الحلقه السابعه والثامنه من 2024.

كنت بتمنى ساعات يازمن كل ماتبعد أشوفها تانى
علشان الآيام ماتغدرشى حاكم غدرها بيحصل وف ثوانى
المهم كان بعد الضحكه نمشى ودا على امل اللقاء فى يوم تانى
لكن قبل مانمشى اشوف انا شقاوتها واللى اتعود عليها خلاص وجدانى
ورغم الشقاوه والجنون رغمهم كانت سحرانى

وكانت ظروف مكان دراستى شويه كانت عنها بعدانى
كنت برجع بعد العصر ولازم لما افوت تكون شيفانى
فى عماره كانت بتاخد فيها درس ودى تلاقيها ع الطريق بره ومش جوانى
تقف مع البنات فوق على السطح وعنيها على الطريق ولا تغمضهاش ثوانى
وساعة لما أكون انا راجع مافيش غير الطريق ده طريق تانى
أكون انا تحت وهى فوق ولا أخُدش أنا بالى من طيف إللى شغلانى
وهى إذاى تورينى نفسها كانت تعمل الحاجات إللى مجننانى
واقول معقوله دى واحده معقوله دى اللى اللى عاشقها وجدانى

كنت ف كل يوم وانا فايت الاقى صفاره وعلى نفس النغمه أسمعها إتعودت عليها حتى ودانى
فى يوم قولت لا؟ أنا عايز أعرف دى إشاره لى ولا لحد تانى
وقفت وقولت ابص؟ لقيتها هى اللى بتصفر من على العماره وبتشاور بإديها إللى حبانى
قولت يانهار ابيض؟ الصفاره طلعت منك؟ انتى اللى مبرجلانى؟
بتحط إيدها فى البوق وتصفر حد ممكن يقولى وصف اللى متوهانى

ان كان على الوصف ‘نا مش هاقدر أوصف حبيبى اللى مايتوصفش
إتجمعت فيه كل المعانى واللى تتشاف بس ولا تتوصفش
كان جميل . كان رقيق . وكان التواضع اكتر ولا يتوصفش
كان مجنون. كان شقى. علشان حاببنى وحبه كان مايتوصفش
كان طيب. كان حنون. واكتر من كدا اوصافه اللى ماتتوصفش
كان يعبر باى طريقه… ينده..يجرى..يصفر. أى شىء تتخيله للتعبير مايتوصفش
حبيبى اللى انا عرفته بكل السمات والصفات مايتوصفش
كان يخاف منى ازعل من شقاوته اللى ابدا ما تتوصفش
أقوله لايمكن تفرق بينا حبنا اكبر من كده ولا يتوصفش
دا حبيبى اللى انا عرفته . بس خان؟
وخيانته تتوصف. ماقدرش اقول ماتتوصفش

وباعت. لا" مش هى اللى باعت
هى بتقول كد. لكن هل هى دى الحقيقه

صحيح مين كان يصدق إن ممكن عيون بريئه تخفى الحقيقه
الناس. الناس ليها الظاهر. وحبيبى الظاهر فيه كان الحقيقه
والحقيقه إنه باع. لكن بيقول ؟ إنه مابعش ودى مش الحقيقه
الحقيقه إنى عمرى ماتوقعت منه خيانته هى دى كانت عندى الحقيقه
علشان كدا خانى وطلعت الخيانه فى الآخر هى الحقيقه
الناس كانت بتحسدنى عليه وقالتلى اسمع كلامه ده لايمكن يكون غير الحقيقه
لكن مهما انا قولت اكيد من النهارده مش راح اقولكم غير الحقيقه
وهى انى حبيب مخدوع ماعرفتش غير دى حقيقه
كل اللى بقوله أعزارلكن نهايتها إيه غير الحقيقه
حبيبى اللى صدقته خان.. حبيبى ده مكنش أبدا حقيقه
حبيبى كان كارهنى ولا بيحبنى من كتر ماتوهت ماعرفتش الحقيقه
هو دايما كان يقول إنه بيحبنى ياترى دى منه كانت الحقيقه
أصله ياما قالى انه لايمكن يكون لغيرى ولا طلعتش إن دى حقيقه
نفسى كنت اصدق إنه مكنش وهم وانه بس كان كل الحقيقه
الحقيقه ان حبيبى مابعش لكن أرغموه بالحق دى كانت الحقيقه