بنسى الجروح و بذكرك دوم بالخير ظالمني أدري بس من طيب ساسي / بقلمي 2024.

03:57 مَسآءاَ
يُوم : آلجِمَعه .

رُوآيَه : بَنسىّ .. آلجِروُح .. وبّذكِركْ دُوم بِ آلخيّر ! ، ظآلمنيّ آدري بّس [ مِن طيِب سّآسيَ ] ّ ~
للكَآتِبّه : إيه ضآيق من غيآبك !

إهِدآء :
لِ شخَص مَآ .. أستَحوذ علىَ معآلِم قَلبيّ
و ر ح ل
َجَعلنيّ : آشعُر بِكُل آحَآسِيس آلعَ’ـِآلمّ
فَتآرهً .. يُدَمِر مَوآطِن قَلبيّ وتآرهٌ
يَجعَلنيّ آشعُر وكَآننيّ ( مَلكِه )
فيّ هّذآ آلكَون .. ،
إلىّ قَلبُه [ آلشَقيّ ] . . أهدِيهَآ !

كَلِمَه :
فَلتَرفَع حُروُفيّ قُبَعآتُهآ .. إجِلَآلاَ لَكُم ..
وَتَنحنيّ .. فَتنسَآب عَلى خُطُوط .. عَآلميّ آلمَسلُوب ..
لِتَرويّ مَوآقُف .. قِصص .. حَقآئِق ..
…….. ظِلمَ
………. عَذآب
…………….. حُب
…………………. وَفآء
………………………… خِيآنَ’ـٍه
…………………………………… وألَمَ

فَلتتَربْع تَمتَمآتيّ فيّ أزِقَه قِلُوبَكُم .

– – – – – – – –

[ . . آلبآرت آلأول . . ]

على بابك رميت أغلب [ خطاوي رغبتي ] و أنهيت ……………
…………… حكاية غيم متعلّق , على شفاهـ الجفاف أمطار .. .!

سكرت آلقرآن وبستَه ورجعَت كل شي مكآنه وقِمت آفتَح آلبآب
لقيِت نفسيّ جدآميّ .. إبتسمت إبتسآمه عريضَه وإهيه قلدتنيّ .. طآلعتني بنظرآت شَك
وقآلت : كنتي تصيحين ؟
تِصنعت ضحكهَ : ههههه لَآ ليش آصيح مآعندي سآلفه .. وبعديِن أحد عِنده مريوومـه ويطري على بآله يبجي ..
غَمزت لهآ وضحكت بِخجل
قَلدت عليهآ : هههههههههه آيه عليج لآ لآ أنه بعد إستحيت
طَقتني على رآسي : ههههههههه خِبله .. زين يلآ ننزل تَحت آلحين بيوصلوون بنآت عمو ..
حَركت شفآيفي يميِن ويسآر على قُولتهآ .. : ايييه بيِوصلون قَصدج
وغَمزت لهآ .. وآنه آطآلعهآ بنظرآت ..
لفت عنيّ بسرعه ومشت .. وإهيه تصآرخ : جـــــــــــــــــــــــب
ضحكت عليهآ .. ودشِيت حجرتيّ أجهَز نفسيّ .. آآه .. هههه فديتهآ توأمتيّ وآلله .. أحبهآ هالإنسآنه .. يِلست آتآمل ويهي في آلمنظرهـ ..
وآسوي حركآت .. آنه مع مريُوم نتشآبه جددددددددددداً
لدرجه إن محد يِقدر يفرق بييننـآ ..
عيني وآسعه .. رمآديه .. وخشميّ ضعيف وطويِل .. شفآيفي صغآر ومليآنين شوي ..
لوني آبيض .. كك آبيض ههه ضحكت على نفسي مآدري ليش
بس مآدري شلُون لمآ سوو لنآ جَوآز ميزو بين آلصور !
على أسآس ‘إن احنآ توأم ..
ممم يِمكن على قُوله مريِم .. إن انه إلي يِفرقنآ رمُوشي ورمُوشهآ .. على قُولتهآ إنـه رموشي آكثَف .. ههه مآدري والله
حطيِت لي قلوز وردي .. ورسَمت عيني بِ آلكحل ..
ونزلت فريييررره على قُولتهَم ..
نزِلت آلصآله .. ورحت آلمطبخ .. لقيتهآ مع آلخَدم تشرف عَلى آلأكل ..
كآلعآده مَحد يسويهآ غيرهآ
رِحت يمهآ .. ونغزتهآ بكوعي في خصرهآ .. : آلله يخسج ..
طآلعتني بنظرآت .. وفتحت عينهآ ع آلآخر .. : نوووت يور بزنس اوكي ..
يآخي كيفي شاللي حآرج ..
ضحكت عليهآ ورحت آلصآله .. يلسِت آبدل ف آلقنوآت .. وآغني
مآبنكسر صآبر .. لو فرصتي تمضي
وآلحظ لو عآثر بصنع آنـآ حظي ..

سَمعت طقة آلجرس .. نآديت : ريتــآ .. فجي البااب ..

يآمسهل آلدنيآ مهمــآ تـ… ..

سِكت لمآ سِمعت صَرخه !
فتحت عينيّ ع آلآخر وصرت نص قآيمه : شفيييييييييييييييييج ؟
رآحت تركَض لين آلبآب ..
رديت مثل مآكِنت : اففف مآنخلص مِن حشرتهـآ ذي ..
لهآلَدرجه آلحب يسوي جذي .. هّزيت رآسي وآنه آتأفأف ..
أوووه تِذكرت .. وقفت بسرَعه وطنشتهـم ..
رِكبت فوق ورحت حَق جنآح أمي وآبويّ .. دشيت ووقفت عِند البآب .. آدعي يآرب توآفق يآرب توآفق ..
عَدلت ثيآبي وتنحنحت : أحم أحم هوووووووووووود هووووووووووووووود
يآني صوتهـآ آلمبحُوح .. : هههههه دشيّ بلآ عيآرهـ عليّ
سَويت نفسي مآسمعت : هووووووووود يآ آهل آلبيت هووود ..
عَلت صوتهـآ : دشيييييي شيخٌوه ..
ضحكت بيني وبيين نفسيّ .. ورِحت لهـآ .. طبيت ع آلسرير بقوهـ , ويودت يدهـآ ويلست آبوسهـآ : يمه آحبج آنـه ..
تذكريني فيني ..

ضحكت آمي : هههههههههه
رفعت جسمي وبست رآسهـآ ..
قآلت وإهيه تبعدني عنهـآ : بس بس سبحتيني .. قولي وش تبين ؟
طآلعتهـآ بنظرآت برآءه على حد قولهـآ : أفآ أفأ يمه وش تبين لآ لآ مآهيب مِن عآدآت آلعرب .. يُمه قولي لي سميّ ..
ويلست آرمش لهآ بعينيّ .. ضحكت علي :
هههههه طيب قولي وش عندك آمري .. سميّ
عدلت يلستي .. وتربَعت .. : أحم أحم يمـآآآآآآآآآآه .. شوفي آبقولك .. ولآ تقآطعيني .. تكفييين .. وشددت على هآلكلمه ..
طيب ؟
سَوت مثل حركتي مسآع .. وحركت شفآيفهآ يمِين ويسآر : آخ مِنك طيب قولي ..
تِحمست آكثر .. : هيهيهيهي طيب يمـه .. أول شي أنتي وعدتيني والله فوقك زي مآتقولي خخخ .. إن حنآ نسآفر ذي آلعطله .. ونروُح إيطآليآ .. يآبعد بنتهـآ إنتي .. مُو يمَه .. ؟
وهَزيت رآسي مثل آليهآل ..

لفَت عني جهه ثآنيه .. وردَت فتحَت آلمجَله
نَطيت عليهآ : يمَه لآآ سمعيني شفيييج .. دآ حنآ إتفأنـآ إن إنتي مآتآطعنييش
تأففت وحسيتهـآ فيهآ ضحَكه ..
: طيب يمـه إنتي قلتي لي كذآ .. وبعدِين أبوي عِنده إجآزه ذي آلهولدي كك .. لحَظه يمَه .. وغَمزت لهآ .. : شرآيك فيني يِمه وإنـآ أتكَلم زيك ..
ضَحكت عليّ : هههههههههههه تهبليِن .. بس لآ إتميلحيِن كثييير .. آنآ مآلي شُشغل .. شوفي أبوك وأخويآك وخَططو ..
رفعَت جسمي وفجيت عيني مب مصدقه : صج يمــــــه ، اقصد جد جد ؟!!
آيييييييييه عليييييييج وآلله ..
نزلت عليهآ آبوسهـآ : فديتج يآ أحلآ أم ف آلدنيآ .. اقصد آلدوونيـآ
وإهيه تدزني بعيد عنهـآ ..
شويّ مآحسيت نفسي إلآ برآ فَ آلممَر .. و آلشبشب > وإنتو بكرآمه .. فوق رآسي ..
يؤ طردتني فيِه ..
آخ مآدآم أمي .. لمينآهآ .. خلآص بقى أبويه ..
وآهٌوو ونآسه يآنآس ..

.
.
.

مَر هآلششريِط ف بآليّ

آآهـ بس ..
سمعت دقآت آلبآب : أففف مب حآله ذي .. يآخي هاي مآيفهم مآبي أفج آلبآب
سمعته يقول بنبره ترجي : حياتي إفتحي الباب يلآ عآد
قمت ببرود فجيت له الباب .. وعطيته ظهري .. دشيت الحمآم " وإنتو بكرآمه "
مآعندي شي اسويه بس مآبي أجآبل ويهه .. يآربي وش آلسوآت .

غسلت ويهي وطلعت
لقيته قآعد ع آلسرير ويطآلعني ومبتسم إبتسآمه حلوهـ ..
بس مآعطيته ويه رحت يم التوآليت وقعدت أضبط شكلي .. مآعندي شي عن الملل
فيصل : مهمـآ تسوين بتظلي قمر وربي .. مآيحتاج تحطي شي فوجهك
ماعطيته أي إهتمـآم وكملـت أحط الميـك آب
لمآ خلصت رفعت رآسي اجوفه من آلمنظرهـ .. لقيته يلعب ب أصآبع يدهـ كآن شكله زي مآتقول أمي .. جووونان
واهوهـ ب البجآمه السودآ .. لايقه على جسمه بقوهـ !
طوويل كثييير وعريض .. حنطآوي وملآمحه تحليه أكثر
خشمه مثل مآيقولون مثل سلة السيف شآمخ
وشفآيفه مليآنين وصغآر مرهـ وعينه وآسعه !
جمآله بدوي
وقلبـه طيب وايد وايد .. مع إن معرفتي فيهـ مآتتعدى 3 أيآم .. بس إكتشفت هآلشي فيه .. و ممم جداً صبور

بس يآربي .. مآقدر أتقَبله مآقدر
سمعته يقول .. : تزهبي عشآن بنطلع .
مآحبيت أفتح معآه نقآش أو أسأله وين بنروح إكتفيت ب : اوكي .
رحت آبدل ثيآبي ..
ف آلبدآيه إحترت وش آلبس بس آخر شي قررت آلبس
سكيني أزرق وتوب ملون ب فوشي وازرق واخضر واصفـر وفيه حركـآت ب آلإكسسوآرآت ..
ومع آن الجَو بآرد .. خذيت لي بوت " وإنتو بكرآمه " بني على رصـأآصي مآدري شلون أوصفه .. مع جآكيت طويِِل مثل لونهـ .. ولبست شيله فيهـآ من ألوآن آلتوب .

تعطرت وخذيت شنطتي وطلعت ..
لقيته جدآمي رفعت رآسي عشآن أتأمل شنو لآبس ..
كآن لابِس قَميص مخطط .. أبيض مخطط بتركوآز وأخضر وفيه حركآت على جهة آلصدر وسكيني ومآسك جاكيت على كتفه .. وجوتي بني .. وانتو بكرآمه .. رفعت رآسي لويهه كآن حآط كآب دائري على رآسه وشعرهـ كآن طآلع شوي
بِ إختصآر كآن ملآك ..
لآحظت عينه كآنت تطآلعني بإعج’ــآب بس نزلت عيني وإنتظرتهـ يتكَلم ..
بس سفه لي وطلع ..
طلعت ورآهـ ركبنـآ مع آلسآيق إلي أجرنـآه .. وتحركت آلسيآرهـ

يَلست آتأمل إيطآليـآ .. كل شي فيهـآ حلو ، جو , منآظِر .. حتى نآسهـآ
بس مآحس بحلآوتهـآ

شوي و
وصلنـآ لمطعمـ
طآلعت سآعتي كآنت آلسآعه 9 ونص فآلليل ..
أوووب آلوقت مشى بسرَعه ومآحسيت فيه .. نزلنـآ .. ودخلنآ المطعم
قَعدنـآ في كبيِنه
فيصل : همم حيآتي وش تبي تآكلي
قعدت ألعب في تيلفوني .. وأنه أرد عليه : مب مشتهيه شي .
فيصل : بس لآزم تآكلي إنتي مآتغديتي ولا فطرتي .. كيف كذآ عمري
رديت ببرود أكثر من قبل : هذي إختصاصي وبكيفي .. مآلي نفس مآفي شي غَصب ..
سكت عني ..
بعد ثوآني سمعته يطلب بس مآركزت شقآل .
فيصل : على فكرهـ .. ستآيلك حلو كثيير .. بس إنتي محليته
حستيته إبتسم بحب واهوهـ يقول : تدري أنـآ محظوظ فيك كثير .. أشكر ربي مليون مرهـ ف آليوم على آلنعمه إلي عطآني إيآهـآ
مآرديت عليه وظليت سآكته .
كلآمه أبداً مآكآن يأثر في ولا شعرهـ فيني ، سبحآن الله مآكنت قآدره أتقبل هالإنسآن مع إن كل شي فيه ينحب .. أخلآق وجمآل وكل شي كآمل وآلكآمل آلله ..

قَعد يسولف معآي بموآضيع وآيد .. بس أنه أبد مآركزت معآه .. كنت قآعده أفتح جروحي في جوآلي .. آقرآ ذكريآت آحلآ أيآم عذآبي وإلي مستحيل تمر عليّ آيآم مثلهـآ ..

تنهَدت بألم .. بدون مآحس على نَفسي ..
رفعَت رآسي ولفيت وّيهي على جنب .. وحطيت يدي على خَدي ..
إنتظر متى يخلص هآلهًم ونرجع ، صج مآفيني نوم بس مآلي نفس أتحرك من آلفندق ولآ خطوهـ .. بس خلآص آنـآ خذيت عَهد على نفسي مآلي شغل فيه ولآ أكلمه .. وبدون نقآش ..
مآلي خلق لويَه وصدآع وهَم نفسي
بعد شويّ وصل آلأكل .. وأصر عليّ إنت آكل ..

ستُوبّ . .

آرآئكُم / إنتقآدآتكُم .

آتمنى مآكنتَ ثقيِله عليِكُم ~

فِ حَفظـه