للكاتبه :نــوف
بارت 1-
–
–
في صباح يوم الاربعاء بينما كان واقفا امام باب منزلهم ينتظر سيارة ابيه العائد من السفر ..ويملأ قلبه الشوق والحنين الى والده ,,,
وفي حين كان بإنتظاره ..فإذا بوالدته تنااديه ,,
الام: يا فهد فهدد فهوود
فهد: هلا يمه
الام : تعال ابغا ارسللك
وهو في طريقه اليها : خير يمه أمري وش تبين ؟؟
الام : شوف خذ هالصحون وودهم جيرانا الجداد ..هذا اكل زايد وحرام ارميه وده نكسب فيهم اجر .
فهد:حاضر يمه من عيونني .
أخذ الطعام من يدي امه متجها نوح جارهم حديث السكن …
فلما وصل عند الباب ضغط الجرس ..وماحد رد عليه وانتظر شوي ..بعدين ضغط الجرس.. وماحد رد هم انتظر شوي وكرر الين ما يأس ولما كان يبغى يرجع للبيت سمع صوت طفل صغير
الطفل:هييه استنى استنى
فهد: اوه اخيرا …
الطفل: من انت ووش تبغى ؟؟
فهد: احنا جيرانكم بجنبكم واحنا عيال ناصر السحيم
الطفل :والنعم
فهد: انعمت ايامك .ايش اسمك يابطل ؟
الطفل: اسمي عبد الله احمد القحطاني ..
فهد :والنعم فيك طيب يا بطل مانت ناوي تاخذ الاغراض من يديني
عبد الله :طيب هاذي مره ثقيلله
فهد: طيب خلاص انا اشيلها معاك بس البيت فيه احد ؟؟
عبد الله : ايوه اختي فيه بس راح اقولها تدخل جوا ..اصلا انا اقدر اشيلها لحالي بس عشان يدي مكسوره فما اقدر
فهد: الله يشفيك ان شاء الله ..هيا طيب استعجل عشان ابا ارجع بيتنا ..
عبد الله :اشوفلك الطريق وارجع لاتدخخل طيب .
فهد : إن شاء الله
راح عبد الله وترك الباب مفتوح وفهد كان واقف عند الباب ويطالع بالبيت شده الديكور وجمال الاثاث وكان يشوف غرفه بابها مفتوح ومو باين منها غير تلفزيون ..وكان متنح بالبويه تبع الغرفه لانها ابيض واسود ومستغرب من ذوق الشخص اللي جالس فييها ..ويقول بينه وبين نفسه استغفر الله الحين ضاقت الألوان مرره مسسكت معاه ..اللهم لا شماته ..
وبعد شوي مايسمع الا صوت عبد الله يقول ..تعال تعال ادخل لقيت اختي نايمه ككككك..تعال ادلك على المطبخ ..
فهد : ههه هيا هيا رووح ..الا عبودد كم عمرك ؟؟
عبد الله :أنا.. انا عمري 11 انا بصف سادس ابتدائي بس عشاني قصير مو باين
فهد: ما شاء الله العمر كله يارب .
عبد الله :آمين ..طيب وانت؟؟
فهد :انا عمري 19 وانا بصف ثالث ثانوي ^^
عبدالله: أوه زي بشاير ^_^
فهد: ومين بشاير؟؟
عبدالله: أختي ..هيا هذا هو المطبخ حطها هينا ع الطاولة .
فهد: حاضر
بعد ما حط الاغراض على الطاوله ..قال : وهاذي هي هيا عاد عليكم بالعافيه
عبد الله: الله يعافيك ..هيا عاد اذا تبغى تروح روح
فهد: يا أخي انت تطرد طرد صريح
عبد الله : هههههه والله والله مو قصدي عشان باين عليك مستعجل قلت كيذا
فهد : أي هو من ناحية مستعجل مستعجل الوالد الله يخليه جاي اليوم من السفر
عبد الله: يوصل بالسلامه إن شاء الله ..
وفجاه قاطعهم صوت انوثي رقيق وناعم : عبودي انت طفيت المكيف وانا نايمه ؟؟
عبدالله : هههههههههه ايوا انا
بشاير: تعال يالحيوانن وجرت لين ماوصلت عنده ضربته ضربه خفيفه على ظهرة وهدتته انو لو يسويها مره ثانيه تضربه ضرب اقوى … وبعدين لمحت شئ ابيض على يسارها ولما التفت … إلا هو فهد يناظرها وفاتح عيونه عشره على عشره وكأنه شايف جني .. صررختت بأعلى صوتها وطلعت من المطبخ بسرعة و عبودي منسدح من الضحك على شكلها ..وفهد لسى ما استوعب اللي صار الا بعد ما صرخت وهربت .. بشاير ماشافت فهد لانه كان بالزاويه وكمان الثلاجه مغطيه عليه وما انتبهت له الا لمن قربت منه وصارت جنبه "0"
فهد : عبودي من هاذي ؟؟
عبد الله: هذي ههههه هذي بش هههههههه
فهد: ممين قولي ؟؟
عبدالله : بشاير أختي هههههه
فهد: وااه ياحلوها
عبد الله : هاه؟؟
فهد : لا لا ولا شئ …روح شوفلي طريق ابا ارجع البيت .. بسرعه
عبدالله : إن شاء الله ..لما اناديك تعال طيب ..
فهد : طيب
راح عبد الله ..وضل فهد بالمطبخ ويفكر بالجمال اللي شافه ..الله معقوله في بنات ف الجمال هذا .. لا لا هذي شئ غير غيير مو معقوله ي الله ..بعدين سمع صوت عبد الله يقول فهد تعاااال ..قطع تفكيره وراح عند عبد الله .اول ماطلع من الباب شاف سيارة ابوه واقفه وقال: الحمدلله الحمدلله ابووي واخييرا ي الله اشتقتله كثيير
.gif "Graaam (55)")
أول شي"بدايه موفقه يالغــلــا:)
ثاني شي" أسمحي لي أقولك أن هذا ما يتسمى بارت!!
يعني أنا من وجهة نظري أشوف أن صغير جدـا!
ومافيه الا مقطعين فقط لا غير!
لكنك طولتيه بالحوار ~ وهذــا غلط ><
نصيحتي لك يا حلوه ..كثفي الوصف+السرد~~
ثالث شي" كبري الخطه حبتين وكل بارت خليه بلون مختلف ^^
لكن لون غامق عشان نتشجع لقراءة البارت:)
وو فيه شي أزعجني ><
فهيد ~ باي حق يجلس يطالع في البنت؟؟
المفروض اول ماسمع صوتها على طول راح تخبى!!
ولا طلع صوت ~~ ممكن توقف وما تكمل طريقها ^^
~~ ذــا الي عندي وأسفه اذا ضايقتك لكني قررت أترك المجامله .gif)
الله يسعدك ويوفقك ~~
اختكـ: لحن الغروب}}~!
غير كذا عمر فهد اذا كان هو البطل جدا صغير خصوصا القارئ الحين مايشذه الابطال الي بأعمار صغيرة البطل كل ماكان عمره من 28 وطالع كل ماكان اكثر اقناع لانك اذا بتخلي في النهاية البطل يتزوج البطلة مستحيل واحد بهالعمر بيتزوج والبنت بنفس عمره بعد ماتجي اصلا المفروض تنتبهي لهالنقطة
غير كذا ماحبيت دخلت بشاير كذا للمطبخ علشان بس فهد يشوفها ويعجب فيها اصلا الي صار كله شي مو مقنع اذا عبدالله مضطر يدخل فهد البيت بيدخله المجلس حق الرجال واصلا كيف يأمن يدخل واحد اول مرة يشوفه بيتهم وهو مايدري اذا كان صادق او كاذب
القوانين / الإطلاع هام و الإلتزام ضروري
وهذا الموضوع راح يفيدك ياليت تطلعي عليه
وبانتظار البارت القادم
البارت2**
وراح دخل بيتهم ..قابل اخته حنان ..قالت له : فهود بابا رجع من السفر
فهد: ايه شفت سيارته هو وينه الحين ؟؟
حنان: فوق بغرفته ..
فهد: نايم ؟؟
حنان: لا لا مونايم راح ياخذ دوش وينزل ..
فهد: كويس عبالي نايم والله مرره وحشني
حنان: آه لو تشوفه نحفان مرره
فهد: ي شيخه !!
حنان : وربي ..اقولك تعال ساعدني
فهد: اساعدك ووين ؟؟
حنان: بالمطبخ في أغراض شيلها معاي ..
فهد: اقول انقلععي بسس لا يكثر
حنان : لا تكفى هييا فهوود ..اعوذ بالله مافيك خير
فهد : وهو يتطنز اعوذ بالله مافيك خير …امشي امشي
حنان: أمانه هيا اسويلك اللي تبغاه ..
فهد: اللي ابغاه؟؟
حنان: ايووه
فهد: طيب يالله
وضحكت حنان سألها فهد عن سبب ضحكها قالت له انو مافي شئ كمل عادي ما اعطى الموضوع اهميه دخل المطبخ وقال: حنون وين الاغراض اللي تقولين ؟؟
ماردت عليه ..قال : حنان والتفت ورا مالقيها فيه ولقي باب المطبخ مقفل ..
قال: الساممجه ماتسيب حركاتها بنت افتحي الباب
حنان تكلمه من ورا الباب: مع نفسسكك هيا انحبسس
فهد: حنان والله العظيم لو مافتحتي الباب الحين مايصيرلك طيب ..
حنان: طيب ولا خبييث ههههه
فهد: هههه يالسامجهه ترا مرا ماتضحككين …
حنان: محد سألك
فهد: حيوااانه حنان والله العظيم لا اوريك
حنان: مع نفسسك يعني وش بتسووي تضربني مثلا ؟؟ اصلا ماتقددر بابا هنا الحين فهد: والله مايفكك مني غير ربك ..شوفي اعد الى ثلاثه لو مافتحتي الباب والله العظيم مايحصللك خير
حنان: خخير ولا شر هههااي
فهد بعصبيه : يا كلببههه
وكانت حنان تضحك علليه ..قاطعهم صوت امه ..
يابنت: وش فييك ؟؟
حنان: ألعب انا وفهد
فهد: امي تراها كذاابه ويين نلعب مقفله علي الباب
الام: حنننآن ترا حركات البزران هاذي سابوها من زمان
حنان: لا بالبدايه كنت امزح معاه بس الحين يقول انه بيضربني عشان كيذا ماني فاتحه الباب ..
الام: نعمم وش يضربك والله لو واحد ييقرب من الثاني لا أكسر يدينكم
حنان: قوليله هو .
الام: بعدي بعدي عني خليني افتح له الباب وانتي اهربي
حنان: ههه طييب
فهد: هربتي ولا لا؟ لاحقك لاحقك ..
الام: خلاص يا أولاد اكبروا شوي
حنان: هههههههههآي ما تقدر بروح غرفتي وبقفل الباب
الام: روحي انتي روححي بسرعه ..
حنان طلعت فوق لغرفتها .. هاربه من فهد أكيد
حنان هذي الاخت الوحيده لفهد وهي عمرها 16 سنه وفرفوشه مرره وتحب المقالب واحيانا تكون ثقيله لكن هي حلاوة البيت والكل يحبها وفهد لما يتضايق يروح عندها لانه يدري انها راح تسعده وتضحكه حتى لو ماقلها شئ ..
والام فتحت باب المطبخ لفهد وفهد كان معصب مرره ويقول : وين الهبلا ثقيلة الدم ذي ؟؟
الام: خلاص طلعت فوق سيبها انت الحين سيبها
فهد: لا والله لا اقطعها تقطييع
الام: حرام هاذي اختك ووحيده ماعندها خوات واخوان غير انت تلاقيها طفشت وتبي تلعب ..امسحها بوجهي حبيبي
فهد: ياحووووول ..خلاص طيب المره هاذي عشانك مره ثانيه تشوف شئ ماعمرها شافته
الام: خلاص مثل ماتبي ..ماقلتلي وصلت الاكل للجيران ؟؟
فهد: ايوه ايوه وصلته
الام: طيب احسك تأخرت شوي ..
فهد: آه عشانهم مافتحو الباب بدري وبعدين قابلني ولد صغير اسمه عبد الله وكنت بعطيه اياه بس عشان وحده من يديه مكسوره غير دخلت اانا لمطبخهم حطيت الاغراض وخرجت
الام:شلون دخلت بيتهم ؟؟ مايصير كيذا يمه اصلا ذا كيف دخلك وهو اول مره يشوفك ؟؟
فهد: مادري عنه والله اصلا هو صغير
الام: لايكون ابوه ولا واحد من اخوانه الكبار شافوك والله لا يقطعون راسك.. اخر مره تدخل بيوت جيراننا مهما كان السبب حطها عند الباب ع الاقل ..
فهد: ان شاء الله .. من عيوني ..
الام:عشت ولدي …
************************************************** *
بيت أحمد :
بشاير: كنت سهرانه وتعبانه حيل عشان امس كان عندنا عشاء ..ابوي عازم اصحابه والبيت مافيه غيري وكان الشغل كثير من الشاهي والقهوه للحلى وتالي العشاء وتعب تعب تعب كثير وبعد ماراحو قعدت ع الصحون غسلتها والمطبخ مرره كان حايس وله ريحه غسلته ورتبته وتعبب ماحسبت اشوف السرير والمخده وانام ..حطيت راسي ع المخده ونمت نومه عميققه نستني كل تعبي .. اخوي الصغير عبد الله هذا شخص مايعرف يصحيني الا بانه يطفي المكيف مرره مرره مايعرف يقول بشاير قومي ولا أي شئ اسهل وامتع طريقه له انه يطفي المكيف المهم اني صحيت من الحرر والكتمه والجو الخرافي اللي تحت البطانيه وكنت معصبه منه لاني اكثر من مره نبهته مايسوي هالحركه ..فلما طلعت من غرفتي دورت عليه بالبيت مالقيته دخلت المطبخ ..طبيعتي اذا كنت معصبه ما احس بشئ ولاهمني شئ اهم شئ اني اكل اللي معصببه علييه فعشان كذا كنت داخله وانا مدرعمهه ولما سالته واعترف انه هو انا هينا خلاص كنت بطيح فيه ضرب ولما وصلت عنده وضربته لمحت شئ ابيض رفعت راسي زين ابا اتاكد انا بحلم ولا علم الا هو رجال ..نعمممم؟؟ رجال ببيتنا واقف طول بعرض ولا.. مبحلق عيونه فيني بعد ماكلف على نفسه حتى يلتفت اهه قليل ادب من جد ..انا هربت بسرعه للغرفه ولما دخلت وقفلت الباب ع نفسي مرهه كنت خايفه وعبالي اني بحلم مو مستعوبه اللي صار ي إلهي شئ ماينصدق صراحه والثاني عبودد الابله شلون يدخله وليش وكيف ؟؟ وقطع تفكيري وهو يناديني …
عبد الله : بشاير بشاااير خلاص اطلعي راح راح
بشاير طلعت من الغرفه وهي ماشييه على ميتين ..ومعاها علاقة بتضرب فيها عبد الله ..وتقول : تعال ياحيوووان أوريك أنا
عبد الله وهو يهرب منها : لا لا وويش وش دخلني انا لا تضربيني أمانه .. خلاص خلاص والله أخر مره .
بشاير: كم مره اقول لاتدخل احد بالبيت الا بعد ماتقولي ؟؟ الحين ابا افهم انا وشلون تسوي كيذا مخك وينه ؟؟
عبدالله: انتي كنتي نايمه عشان كيذا ماقلت لك.. اصلا هو كان يبي يحط الاغراض ويطلع بس ..
بشاير: ليش النايم ما يصحى ؟؟ لا وكمان مطفي المكيف وماتبيني اصحى .. وبعدين مايصير تدخل رجال غريب البيت مهما كان ..اصلا وش دراك اذا كان صادق او كاذب ولو كان حرامي ولا شئ والله العظيم كان رحنا بخبر كان بسبت غبائك الزايد ..بعدين ليش دخلته اصلا ؟؟
عبودي: جاب أكل وكانت اغراض كثيره ويدي مكسورة ما اقدر اشيلها لحالي ..عشان كيذا خليته يوصلها ..
بشاير: مهما كان السبب المفروض خليته يدخل المجلس ..وهو الاهبل الثاني شلون رضا يدخل البيت كيذا ؟؟ صدق هالزمن غريب عجيب
عبد الله : والله والله اخر مره بيشو هيا والله ضربك حار وانتي دايم تضربيني وانا ماعمري قلت لابوي عشان مايضربك ..كان يتكلم وهو يبكي عشان تحزن عليه وتسيبه ..
بشاير: والله لو ابوي يدري عن اللي سويته لا يذبحك وقسم بالله
عبد الله: طيب خلاص تضربيني ضربه خفيفه…. ترا الضرب موزين
بشاير: الحركه هاذي م تتكرر ي عبود والله العظيم مره ثانيه وربي ياويلك تعال انت الحين تعال ..
عبودي: أحلفي انك تضربيني ضربه وحده خفيفه
بشاير : والله العظيم
عبودي راح عندها وهو متردد وخايف .. ولما وصل ضربته على ظهره ضربه خفيفه مثل ما وعدته وقالت : مره ثانيه والله ماراح احزن عليك لو تموت
عبودي: اححح ..خلاص احببك اختي
بشاير: حبتك العافيه ..بس هالحركه ماتنعاد..
عبودي: إ ن شاء الله والله اخر مره.. بيشو ترا صحبتك دقت اليوم وانتي نايمه **
بشاير: هاااااااههه؟ ليش ماصحيتني ومين هي؟؟ يا فشللهه
عبودي: لا لا انا رديت عليها وقلت لها انك نايمه
بشاير: الحمد لله .. طب مين هي ؟؟
عبودي: أمجاد
بشاير: يووه ماعندي رصيد ادق عليها فيه
عبودي: عادي اصلا قالت انها بتسلم عليك وتطمن عليك بس
بشاير : حلووو ..
امجاد هي الصديقه الاولى والوحيده لبشاير وهم مثل الاخوات وأكثر بعد امجاد تعتبر بشاير اختها الصغيره واكثر من كثر ماهي مسؤوله عنها ..بشاير امها متوفيه من زمان وماعندها الا اخو واحد اللي هو عبد الله عبد الله مريض معاه القلب والربو والسكر .. وهو هم كبير على قلب بشاير …لان امها قبل لاتتوفى وصتها عليه .. وامجاد تعتبر اختها اللي ماولدتها امها لانها كانت معاها بكل اوقاتها وبالمره والحلوه ..بشاير هي من عائله غنيه وابوها تاجر معروف وبرضو عمانها لكن هالعائله معقده كثير ابو بشاير اسمه احمد القحطاني هو شخص ماله رأي واحد الناس تاخذه يمين وتاخذه شمال اخوه علي مستغله استغلال فظيع خصوصا من ناحية شغله وابوها ضعيف عند الناس قوي عليهم اذ هو متسلط وباعتقاده ان القوه تكون بالضرب والبطش ..وطبعا ذا شئ جدا سلبي وغير صحيح لان القوه الحقيقيه هي قوة الايمان بالله عز وجل ..اما امجاد هي من عائله متوسطة الحال امها تطلقت وهي صغيره عندها 3 اخوات و4اخوان واخوانها شايلين كل البيت في اثنين منهم متزوجين اللي هم عبد الرحمن وعبد الاله واثنين عزابيه اللي هم سعد وعلي وهي اصغر وحده .. اخواتها كلهم متزوجات ..امجاد انسانه طموحه ومتفائله وشخصيتها قويه تحترم الصداقه بشكل كبير والناس اللي تثق فيهم قليل طموحها تكون معلمه حاسب وتساعد اخوانها وخواتها في شيل البيت وعلاج امهم المريضه بالسرطان ..اجارنا واجاركم الله منه ..
بيت علي:
علي: يابنت يابنتت ..
البنت: نعم يبه
علي : روحي نادي اخوك بسرعه لا بارك الله فيك والساعه اللي جيتيني فيها انتي وأمك ..
البنت: إن شاء الله
البنت راحت غرفه محمد ..
البنت : محمممد محمممد كلم ابووي
محمد: وش يبغى ؟؟
البنت: مدري عنه المتخلف هذا
محمد: احترمي نفسك لا أقص لسانك الحين ..لا أسمعك تسبينه ..
البنت بينها وبين نفسها: ايوه أكيد تحبه مو هو مدلعلك وانا وامي بالجدار عشانا بنات بس الله ياخذكم وتفكيركم الجاهلي هذا ..
محمد: وش فيك سكتي فجأه ؟؟
البنت:عادي ولا شئ
محمد: تفكرين بمين ؟؟
البنت: شلونا فكر بمين؟؟
محمد: لمى قولي احسلك مين هذا اللي سرحتي فيه ؟؟
لمى: يا اخي والله العظيم ولا أحد .
محمد رفع يده و اعطاها كف .وشد شعرها وهو يصارخ ويسأل مين اللي تفكري فيه
وهي تحلف له انها ماتفكر بأحد ..على صراخهم جات امهم ..وكانت تحاول تفك بينهم بس ماقدرت محمد طاييح بلمى ضرب .. محمد يصير ولد عم بشاير يعني علي وأحمد أخوان ..و العائلة هذي فيها شئ ابدا مو حلو اللي هو البنات (( يستحقرون شئ اسمو بنت البنت عندهم نحس والولد هو الشيخ و الأمير وهو السعادة اللي تمشي ع الارض و ماغير هذا معقدين قمة التعقيد يعني لو كنتي جالسه لحالك وتفكرين بأي شئ ممكن يحسبوك تحضري جن والعياذ بالله ..
ولمى وامها مضطهتات مرره وحتى بشاير بنت عم لمى ..
وابوها مثل عمها علي معقد ويكره البنات الفرق بين لمى وبشاير انو لمى اخوها طالع على ابوها ومعقد ومتخلف بس بشاير عبودي مره كيوت وطيب ويحبها ودايم يقول لها اذا كبرت راح اغير لك حياتك وانسيك كل شئ عيشه لك ابوي ..
المهم بعد ماطاح بلمى ضرب ..راح عند ابوه …
لمى:
ي الله ياذا العيشه يارب الهمنا الصبر ياربي متى اتزوج وافتكك من هالعائله المتخلفه المعقده ذي ..يعني شنو حرام الواحد يسرح بخياله شوي الى متى ياربي الى متى؟؟ ابا اعيش زيي زي باقي البنات ..ابا تزوج ابا اكمل دراستي حارميني من الجامعه وكل ماخطبني واحد ردووه عنست في هاللبيت ومحمد البزر ذا يتطاول علي ويمد يدينه علي جعلها بالكسر .. يارب يارب تفكني من هالعائله يارب اني راضيه باي واحد اهم شئ اطلع من هالبيت يارب الهمني الصبر يارب ..
محمد وابوه :
علي: هلا والله بالشيخ بالرجال
محمد: هلا فيك ابوي ..
علي: تجهز شويه عندنا عشاء عند واحد من الرجال ..
محمد: ولد مين ؟؟
علي: ياسر ولد دخيل الله ..الساعه كم الحين ؟؟
محمد: مادري بس اعتقد 2 او 3 الظهر
علي: أي ودق على عمك احمد قوله ان الرجال عازمنا ..
محمد: إن شاء الله .
علي: روح عنده للبيت وقوله وارجع البيت بعدين..
محمد إن شاء الله ..
"فهد"
امس ابوي دق علي وقالي انه بيجي الصباح ..ابوي رجل اعمال كبير واسمه معروف بالسوق وبسبب شغله يضطر انه يسافر كثير واحيانا يضل فتره طوييله ..ابوي هو اقرب انسان على قلبي انا احبه حب ..موحب!! شئ فوق الحب يعني شئ ماقدر اوصفه صراحه ..لما دريت انه جاي ماجاني النوم من كثر التفكير والتخطيط لبكره وش نسوي اباروح معاه كل مكان ابغا اتمشى معاه ابغا اجلس معاه ابغا اسوي كل شئ براسي ..ي الله ابوي حبيبي اخيرا بشووفه ..ولما قلت لامي ولحنان انه جاي الفرحه ملت البيت وامي وحنون قامو ع البيت تنظيف وترتيب وامي ترسلني بطلبات للاكل من السوبر ماركت ورحت واشتريتها كللها ي حليلها امي كانت دموعها طالعه من كثر الفرح بس تحاول تمسكهها .. وبعدين ساعدتهم ف تنظيف البيت …وتعبت حيل ونمت نوممه عميققه بعد تعب .. صحتني امي على صلاة الفجر وصليت وافطرنا ..امي راحت نامت وحنون جلست على الكمبيوتر ..وانا ابغا الوقت يمر بسررعه بسررعه ولمجرد ما اتخيل ان ابوي راح يجي اليوم وراح اشوفه يجلس على هالكنبه ويطالع التلفزيون ويجلس على الطاوله وياكل معانا نروح غرفة المعيشه ونجلس نسولف مع بعض ويحكيلي عنه وش سوى يوم سافر ..اشتاق اشتاق له اكثر واكثر على الساعه 11 الصباح صحت امي واخذت لها دوش وقعدت تتجهز وخلت حنان تستشور لها شعرها ((ماتنلام حبيب القلب جاي اليوم)) ومن تجهيزات وعاد تعرفون الحريم ياخذون وقت طويل.. ومابين انا جالس اتفرج ع التلفزيون واقلب فيه .. قكرت اني ادق على منصور صاحبي لكن دقيت وجواله كان مقفل ..ودقيت بعدين على حامد ومارد .. حامد ومنصور هم اخواني اللي ماجابتهم امي ..هم اللي وقفو معاي بالحلوه والمره صداقتنا الكل منبهر فيها وينضرب فيها المثل …. هم ناس فلللهه ومهابيل يحبون الضحك والمقالب والتريقه وانا اعقل واحد فييهم انا مره حزنان على ايام المدرسسه لاني بثالث ثانوي واخر سنه واجواء المدرسه غيير خصوصا مع اشخاص يعنون لك الحياه ومافيها ..صدق بنضل اصحاب طول عمرنا ان شاء الله لكن المدرسه لها متعتها الخاصه ..جلست اقلب بالتلفزيون ومن قناة لقناة ..الى ماضاع الوقت وأذن الظهر .. وانبسطت حيل ي الله هانت دقايق ويجي ابوي ..رحت صليت بالمسجد ودعيت ان ابوي يوصل بالسلامه ولامي واختي واصحابي ..جلست اقرا قران شوي وبعدين رجعت البيت …لما رجعت قالت لي امي ان ابوي وصل السعوديه ..ي الله بس ابا اتخيل شكله وهو داخل البيت ماني قادر ..لكن قطعت تفكيري يوم قالت بيجي على الساعه 3 الظهر عشان قابله واحد من اصحابه وعزمه يتغدا عنده وقال انه بيجلس لين الساعه ثلاث الظهر ..ي الله يعني ماراح يتغدى معانا والله كان نفسي نتغدا مع بعض .. لكن خلاص تنعوض بالعشاء.. امي حطت الغدا وتغدينا بعد الغدا جلست اسولف مع امي وحنان بعدين رحت اجلس بالحوش ايه صحيح الجو كان مررا حللو ومايبيله الا طللعه .. بنطلع لا جا ابوي ان شاء الله ..وبعدين طلعت ووقفت عند الباب استنى ابوي ابا المح سيارته واشوفها وهي جايه ويوقف و اطير بحضنه ولا يوم اشوف ضحكته وابتسامته ولا يمازحني ولا يرحب بي ممره اشتقت له ..سمعت امي تناديني ورحت لها وقالت لي اوصل اكل زايد من الغداء للجيران ..رحت ودقيت الباب الين ما فتح لي الباب ولد صغير ولاحظت ان وحده من يديه مكسوره ..واقترحت اني اوصلها له كنت اقصد ادخل لين المجلس لكن هو دلني ع المطبخ فسكت لانه قالي الطريق فاضي ..فدخلت المطبخ وحطيت الاغراض داعبته شوي وقاطعنا صون انوثي رقيق كانت تهاوشه لانه طفى المكيف وهي نايمه ..أدري المفروض اتكلم ولا أطلع صوت او أي شئ لكن كل شئ بسرعه صار وانا طبعي لا انحطيت بموقف محرج او مخيف اتسمر بمكاني ولا اقدر اسوي شئ .. لكن اهئ حللوه حلا موب طبيعي ..شعرها اسود ناعم وطويل وبيضضاء مره وتعلو خدودها الحمره وبخدها شامه زادت من حلاها وعيونها كبيره ولونها اسوووووود وكحيلله مربوعه لاهي طويله ولاهي قصيره ..فمها صغير مثل الخاتم ووردي نحيفه وجسمها يهببل ولابسه بجامه بيضاء عليها شخصيه من الشخصيات الكرتونيه .. يوم دخلت حسيت بشئ غريب وكأن في كهرب لمعني.. شكلها يسر كل من شافها صوتها يبث الراحه بالنفس نظراتها بريئه وطريقة كلامها تشذ الآذان وتأسر القلوب ..صح انها لحظات بسيطه لكن صورتها انحفرت بخيالي ..جممييله.. وبعد ما هربت يوم شافتني وناداني اخوها عشان اطلع وطلعت وشفت سيارة الغالي..ورحت البيت قابلت حنون قالت انه ياخذ دوش وسوت مقلبها التافهه ويوم فتحت الباب امي وماخلتني اروح لحنون اتفاهم معاها ::
فهد: إلا يمه تعالي بكلمك بموضوع ..
الام: خير يمه قلبي
فهد: لا لا عادي مو شئ خطير يعني ولله الحمد
الام : الحمدلله
وراحو وجلسو على الكنب
الام: خير يمه فهود وش فيه
فهد: اول شئ توعديني ماتقولين لأحد ..
الام: اوعدك ..
فهد: قبل شوي لما دخلت بيت جيرانا
قاطعته امه: إيييييه ؟؟ ووجها كان مبتسم .
فهد: يمهه ليش تبتسمينن ؟؟
الام: لا لا ولاشئ هيا كمل
فهد وهو منحرجج : شفت بنت عندهم اسمها بشاير
الام: وش دراك عن اسمها ؟؟ لايكون كلمتها ولا شئ ؟؟
فهد : لا لا بس سألت اخوها ..
الام: أي وكيف شفتها.. ؟؟
فهد: لما دخلت للمطبخ هي كانت باين انها صاحيه من النوم وجايه تهاوش عبد الله عشانه طفى المكيف عنها اصلا ما نتبهت لوجودي عشاني كنت واقف ع الزاويه وجنب الثلاجه كمان اصلا لما شافتني هربت ..
الام: وانت قعدت مبحلق عيونك فيها كان تكلمت ولا شئ ولا تحركت عشان تنتبه لك
فهد: يمه عاد تعرفيني انتي لا صار مو قف محرج او مخيف او ااي شئ مفاجئ اقعد اتسمر بمكاني ولا اعرف وش اسوي
الام:وبعدين؟؟
فهد: وبس
الام: طيب ؟؟ وش اللي تبغاه ..
فهد: يمه حلووووهه
الام: مين الحلوه؟؟
فهد : بشاير يمه ابغاها .
الام : هههههههههههههههآهههههآآي
فهد: يمه لا تتطنزين علي ..
الام: والله وكبرت يافهود وحبيت ..
فهد: هو مو حب يعني بس ابغاها
الام:..بس لازم تعرف اخلاقها واهلها وقبيلتها واهم شئ دينها هالامور مهمه ياولدي .
فهد: وش ابغى بقبيلتها واهلها مانيب متزوجهم بتزوجها هي ..
الام: بس تتنزوج معاها دينها واخلاقها وهذا شئ مهم ..
فهد: يمه طيب زوريهم وشوفي اخلاقها وكل شئ ابا اخطبها
الام: وين تخطبها وانت لسا بالثانوي ..مانيب خاطبة لك الا بعد ماتتخرج من الجامعه وتلقى وظيفه
فهد: لا يمه عادي ماراح نتزوج لكن بس خطبه عشان محد ياخذها والله وحده بجمالها ماهيب جالسه ببيت ابوها طول عمرها
الام: عاد لاتنهبل انت الثااني وش خطبه وماخطببه لا لا يعني لا اتنت تخرج من الجامعه وتوظف ومن عيني هذي قبل هاذي لا ازوجك اياها.. بعدين يمكن أكبر منك هي ؟؟
فهد: لا لا هي كبري ..
الام: وش درا ك انت ؟؟
فهد: كمان سألت عبد الله ..
الام: هههههههه والله و أخذت كل احتياطاتك ياولد
فهد: أي عادي ..يمه تكفين اوعديني تزورينهم ..
الام: ياوولد اثققل شوي
فهد: اقول بلا ثقل بلا ..
وقاطعهم صوت فخم وشاعري وانيق–
: خير وش عندكم تتساورون من وراي ولا غير مرغوب فيني ؟؟
الام: هههه لا اصلا انت بلاك ماتحلى القعده
فهد: يبه يابعد رووحي اشتتقلتك .. وقام سلم ع ابوه وحضنه وباس راسه ويده وهو مبسوط بشوفة ابوه ..
ناصر رجل اعمال وتاجر كبير وبضاعته ماشيه بالسوق واسمه معروف هو صاحب شركات وخير كثير يظطر بسبب عمله ان يسافر شهور واحيانا سنه
لكن هالمره سافر الكويت بسبب اعمال ومشاريع له وجلس بالكويت سنه و6 شهور
وماعنده الا فهد وحنان وهو يحبهم كثير وموفر لهم أي شئ يبغونه ومربيهم تربيه ينضرب فيها المثل ..وهو متزوج من فاطمه اللي هي ام فهد وهي امهم وصديقتهم واختهم الثالثه كمان ..فاطمه تكون بنت عم ناصر توفو كل اهلها وماباقي لها غير عيالها.. وزوجها ناصر معوضها عن كل شئ وهو يحبها ودائما يحكي عياله عن قصة حبهم هوا وامه الين ماصارو حافظينها ,,,
ناصر: آه ي فهوودد وحشتتنني حييلل .. ياولدي
فهد: وأنت أكثر يبه ..
جلس ناصر ع الكنب وجلس ولده معاه … سكت ناصر شوي قعد يتامل بالبيت وكيف تغير ..الصاله البويا تبعها كان لونها عودي والحين بيج .الكنب كان بدرجات الاحمر الحين اسوود الديكور متغير كمان كل ركن بالبيت متغير ..قطع تفكيره فهد..
فهد: يبه وين سرحت ؟؟
ناصر: بالبيت والله مو مخلين شئ بمكانه مغيرين كل شئ..ههههههههههه
فهد: هههههه أي عاد تعرف امي انت .تحب التغيير مرره ومافي شئ يبقى بحياتها مايتغيير ..الله يعين ماتغيرنا احنا كمان
ناصر : هههههههههههههه وهذا اللي يميزها بس الخوف من اللي بالي بالك ..
فاطمه: لا عااد انت وايااه وش فيها لاغيرت من اثاث البيت بعدين حلو التغيير وحتى صحي ويريح النفس
فهد: وين صححي ماغير صرف فلووس ؟؟
فاطمه: اشششش انت اسكتت
فهد: وليش اسكت ..بعدين ماكذبت انا ..
فاطمه: يعني الحين تنكر فوائد التغيير ..
فهد: التغيير من ناحية حلو حلو … بس كمان صررف فلووس ..
فاطمه: وانت الحين وش دخلك بالفلوس تدفع من جيبك مثلا ؟؟
فهد: لا مو قصدي بخل وذا بس يعني اقول
فاطمه: لاتقول ولا شئ خلك ساكت احسنن
ناصر: ههههههههههههههههههه والله ماتغيرتو دائما كل واحد يعاند الثاني ..
فاطمة: أسأل ولدكك ..
فهد: فطووم تراك بديتي تخربين عدتكك حنان ترا اعقلي اعقلي ..
ناصر: ياولد عيب تكلم امك كيذا ..
فهد: إن شاء الله ..
لمى :
لمى: ألو ؟؟ مجد؟؟
مجد: هلا هلا لموو ..
لمى وهي تبكي: مجد تعببتتت
مجد: اصبري اصبري … شوفي لاتبكين ..لمو لاتبكين لو ظليتي تبكي ماراح نستفيد شئ ..انتي قوليلي وش فيكك ؟؟
لمى: محمد
مجد: آه ياذا المحمد نفسي ابقسسه تبقيسس ..
لمى: وانا ودي بعد .. والله طفششت من ذا العيششه شكله مافي أمل اطلع من ذا البيت بسبة محمد الكلبب ..
مجد: نعم؟؟ مع نفسسه … ي شيخخه الله يشغله بنفسه قولي آمين ..
لمى: لاتدعين عليه ترا بتنرد على اخوانك
مجد: استغفر الله العظيم .. الحين ابا اعرف هذا ماعنده شغله غيركك متفرغ لك يعني ولا شنو؟؟
لمى: آه بس اسكتتي ..تخيلي امس امي تقولي ان في واحد خطبني وابوه جا عند ابوي وقاله انه بيخطبني امي تقول ان ابوي كان مقتنع شوي بس محمد لما سمع الكلام طلع فالولد مليون عيب وابوي رفض انه يزوجني اياه … بالله لمتى بتحمل انا لمتى ؟؟
مجد: ي الله .. هذا الحين وش يحس فييه خييرر ..صدق انه حقيرر الحين لمى ممكن سؤال ؟؟
لمى : تفضليي ..
مجد: انا دائما نفسي اسالك ذا السؤال بس اخاف احرجكك ..
لمى: لا وش احراج وما احراج بالعكس تمونين ..
مجد: الحين اهلك ليش كيذا ؟؟
لمى سكتت لأنها ماعرفت شلون ترد على السؤال ..لأنها هي نفسها مو لاقيه له جواب
مجد: أحرجتك صح ؟؟ خلاص خلاص انسيي
لمى: لا لا والله يامجد انا نفسي ماني عارفه هم عائله يستحقرون شئ اسمه بنت فاهمه يعني ايش يستحقرون .. يعني مهما سويت ماراح اكبر بعينهم لو أيششش ..
مجد: لا مايصير تيأسي من رحمة الله ..بعدين هذا اللي خطبك ترا ربي مارده عنك الا لخيره … تذكري قول الله تعالى{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
ودائما تذكري الصبر وفوائده امكن بسبة صبرك ذا تدخلي الجنه إن شاء الله ..وصدقيني بيفرجها لك ربك بس انتي قولي امين
لمى: آمين
مجد: إنتي وين الحين؟؟
لمى : بالحمام (( وانتو بكرامه )) عشان اخاف احد يشوفني وهذا مكان ماينشك فيه يعني ..
مجد: الله يفك اسرك ويفرج همك يارب ..
لمى: طيب مجوود انا بقفل الحين طيب
مجد: مع السلامه ي قلبي ..
لمى عمرها 28 سنه ..معاها شهادة الثانوي .. طبعا محمد ماخلاها تكمل دراستها ..هي ملامحها حلوه ونحيففه حيل وبشرتها برونزيه وشعرها خشن ..لكن الجمال كله راح بسبة تعبها وحزنها محمد مسبب لها أزمه بحياتها فوق ضغط ابوها .. هي انسانه دينه ابوها على كثر اللي يسوي فيها تحاول قد ماتقدر تكسب رضاه رغم انها تكرهه حيل ..كل شئ تتمناه انها تفك امها من ابوها ..لكن محمد دائما يوقف قدامها بكل شئ .. حتى بزواجها مافي احد خطبها الا ماوقف بطريقها ابوها يسمع كلام محمد ويصدققه ومحمد مستغل ثقة ابوه الزايده برغباته ..لمى لها اخت ماولدتها امها اللي هي مجد .. مجد من عائله غنيهه مرره يعني ناس هاآآآي هاآآآي .. هي البنت الوحيده بعائلتها عندها 6 اخوان ومدلعههه حييل .. مجد تعاني معاناه من قصة الصداقة لان كل البنات يمشون معاها مصللحه ولانها غننيه ومعرووفه عائلتها ..ايام المتوسط لمى كانت وحيده بالمدرسه وماتصاحب احد ..لكن مجد كانت دائما تشوف لمى وحيده وتحس انها مهمومه وكان عندها فضول انها تعرف عن حياتها ..وتقربت منها شوي شوي الين ماصارو خوات واكثر ..طبعا لمى مافتحت لها قلبها الا بثاني ثانوي ..لأن ابوها كان بيفصلها من المدرسسه ففتحت قلبها لمجد وقالت لها ومجد من بعد الله ساعدتها وكمان اعطتها امل انها تستمر واقترحت عليها تكلم خوالها وكلمتهم لمى وساعدها خالها كلم ابوها وبعدين ابوها وافق تكمل الثانوي … طبعا مجد اشترت جوال للمى لما تخرجو وأكيد ماحد يدري غير هم الثنتين …ولمى مخبيته فمكان مايلاقيه الجني الازرق ..وماتطلعه غير وقت محمد يكون بالدوام .. وماتكلم فيه غير مجد ..لأن مجد من بعد الله سبحانه وتعالى هي اللي تشعل الامل والتفاؤل بقلبها ..
بعد ما كلمت لمى مجد ورجعت الجوال بمكانه .. سمعت صوت امها تصارخخ وتنادي محمد ولمى وكان باين بصوتها احساس الخوف والصدمهه …
لمى: بسم الله خيير وش صاير بعد؟؟