بقلمي " هند الشحي"
بين صرخات الم واستغاثه …
بقلوب تتخللها الآلام
اخت واخ
فقدوا اغلى ما في الكون
الوالدين
كي يعيشا وحيدان في بيت بسيط
وفي وضع اجتماعي متوسط
( جود وسعود )
احلى ثنائي
احلى اخوان
لكن ياللأسف
بدون حنان
بدون والدان
كم قسى الزمان عليهما
لكن الحب يجمعهما
كي يحطم كل الاحزان
ويبني حصونا تقهر غدر الزمان
وهذه روايتي الثانيه (على الحان جود)
وفي نفس الوقت الروايه الخامسه لجروب فز قلبي
قصتنا تتحدت عن فتاه حسناء
تعيش في معاناه
لكن رغم هذا
لها معزوفتها الخاصه
لتجعل الجميع يمشون (على الحانها)
آلات موسيقيه مميزه
مطليه بالكبرياء وقوه الشخصيه
والعديد من الصفات القويه
هذه جود … تخط مع كل سطر من سطور كبرياءها وقوه شخصيتها نغمه
لتنتهي هذه المعزوفه
وتجعلها الحانا يمشي جميع من حولها وفقها …
وفق الحان جود
فهل بهذه الصفات ستوفق بطلتنا في حياتها ام في الاخير ستصل الى طريق مسدود ؟؟
البارت التجريبي
جود : يلعن شكلها من كاتبه … يعني فالاخير فرح بطله الروايه وما تحط لها نهايه … خلتها جي اونه شو اونه مينونه … زوجيها يالتبن ولا ذبحيها لا تخلينها معلقه … صدق سخاااااافه … الله يلعنها من كاتبه عساها السم اللي يبط جبدها 3 ايام وانا مهلكه عمري اقراا واخرتها جذا النهايه
سعود من وراها يقاطعها : يوووووه العسل شفيه يلععن ويسب!
جود: اسكت الله يخليك انت الثاني
سعود : افااا وهذا وانا اخوج حبيب قلبج
جود : اخوي وحبيب قلبي يتذكر ان عنده اخت يرجع البيت عشانها … ما 24 ساعه طاالع
سعود: حبيبتي انتي جوودي
جود سكتت عنه
( جود وسعود يحبون بعض موووووت عمر جود 24 سنه وسعود 27 سنه … جود وايدين خطبوها لجمالها اللي يسحر العقققل … لكن للحين سعود ما وافق على اي واحد فيهم … لانه ما شاف اللي يستاهلها … وطبعا رغم تفاوت الطبقات بين اللي خطبوها لكن للحين سعود ما مقتنع وينتظر لاخته الريال اللي بيحطها فعينه … اما سعود فهو طبيب … وجود ممرضه فنفس المستشفى اللي يشتغل فيه سعود… ومسوي اضرااب عن الزواج الا بعد ما تتزوج اخته… وسعود هو اللي مربي اخته وما رضى ان عمته الوحيده تربيها واما خوالهم وخالاتهم جلااااب ما يفكرون الا فعمارهم … ماعمرهم فكروا فيهم ما عدا عمتهم " طيف" اللي كانت متزوجه وعندها بنت وولدين بنتعرف عليهم بعدين… وكانت جود ملسونه مررره بس فنفس الوقت حساسه )
جود لمعت عيونها ببدموع : سعود
سعود انقبض قلبه …هو يتحمل يشوف كل مآسي الكون لكن ما يشوف اخته تتالم او تطيح دمعه منها : عيونه
جود مسكت ايده : قولي وعد
سعود ابتسم : وعد
جود تحظن ايده وتقرب منه : انك ما تخليني ابدا ،،، لو شو صار
سعود مستغرب: اوعدج ياروح سعود … ما بيفرقنا شي ياقلبي
جود تحظنه ويبادلها بحظنها بقو
جود تكتم دموعها : امس حلمت انك رميتني فالبر ورحت عني …
سعود مستغرب وباسها ع راسها : حبيبه قلب سعود انتي … مستحيل اخليج لو شو يصير
جود : توعدني
سعود : اوعدج
جود تخوز عنه ورجعت تصارخ : بس جي ماهي حاله … الحين انا 3 ايام ذابحه عمري اقرا الروايه وهذي اخرتها هذذذي!!!
سعود: هههههههههههااي ياااقلبي انتي … يلا نامي عن تتعبين … باجر الجمعه بنروح عند عمتي طيف
جود: اووووووف امي حليمه بتطفر بي اوووف<< اليده
سعود: انتي خليها … ما حد يسلم من لسانج
جود: والله يوم هي بتحفظ لسانها
سعود: جودي اعقلي
جود سكتت احترام لابوها واخوها العزيز " سعود"
سعود باسها على راسها : يلا انا تعبااان بروح انام
جود: تصبح على خير
سعود: وانتي من اهله …
جود ابتسمت له وطلع عنها
ونااااموااا
—————————————————————
الصبح
سعود: جووودي يلا تأخرنا
جود: لحضه لحضه سعود وربي ما عارفه وين محطيه الاكسسوار هذاك
سعود: يوووه جود لبسي اي شي
جود فاتحه عيونها بصدمه: اناااا جوووود البس اي شي
سعود ابتسم وهو ويشوفها وهي مرتبكه وحايسه الدنيا صدق
جود لقته وتهلل ويهها بالفرح
جود: لقييييته
ولبسته
لبست جود عبايتها البشت البيج ومع شيلتها المرميه باهمال
سعود : يلا نروح
جود شبكت اصابعها باصابع حبيب قلبها سعود : يلا
ومشوا للسياره
وطول الطريج الاثنين ساكتين
جود ميته قهر لانها اسبوعيا تروح عند يدتها اللي تسم بدنها بلسانها الطويل
اما سعود يفكر باخته اللي يعشقها وفي الخطيب اللي متقدم لها
وصلوا اخيرا
جود: هااااااي
حليمه << اليده : عليكم السلام
جود بدلع : انا قلت هاااي
خلود: هاايااااات ياقلبي
طيف << العمه : مرحبا السااع
جود : هلابج
جود نزلت عبايتها وشيلتها وتركت شعرها الحريري الطوييييل الاشقر ينزل …
حليمه : انا كم مره قايله لج هالشي لا تلبسينه … لبسي شي يسترج
جود: يوووه عاد تكلمت حليمه بولند
حليمه : جب جب
جود: انااا جب!!!!
طيف: لا اله الا الله … خلاص عاد جودي
جود: بسكت بس عشانج يابعد كل طوايفي انتي
خلود: احم ونحنا وين
جود:مصدقه عمرج تراج صفر ع الشمال
خلود: لاوالله
جود: ههههههههههههه هيه بعد شووو
جود كانت لابسه بلووزه بيضا اكمامها دانتيل شفاف … وجينز اورنج فسفوري
خلود: لكن جودي شكلج زايده كم كيلو ولا انا غلطانه ؟؟
جود بغرور: هه حبيبتي الحمدلله محافظه ع جسمي
طيف: هيه ماشاءالله عليج
خلود: عيل شلي شيلتج وخلينا نطلع نتمشى فالحوش< احم مصطلح اماراتي معناته امممم حديقه البيت او مثل ما يقولون الفناء الداخلي<عاش ام العربييه
*
*
*
*
وانتهى البارت
*
*
*
*
مقدمه متواضعه من تأليفي
اعشق الشعر والقوافي لهذا بدأت بقافيه لكي تناسب اسم الروايه ايضا
فالقوافي الحان جميله بدون موسيقى
اتمنى ان اجد اجمل ردود من اجمل اعضاء …
وشكرا
الشاعره الاعلاميه والكاتبه اختكم/ هند الشحي
روايتي الثالثه/ بنت ابوها اللي بتييب راسي