيصل لغرفة أحمد
فيصل : أحمد إنت ليش تعامل لزوي جي مع أنها أختنا الوحيدة
أحمد : إنت ما يخصك فاهم
فيصل : كيف ما يخصني و إنت أخوي و لزوي أختي الوحيدة
أحمد : فهد أظهر من الغرفة
فيصل : أوكي أنا بظهر من الغرفة بس ماراح انسي السالفة
ظهر فيصل من الغرفة وسار غرفته أما اليازيا سارت عند أحمد و دقت الباب
أحمد : تفضل
اليازيا : السلام عليكم
أحمد : وعليكم
اليازيا : الله شو هالكشخة الصراحة أحلي ريال شفته في حياتي
أحمد ظهر من غرفته بدون ما يرمس ولا رمسة يلست اليازيا علي الشبرية وهي حزينة وحابسة الدمعة في عينها أما أحمد فصعد سيارته هو و فيصل (( في الطريق )) فيصل شاف مطعم كان يحبه واااايد فقال
فيصل : أحمد شو رايك نسير المطعم أبي أرمسك بسالفة
أحمد : لا بعدين بتأخر عن الدوام
فيصل : لا بس خمس دقايق
أحمد : أوكي
ظهر فيصل و أحمد من السيارة ودخلوا المطعم ويلسوا علي الطاولة
فيصل : هالمطعم وايد حلو شو رايك نيب لزوي و الوالد و الوالدة هني عسب يتسلون شوي
أحمد : لا هالمطعم مكشوف و أي واحد يقدر يشوفهم بنوديهم مطعم يكون مسكر عسب محد يشوفهم
فيصل : المهم أنا أبي اعرف إنت ليش تعامل لزوي جي
أحمد : فيصل إنت أخوي و تعرف طبعي كيف و أنا أنسان ما أعرف أجامل ولا أعرف أقول رمسة حلوة
فيصل : أنا ما أبيك تجامل أحد أنا أبيك تعامل أختك معامله حلوة تري لزوي تحملت أشياء وايد ما يتحملها جبل
أحمد : أعرف و الله أعرف
فجأة دخلت بنية أسمها لمياء المطعم وياها شاب و يلست في الطاولة إللي جدام طاولة أحمد و فهد
أحمد نش من مكانه وهو منصدم
فيصل : أحمد بلاك
أحمد : ل…. لمياء
فيصل : أحمد إنت بعدك ما نسيت هالبينية تراها ما تستاهل إنك تحبها كل هالحب بعد إللي سوته
أحمد و الدموع في عيونه : لمياء يالسة وراك
لف فيصل صوب لمياء و قال
فيصل : أحمد يلا نسير ترانا تأخرنا علي الدوام
ظهر أحمد و فيصل من المطعم و صعدوا السيارة أحمد كان واااااااااايد حزين و ما رمس أبدا
فيصل : أحمد معقولة بعدك تحبها
أحمد : القلب إللي يحب مستحيل ينسي أو يكره
فيصل : بس لمياء أنسانة ما تستاهل أحد يحبها هاذي كل يوم مع واحد يعني هاذي تربية شوارع
أحمد كان قلبه يتقطع مع كل رمسة يرمسها فيصل بس ما قدر يرمس ولا رمسة
فيصل : أحمد حاول تنسي يا خوي حاول تراها ما تستاهل
أحمد : فيصل لو سمحت غير الموضوع
فيصل : أوكي
سار كل من أحمد و فيصل لدوامه أما اليازيا فكانت يالسة بروحها في الغرفة و فجأة يندق باب غرفتها
اليازيا : تفضل
أم أحمد : لزوي ليش يالسة بروحج
اليازيا : لا ما شي كنت شو تعبانة
سارت أم أحمد ويلست عدال بنتها و قالت
أم أحمد : سلامات حبيبتي شو يعورنج
اليازيا : لا بس صداع بسيط
أم أحمد : فديتج حبيبتي سيري ورقدي إنتي مصدعة لأنج ما رقدتي البارحة زين
اليازيا : لا ما أبي أرقد بسير أسوي الغدا
أم أحمد : لا اليوم بيت عمج عازمينا علي الغدا
اليازيا وهي فرحانة : والله
أم أحمد : هي يا بنيتي
اليازيا : أنا وااايد مشتاقة لرغد وشهد ونجد
أم أحمد : إن شاء الله اليوم بنسير عندهم وبتشوفينهن وتملين منهن بعد
اليازيا : مستحيل أمل منهن تراهن مثل أخواتي
أم أحمد : الله يخليكن لبعض قولي آمين
اليازيا :آمين
أم أحمد : أحين أنا بخليج سيري ورقدي يا بنيتي
اليازيا : أوكي
سارت أم أحمد لغرفته و رقدت
(( رغد و شهد ونجد هن بنات عم اليازيا , رغد عمرها 23 سنة و شهد عمرها 22 سنة و نجد عمرها 19 سنة و لرغد وشهد ونجد أخوان الكبير أسمه محمد و عمره 27 سنة نفس عمر أحمد و الثاني أسمه فهد وعمره 21 سنة ))
و الظهر نشت أم أحمد و اليازيا و تعدلن وسارن لبيت بو محمد
أستقبلتهم أم محمد
أم محمد : هلا والله بالغالين تو مانور البيت
أم أحمد : منور بويودكم
أم محمد : تفضلوا
ساروا الحريم للصالة و الرياييل ساروا الميلس , يلست اليازيا عدال عمتها أم محمد
أم محمد : شخبارج لزوي
اليازيا : تمام شخبارج إنتي
أم محمد : بخير دامج بخير
أم أحمد : شخبار البنات
أم محمد : تمام
أم أحمد : وينكم ما سرنا نشوفكم و الله اشتقنالكم
أم محمد : تشتاقلج العافية و الله مشغولين بدراسة شهد بالمعهد
أم أحمد : الله يوفقها أن شاء الله
اليازيا : عمتي وين البنات
أم محمد :فوق أحين بينزلن
و بعد خمس دقايق دخلت رغد وشهد
رغد و شهد : السلام عليكم
الكل : وعليكم السلام
نشت اليازيا وسلمت علي بنات عمها ويلسوا البنات ويا بعض
رغد : شخبارج لزوي
اليازيا : تمام شخبارج إنتي
رغد : بخير دامج بخير
اليازيا : شخبارج شهووووودة
شهد : تمام شخبارج إنتي
اليازيا : تماام
رغد : أوه لزوي اليوم محلوة
شهد : رغد لو سمحتي أصلا لزوي دووووووووووووم هي حلوة
اليازيا وهي مبتسمة : تسلمين يا شهوووووووودة , شخبار المعهد وياج
شهد :يعني
اليازيا : كيف يعني إنتي لازم تهتمين وتذاكرين عسب تقدرين تاخذين شهادة حلوة
شهد : إن شاء الله
اليازيا : وين نجد
رغد : نجد فوق يالسة عند المنظرة و إنتي تعرفين نجد إذا يلست عند المنظرة ما تنش إلا في اليوم الثاني
شهد : و أزيدج من الشعر بيت تيلس ترمس المنظرة
اليازيا : شو تقول
رغد و شهد بستهبال : مآتي مرآتي من هي أجمل نساء الكون
اليازيا و هي تضحك : هاذي فلة مب نجد
شهد : مسكينة أختنا ينت
(( نجد بنية حلوووووووووووة واااااايد فوق ما تتصورون ولدوعة واااايد وهاذا إللي خلا فيصل يموووت فيها ))
في هالوقت دخلت نجد وأهي محطية كيلو مكياج
نجد : السلام عليكم
الكل : وعليكم السلام و الرحمة
سارت نجد وسلمت علي عمتها و علي لزوي و يلست عند البنات
اليازيا : شخبارك يا حلو
نجد بدلع : الحلو يقولج إنه بخير
أم أحمد : شخبارج يا نجد
نجد : تمام شخبارج إنتي
أم أحمد : الحمد لله
أم محمد : نجد شو هالمكياج
نجد : ليش مب حلو
أم محمد : محد مسوي مكياج من البنات غيرج سيري و مسحي بسرعة
نجد وهي تلاعب شعرها : أمايا حرام المكياج وايد حلو
أم محمد : أقولج سيري وغسلي ويهج
اليازيا : عمتي ليش تغسل ويها المكياج وايد حلو علي نجد
أم محمد : بس …….. خلاص أوكي إللي تشوفه بنيتي لزوي
نجد يالسة تقول في خاطرها (( أوووووووف ما أعرف أمايا ليش تحب لزوي مع إني أحلي منها ))
نجد : شو رايكم نسير فوق نيلس علي النت
رغد : هي أنا موافقة
اليازيا : أوكي
ساروا البنات فوق ويلسوا في غرفة نجد أما شهد يلست ترسم في غرفتها
نجد يلست علي الكمبيوتر و يلست رغد وشهد علي الشبرية
نجد : شو رايكم ندش الشات
اليازيا : لا أنا ما أحب الشات
رغد : وأنا بعد
نجد : أوف عيل وين ندش
اليازيا كانت وياها مجلة يالسة تتصفحها و شافت صورة المغنية الأماراتية شمس
اليازيا : واااااااااااو شمس وايد حلوة
نجد : منو هاذي شمس
اليازيا : شمس الفنانة الأماراتية
نجد : واااااع منو قال أنها حلوة والله إنج ما عندج ذوق
رغد : لا يا نجد شمس وايد حلوة
نجد : لا والله أنا أحلي عنها بواااايد
رغد : أوووووووووووووووف أحين بتفتحلنا ملف جمالها ورشاقتها
نجد : أنا من صدج أرمسكن أنا احلي منها
رغد : أنا عن نفسي بسير عند شهد أرحملي من أني أسمع محاضرة نجد عن جمالها
اليازيا : يلسي يا رغد أبي أشوف صور شمس إللي عندكم بالكمبيوتر
نجد : أنا أقولج إنها بايخة و أنا أحلي منها و تقولين إنج تبين تشوفين صورها
اليازيا : أقول يا رغد أنا يايا وياج
سارت اليازيا و رغد عند شهد
اليازيا : شهودة ليش يالسة بروحج
شهد : يالسة أرسم
اليازيا : ممكن اشوف رسمج
شهد : هي ممكن
شافت اليازيا رسم شهد
اليازيا : تصدقين رسمج وايد حلو بس …
شهد : بس شو
اليازيا : كل اللوحات لونها أسود ليش كل هاذا الحزن
شهد : لا مب حزن بس أنا أحب اللون الأسود
في هالوقت دخلت نجد ..
رغد : ليش يتي
نجد : مليت و أنا يالسة بروحي قلت بي و يلس وياكم
اليازيا : تعالي و يلسي عدالي
نجد : لاما أبي أيلس عدالج
اليازيا : ليش
نجد : بس جي أنا حرة
و يلست نجد تلاعب شعرها
كانت اليازيا تشوف لوحات شهد و فجأة شافت لوحة كلها نار
يلست اليازيا تصارخ
شهد وهي زايغة علي اليازيا ك لزوي شو فيج
اليازيا : ح…. ح….. حنان
نجد : يالمينونة حنان ماتت من زمان و أنتي إللي جتلتيها
اليازيا : بس خلاص ما أبي أسمع شي
نجد : لا سمعي إنتي جتلتي أختج حنان إنتي جتلتيها
اليازاي وهي تصيح : سكتي خلاص سكتي
رغد بصوت عالي : نجد سكتي
نجد : يا ماما زغت
شهد سارت و ضمت اليازيا , وبعد خمس دقايق هدت اليازيا
اليازيا : أنا أسفة علي إللي صار
نجد : لا ما علي المينون حرج
شهد : نجد سكتي ولا ……..
نجد : أنا شو قلت ما قلت شي أووووووووووووووووووف
اليازيا : نجد منو المينون
نجد : عاد أونه ما تعرف منو المينون
رغد : نجد سكتي ولا ما بيصير خير
نجد : هي إللي تسأل مب أنا
اليازيا : نجد منو المينون
نجد : إنتي المينونة
اليازيا انصدمت من رمسة نجد و سارت بسرعة وظهرت من الغرفة وهي تصيح و لحقتها رغد عسب تراضيها محمد شاف لزوي وهي تصيح و سار صوب غرفة اخواته
محمد : السلام عليكم
شهد : وعليكم السلام
محمد : شهد ليش لزوي تصيح
نجد : ليش أشتكتلك
محمد وهو يصارخ علي نجد : هي ما شافتني عسب تشتكيلي فاهمة
نجد : أوكي
محمد وهو يصارخ : ليش لزوي كانت تصيح
شهد : انا بقولك نجد قالت لزوي أنها مينونة
محمد وهو معصب : نجد إنتي قلتي لزوي أنهامينونة
نجد ………………….. (( ســــــــــــاكتة ))
شهد : محمد أنا ما أقص عليك نجد قالت للزوي أنها مينونة
محمد : نجد بسألج لآخر مرةأنتي قلتي للزوي أنها مينونة
نجد : أنا قلتالصدج ما قصيت عليها و ………….
فجأة محمد يرفع إيده ويضرب نجد علي ويها طاحت نجد من علي الأرض ظهر محمد من الغرفة أما شهد فسارت عند لزوي و شهد في الصالة
شهد : لزوي بعدج زعلانه
اليازيا ببتسامة حلوة : ما في أخت تزعل من أختها
شهد : يعني إنتي مب ماخذه في خاطرج من نجد
اليازيا : لا ابدا
رغد : أصلا لزوي فديتها واااااااايد طيبة و ما تزعل من حد
شهد : وين عمتي و أمي
اليازيا : في المطبخ
شهد : شو رايكم نسير عندهم
اليازيا : أنا بسير أزقر نجد و بنسير كلنا
شهد : لا ما أتوقع نجد تي وياتج بعد أللي صارلها
اليازيا و رغد : شو صارلها
شهد : محمد شاف لزوي و هي تصيح ويا عندنا الغرفة و أنا قلتله كل شي
اليازيا : حرااام ليش قلتيله السالفة ما تستاهل
رغد : لا أحسن خلي محمد يوقفها عند حدها
شهد : لا و بعد ضربها صطار علي ويها
اليازيا : الله يسامج يا شهد انا بسير أشوف نجد ما ابيها تكرهني
رغد : لا تسيرين يا لزوي تراها بتسمعج كلامها إللي مثل السم
اليازيا : عادي بتحمل بس ما أبيها تزعل مني
رغد : كيفج تراني نصحتج
سارت اليازيا عند نجد إللي كانت طايحة علي الشبرية تصيح سارت اليازيا و يلست عدالها
اليازيا : أنا أسفة يا نجد
نجد : طلعي برع ما أبي أشوفج
اليازيا : أنا ما أبي أظهر
نجد : سيري يالمينونة
اليازيا : قولي إللي تبين تقولينه أنا ما راح أزعل منج
نجد نشت وعدلت يلستها وقالت
نجد : نعم شو تبين
اليازيا : أبيي أعرف إنتي ليش تكرهيني مع إني أعزج وايد
نجد : أنا ما أصدق هالحركات و إذا تبين تعرفين أنا ليش أكرهج عادي بقولج
اليازيا : قولي
نجد : أوكي بقولج بس لا تنسين تسيرين بعدين و تقولين كل شي لمحمد عسب يي و يضربني مرة ثانية أوكي
اليازيا : الله يسامج
نجد : سمعي حركات الطيبة و البراءة ما تمشي وياي تراني أعرف هالحركات
اليازيا : يلا أرمسي إنتي ليش تكرهيني
نجد : لأنج أنسانة منافقة كل يوم بويه مرة أونج طيبة و مرة حنونة و إنتي من تحت لتحت
اليازيا : أنا
نجد : هي أنتي طبعا لا يكون علي بالج أني غبية لا يا ماما أنا فاهج زين و مصيرج بتنكشفين و بيعرفون الكل أنج أنسانة منافقة
اليازيا : حرام عليج انا شو مسويتنلج
نجد : سمعي قناع البراءة هاذا ما يمشي وياي فاهمة أنتي أنسانة حقودة و تكرهين كل الناس أنتي فيج حالة نفسية يالمينونة
نشت اليازيا بتظهر من الغرفة
نجد : وين سايرة أنا بعدني ما خلصت كلامي
اليازيا : ليش بقت كلمة حلوة ما قلتيها
نجد : با قي كلام مب كلمة
اليازيا : تفضلي يا بنت العم
نجد : سمعي أنا ما يشرفني يكون عندي بنت عم مثلج …….
اليازيا : إنتي مو بس بنت عمي و أنتي أختي بعد
نجد : هههههه ضحكتيني ليش تبين تجتليني مثل ما جتلتي حنان
في هالوقت طاحت الدموع من عيون اليازيا
نجد : لا تصيحن جدامي تراني ما اصدقج لو تموتين مب تصحين
اليازيا وهي ظاهرة من الغرفة
نجد : لزوي بي اليوم إللي بنتقم فيه منج فاهمة
لفت اليازيا صوب نجد و قالت
اليازيا : بي اليوم إللي تعرفين أنج غلطانة بكل رمسة رمستيها عني و إذا يي هاليوم تراني مسامحج
نجد : أنا واثقة من كل رمسة رمستها و حركات البراءة سيري مثليها جدام العائلة الغبية مب جدامي تراني فاهمج
ظهرت اليازيا من الغرفة و كلها حزن و نزلت تحت لقت شهد و رغد يالسات
رغد : أكيد سمعتج كلامها إللي مثل السم
شهد : شي أكيد شوفي سماههم في وجوههم
اليازيا : ليش ما سرتوا تساعدون أمي و عمتي
رغد : سرنا بس لقيناهم مزهبين كل شي و يالسين يسولفون
شهد : لزوي يلسي ليش واقفة
يلست اليازيا عدال شهد في هالوقت دخل محمد و فيصل للصالة لقوا البنات يالسين يسولفون
محمد+ فيصل : السلام عليكم
البنات : و عليكم السلام و الرحمة
محمد : شخبارج لزوي
اليازيا : تمام الله يسلمك شخبارك أنت
محمد : تمام و الله
فيصل : شخبارج شهد
شهد : بخير الحمدالله شخبارك إنت
فيصل : تمام , شخبارج رغد
رغد أول ما سمعت أسمها علي لسان فيصل كان قلبها يرقص من الفرحة
رغد : تمام
محمد : وين الوالدة و عمتي
شهد : في المطبخ
محمد : هن في المطبخ و أنتن يالسات مني
اليازيا بدلع : أحنا بنات رقيقات ما نسير المطبخ
فيصل يناظر محمد : تسمع رمستها
محمد : سكتي لا يبلج البصل و الثوم أفركه بويهج عسب تدخلين المطبخ مرة ثانية
شهد بتكبر مصطنع : واااااااااااااااااااااااااااااع شو هاذا البصل و الثوم أنا ما عرفه
فيصل : محمد شو رايك تسير تيب البصل و الثوم
محمد : أنت تامر أمر
شهد : لا لا مب لازم تعب عمرك شفت أنا أحبك ترتاح يا خوي
محمد : لا عادي تعبكن راحة
شهد : خلاص تراكم مصختوها
اليازيا : محمد أنا ما كنت أصيح يوم ظهرت من غرفة شهد
في البداية محمد ما فهم الموضوع يلس يفكر شوي و بعدين فهم
محمد : سمعي يا لزوي أنا مب أعمي أنا شفتج و أنتي ظاهرة من الغرفة تصيحين
اليازيا : بس حرام إللي سويته بنجد
فيصل سمع أسم نجد حس أنه صاير شي لنجد
محمد : نج……. (( قاطعه فيصل و قال ))
فيصل : بلاها نجد أنت شو مسوي بنجد
محمد : لا ما شي
فيصل : بلاها نجد أرمس قول شي
محمد : لا يا خوي مب صاير شي يلا نسير عند الرياييل
فيصل : يا خبر اليوم بفلوس باجر يصر بلاش
محمد : آه أحين ظهرت علي حقيقتك يا الزطي …. لالالا ما راح تعرف السالفة إلا لما تسطر 5000 درهم
فيصل و هو ساير صوب الباب : أقول يلا يلا نسير عند الرياييل
محمد : تعال تعال يا الزطي
ظهر محمد و فيصل من الصالة و بعد نص ساعة تغذا اليميع وكل واحد سار بيته
………………………………………….. ………………………………………….. ………………………………………….. ……..
أنشاء الله تكون القصة عيبتكم أما الباقي بيكون في الجزء الثاني
(( الجزء الثاني ))
و صلوا أهل اليازيا البيت فيصل طول الوقت كان يفكر بنجد و كان يبي يسأل اليازيا عن نجد بس استحي جدام أمه و أبوه و أخوه أحمد و أول ما وصلوا البيت سار فيصل لغرفته تريا لما أهل البيت كلهم رقدوا و سار عند اليازيا دق الباب
اليازيا : تفضل يا فيصل
فيصل و هو مستغرب : السلام عليكم
اليازيا : و عليكم السلام و رحمة الله و بركاته
فيصل سار و يلس علي الكرسي إللي عدال شبرية اليازيا
فيصل : لزوي أبي أسألج عن ……………….
اليازيا : نجد
فيصل : نعم شو قلتي
اليازيا : كنت تبي تسأليني عن نجد
فيصل : كيف عرفتي لا يكون ساحرة
اليازيا : أنا ساحرة حراااااااام
فيصل : لا كنت أمزح وياج
اليازيا : ليش تسأل عن نجد
فيصل برتباك : لا بس سمعتج أنتي و محمد ترمسون عنها كأنها غلطت عليج
اليازيا : لا تقص علي فيصل أنت تحب نجد صح
فيصل باستهبال : أحين الفضول تسمونه حب
اليازيا : متأكد أنه فضول
فيصل : شو أحين بتقولين السالفة ولا بسير عنج
اليازيا : لا ما شي بس ……………….
(( اليازيا قالت السالفة كلها لفيصل ))
فيصل : لزوي أنا ما بج تهتمين برمسة نجد أنتي أنسانة عاقلة وايد لا تهتمين برمسة أي أنسان يقول أنج مينونة و أما سالفة حنان إللي صار لحنان قضاء و قدر و المكتوب ما منه مهروب
اليازيا : لا تخاف علي يا خوي أنا مب زعلانه من رمسة نجد هي مثل أختي و أنا أعزها وايد
فيصل : لمهم أنا ما أبتج تزعلين ولا تاخذين في خاطرج من نجد تراكم بنات عم
اليازيا : أنا أعتبرها مثل أختي و الله شاهد إني مب زعلانه منها أو ماخذه في خاطري منها و أنا مسامحتها دنيا و آخره
فيصل سار وباس راس أخته و قال
فيصل : أحين أخليج عسب ترقدين تصبحين علي خير
اليازيا : و أنت من أهل الخير
سار فيصل و رقد و الساعة 2 باليل نشت اليازيا تصااااااارخ
(( كالعادة ))
اليازيا : حنان لا …… لا … أنا السبب أنا السبب …….. حنان لا تموتين لا….
نشوا كل أهل البيت و ساروا غرفة اليازيا أم أحمد سارت و يلست عدال بنتها و ضمتها
اليازيا : أنا ذبحت حنان …… أنا ذبحت أختي الوحيدة ……. لالالالالالالالالا
أم أحمد : لزوي فديج أهدي إللي صار لحنان قضاء و قدر
اليازيا بصراخ : لالالا أنا أنا أنا جتلت أختي أنا أنا جتلتها لالالالا حنــــــــــــــــــــــــــــــــــــــــــــــــ ـــــــــان
أم أحمد يلست تقرا علي بنتها و بعد خمس دقايق هدأت اليازيا و رقدت ساروا الأهل كلهم للصالة و يلسوا يرمسون عن موضوع اليازيا
أحمد : سمعوا يا ناس ترا و الله الحياة إللي أحنا عايشين فيها جحيم بجحيم
أم أحمد : ليش جحيم يا ولدي
أحمد : لنا 9 سنوات ما عرفنا نرقد من هالمينونة و ……..
أبو أحمد : يا ولدي أنت ليش تعامل أختك جي أنا ملاحظ أنك وااايد تجرحها ليش يا ولدي تراك أنت أخوها الكبير و أنت أبوها الثاني لا مت إ……… (( أحمد قاطع أبوه ))
أحمد : عسا عمرك طويل
أبو أحمد : خلني أكمل رمستي أنته أخوها الكبير و أبوها الثاني بعدي معقولة بتعاملها جي لما أمووت
أحمد : أنا جي أسلوبي مع الكل مب مع لزوي بس
فهد : يا ناس أنتوا ظهرتونا من موضوع لزوي
أحمد : هي صح شو رايكم ناخذ لزوي عند دكتور نفسي
أم أحمد : ليش شايفين لزوي مينونة
أحمد : أمايا هاذا الدكتور مب للميانين هاذا دكتور عادي مثل كل الدكاترة
أم أحمد : لالالا هاذا للمانين و بنيتي مب مينونة
أحمد : أوووووف إنتي مصدقة ان بنتج مب مينونة إلا الينون كله فيها
أم أحمد : و الله إللي ياخذ لزوي عند دكتور نفسي بغظب عليه ليوم الدين
أحمد : أووووووف
بو أحمد : يا ولدي أختك عايشة في كابوس و بتنش منه قريب ما يحتاج أن نهتم بالسالفة
أحمد : أي كا بوس أختي يتها صدمة نفسة من إللي صارلها عسب جي لازم تتعالج
فهد : أنا الصراحة أشوف إن ناخذ لزوي لدكتور نفساني
أحمد باستهبال : أووه الصراحة فكرة عجيبة (( أحمد بجدية )) و شو أنا يالس أرمس من الصبح
أم أحمد : سمعوا لزوي مب سايرة لدكتور نفساني يعني مب سايرة فاهمين
أحمد : أم……
أم أحمد : بنيتي مب سايرة يا أحمد و خلاص فاه…..
فجأة سارت الصدمة الكبيرة ……. حل الصمت علي البيت ….. فجأة ……. فجأة …….. فجأة ……….
ظهرت اليازيا من الغرفة و هي ترمس الهوا و كأنها ترمس أنسان و ما انتبهت أن أهلها موجودين يلست اليازيا تقول
اليازيا : حنان و قفي في مكانج أنا تعبانة و ما في أركض وراج
……………………………. (( حل السكوت مرة ثانية ))
اليازيا : هي أدري أنج مشتاقة للبيت بس تعالي أبي أسولف وياج
و كانت اليازيا كأنها تكلم أنسان ثاني بس في الحقيقة هي كانت تكلم عمرها يعني تكلم الهوا و كل أهل البيت منصدمين أما اليازيا كانت تحرك راسها و كأن في أنسان يالس يتمشي في البيت
اليازيا : حنان و الله إذا ما يلستي في مكان واحد بزعل
كانت اليازيا كل ما تتكلم تسكت و كأن في انسان يالس يرد عليها
اليازيا : لا إنتي وين تبين تيلسين
في هالوقت كل أهل البيت منصدمين أحمد حس أن أخته مينونة بس حب يتأكد قال
أحمد : اليازيا
اليازيا أول ما سمعت أسمها لفت راسها صوب أحمد
أحمد : اليازيا يالسة ترمسين منو
اليازيا : يعني يالسة أرمس منو يالسة ارمس حنان
أحمد : ح….حنان
اليازيا : هي حنان
أحمد : و وين حنان
اليازيا : لفت صوب المكان إللي كانت يالسة ترمسة و قالت
اليازيا : حنان وين سرتي
أحمد منصدم أما فهد ما قدر يرمس
اليازيا : بلاكم ما تصدقوني توها كانت يالسة تتمشي في البيت ……. آه هي سارت لأنها زعلانه منكم
أحمد كان يالس يناظر أمه و أبوه و فهد
فهد نش من مكانه و سار صوب اليازيا و قال
فهد : لزوي حبيبتي ……….
شو رايكم بالقصة أكمل ولا لأ
مشتاقه جدا لمعرفة ان كانت اليازا مريضه نفسيا ام لا
مشكووووووووووور اخى
و بكمل القصة أنشاء الله بعد ما أخلص أمتحانات
ومشكووووره على التوضيح
وربنا معاكى و تنجحى بتفوق:thumbup2: وتفرحيييناااااا:clap: :clap:
امانه عليكى تفرحينا:1dsfdsgs48:
مع تحيات أخت Ffkk
تحياتي
ثاني شيء ما أوعدك أني بكمل القصة قريب لأان وراي أمتحانات و بعدين بسافر فما عندي و قت أكملها أن شاء الله بعد ما أرجع من السفر بكملها
و تسلمين حبيبتي علي المرور
أختج ffkk