عندما تضٌيء الشموع بيد الحُزن / الكاتبة : شمس ورى الغيم , كاملة 2024.

في أحد أفخم الفنادق في مدينة بيروت فتح شنطته و هو محتار شو يلبس لازم يكون كاشخ مشعل من يومه يحب يكون مميز و الأنظار كلها حوله و يحس بالغيره من أصحابه في كل شي لدرجة لو واحد منهم يشتري سيارة و مشعل توه مشتري جديده لازم يبيعها و يأخذ أكشخ منها طلع له تيشرت أسود و بنطلون جينز مع جاكيت طويل أسود هـ اللون يعطيه رونق و ميزه خاصه في خاطره كان يطالع جواله محد فكر يسأل عنه وصل أو لا ظاهريا كان يمثل أن الموضوع ما يهمه و كذا أريح له لكنه من جوى كان فاقد شي فاقد الإهتمام من الأهل فاقد حنان الأم و شدة الأب فاقد معنى كلمة أخ أو أخت
سمع الباب يدق فـ أستعجل في لبسه و طلع مشعل هلا
فيصل اتأخرت كل هذا لبس ؟
مشعل خلاص خلصت وين الشباب ؟
فيصل نزلوا تحت ينتظرونا
مشعل أمشي يالله
فيصل على الوناسة
مشعل عليييييهاا…

( فيصل وأحد من أصدقاء مشعل إنسان يمشي ورى إلي معه الريال مستعد يعطيه أي شي لحظتها بس يعيش الوناسة و أول ما يحصل إلي أغنى من أصحابه يمشي معهم و يتركهم و لا كانه عرفهم بيوم )

****************

دخلت للغرفه إلي حاجزها بإسمها في أفخم فندق بالخبر مغمضه عيونها مثل ما طلب منها
بعد ما تأكد إن كل شي جاهز مثل ما طلب عادل خلاص أفتحي عيونك
فتحتها شوي شوي و هي تصرخ من الفرحه كل هذا لها عادل كان مجهز الغرفه لعيد ميلادها بلونات و شموع و كيكه كاتب عليها أحبك ريوم ريم كل هذا لي ؟
عادل و هو يبتسم بخبث أجل لمن ؟
ريم من فرحتها إن حد مهتم فيها حضنته الله يخليك لي حبيبي
عادل أعجبتك المفاجئه ؟
ريم كثير فوق ما تتخيل
عادل مسكها من يدها تعالي أول طفئ الشموع و أتمني أمنيه بعدين أعطيك هديتك
غمضت عيونها و أتمنت ريم خلاص أطفيها ؟
عادل أول قولي شو تمنيتي ؟
ريم لا سر
عادل سر على حبيبك
ريم امممم زين تمنيت إن ربي ما يحرمني منك
عادل و لا منك يا روحي أجل طفئ الشموع على أحلا أمنيه
نفخت ريم على الشموع و إنطفت على أمنيه أكثر ما نقول عنها أمنية لحظه بين أحضان شياطن من شياطين البشر إلي عرفوا كيف يستغلون ضحاياهم و يجرونهم لطريق الهلاك…

*******************

شافتها مع الشباك كيف مندمجه بترتيب اللوحات و الألون و مستمتعه بعملها فدخلت عليها تبارك لها المرسم الجديد
فجر أش الحماس هذا يا ناس ؟
أريج بسم الله هو أنتي جيتي ؟
فجر لا لسى أنا خيال أيه وش شايفه أنتي ؟
أريج ما تضحك تصدقين
فجر و هي تقلب بالألوان نقلتي كل عفش الرسم حقك أنتي ؟
أريج طبعا
فجر مستعجله
أريج ما أحب أجل عملي
فجر زين الأن بعد ما شلتي أغراض الرسم صارت الغرفه أكبر و أكبر من غرفتي شو رأيك نتبادل الغرف ؟
أريج هذا بعدك يا حلوه
فجر طماعه عندك غرفتين الأن
أريج أنا أريج مو فجر
فجر مالت بس إلا أقول ما شفتي مزيون دخل المجلس اليوم يفكني منك ؟
أريج هههههههههه روحي بس ما جاء إلا أبو صالح
فجر زينة الشباب والله أتزوجيه و فكينا
أريج هو إلي ناقصني أتزوج بس
فجر وليه لا فكري فيه محرومه أكون عمه بتحرميني أكون خاله
أريج صيحتيني تصدقين روحي بس تغدي و نامي أحسلك
فجر و أنتي ما تبين تتغدين ؟
أريج لأخلصت ترتيب
فجر أقول أمشي بس
أريج فجر بعدي أنا ما أستحمل أطلع في الشمس الأن
فجر من متى أنتي هنا ؟
أريج ثمان الصبح
فجر بهتت من ثمان و ألان الساعة وحده و نص و هي هنا قربت و قفلت الفرامل الخلفية للكرسي ( معروف إن نوعيه من الكراسي الكهربأيه تكون فراملها صغيرة في أسفل أخر الكرسي و مو أي شخص يستخدم الكرسي يقدر يوصل لها و أريج ما تقدر فكل ما ترفض تسوي شي فجر تقفلها عنها لأجل ما تقدر تتحرك من مكانها )
أريج فجروه أفتحيها
فجر لا أول تقولين بروح أتغداء
أريج يالله منك زين بروح بس فكيها كيف أروح و هي مقفله ؟
أخذتها فجر و دفتها قدامها أنا أوديك للبيت و خذي شنطتي حطيها عن الشمس يا رقيقه……

****************

نزلت معها اليوم بيتهم تحب تجي بيت خالتها كثير و تنام أحيان عندها هنا تحس بطعم للحياة مختلف عن بيتهم إلي قل ما يجتمعون فيه على سفره وحده عكس هنا خالتها تنتظر مها لين ترجع من الكلية و تتغداء معها
أم مها حيالله مرام
مرام هلا بك خالتي
أم مها وينك معاد تنزلين مع مها ؟
مرام والله خالتي حوسة إختبارات وقل نوم
أم مها أجل ما لك مني اليوم فكه بكرى ما وراكم كليه نامي عندنا
مرام بدون نفس وين بكره بنروح بيت عمي واذا ما رحت جدتي تسويها علي سالفه
أم مها عارفه جدتك من يومها قويه أحسها ماسكه بنت عمك فجر بكل شي
مرام هذيك من يفتك من لسانها
مها عكس أريج
مرام لا يغرك صح أريج هادئه و رايحه بحالها لكنها تنقلب وحش لو أحد لمسها بسوء أصلا عمي مربيهم زي الأولاد كل شي يبونه يسونه و إلي قاهرني جدتي ما تقلهم شي لكن من تشوفنى أنا و ريم تستلمنى ليش هـ الملابس القصيرة و ليش هـ العدسات و ليش و ليش
أم مها حبت تهديها ما عليك فيهم أنتي سوي إلي تبين و ألبسي إلي نفسك فيه و لارحتي عندهم دوري لك شي حشيم يسكت حلوقهم عارفه كنت بتصل في مها تنزلك معها اليوم مسويه لكم الغداء إلي تحبونه
مها لا تقولين برياني دجاج
أم مها إلا هو و سلطة حاره بعد
مرام اممم جوعتيني خالتي
أم مها أجل روحوا غسلوا و تعالوا بجهز لكم السفرة…..

************

بعيد عن الكل أخذ له زاويه في الملهى مع وحده لبنانيه إسمها إلين كانت شبه عاريه تطالعه و تبتسم له من أول ما دخل مع أصحابه
إلين شو ما تعرفنا ع أسمك ؟
مشعل مشعل
إلين كتير حلو خليجي مااه ؟
مشعل سعودي
إلين أحلى ناس بحب السعوديه كتير
مشعل بباله طبعا عائشه من خيرهم الله يخليك
إلين و هي توقف شو النوعيه يلي بتشرب جيبلك ؟
مشعل لا لا إجلسي مشكوره ما أشرب أنا
إلين ما بيصير إشي خفيف بجيبلك مأبياسر
مشعل سوري بس ما أشرب
إلين إيه من شأني صويا بس
مشعل اللهم طولك ياروح تبين تشربين روحي لطاولة ثانيه أنا ما أشرب و لا أحد يغصبني على شي مابيه
إلين و هي تجلس إيه روق ما حكينا إشي خلاص مابدي أشرب أنا كمان
مشعل كذا أحسن نسولف وبس
إلين مبهته ما فهمت ؟
مشعل و هو يولع سيجاره في فمه يعني حدي معك سوالف هنا وبس لا تحلمين بشي أكثر تبين فلوس بعطيك
إلين قامت من عنده بدون أي كلمة ما هو هذا إلي تبيه أحسن شي تقوم أدور لها على صيده ثانيه أما مشعل فهذا هو طبعه إلي محد يعرفه عنه حتى أهله و أصحابه كل ضنهم فيه السوء و إنه حق شرب و بنات لكن الحقيقة مشعل ما عمره شرب و حده من البنات لمسه أو ضمه في أندر حالاته و حسب مزاجه هو…..

**************

طلعت من غرفتها كاشخه هي ما تكره أحد لكن بنات عمها و خصوصا مرام تقهرها تحس فيهم غرور مرت غرفة أريج و ما حصلتها بخاطرها متوعده لها الويل لو كانت بالمرسم و لسى ما لبست مرت الصالة و حصلتها جالسة مع جدتها و تسولف عليها
فجر عارفه إن ربي رحمك
أريج ليش ؟
فجر مريت الغرفه أشوفك ما حصلتك قلت لو كنتي بالمرسم و مالبستي بذبحك
أريج وليش عاد لي ساعة لابسه و جالسة مع جدتي ما هو مثل بعض ناس يلبسون من أربع ساعات
فجر و بذمتك ما أني حلوه ؟
أريج بس ماله داعي كل هـ الكشخه
فجر عاد لازم أكون أحلى وحده و إلا لا يا جدتي ؟
أم عبدالله أنتي أحلى يمه بملامحك ما هو مثل بنات عمك ما يخلن شي على وجيهن إلا حاطنه تقول من رسمات أريج
أريج ههههههههههههههه قويه جدتي
فجر و هي تقوم ناحية الباب بعد ما سمعت الجرس إيه تعجبيني جدتي…..

****************

في المرسم طلعوا البنات مع أريج يشوفون أخر رسوماتها إلي تعجب ريم و ترفع ضغط مرام
ريم و هي تطالع لوحه زيتيه ما كانت تميز هي شو بالضبط غريبه هـ اللوحة أريج شو تعني ؟
مرام أحسها مزيج ألوان بدون هدف
أريج ما في شي بالدنيا أسمه بدون هدف الرسم مشاعر تترجمها الريشه شوفي اللوحة بمشاعرك و تميزينها
ريم أخذة تطالع و سرحت في الرسمه و عادل فـ تكلمت بدون وعي الخوف من فقد مصدر الأمان و الفرحه بحياتي
أريج فعلا الخوف من الفقد هو إلي تترجمه هـ اللوحة و اللون الرمادي هو حالة الإحساس ذيك اللحظة بين الصدمه و محاولة تقبل الوضع
فجر تصدقي شفت هـ اللوحة أكثر من مره لكن اليوم أشوفها بإحساس مختلف و كله من سؤالك يا ريم
مرام ما أشوف فيها شي من إلي تقولونه
فجر منتي خايفه تفقدين شي ؟
مرام بلا مبالاه لا
فجر أجل ما عندك شي تستاهلين تعيشين عشانه
مرام وش قصدك يا فجر يعني أموت أحسن بس عشاني ما أني خايفه من لوحه ؟
فجر لا لإنك منتي مهتمه للي حولك و لنعمه إلي عايشتها لو خايفه تفقدينها بتفهمين معنى اللوحه و بتكون حياتك سعاده أبسطها لو صحيتي يوم و أبوك و إلا أمك بعيد الشر يعني في غيبوبه ما يدري عن شي مو بتندمين على كل لحظة ما كنتي معهم و تتمنين إن الأيام ترجع بس عشان تكونين معهم
مرام هذا في علم الغيب ما يندرى يمكن أموت أنا قبلهم
فجر في علم الغيب ما قلنا شي و كل شي بيد الله بس عاد الواحد يخاف يفقد اللحظات الحلوه و يعيش الحزن عشان كذا لازم يكون قريب من أحبابه و يحمد ربه على نعمته
ريم كانت تسمعهم و هي في عالم أخر فجر تتكلم كذا لإنها تحس بمعنى الحب من أمها و أبوها عكسها تماما عمرها ما حست من أمها إلا البعد و الصد و من أبوها سد الحاجة المالية لحد الغرق في الفلوس إلي خلتها ضحيه لعادل إلي صار يجري وراها بس عشان تسديد فواتيره و هدايها له..

**************

بعد ما راحوا أهل عمها رجعت غرفتها و هي متعبه اليوم صحت من بدري و لا قدرت تنام الظهر بثقل رفعت نفسها من الكرسي لسرير و تمددت عليه سمعت الباب يدق و قبل ماتنطق دخلت فجر
أريج طيب أنتظري حد يرد عليك يمكن ما أبيك تدخلين
فجر و هي تدخل معها في الفراش حلوه ذي ما تبيني أدخل أنا جايه أنام معك أصلا
أريج زين أنا تعبانه و مرهقه خلي وجهك الجهة الثانيه و لا تتحركين و ترافسين و أنتي نائمه
فجر و أنتي الله يخليك لا تتحلمين و تصارخين ترى أبي طبلتي وراي مستقبل دراسي
أريج طيب خلاص أسكتي

دقيقة صمت

فجر أريج
أريج هممم
فجر أنا ما أبي أفقدك
أريج و لا أنا
فجر طيب ليش رسمتي ذيك اللوحه ؟
أريج إحساس الفقد مو شرط بالموت أو المرض مثل ما تفكرين في ناس عايشين تحت سقف وأحد و فاقدين معنى الحب بينهم و أنا عشان أريحك فاقده إحساس المشي فوق الأرض لجل كذا رسمت اللوحه
فجر أحس بيت عمي كذا ما في بينهم حب
أريج ممكن
فجر تبين الصراحة ما يعجبوني فيهم غرور
أريج ممكن مرام مغروره معك حق بس ريم أحسها طيوبه
فجر ريم بعيده عنهم أما مرام نسخه من أمها
أريج بتعب زين خلي الناس في حالهم و نامي بكره جمعه أبوي يصحينى من الساعه عشر الصبح…

***************

الجزء الرابع

بسرعه مر عليه هـ الإسبوع كان يتمنى يبقى أكثر بس لبنان صغيرة و أسبوع كافيه عليه فيها عادة مشعل يبقى أكثر بسفراته خصوصا لدول الأوربيه يجلس شهر و أحيان أكثر يعشق الحركة و الجو و الأثار القديمه بأسبانيا و أيطاليا و قلاع فرنسا و النمسا الشامخه نزل من السياره للبيت الوقت الأن العصر و أكيد أخواته نائمات و أمه خارجه مثل العادة و أبوه في الشركة يعني محد بيهتم لجيته نزل شنطته عند الباب و نادى على ناني برغم إن عندهم أربع شغالات في البيت إلا إن ناني الوحيده إلي تدخل غرفة مشعل و ما يسمح لأي وحده تدخلها حتى لما تسافر
ناني يس مستر
مشعل ماما موجود ؟
ناني نو روح مع مدام أم مها
مشعل و لا بابا ؟
ناني نو ما فيه
حط يدينه في جيب بنطلونه بملل ما فيه نوم الأن شو يسوي و البيت جوه كئيب مشعل طيب ودي شنطه غرفه حقي
ناني سوي أكل ؟
مشعل بخاطره الله يا الدنيا الشغاله مهتمه لي أكثر من أمي لا شكرا بيروح
طلع مشعل من البيت بملل أصحابه أكيد مع أهلهم طبعا مشتاقين لهم أسبوع ما شافوهم لكن هو لو يغيب سنه محد يشتاق له أسبوع مر عليه محد أتصل و سأل عنه كان إتصال واحد من أمه و ياليته له بس لمجرد تذكره يجيب لها مجلات أزياء خطأه قادته لبيت عمه وقف السياره و ألتفت ما شاف سيارته بخاطره تملل أكثر (( بس يالله وصلت لين هنا خلني أنزل أسلم على جدتي )) طلع العطر و بخ على نفسه جدته تكره فيه رائحة الدخان فهو دائم يغطيها بربع زجاجة العطر على ملابسه نزل و دق الجرس في داخل البيت ما كان فيه إلا الشغاله في السطح تنشر ملابس و لا تسمع الجرس و فجر إلي كانت في سابع نومه و مستحيل يصحيها الجرس الباب كان قدامه مفتوح شوي و بيت عمه بالعادة يكون الباب مفتوح إذا فيه ضيوف بمجلس الرجال دفه بهدوء و دخل لكنه أتصنم في مكانه ..
أريج مطلعه لوحه في الحوش قدام باب المرسم تبيها تجف من الهواء كانت جالسه تتأملها و معطيه الباب ظهرها و لابسه بدي وردي بدون أكمام مع بنطلون جينز باهت و شعرها مجمعته و رافعته بشباصه يعني مشعل يشوف رأسها و الرقبه و جزيئه من ظهرها أما الباقي من جسمها فكان يغطيه الكرسي..
رجع وأخذ الباب في يده مثل ما كان ( هذي من إلي في بيت عمي تستخدم كرسي متحرك من يا مشعل؟ اووه صح إلي صار لها الحادث بس هي الكبيرة و إلا الصغيرة ؟ )
لا شعوريا طلع المفتاح من جيبه ودق به الباب
أريج كل تفكيرها في فجر إلي نائمه جوى لو صحاها الجرس بترتكب جريمه في إلي داق بسرعه حركة كرسيها جهة الباب مين ؟
مشعل ما عرف شو يقول هو متأكد إنها هي إلي شافها عمي موجود ؟
أريج لا والله طالع مشوار
مشعل زين نادي لي جدتي بسلم عليها
أريج من الأساس ما كانت عارفه الصوت بس لمن قال جدتي حست إنه مشعل والله جدتي راحت مع أمي للمسجد فيه محاضره بخلي لك الباب مفتوح و تفضل المجلس خلاص هذا وقتهم يرجعون
مشعل بإحراج تسلمين والله أرجع مره ثانيه خلاص المغرب بيأذن يالله مع السلامه
أريج تلاقي خير
مشعل وقف في مكانه يستوعب كلمتها (( تلاقي خير )) عمره محد قاله هـ الكلمه متعود يسمع ما يجي من وراك خير لكن حد يقوله تلاقي خير حس فيها شي كبير…

*****************

صحت على صوت الجوال إلي أقلقها و سبب لها الصداع ( اففف الواحد حتى بنومه ما يتهنى ) لكنها أبتسمت أول ما شافت الرقم
ريم هلا حبيبي
عادل و إلي كان يمثل الضيقه هلا ريوم نائمه ؟
ريم شو فيه صوتك كذا ؟
عادل و لا شي لا تهتمي كملي نومك و لاصحيتي كلميني
ريم لا قول شو فيك خلاص صاحيه
عادل متضايق بس
ريم ما تعيش الضيقه و ريوم موجوده قلي حبيبي شلي مضايقك
عادل الدنيا كلها ريوم أحسها فوق رأسي
ريم ليش ؟
عادل اليوم صاحب البيت بيجي على وعدي له الشهر الي راح و أنا ما دبرت ربع الإجار و هو متحلف يا يأخذه كله يا نطلع من البيت
ريم تطلعون وين ترحون ؟
عادل الشارع يا ريم
ريم إش الظلم هذا طيب الي ما عندهم فلوس وين يعيشون ؟
عادل خليها على ربك بس
ريم طيب كم إلي ناقصك ؟
عادل لا ريوم أنا ما أقولك عشاني أبي منك فلوس أقولك بس عشان أفضفض لك و أرتاح أنا من لي غيرك
ريم و أنا كمان مالي حد غيرك و إذا ما ساعدتك ما أحس إنا واحد مثل ما تقول
عادل أنا بطقاق أعيش لو في سيارتي بس المشكلة أمي و أخواتي وين يرحون ؟
ريم خلاص أجل قولي كم ناقصك عشانهم مو عشانك هـ المره
عادل بس المبلغ كبير
ريم طيب كم ؟
عادل عشره الألف
ريم بس توقعتك بتقول ثلاثين أربعين خلاص نص ساعة بس أبدل و أطلع المكتبه أشوفك هناك و أعطيك الفلوس
عادل الله لا يحرمني منك حبيبي و بإذن الله أول ما أشتغل أرجعها لك……

****************

وقف يرحب فيه من زمان ما جاء الشركة و هـ المره مستغرب جيته فجاءه كذا
ياسر (( سكرتير مكتب أبو مشعل )) أهلين إستاذ مشعل منور الشركه
مشعل تسلم والله الوالد موجود ؟
ياسر هو في إجتماع بس دقيقه و بيخلص
مشعل زين بنتظره في المكتب
ياسر تشرب شي ؟
مشعل يا ليت كوب شاهي
ياسر حاضر
دخل مشعل المكتب الرئيسي لأبوه و جلس يتأمله أخر مره دخله قبل ثلاث شهور كثير متغير عن اليوم الأثاث صاير أفخم لون الجدران منسق بطريقه رهيبه شدته لوحه خلف كرسي أبوه مباشره وقف يتأملها ما يدري ليش جأت أريج ذيك اللحظة في باله و شكلها و هي منسجمه تتأمل الوحة
أبو مشعل عاجبتك اللوحة أنت كمان ؟
مشى جهة أبوه و بأس يده و رأسه مشعل رهيبه والله فيها شي مختلف
أبو مشعل طبعا هذي رسمت أريج مو أي كلام
مشعل إلي راسمتها أسمها أريج أول مره أسمع فيها
أبو مشعل و هو يضحك أريج بنت عمك عبدالرحمن هي إلي راسمتها و أنا أخذتها منها هـ البنت رسامة لكن رافضه تنشر رسمها
أجل هي أريج إلي شفتها والله و أرسلك ربي من السماء لي يا أريج…

**************

رمت الكتاب من يدها بقرف اليوم مشعل يجي كيف تشوفه أو حتى تسمع صوته مشتاقه له يا ناس و محد فاهمها طلعت لأمها و خالتها الصاله و هي مخططه على ألي برأسها
مها خالتي ما تدرين متى تصحى مرام ؟
أم مشعل هـ البنت ما تصحى قبل الساعة إحدى عشر ليش يمه تبين منها شي ؟
مها فيه أوراق لإختبار بكره عندها و أبي أذاكرها
أم مشعل خلاص أجل أمشي معي البيت و أجلسي ذاكري فيها لين مرام تصحى و يرجعك السواق بعدين
مها كانت تطالع أمها و تنتظر منها الموافقه
أم مها بس الحين المغرب و أبو مشعل يرجع
أم مشعل و هو بيأكلها هي زي بناته بعدين هو حتى لو يجي البيت يدخل مكتبه و يكمل شغله هناك ماله شغل في أحد
مها يمه الله يخليك والله الإختبار صعب
أم مها زين بس ما تتأخرين قبل عشره تكونين عندي
مها و هي تبؤسها أبشري يا آحلى أم………..

***************

رجعت للبيت بعد ما نشفت اللوحة غسلة يدينها و أتؤضاة و صلت المغرب أمها و جدتها تأخروا الظاهر بيصلون المغرب و يجون أحسن لمشعل أنه ما جلس و إلا كان أتملل بصدق
أم أريج و هي داخله السلام عليكم أبوك لسى ما رجع ؟
أريج و عليكم السلام لا يمه لسى
أم أريج و أختك وينها ما صحت ؟
أريج لا
أم أريج خل أروح أصحيها من بيسهر معها الليلة
أريج هااه جدتي كيف المحاضرة ؟
أم عبدالله ما شاء الله المسجد ما بقى فيه مكان إلا أمتلى بشر و إلا إلي سوت المحاضرة سبحان الله وجها منور بالطاعة
أريج ترى مشعل جاء يدورك قبل شوي
أم عبدالله و ليه ما جلس بالمجلس لين أجي ؟
أريج قلت له قالي بيروح و يرجعلك مره ثانيه..

*******************

دخل البيت و هو واصل حده من التعب خلاص بس يدور على السرير البيت بنفس هدوء العصر شي يجيب الكأبه طلع على جناحه و قبل يوصله شافها واقفه بالممر صار يحس بالغثيان البنت هذي ما عندها أي ذرة أخلاق تطلع كذا قدامه بدون حجاب و تسوي نفسها ما تدري و في الأصل هي مستقصده و هو متأكد من كذا تنفس بعمق و طلع جواله و مثل أنه يكلم و بصوت عالي عشان تسمعه
مشعل ياروح مشعل أنتي هو أنا أقدر ….. هههههه … شايفه بس جيتك قبل أهلي والله وربي أمي ما شفتها لسى بس على فكره ترى ألون الوردي روعه عليك ( مشعل ما يدري ليش قال هـ ألون و ليش بالذت جأت أريج في باله هـ اللحظة غمض عيونه يحاول يتذكر ملامحها و هي طفله )
آماا مها فحست بقهر و غيض بقلبها مشعل يحب؟؟؟
حبست دموعها و دخلت غرفة مرام منجدها الوحيد…..

من صحت صلت الفجر و هي ما هي قادره تنام في إحساس بداخلها مختلف ما هي عارفه كيف تميزه ما عندها إلا فجر بما إن اليوم خميس راحة لها الغرفه و صحتها
فجر يالله صباح خير الساعة خمس و نص دوام مدرسه
أريج قومي و بلا كسل و ربي ملانه
فجر على حسابي روحي أرسمي
أريج مالي نفس و نص الألوان مخلصه
فجر يووووه
أريج قومي نطلع الحوش الجو حلو
فجر إذا بتخلين أبو صالح يجيب لنا فطور
أريج هههههه سخيفه مسويه سندوتشات لبنه و زعتر
فجر مغريه
أريج يالله قومي طيب
فجر بس عشانك كسرتي قلب معدتي
طلعوا أريج و فجر الحوش الجو كان خيال على بداية الشروق و فيه سحب بسيطه
فجر فعلا الجو رهيب
أريج و أول ما تبين تقومين
فجر لو عندنا أخو بس
أريج ليش ؟
فجر كان طلعنا الأن يا ذكيه
أريج ضحكتيني تلقينه لسى ما رجع البيت و إلا توه ينام
فجر يعني زين ما كفخني
أريج قلتيها
فجر و هي تطالع الباب و لا كلمة شوفي المشهد بس
أبو أريج وش عندهم بناتي جالسات هنا ؟
فجر هلا يبه ما شاء الله من وين جأي ؟
أبو أريج المسجد
فجر إيه تفضل أفطر معنى الجو رهيب
أريج كانت تطالع فجر مبهته هي متأكده أن تحت رأسها شي
أبو أريج إيه بس ما قلتولي ليش صاحيات و أنتي بالذات يا فجر العاده الخميس تعوضين نوم أسبوع ؟
فجر الملل يا يبه كله نوم و دراسة نوم و دراسة ما فيه تغيير روتين ممل
أبو أريج ما باقي لك إلا ثلاث أسابيع و تخلصين الدراسة بعدين الدراسة و التعليم هي إلي ترفع قدر الإنسان بدل ما يكون جاهل بس يأكل و يشرب و ينام
فجر بهمس تكلم الإستاذ عبدالرحمن
أبو أريج وش تقولين ؟
فجر أقول كلامك صحيح طال عمرك بس يضل لترفيه و الترويح عن النفس دور في العطاء و التفوق
أبو أريج إيه و المطلوب ؟
فجر كلك مفهوميه إستاذ
أبو أريج و أنا أقول فجر ليش صاحيه تبين تطلعين ؟
فجر أنا و المزيونه إلي جنبي يعني فطور على البحر لفتين بالسياره و نرجع ما نطول
أريج من قال أني بروح ؟
فجر و غصب عن غمازاتك بعد بعدين ترى الفنانه ألوانها مخلصه و مستحيه تطلب
أريج لا يبه بس تعرف إذا بروح المكتبه لازم تكون فاضي تعرفني أطول شوي
فجر و أبوي الأن فاضي و المكتبه أحلى شي الصباح تلقينها فاضيه و تأخذين راحتك
أبو أريج أجل فجر دارستها صح
فجر تلميذتك طال عمرك
أبو أريج خلاص ما أردكن قومن ألبسن و تعالن السياره
فجر فديتك يا أحلى أبو بالدنيا
أريج مشكور يبه…..

*************

صحى و طالع الساعة شافها عشر و نص بدري على أي شي ممكن يسويه حاول يرجع يكمل نومه لكنه كان مكتفي نام أمس من الساعة سته و نص المغرب يعني له ست عشر ساعة نائم تأفف و دخل الحمام [ أكرمكم الله ] بدل ملابسه و طلع الدور الثاني كان هادئ بدون و لا حركة و الدور الأول نفس الهدوء مع حركة خفيفه من الشغالات أخذ الجريدة في يده و طلع السياره رماها جمبه على السيت [ المقعده ] و ولع سيجارة و مشى ما كان عارف وين بيروح بس أهم شي يطلع من جو البيت إلي يسبب له الضيق أمس قبل ينام جلس فتره يفكر في أريج و الخطه إلي برأسه كيف ينفذها؟ و كيف يقنع أمه و أبوه ؟ بس يالله إلي برأسك يا مشعل لازم يمشي و في أقرب وقت لو شو ما صار أخذ لفة البحرين و مشى بطريقه….

*************

في المكتبه أخذة كل إلي تحتاجه من فرش و ألوان و التفتت أدور فجر إلي كانت منسجمه مع الكتب هـ البنت تحب تقراء روايات بشكل جنوني
أريج يالله تأخرنا على أبوي ترى
فجر شو رأيك أخذ هـ الروايه و إلا هذي ؟
أريج أظنك ثانويه عامه و الأن قريب أختبارات يعني ما هو وقت الروايات
فجر ما راح أقراها إلا بعد الإختبارات وعد بس أيت أحلى ؟
أريج و أنا شو عرفني قالولك قريتها
فجر من العنوان يا فنانه
أريج أشرت لها على وحده هذي
فجر اوكيه أجل بأخذها و قولي إنها لك عشان أبوي تكفين
أريج أبشري بس بخبيها لين بعد الإختبارات
فجر اوكيه….

**************

دخل البيت و هو مقرر يكلم أبوه اليوم خلاص أحسن شي يدق الحديد و هو حامي شافهم مجتمعين بالصالة و هذي نادرا ما تكون بس هي فرصته
أم مشعل أول ما شافته أستلمته أنت من وين جأي الشغالات يقولون شافوك تطلع من الصبح وين رحة لين الحين العصر ؟
مشعل طلعت مشوار صغير
مرام يالله صباح خير
مشعل خلك في حالك أنتي بس
أبو مشعل طيب أحترموا وجودي أنا و أمكم بينكم على الأقل
مشعل قام من مكانه و جلس جمب أبوه على رأسي
أبو مشعل كان يعرف له هذي حركاته من هو صغير لبغى يطلب شي وش طلبك فلوس ما في توك صارف بلبنان مبلغ يكسر الظهر
مشعل الله يطول لي عمرك هو الطلب فيه فلوس بس ما هو سفر
أبو مشعل وش هو ؟
مشعل بدون مقدمات أبي أتزوج
لحظة صمت يستوعبون الكلام مشعل بيتزوج !!
أم مشعل بفرح و أخيرا بتريح قلبي يمه خلاص يا عبدالله بكره تروح لأبو مها و تخطب البنت منه و الله لسويلك فرح تتكلم فيه الشرقيه كلها
مشعل تجهم وجهه من هـ المها وش مها ما مها ألف مره قلت هـ البنت ما أبيها
أم مشعل بس أنا مكلمه أختي من زمان أني أبيها لك بتكسر كلامي يا مشيعل
مشعل والله ما قلت لك كلميها قبل ما تأخذين رأيئ
أبو مشعل لحظه يا حصه هبيتي في الولد يمكن هو بخاطره وحده نخطبها له
مشعل هذولا الناس الفاهمه وصلت يا أبو مشعل
أبو مشعل و من بنته ؟
أم مشعل و تسأله بعد أكيد وحده من الشارع ضاحكه عليه
مرام لا شعوريا فكرت بالكلام إلي قالته لها مها و المكالمه إلي سمعتها
أبو مشعل خلي الولد يوفي هرجه يا حصه
مشعل ماهي من الشارع يمه ريحي رأسك البنت كلكم تعرفونها
أبو مشعل و من هي ؟
مشعل أريج بنت عمي عبدالرحمن
أم مشعل ما أستوعبت أريج لا عاد هذي إلي ناقصني بعد أنت أكيد منت صاحي
مرام أنت عارف من هي أريج .؟
مشعل إيه عارف و أنا ولد عمها و أولى بها من الغريب
مرام أي غريب هذي ممكن تتزوج واحد قد أبوها و ممكن ما تتزوج من الأساس
مشعل ليش وش ناقصها مهي من لحم و دم زيك و إلا أنتي و بنت خالتك مطليات بذهب
ريم مشعل أنا ما أني مستوعبه يمكن لو قلت فجر يهون
مرام جأتك الثانيه وش فجر بعد
أم مشعل من بنات عبدالرحمن ما أنت متزوج و لا حتى تفكر
من أول ساكت و يسمعهم كيف يتكلمون في أريج ممكن رافضينها عشان إعاقتها بس الأن الرفض شامل حتى فجر وش فيهم بنات أخوي ماهم عجباتك ؟
أم مشعل أنا ما قلت فيهم شي و صراحة من الأخير بنات أخوك ماهم من مستوانا
أبو مشعل بعصبيه أجل بنت أختك من مستوانا و إلا ناسيه من أبوها و إلا ليش طلق أختك
أم مشعل البنت أختي إلي ربتها و نعرف أخلاقها
أبو مشعل و يعني بنات أخوي إلي ما تعرفون أخلاقهم و الله أنهم يسون بناتي بأدبهن و إحترامهن لبوهن
أم مشعل أدبهم لهم ولدي ما يأخذ منهم لو ما يتزوج
أبو مشعل كان يحب أريج و يتمنى لها الخير لكنه عارف إنها ما راح تكون سعيده مع مشعل لإن طبعها تتقبل كل شي بصدر رحب و ما تحب تناقش أريج ما تصلح لك تبي فجر أروح أخطبها لك الليله
رمى الشماغ على كتفه وقام مشعل والله عاد قلت لكم أبي أريج و أنتم ما تبونها أجل بطلنا ما نبي زواج و تذكروا أنا ألي جيت من نفسي و قلت لكم بتزوج
قال كلامه و مشى عنهم للإستراحة مع الشباب و تركهم وسط تفيكر أبو مشعل في ردت فعل أخوه لو عرف أنهم رافضين بنته و أم مشعل وشو بتقول لأختها ولدي ما يبي بنتك….!!!

*****************

طلعت لمرسمها بعد ما صلت المغرب من أمس ما رسمت بسبب نقص الألوان فيها رغبه قويه ترسم شي مميز أخذة الفرشاه و مزجة ألون الأحمر بالأصفر طلع لها لون تحبه كثير وتتفأل فيه بدت تخط خطوط لشمس لنور الأمل مهما كانت الحياه قاسيه و صعبه تدرك أن الله ما يأخذ من الأنسان شي إلا يعوضه بأفضل منه حب أمها حنان أبوها علاقتها القويه مع أختها فجر قلب جدتها كلها أشياء الله عوضها فيها و تعيشها بسعاده و رضاء و ما تبي أكثر من كذا أبتسمت و كملت لوحتها
فجر بسم الله شو هـ الإبتسامه ؟
أريج بسم الله منك متى جيتي ؟
فجر من سبع عشرة سنه
أريج هههههه سخيفه تعالي أحضنيني
فجر عيب بقول لماما عنك
أريج هههههههههه ما تقدري بتخاصمك أنتي لأني أبي أحضنك بحب و أنتي لا
جأت لها فجر وحضنتها أحبك يا الدبى…..

*****************

من طلع مشعل و هي القهر بيذبحها كيف تقنعه يتزوج مها و كيف طلعت أريج في رأس هـ الولد فجاءه
أبو مشعل تراك صدعتي برأسي خلاص سكري الموضوع
أم مشعل كيف أسكره ولدك ما يجي من وراه خير
مرام أصلا مستحيل أصدق أنه يبي أريج أكيد قال كذا لانه عارف ما راح نوافق فـ يسكر على موضوع الزواج
أم مشعل بيدخل الثلاثين بعد سنتين و هو ما يعرف مصلحته
أبو مشعل خلاص سكروا السالفه الأن و أنا أتفاهم معه بكره و لا أسمع كلمه تطلع من هـ البيت…..

***************

الجزء السادس

للمره المليون دقت على رقمه مقفل رمت الجوال بقهر و غيض ممزوج بخوف منه و عليه من وقت شافته بالمكتبه و أعطته الفلوس قالها أكلمك أول ما أرجع البيت و لا عاد دق و جواله ما أنفتح من ثلاث أيام حاولت تأخذ كتابها تذاكر شوي لكن تركيزها كان مشتت تركته و طلعت من الغرفه شافت مشعل يدخن في البلكونه و راحت جهته
ريم لو أدري السيجارة تريح كان أخذة وحده
مشعل بإستخفاف تبين
ريم بس قرف الرائحه ما أحبها
مشعل ههههههه عادي تعودين
ريم اممم مشعل
مشعل هلا
ريم أنت ليش تبى تتزوج أريج ؟
مشعل لإنها بنت عمي
ريم بس أمي و أبوي ماهم موافقين
مشعل و أنتي ؟
ريم هي طيبه و أنا أحبها و أحب رسمها بس سمعتها مره تقول إنها ما تفكر تتزوج مره
مشعل حس بالإحباط و سحب الدخان لصدره بقوة و طلعه ممكن لمن تعرف من خطبها تغير رأيها
ريم بقولك سر
مشعل قولي
ريم أنا موافقه تأخذ أريج بس لا تفكر تأخذ مها مره ما أحبها أصلا أريج أحلى منها
مشعل لو تدرين أني أكرهها أكثر منك و حافظ ملامحها أجل أقنعيهم معي أخذ أريج
دخلت عليهم الشغاله و قطعت كلامهم سليسا مستر مشعل بابا يبغى أنت في مكتب…

*****************

ليوم الجمعه طعم مختلف في بيت أبو أريج كله نشاط و حركه كانوا مجتمعين على الغداء و بين السوالف و الضحك
أبو أريج هااه يا فجر ختمتي المناهج ؟
فجر باقي بس الفيزياء و الإنجليزي
أبو أريج أسمن المواد هذي متى بتبدينها ؟
فجر فيه وقت يبه لا تهتم
أم عبدالله بنيتي شاطره ما شاء الله عليها
فجر فديتك جدتي بس دعواتك هذي عاد خلاص أخر سنه
أبو أريج مذاكرتك قبل شدي حيلك أنتي و ربي يوفقك
فجر أبشر بس عاد حضر لي هديه تستاهل النسبه
أبو أريج خليني أشوف النسبه أول و بعدين نقرر الهديه وش تكون
فجر من فوق الـ 95 سفره
أريج هههههههه أحلى التخطيط على وين ؟
فجر أفكر باريس عشان تتعلمين لرسم زين
أم أريج و هي تتذكر سفراتهم لعلاج أريج الله لا يعودنا لها بلاد الكفار…

***************

دخل المكتب و سكر الباب وراه عيون أبوه فيها كلام و هو كأنه واثق وش بيقول
مشعل هلا يبه بغيتني ؟
أبو مشعل إيه أجلس
جلس مقابل لأبوه مشعل و هذي جلسه
أبو مشعل أنت صادق بكلامك إلي قلته أمس .؟
مشعل أي كلام ؟
أبو مشعل زواجك من بنت عمك
مشعل إيه و مستغرب ليش رافضين
أبو مشعل يعني لو وافقنا ما راح تغير رأيك و تقول معاد أبيها ؟
مشعل و ليش أغير رايئ يا يبه أريج وش ناقصها هذي هي عائشه من كم سنه و ما ماتت عشان ما تمشي عادي أنا راضي و إذا على البيت أنا بحط لها لفت [ مصعد ] و بدل الشغاله ثنتين و بنعيش
أبو مشعل و أنت ليش تبيها إلا هي ليش ما تأخذ فجر و إلا بنت خالتك أو أي وحده نخطبها لك ؟
مشعل يبه بنت خالتي أنا ما أواطن خلقتها مستحيل أخذها و فجر لسى صغيره بيجيها نصيبها لكن أريج لو ما أتزوجتها أنا ولد عمها إلي فاهم وضعها و مقدره لمن بتجلس ؟ لواحد يأخذها حرمه ثانيه ما ترتاح معه بعدين أنت فكر بعمي عبدالرحمن أكيد شايل همها و نفسه يتطمئن عليها
أبو مشعل و أنت بتريحها يعني يا يبه أريج مهي زي أخواتك و إلا بنت قابلتها قبل هـ البنت و ضعها غير و طبعها ما تتكلم و لا تشكي قوة صبرها عن ألف رجال
مشعل إستانس على كلام أبوه و أتشجع أكثر و أنا ما راح أطالبها بأي شي إلي تقدر عليه تسويه
أبو مشعل خلني أفكر في الموضوع لكن حط بالك أمك ما هي موافقه و أنا ماراح أروح لأخوي و يسمع بعدين إنا ما نبي بنته…..

*************

طلعت بكتابها من الغرفه تدور على أريج تسمع لها مرت غرفتها و ما حصلتها ( هـ البنت ما تجلس في البيت من فتحوا لها الملحق مرسم تطلع من الصبح و ما ترجع إلا لللأكل أو النوم )
فجر يمه وين أريج ؟
أم أريج أكيد بمرسمها
فجر بروح لها تسمع لي
أم أريج لا تطلعين أبوك عنده ضيوف
فجر و أريج كيف جالسه هناك ؟
أم أريج هي من أول هناك و لا طلعت
فجر طيب و أنا من بيسمع لي قواعد النحو ؟
أم أريج هاتيه أسمع لك
فجر بس عاد خلك زي أريج تلمح إذا نسيت شي
أم أريج أنتي ما مدلعك غير أريج أنا ما عندي غش بسمعلك و خل أشوفك منتي حافظه بس…….

*************

متمدد على السرير و كل تفكيره كيف يقنع أمه توافق يحس أبوه بداء يلين معه و في أمل يقنعه لكن المشكله الأكبر أمه و رأسها اليأبس و مها كيف يزيحها من طريقه قطع عليه أفكاره صوت الجوال
مشعل هلا والله
سلطان هلا بك وينك فيه الشباب كلهم بالإستراحه إلا أنت ؟
مشعل فيه قريب جأي لكم بعد شويه
سلطان فيك شي ؟
مشعل لا والله بس تعرف اليوم جمعه و الوالد موجود
سلطان اهااا أجل ننتظرك لا تطول

قفل مشعل من سلطان و أخذ مفتاح سيارته و البوك [ المحفضه ] و طلع بطريقه شاف مرام هـ الإنسانه تنقهر من مشعل في كل شي و لازم يتخاصمون بشكل دائم
مرام طالع ؟
مشعل يس
مرام طبعا وش هامك رفعت ضغط أمي و لا حتى سألت عنها
مشعل رفعت ضغطها بشو ؟
مرام بسالفة زواجك من هـ الأريج
مشعل بكره بينخفض عادي
مرام شو هـ الأمبالاة إلي عندك أنت ؟
مشعل تشبه تطفلك في أشياء ما تعنيك
مرام أصلا ما يعنيني لو ما تتزوج طول عمرك لكن أمي هي إلي تبي تفرح فيك
مشعل و هذا أنا أبي أتزوج ليش ما تفرح ؟
مرام كيف تفرح و أنت كاسر كلمتها و مصغرها قدام أختها ؟
مشعل إيه قولي إنك بتؤصلين هنا أسمعيني من الأخر البنت إلي ما عندها حياء و تتكشف قدامي هنا و هناك ما يشرفني إنها تدخل بيتي فاهمه…..

( سلطان عمره 28 سنه صديق مشعل المقرب من أيام الجامعه يشبهه في كل تصرفاته و هو أكثر واحد يرتاح له مشعل لأنه متأكد إن صداقتهم ما هي لأجل فلوس و المركز مثل باقي أصحابه إلي يتقربون منه )

****************

ضرب بريك بنص الشارع كان راح يسبب حادث يروح هو ضحيته لكنها شغله راحة عن باله و توه الأن يتذكرها جدته أمله الوحيد بموضوع زواجه متأكد من موافقتها و متأكد أن لا أبوه و لا عمه و لا أمه حتى بيرفضون طلبها باقي أريج بس و راح توافق حتى لو أضطريت أكلمها بنفسي..
رفع جواله و دق عليه مشعل هلا سلطون
سلطان أكرهك فوق كرهي لك مرتين لأقلت سلطون
مشعل ههههههههههه و أنا ميت فيك المهم ترى ما راح أجي الإستراحه اليوم
سلطان لاه وش غير رأيك توك جاينا ؟
مشعل طلع لي مشوار ضروري
سلطان ما يتأجل ؟
مشعل نوووو
سلطان اوكيه براحتك
مشعل أكيد براحتي أجل أطلب الإذن منك ؟
سلطان ههههههه لا العين
مشعل روح بس وأحد فاضي
سلطان أحلى يا الوزير مشعل تلاقي مشوارك مخطط فاشل
مشعل هـ المره غير و قول مشعل قال….

**************

دخلت عليها بكوب كافي يصحصحهم للمذاكره من بعد ما سمعت كلام مشعل أمس عنها و هي نائمه عندهم بحجة المذاكره و إستدراجها بالكلام و ش كان قصده بكلامه (البنت إلي تتكشف قدامي ما يشرفني تدخل بيتي) معقول مها كذا من وراي مع مشعل لهدرجه سخيفه في حبها [ مرام من نوعية البشر إلي ما تعترف بشي أسمه حب و لا تؤمن به ]
مرام اممممم ريحتها تغري
مها طبعا من يدي
مرام غرور
مها لا ثقه
مرام بقرف ثقة مشيعل
مها نفسي أفهم أنتي ليش تكرهينه ؟
مرام ما أكره بس أكره تصرفاته
مها ممكن هي تصرفات عاديه في نظر غيرك
مرام تفاهه مو أكثر
مها ياربي منك تعرفيني أحبه و أحبك لا تخليني أتشتت بينكم
مرام وهي تتذكر تصميم مشعل على زواجه من أريج حبي لك متأكده منه بس حب مشعل ما أظن
مها شو قصدك ؟
مرام يعني أنتي تعرفين مشاعر مشعل تجاهك ؟
مها بخوف لا
مرام و مع كذا مستمره بحبك له حب من طرف وأحد غريب
مها سرحت بخيالها لبعيد عمرها ماحست من مشعل أي حب أو حتى شي بسيط يدعوها لحبه أكثر بس القلب و حكمه…….

****************

جالس معها و ما هو عارف كيف و من وين يبداء الموضوع يحس إنه مرتبك و ممكن السبب وجود عمه معهم لكن جدته أختصرت عليه الطريق
أم عبدالله و أنت متى بتركد و تفتح لك بيت إلي بعمرك عيالهم بالمدارس لين متى أهلك يترجون فيك؟
مشعل والله يا جدتي أبشرك لي كم يوم أنا أترجاهم يزوجوني وهم مالهم نيه و إلا أنا خاطري أتزوج اليوم قبل بكره
أم عبدالله مالهم حق وش ما سكهم أجل و الخير عندكم لو تقول لأبوك زوجك اليوم
مشعل ما هي مشكلة زواج مشكلة البنت إلي بتزوجها
أم عبدالله و من هي ؟
أبو أريج حاط وحده في بالك و أنا عمك
مشعل إنتبه لدخول أبوه لمجلس عمه ( أبو مشعل يمر بشكل يومي بيت أخوه لجل يسلم على أمه و مكان عارف بوجود مشعل )
أبو مشعل أنت هنا ؟
أم عبدالله إيه و جاي يتشكى عليك أبدا مالك حق
أبو مشعل أفى تشكى على أبوك يا مشعل
أبو أريج أجل ليش ما تبي تزوجه ؟
أبو مشعل إنصدم لا يكون مشعل قالهم يبي أريج محد رافض غير هو
مشعل فكر يجيبها بطريقه ذكيه بدون ما يحسس عمه بشي أنا رافض الزواج من بنت خالتي ما هو الزواج كله
أم عبدالله بنت خالتك ليلى ؟
مشعل إيه جدتي ما أشوفها إلا زي أخواتي
أم عبدالله أجل مالكم حق تغصبونه عليها يا عبدالله
أبو مشعل محد غاصبه بس تعرفينها حصه لألزمة على أمر
أم عبدالله معصبه و عشانها تضيع حياة الولد حرمتك ذي محدن سنعها و ما بيسنعها غيري قوم هات تلفونك و دقلي عليها
أبو أريج هدي يمه لا يرتفع ضغطك خلاص مشعل ما هو بزر يعرف يتصرف مع أمه
أم عبدالله أبدن دامه ما يبيها ما يأخذها و رأسي يشم الهواء لين متى و هـ الحرمه تسيركم بكيفها
مشعل الله يطولي بعمرك يا جدتي والله أني كنت عارف ما بيفكني من هـ المها غيرك
أبو مشعل أجل دوري له عروس أنتي يمه و شوفيه يوافق و إلا يتحجج لك
أبو أريج مشعل هذا ولدي و إلي يباها أنا أروح أخطبها له
هنا مشعل جأت فرصته قام من مكانه و جلس جمب عمه الله يخليك يا عمي أجل ماله داعي نروح لغريب و بناتك فيه أخطب بنتك لولدك
أبو أريج والله ياولدي ما يغلن عليك بس أنت عارف الله ما عطاني من الدنيا غير هـ البنتين وحده متكلم عليها ولد خالها و البنت موافقه و معطينهم كلمه و الثانيه أنت تعرف بضروفها
مشعل إستانس يعني فجر معاد هي في طريقه وش ناقصها يا عمي أريج أنا ولد عمها و أولى منها بالغريب و أنت قلت أدرى بضروفها و حالتها يعني محد بيستر عليها و يداريها غيري
كان يسمعه و هو منصدم خلاص مشعل خطب لنفسه و حطه الأن قدام الأمر الواقع
صحيح الخبر فرحه و هذا إلي كان يتمناه إنه يتطمئن على أريج قبل يموت لكن سكوت أخوه مشككه بالسالفه أبو أريج و الله يا ولدي أنا ما عندي مانع و أمنيتي إني أشوف بنتي متزوجه و مرتاحه في بيتها لكن ما أبي راحتها تجي على مشاكل و سبب تفريق بينكم
كلام أخوه في محله و كل كلمه قالها صح الأن هو وقته يحسم هـ الموضوع و ينتهي منه أبو مشعل و الله يا عبدالرحمن حنا ما خطبنا رسمي من أبو مها و لا يدري بالموضوع و هو كلام بين حصه و أختها و هذا هو مشعل قدامكم ما يبي البنت و إن كان على أريج فهي يشهد الله أنها بنتي الثالثه و أبي لها الراحه و الستر و الحق مشعل جأني بنفسه و قالي إنه يبيها له زوجه و أنا ما عندي مانع أنه يأخذها هو ولد عمها و أنا أمّنها لك معه ما يجيها قصور….

***********

في الغرفه المجاوره للمجلس كانت ترسم و هي ما تدري بالمصير إلي ينتضرها و الكلام إلي دار حولها أحيان تكون الجدران نعمه تستر إلي يدور خلفها (( أريج عمرها ما فكرت بموضوع الزواج و شايله هـ الفكره من رأسها بالمره حياتها مستقره كذا و تحبها كذا ما عندها إستعداد تغيرها و تبعد عن أهلها مع رجل هي متأكده أنه أخذها من باب الشفقه و الستر مو أكثر ))

**************

خلاص الخوف سيطر عليها لازم تشوف لها حل غير المسن و الجوال لجل تشوف شو قضية غيابه الفجائيه هذي بأصابع متوتره ضغطة على رقم صديقه إلي طلب منها عادل تحفضه عندها في حالة فصل جواله تسأل عنه و صديقه بيوصل له الجوال لجل يكلمها رفعت الجوال لإذنها بأعصاب مشدود سرعان ما أرتخت و هي تسمع نفس الجمله إلي تسمعها على جوال عادل ( عزيزي المتصل إن الهاتف المطلوب مغلق حاليا ) رمت جوالها بقهر و حضنة الدبدوب إلي أهداه لها عادل بعيد ميلادها و بكت بفقد و خوف و حب…

**************