أستفزيت الشوارع و زعلت مني المدينة / بقلمي ، كاملة 2024.

البداية………………………..

استفزيت الشوارع وزعلت مني المدينه
وجرحت قمرا مكاني واتركتني بلا مسافه

واقفلت باب الاماني واتركتهاا بي سجينه
اه من ظلم المدينه ماتعلمني بلطافه

ماقبلتني بالضجيج ولاقبلتني بالسكينه
عافت جروح المسافر والمسافر من يعافه

جيتهاا كلي طموح وفي طموحي مستهينه
اعشق الاول وغيري ينتظر بعدي الوصافه

جيتها شاعر يغني ضم طيفه مع حنينه
يبتسم ل شروق بكره والامل نفحات قافه

جبتهاا وحلم الطفوله تحترق فيني سنينه
غربه منهاا الاماكن تحتويني برتجافه

جيتها وموج البدايه تلعب بروحي يدينه
وتلعب امواج النهايه واختصرها بحترافه

جيتها قصه مشاعر من بطوله ياسمينه
حظنوهاا مزهريه واتركوها للنحافه

اتركوها ل الذبول وسلموها رهينه
تبكي ايام الحديقه والندى عطر الشفافه

والنهايه من زعلها غمضت عيني حزينه
تصنع البسمه وقلبي يحترق القين افه

كلهاا لجل الشوارع وابتسامات المدينه
ومايهم الجرح دامه مبعد عنهاا مسافه

….

ام مشعل : شووووف بنتك عذبتني ماتسمع كلامي

ابو مشعل : ليش شنووو سوت لج وانتي شنو قلتي لها

ام مشعل : بنتك الي ماتنسمى اقول لها تجهزي روحي مع خواتج تقول لي ماابي اروح

ابو مشعل: أي خلاص خليهااا لاتروح كيفهاا

ام مشعل: المشكله مو بروووحه تشتمني بأهلي وتقوول ….

ابو مشعل معصب :أي شنو قالت

ام مشعل : تقول … انتي معتبره انه ابوي رجال يعني

ابو مشعل عصب : انا وريهاا تبيني اصير عيهاا رجال الحين تشوفين الرجال شنو يسوي فيج

راااااااااااااااااااااااااااااح عند بنته

لمحت ابوها .. شافته.. انحااااشت .. تحاااول تخفي وتضيع نظره ابوهاا …
.كانت تركض بخوف ..وتحاول تتخبى.. مالقت مكان.. دقات قلبهاا زادت .. ضاعت تاهت … تركض تركض .. تعثرت طاحت.. وراهاا لقت الظلم .. بعينه شراره .. تلف تلف .. تحاول تنحاش.. حاولت وتعثرت مره ثانيه .. مافيهاا حيل تتتخبى.. من ظلم ابوهاا .. مسكهاا وهو يتنهد .. مسكهاا من شعرهااا وقومهااا

..

ابو مشعل : انتي ابي افهم ماتفهمين ليش تعذبين امج وبعين منو الي مورجاال هاااه

نور : لاتقول امي امي ماتت هي مو امي ااااااه يايبه ااااه

ابو مشعل : الحين اعلمج منو رجال

(عطااهااا كف طرااااااااااخ البنت من شده الكف طاحت وماقدرت تقوم ورد قومهاا من شعرها)

نور : ااااااااااااه يبه شنو تقصد برجال ؟

ابومشعل : وبعد تسوين رووحج ماتدرين

نور : يبه وانا عمري دريت بشي كل يوم تضربني ولا ادري ليش

ابو مشعل : وبعدين معاج كل شي سويته فييج ضضرب وضربتج حرمان وحرمتج واكل ومنعتج شنو تبين اكثر فهميني العن ابو دارج ماتحسين ماتفهمين يعني لازم اموتج واقط عضمج لكلاب عشان ارتاح …

نور:اي اي موتني اانا ماابيكم ارحمني ارحمني ام مشعل ماقصرت فيني قولهاا يمكن تقدر تدلك لشغله تذبحني فيهاا ماابي اعيش يبه لحضه خلني اجيب شغله تريحني وترتاح مني (ابوهاا استغرب شنو تبي تجيب نطرها لين جت وهي يالله تمشي ماتقدر تمشي وتطييح وهي جايبه مدت لوبهااا السكين ) وهي تعبانه على الاخر من كثر الركض)

نور :هاك يبه اذبحني ماابي اعيش بعيش مع امي ماابيكم ارحمني ارحمني ….. وهي وتقول انغمى عليهاا ………وراح عنهاا وهو يمشي وراسه بالارض ويقول لاحول له ولاقوه الا بالله انا وش سويت ……وقعد يتحسر على الي سوااه

الابو وهو يمشي راح لغرفته لقى مرته ام مشعل وهو يطالع لهاا بنظره حقد

ابو مشعل : هااااااااه بنتي وعذبتهاا عشانج وش تبين اكثر قولي اناحاضر

(مواصفات الاب الابو ضايع تايه من كثر حبه لام مشعل نسى الدنيا وركض وراهاا موقادر يرفض لهاا طلب وان رفض يندم على الساعه الي رفض فيها من حبه لهاا ويخاف يزعلهاا بحرف )

وهو يطالع لام مشعل .
قالت ام مشعل :حبيبي شسوي لبنتك هي ماتسمع كلامي ابيها بنت احسن البنات وابيها احسن من بناتي بعد عمر طويل ياحبيبي هي يتيمه مالهاا أحد امهاا راحت عنهاا وانا حسبت امهاا وابيها متفوقه بدراستهاا وابيهاا بنت كامله بعد وجهه سبحانه

(ووام مشعل تشحن بالابو مشعل الكلام الطيب وهو منسطل يطالع فيها )
سكتو اشوي وام مشعل فيهاا حره وودهاا تطلعهاا بالبنت راحت عندهاا وشافتهاا نايمه بسابع نومه وهي بالاصل منغمي عليهااا)))

.

قالت ام مشعل : انتي هييه نوور قومي قامو عليج يلاااا قومي اقولج قومي خلصيني ابيج تكفين البيت وتغسلين المواعين الي من امس مقطوطه بالمطبخ اقولج قومي

البنت ماترد عليهااا ام مشعل عصبت وقالت انا اوريج ماتردين علي انا اعلمج

راحت للغرفتهاا ابو مشعل قاعد على سرير يبي يريح رمى الغترا والعقال والقحفيه ورتااح ع السرير جت ام مشعل

أم مشعل :اامممم حبيبي (وهي تهمز برجوله) تصدق حبيبي اليوم نور كانت تكلم بالفون اكثر من ساعتين تتوقع تكلم منو ..؟؟؟

ابو مشعل وهو يحاول يقوم من السرير :ساعتييين (وشراره بعينه ) تكلم منو هااه قولي انطقي تكلم منو ساعتين

ام مشعل : حبيبي اكسر الشر

ابو مشعل : (وهو يهدي نفسه ) يمكن وحده من صديقاتهاا او رفايجهاا بالمدرسه او وحده من بنات عمتهااا

ام مشعل عصبت : صج انك طيب وعلى نيتك وألمي يجري تحتك ولي تكلم بنت تقوله حبيبي

الابوه توه ضاربهااا جن جنانه من شده الكلام واخذ العقال وراح عند نور وهو يمشي ويقول الحماره بنت الكلب شسوي فيهاا انا الحين اذبحهااا اموتهااا ياربي شلبلوه الي بليتني فيهاا ليه مو نفس خواتهاا شسوي فيهاا شسوي فيهاا وهو يقول الكلام راح لغرفتهاا وبطلهااا ودخل (الغرفه اصلا مبطله اربعه وعشرين ساعه ) عكس خواتهاا الي من ابوهاا كل وحده ومفتاحهاا بيدهاا )

وهو معصب فتح الباب وادفعه دفعه من قوه الصوت وصل لاخر البيت ونور نايمه مو حاسه بالدنيا نامت مثل الملاك نومتهاا كلهاا براءه ابوهاا من شافهاا نسى انه جاي يبي يضربهاا وهي لابسه نفنوف وردي لحد الركبه وجاي عليه كم حركه ردات شيفونات على ايد وحده والثانيه جايه عاديه نفنوف جاي على السمكه وجاي على جسمهاا وهي نايمه ابوهاا حاول يمسح على راسهاا بس تذكر هو ليش جاي وقعدهااا ماتقعد

ابو مشعل: قووومي قوووومي لابارك الله فييج ولا بالساعه الي شفتهاا فييج يوم اسود

البنت من شده صوت ابوهاا تسمع صوت خفييف قعدت ماحست الاكف جاهااا من ابوهاا خلهاا ترد تناام

وابوهاا يقول : قومي يابنت ……… يالي ماعرفت اربيج عدل يابنت …… يالي…… وظل يضربهاااا لين ماتعب وماقدر يضربهاا وتركهاا مقطوطه بالارض مشى وخلاهاا

وهي بالارض ماتقدر تقوم.. حاولت حاولت.. وماقدرت.. نامت على الارض كنهاا قطعه اثاث محد بيبهاا ..واثار الضرب باينه على جبينهااا ورجلهاا وظهرهاا وايدينهاا وجسمه كله ..وشعرهاا الي مغطي جسمهااا من طوله مو قادره ترفعه ..محد ساعدهاا بقومتهاا ظلت يوم كامل طايحه بالارض.. محد صعد لهاا وشافهاا ..هي عايشه ميته تركوهاا مقطوطه بين السرير والكبت ..بعد يوم كامل صحت نور وحاولت تبعد شعرهاا من عيونهاا ..وكل ماتبعد تصرخ اااااااه ..لوجههااا وحاولت تقوم قامت وهي تصرخ من شده الالم ….والاهاات تقطع القلب.. وتقوم وتقول يمه يمه يمه وينج وين رحتي وتركتيني تعالي خوذيني محتاجه لج ..يمه ابوي مايبيني مايبيني ….. والكلمات الجارحه الي السمى تبكي من شده وقوه الألفاظهاا ..ظلت نور قاعده بالارض لين قامت وراحت للحمااام وهي رايحه شافت بالمرايه ..عينهاا زرقه وخدهاا احمر وعليه اصابع ابوهاا ..وايدهاا ورجهاا زرق ..من اثر العقال

مواصفات نور:::::

بنت هي اجمل خواتهاا ناعمه جمالهاا اجنبي بنت حبتهاا ناعمه كل شي يلوق لهاا من القصير لطويل لهاا شعر طويل ناعم كالحرير واسود سواد ليل وبشرتهاا بيضه لهاا ابتسامتين ..ابتسامه لاسكتت تبان لها غمازتين على طرف الشفايف ..وابتسامه الثاينه..لاضحكت الكل يذوب لهاا

ابتسامه تشرق لها شمس الصبااح
وابتسامه لا انطفى نور الكهرباء

نور: الله يسامحج يا ام مشعل الله يسامحج خالتي .كل هذا عشان اني ابي اروح مع خواتي (خواتهااا من ابوهاا هي وحيده امهاا ماعندهاا خوان ولا خوات امهاا جابتهاا وبعد سنتين ماتت) وام مشعل الزوجه الثانيه وام نوور الزوجه الاولى بس طولت يلا حملت وجابت نور … مع بنت ام مشعل اسمهاا ندى راح تعرفونهاا مع الروايا…… الله يسامحج ياخالتي ….

..

وهي منزله راسهاا للارض وياله تمشي اخذت دش دافي ولفت الفوطه عليهاا وراحت للكبت وطلعت لهاا بدله عاديه بنجامي لونه احمر عشان يعكس على وجهاا وبان الاحمرار من لون البدله وعشان ارجولهاا وايدينهااا زرق ماقدرت تلبس نفنوف ..وعينهاا الزرقه حاولت تخبيهاا بالميك اب وضل اشوي اثر وهي تحط من الميك اب وتحاول تخبي كل مازال الالم يزيد وارفعت شعرهااا كله وسوت حركه حلوه وطلعت من الغرفه وهي رايحه لختهاا ندى شافت ام مشعل اسكتت

نور ومشت ماكلمتهاا وام مشعل طالع فيهاا بنظره انتصار وبعد نهدى طويله وبتسامه عريضه عفيه يا ابو مشعل بردت قلبي فيها احسن انهاا ماراحت مع بناتي لو راحت مع بناتي محد يطالع فيهن من جمالهاا وخاصه ام جواد لو شافتهاا ماطالع لبنتي ندى

نور وهي تمشي وراحت لغررفه اختهاا كان بنفسهاا تنط على سريرهاااا وداعبهاا كل عاده بس مو قادره تنط راحت ومسحت على راسهااا وتقول : ندى ندووي حبيبتي قومي يلا مشتاقه اقعد معااج امس ماشفتج عفيه يلا عاد قومي (ندى ماترد عليهااا لانه زعلانه عليهاا ليش ماراحت امس معاهم ماتدري بلي صار لنور

)
نور وهي منزله راسهاا قالت ادري زعلانه مني اسفه ياروح نور والله امس ماقدرت اطلع كنت تعبانه

ندى وهي تنط من السرير وتقول :تعبانه عمري حياتي وتلف على نور وتقول وين الي يعورج قوليلي ونور تصرخ أأأأأأأأأأه بعدي عورتيني

ندى وهي سرحاانه وتقول بقلبه شفيهاا نور صرخت صرخه فزتني من مكاني وطالع فيهاا اسرحت اشوي وقالت
.
ندى : نور شفيه وجهج اصفر وليه عينج زرقه (مع انه نور حاولت تخبي الاثر بالميك اب ) وريني (وندى تحاول ترفع البنطرون وصرخت نور
)
نور: بعدي شتسوين

ندى :اقول وريني ليه رجولج حمر وايدينج ليش جذي منو مسوي فييج جذي قوليلي منو بسرعه

نور ودمعته على عينهاا قالت: محد انا طحت وتعورت

ندى : تطيحين وتعورين يصير فيج جذي لايانور هذا مو طيحه انا اعرف منو سوا فيج جذي امي امي انا اعرفهاا الله يسامحج يايمه

ندى ماشاء الله عليهاا عاقله وهي الوحيده الي قريبه من نور مع انه اياام تتركهاا وحدهاا غصب عنهاا مو بكيفهااااا

مواصفات ندى بنت جميله جمالهاا عربي عيونهاا وساع وبشرتهاا سمرا وشعرها طويل ولونه بني وطويله عكس نور الي طولها متوسط وعليهاا جمال وراعيه جسم فاتن وجههها مدور ومتينه شوي عكس نور ..

نور : حبيبتي لاتقولين جذي هاذي امج واصلا ياابختج عندج ام مافي مثلهاا ونزلت راسهاا بالارض وسكتت

ندى احضنت نور وبكت على صدرهاا وقالت: سامحيني نور ماادري بلي صار فييج

كانت ندى تبي تقولهاا وتحرهاا انها استانست وافرحت وكان يوم حلو مع رفيجاتهاا بس اقمرتهاا بالبكى واسكتت

هاذي عايله ام مشعل تتكون من ام مشعل عمرها ٤٠ وابو مشعل عمره ٥٠
وبناتهم نور عمرهاا ١٩ وندى هم نفس عمرهاا ١٩ ومرجانه عمرهاا ١٤سنه ومشعل عمره ٢6 مع الاحداث راح تبان شخصياتهم

ليش ابو مشعل يعامل نور المعامله؟
وشنوو سبب حقد ام مشعل على نور؟
تتوقعون اختهم مرجانه نفس ندى وله على امهاا ؟
زين ليش ابو مشعل يمشي ورا كلمه ام مشعل ؟
وام نور شنوو سبب موتهاا ؟

كل الاسئله الموجوده والحوارات رااح تجاوب عليهااااا مع البارات الجايه
ابي اشوف ردوود تفرح الواحد انه يستمررر ويطلع سر عايله ابو مشعل

انتقاداتكم وأرائكم تهمني …

للامانه والمصداقه الشعر مو انا كاتبته حصلته من عمنى قوقل وعجبني ومنه بديت بروايا ……….

اتوقع لشاعر فهد المساعد

هاذي عايله ابو مشعل

ننتظر عايله ام جواد بالبارات الثاني
هذا البااااارت الاول اتمنى يعجبكم
اشوفكم على خير ..