بسكويت الايسكريم + كيكة النسكافيه + مراوح السينابون + الكيكه المحشيه

مساء | صباح .. الرحمه ~
وكل عام وانتم بخير .. وربي يتقبل صالح اعمالكم واعمالنا
ايييه واخباركم .. وعلومكم
ي قدمممممي اشك ان احد يذكرني!
بس وحششششتوني مع اني مو غايبه بس اختفي وارجع احن لكم ي حبي لكم

الهم ماعلينا .. كم طبق ع الطاير بس عشان اقولكم اني اشتقت لكم هع

نبدأ

مع جونا الجميل مافي ازين من الايسكريم

بسكويت الايسكريم + ايسكريم المانجو

بكسويت الايسكريم

المقادير

بيضتين
١/٢ كوب سكر
٤ ملاعق زبده مذوبة
٢-٣ ملاعق حليب (أو يمكن أكثر شوي)
ملعقة صغيره فانيلا سايله
١/٣ كوب طحين
رشة ملح

الطريقه

أول شي أخلطي البيض و السكر لحدما تطلع رغوه بعدين أخلطي الزبده و الحليب و النكهات ،
آخر شي أخلطي الطحين و الملح و أخلطي لحد ما تصير ناعمه .
المفروض الحين تجيك عجينة زي عجينة الكريب يعني سايله تقريبا وتكون طبقه جدا خفيفة في
المقلى زيدي الحليب لو أحتجتي .
سخني مقلى على حرارة وسط وحطي شوووووووي زيت وحطي شوي من الخليط وحركي المقلى
زي ما تسويين في الكريب إلين تتوزع العجينة على كل المقلى وتكون طبقه جدا خفيفة
اتريكها ع النار لحد ماتصير طبقه بنيه خفيفه ثم اقلبيها ع الوجه الثاني
او ماتستوي شيليها ولفيها بأيدك مثل القمع وقفلي من تحت امسكيها ثواني
بس وراح تاخذ الشكل
لو حابه بشكل ثاني .. انا هنا استخدمت صينية الكاب كيك عشان تعطيني نفس الحجم
اهم شي شكليه بسسسسرعه لانها بسرعه تيبس لو يبست مو مشكله
ثواني ب الميكرويف وترجع لينه ..
بعدها يكون جاهز لإستخدام .. بس اهم شي بع ماتشكلينه لاتغطينه ع طول لحد ماينشف مضبوط

ايسكريم المانجو
سبق وحطيت طريقة الايسكريم بس كان بنكهه ثانيه .. مايمنع نعيدها

4 صفار بيضات + نص كاس سكر نخفقهم سوا ونخليهم ع جنب
2 كاس كريمة خفق + كاس حليب سايل + فانيلا
على نار هااااديه لحد ما نشوف الفقعات الصغيره ع الجوانب
نصب شوي من الكريمه بالتدريج على البيض وتخلط بسرعه عشان مايستوي البيض
ثم نرجع ونحط خليط البيض والكريمه على باقي الكريمه بالقدر ونخليها كم دقيقه على النار مع تحريك مستمر
ما نطول بس نحسه استوى نشيله
ونخليه بالثلاجه لحد مايبرد
بهالمرحله ممكن نحط له اي نكهه
استخدمت المانجو .. بخلاط الكاس حبات مانجو مقطعه مع شويييية مويه بس عشان يمشي الخليط
الكميه حسب الرغبه في تركز النكهه
ثم نضيفها ع الخليط ..الي حاب يضيف المانجو قطه صغيره بعد حلو
و ع طول على الة الايس كريم طبعا نكون مجهزينها قبل
ونحط الخليط لمدة 20 دقيقه
ثم ع الفريزر لما يجمد
وبعدها يكون جاهز وبالعافيه

كيكة النسكافيه

المقادير :
4 بيضات
1 كوب سكر بودر
1 كوب زيت
1 كوب حليب سائل
2 م ك نسكافيه
2 م ك باكينغ باودر
2 كوب دقيق
الطريقه:
نأخذ الحليب السائل ويسخن حتى يصبح دافيء قليلاً ثم يوضع معه النسكافيه
ويحرك حتى يذوب يترك جانباً حتى يبرد نضع البيض والسكر مع بعض ويخفق
حتى يصبح كثيف ثم يضاف له الزيت والحليب يخفق قليلاً ثم نضيف الدقيق والباكينغ باودر
بالتدريج مع الاستمرار بالخفق يوضع الخليط بالتساوي بين صينيتين
و ممكن وضع الخليط كله في صينيه واحده ثم تقسم الكعكه الى طبقات بعد الاستواء
ويدخل للفرن على درجة حرارة متوسطه يعد أستوائه يخرج ويترك على رف معدني حتى يبرد

نقوم الأن بتحضير الخليط التالي :
2 م ك سكر بودر
2 م ك نسكافيه
2 علبة قشطه
نص كوب حليب سائل بارد الي حاب يكون الخليط مش سايل يقلل الكميه
نص كوب حليب نستله مركز محلى
2 ظرف دريم ويب أو أكثر حسب الحاجه
يخلط الحليب والنسكافيه في الاول ثم تضاف بقية المقادير ونستمر بالخفق
بسرعه عاليه في وعاء ضيق حتى يتكاثف الخليط ويثقل قوامه
ممكن نخلط لأكثر من ٧ دقائق
نقوم بوضع طبقه من الخليط على وجه قالب الكيك ثم تضاف طبقه أخرى
من الكيك .. ثم تغطى الكعكه ب الكريمه من جميع الجهات
وتوضع في الثلاجه حتى تبرد وتتماسك
وتقدم وب العافيه

مراوح السينابون
المقادير
¾٢ كوب دقيق (ممكن نحتاج زياده ١ م ك دقيق )
¼كوب سكر بودر
١ م ك غير ممتلئه خميره فوريه
رشة ملح
٤ م ك زبده
⅓ كوب حليب سائل
¼ كوب ماء
١م ص فانيلا
٢ بيضه كبيره

مقادير الحشو :
٤م ك زبده ذائبه
١ كوب سكر ناعم الحبيبات
١م ك قرفه ممكن الزياده حسب الرغبه
هالحشوه حلوه بدون ما تحطين صوص ع السينابون لانها بتدون حاليه
انا هنا حطيت .. ( قرفه -سكر بني – شوية كاكاو بودره +شوية نسكافيه )
الطريقة:
نضع الزبده والحليب على النار حتى تذوب الزبده ويقارب للغليان
ثم نضيف عليه الفانيلا والماء ويرفع عن النار ويترك خليط السوائل جانباً يبرد
نخلط المواد الناشفه مع بعض الدقيق والسكر والخميره والملح في وعاء
وفي وعاء أخر او في العجانه نضع البيض
نقوم الان بخفق البيض ثم يضاف له خليط السوائل ويخفق
ثم تضاف له خليط النواشف دفعات ويعجن ببطء ٢ دقيقه
لو كانت العجينه لينه جداً ممكن نضيف ١ م ك دقيق فقط (اسمعو الكلام) العجينه بتكون لينه شوي بس تضبط
وتعجن على سرعه عاليه لمدة ٥ دقائق
نضع العجينه في وعاء مدهون بالزبده وتغلف وتترك لمدة ساعه تخمر
ثم نعاود عجنها وتكور وتترك لمدة عشر دقائق ثم تفرد بشكل مستطيل بسمك نص سنتمتر
ممكن نفردها شوي ونتركها ترتاح ونعاود الفرد مره اخرى وتدهن بالزبده
ثم نحط الحشو بعد ما نخلطه سوا
تقطع شرائح طوليه متقاربه في الحجم
ثم ترص الشرائح فوق بعض وتقسم الي مجموعه من القطع
وناخذ كل مجموعه وتوضع في صواني الكاب كيك او المني كاب كيك او في اكواب ورقيه
تدخل الفرن على نار متوسطه لحد ماتستوي
ثم نسقيها ب الصوص الي نحب ..
وبالعافيه

الكيكه المحشيه

المقادير والطريقه
نجهز كيكة الزبادي .. اكيد معروفه عند الجميع
نصب الخليط في الصينيه
وعلى الوجه قبل لاتدخل الفرن نجهز الحشو
نص اصبع زبده مذوب عالنار نضيف له نص بكت بسكوت شاهي
او 13 حبه بسكوت دايجتسف
ظرف كريم كاراميل
ملعقه صغيره نسكافيه ومثلها قرفه
نص كأس سكر بني
نقلبهم عالنار دقيقه بعدين نوزعها عالوجه
ندخلها الفرن لحد ماتستوي
بس نطلعها نسقيها ب التوفي سواء جاهز او منزلي
ثم نسوي خليط الجبن مع الحليب
ربع حليب محلى مع اربع قطع جبن كيري
ونوزعها عالوجه بشكل خطوط
وبالعافيه

وبس وقضيت
اتمنى ماحد يدخل الموضوع ويدعي علي
والي عجبه شي يقيم والي ماعجبه بعد يقيم وش وراكم هع
واعذروني ع الحوسه ب الكلام مره فصحى مره عامي شوي انسخ شوي اهذر هع
والتنسيق الغبي الموضوع كله سريع سرييع
الجايات افضل ان شاء الله
لاتنسوني من صالح دعائكم

وانطلللللقو

.

ياسلاااااااام روووووعه ,,

يعطيك العافيه ,,

سلمت الاياااادي

سلمت الايادي
يعطيك العافية

يسلمووووووووا ياعسل على الوصفات اللذيذة

ويعطيك العافيه

يسلمو ع الطرق الشهيه
ودي
/