روايتي الأولى : مو غلط إنك تحب و لا غلط تهدي الزهور المصيبة اللي تحبه ما يبادلك الشعور

البارت الأول ≈

في الرياض ~
وتحديدا في غرفة [ نسرين ]
نسرين ~ ممممم لا ملاك ما اتوقع
ملاك ~ ليش ؟؟
نسرين ~ لازم اجلس مع مرااد وريم مستحيل اطلع واتركهم بالبيت
ملاك ~ مافي شي مستحيل ! خلي وحدة من الخدم الي عندكم تجلس معهم
نسرين ~ ماما تخاف عليهم من الخدم ولازم انا الي اجلس معهم =(
ملاك ~ ابوك اي احد يجلس معهم بس مستحيل تفوتين السهرة معنا
نسرين ~ مدري ايش اقول يا ملاك ! =$
ملاك ~ ممممممممم .. ايوااا جتني فكرة
نسرين ~ شنو ؟؟
ملاك ~ جيبي مراد وريم عندنا بالبيت وانا بخلي نووفا تجيب اخوانها الصغار وخلصناا
نسرين ~ خلاص موافقة بس ..
ملاك ~ بس شنو ؟؟
نسرين ~ لازم اخذ موافقة امي وابوي
ملاك ~ اوووووه يا ليل مستحيل يوافقون
نسرين ~ بحاول
ملاك ~ اوكي انا بنطر ع الخط
نسرين ~ لا ما اتوقع اني بقنعهم بسهولة اذا اقتنعوا بتصل بك
ملاك ~ واذا ما اقتنعوا ؟؟
نسرين ~ بفكر في الموضوع .. يلا سياا
ملاك ~ باي
سكرت نسرين من ملاك وداخل قلبها تقول [ الله يعين ]
راحت لعند امها وكآنت امها تشرب قهوة
نسرين ~ ماماااااااا
ام مراد ~ خير ست نسرين عسى ما شر ايش اخر الاخبار معك ؟؟
نسرين ~ بصراحة انا ابي اروح لملاك ونسهر مع البنات
ام مراد ~ اسمع من يتكلم ! طلعة من البيت ماكوو تحلمين
نسرين ~ اي طبعاً مافي طلعة لان انتي وبابا بتطلعون وبتسهرون ولا كأن عندكم عيال حرام عليكم مراد وريم يبون يطلعون مللتونا من هالاجواء مو اجازة هذي
ام مراد قامت وعينها مولعة
نسرين خافت بس سكتت وحاولت تبين انها قوية
ام مراد تقربت منها وشدتها من شعرها
نسرين ~ آه آه شعررررري شعري اتركيه
ام مراد ~ اول اوعديني انك ما بتروحين
نسرين ~ خلاص وعد وعددددددددددددد وربي وعد
ام مراد تركت شعرها ~ وعدتيني ! والي يخلف بوعده تعرفين شنو عقابه
نسرين ~ طييييييييب
وركبت ع غرفتها وجلست تبكي
نسرين بقلبها ( ليش يعاملونا كدا اهئ اهئئئئئئئئ حرااام عليهم حنا بشر حنا بشر )
واخذت موبايلها n73
نسرين ~ ملااااااااااك
ملاك ~ هلا نسرين ايش صار ؟؟ ليش تبكي ؟؟
نسرين ~ ماما ما وافقت =( اهئ اهئ
ملاك ~ طيب اهربي أي شييييي
نسرين والشيطان بدأ يلعب في عقلها مسحت دموعها ~ اهرب ؟؟
ملاك ~ ايواا .. اهربي انا هربت مليون مررررة من البيت ولا صار لي شي
نسرين ~ هربتي ؟؟
ملاك ~ ايوه !
نسرين ~ شلون ؟؟
ملاك ~ اسمعي ( …………………)
بعد 3 ساعات
الساعة 7:00 بتوقيت السعودية
ما كان في حد في البيت غير نسرين ومرآد وريم
لبست نسرين تي شيرت رمادي مرسوم عليه وجه مبتسم وجينز
ولبست فوقه لبس اسود غريب
وتسللت من الباب الخلفي
وطلعت من البيت
طبعاً ما كان في حد في البيت يعني عادي لو طلعت من الباب الرئيسي
بس احتياط . .
وبعد ما شالت اللبس الأسود
ركبت لأقرب تاكسي
نسرين ~ احم
التاكسي ~ وين في روه مدام ؟؟
نسرين ~ روح ع حي الـ(….)
وبعد ما وصفت له نسرين الطريق
وأخيراً وصلت لبيت ملآك
استقبلتها ملاك
ملاك ~ هلا واللهـ ب نسرين
نسرين ~ اهليييين
ملاك تناظر ورا نسرين تناظر يمين يسار فوق تحت
نسرين ~ في شنو تناظرين ؟؟
ملاك ~ وين مراد وريم !!
نسرين وكأن الأرض انشقت وابتلعتها
نسرين ~ مراد .. ريم !
ملاك ~ لا تقولين انك ما جو معاك ؟؟
نسرين ~ راح عن بالي ملاك شنو الحل ؟؟
ملاك ~ مدرري
نسرين والشيطان لعب في عقلها مرة ثانية ~ مم ما بصير شي لهم عاادي الخدم في البيت
ملاك ما اقتنعت بس لانها ما تبي تنكد الجو ~ اي صج ما بصير لهم شي
ملآحظة : اخوان نوف كانوا في غرفة الألعاب
ودخلوا للبنات
نوف ~ هلا والله
نسرين ~ هلا نووفا
نوف ~ اخباارك نسرين ؟؟
نسرين ~ تمام وانتي ؟؟
نوف ~ بخييييير
نسرين جلست تناظر في ملابس البنات
ملاك [ فستان أحمر ]
نوف [ فستان أسود ]
وكل وحدة لبسها أحلى من الثانية
قطعت عليها نوف تفكيرها ~ يااااهو نحن هنا
نسرين بهمس ~ نوفا شوفي ملابس البنات حلوين اما انا لبسي عادي
نوف ضحكت بصوت عالي لدرجة ان الكل التفت عليها وهمست لنسرين ~ عادي .. take it easy الحياة سهلة
نسرين ~ اووكي
وجلسوا للساعة 9:00
نسرين ~ ملااك
ملاك ما سمعتها من الازعاج
نسرين ~ ملااااااااااااااااااااك
ملاك ~ اهلين نيسوو
نسرين ~ ماما بترد ع الساعة 10:00
ملاك ~ ok ??
نسرين ~ لازم ارد البيت قبل اشوف مراد وريم
ملاك ~ ok ولا يهمك
نسرين ~ يلاا باخذ لي تاكسي
ملاك ~ noo way
نسرين ~ شنو ؟؟
ملاك ~ مستحيل تحصلين تاكسي في هالوقت
نسرين ~ طبعاً بحصل
ملاك ~ بخلي السايق يوصلك اوكي ؟؟
نسرين ~ بس
ملاك ~ لا بس ولا شي
رفعت السماعة
ملاك ~ راجو .. جهز سيارة
راجو ~ حاضر مدام
نسرين ~ مشكورة ما قصرتي
ملاك ~ ولو هذا واجبي
نسرين ~ عن اذنك
ملاك ~ الله معك
طلعت نسرين وركبت
ووصفت له البيت
لما وصلت دخلت البيت بسرعة وركبت
فجأة سمعت صوت
…….. : ست نسرين
نسرين جاتها سكتة قلبية والتفتت
——————————–


يتـبع مع تكملة البارت الأول>>بعد ما أتوضأ وأصلي

البارت الأول ≈

في الإمارات ~
وتحديدا في غرفة [ جهاد ]
جهاد جالس يرتب شنطته
دخلت عليه أمه
أم جهاد ~ جهاد شفت علبة مكياج أختك نجلاء ؟؟
جهاد ~ اف وانا ايش دخلني .. لا ما شفتها
أم جهاد ~ طيب
في غرفة [ نجلاء ]
نجلاء ~ يلقاها يعني يلقاها مستحيل أروح بدون علبة مكياجي .. طيب اسألي لينا
أم جهاد ~ وأنا شسوي لكم بعد
وراحت لغرفة [ لينا ]
لينا ~ لا ما شفتها
أم جهاد ~ اف منها هالنجلا ما تهتم بأغراضها وتحط اللوم على غيرها
راحت لغرفة [ نجلاء ]
أم جهاد ~ نجلا حبيبتي دوري زين طيب !
نجلاء ~ يووه يمه
وجلست نجلا تحط ملابسها فجأة شافت علبة مكياجها
نجلاء ~ يسسس لقيتها تسلمي يمه عالمساعدة
أم جهاد ضحكت ع بنتها وقالت ~ هههههههه طيب
وهكذا الحال
———————
في الإمارات ~
وتحديداً في غرفة [ شجون ]
شجون ~ طيب فتون ما لقيتي خطة جديدة
فتون ~ لقيت لك خطة عبقرية
شجون ~ شنو إهي ؟؟
فتون ~ نسحرهـ
شجون ~ ممم لالالالا صعبة شوي دوري لك على خطة ثانية
فتون ~ اف كل شي ما يمشي معاك خلاص نجلدهـ افف
شجون ~ بس انا احبهـ
فتون ~ طييب ندري انك تحبينه بس دام ولا خطة تبين تنفذينها شنو نسوي
شجون ~ خلاص انا راح اقول له اني احبه وانتهينا
فتون ~ براحتكـ بعدين قولي فتون حذرتني !
وطلعت من غرفتها
شجون ~ مالت علي انا إني سألتك
—————-
في الرياض ~
تحديداً في غرفة [ ملاك ]
دخلوا ملاك ونوف
الساعة 9:40
ملاك ~ أحلى سهرررررة في الحياة
نوف ~ معاك حق
ملاك ~ بصراحة نسرين كاسرة بخاطري =(
نوف ~ لو اهلي كذا كنت انتحرت ايش يصبرني انا
ملاك ~ حراام عليهم لا طلعة لا شي زين انهم يخلونهم ياكلون بعد
نوف ~ الله يسامحهم
ملاك ~ الله يسمع منك .. يلا ننزل للبنات
نوف ~ لمسة اخييرة بس
ملاك ~ اوكي انا بسبقك تحت
نوف ~ اووك
نزلت ملآك تحت للبنات
لمى ~ قلب قلب وين وين غايب عليا دقيقتين لا تغيب اكثر حبيبي اخاف اموت من الوله
البنات ~ حبيبي ناسي لو شنو شو بسرعة تنسى يا حلو بس كلي يا معود شكو يعني شكو
سارة ~ لك ليش لك يا بذات مو كتلي اشبعك بوسات منك اسمع الغنوات صوتي الحلووووووو
البنات ~ بس بس بس بس بس بس ميووووووو
ملاك ~ ههههه فديتكم
سارة ~ وين نوف ؟؟
ملاك ~ شوي وتجي
—————–
في الإمارات ~
وتحديداً في [ الطيارة ]
لينا ~ ممممم وناسة طيارة وغيوم
نجلا ~ يا صبر أيوب
لينا ~ نجلا ممكن سؤال ؟؟
نجلا ~ لا
لينا ~ طيب .. ليش انتي بنت ؟؟ ليش انا بنت ؟؟
نجلا ~ خلااااااااااااااص
لينا ~ اوكي
بعد فترة
لينا ~ ليش جهاد ولد ليش بابا ولد ؟؟
نجلا بغصة ~ بابا !
لينا ~ اوه سوري ذكرتج بابوي الله يرحمه
نجلا دمعت عينها وهي مقهورة من لينا
لينا ناظرت ع جنب لقت جهاد نايم
لينا بقلبها [ ماشاء الله ما امدانا نركب الطيارة عطول نام .. طيب خليني اصحيه .. لالالا نذالة .. طيب ايش بخسر .. لالالا بياكلني ]
وقررت تقرأ مجلة
>>مجلة أطفال هع
——————-
في الرياض
…… : ست نسرين
نسرين التفتت ~ ماما ؟؟؟؟؟؟؟!!!!!!!!!!
أم مراد ~ اي امك .. اكيد اجل مين بكون !
نسرين من الاارتباك قالت ~ وين بابا ؟؟
أم مراد قربت منها ~ تستهبلين ولا شنو طبعاً في الشركة .. بس السؤال انتي وين كنتي ؟؟ ومع مين ؟؟ مين الي جابك ؟؟
لو اسمع انه واحد من العيال ما بتشوفين خير
نسرين ~ طبعاً هذا تفكيرك
أم مراد ~ . ممممممم . انا الي اعرفه ان الي يوعد في هالبيت ما يخلف وعده وانتي تدرين شنو العقاب صح ؟؟
نسرين بلعت ريقها وناظرت في امها وهي مستعدة للعقاب
أم مراد ~ صح ولا لا ؟؟
نسرين ~ صـ..صــ..صـح
أم مراد ~ طيب .. يلا امشي وراي
نسرين ~ ع وين ؟؟
أم مراد ~ طبعا تعرفين ع وين ع الغرفة
نسرين ~ ليششششششش ؟؟
أم مراد ~ بدون ليش !
أم مراد اخذت موبايل نسرين وقفلت الباب وأخذت المفتاح
نسرين ~ ليش اخذتيه ؟؟
أم مراد بعصبية ~ بدون ليييييييش
شافت آخر مكالمة : ملاك
أم مراد رفعت السماعة
نسرين ~ حرااام عليك يمه حرام
أم مراد ظلت ساكتة
ملاك ~ نسريين هلا كيفك ايش صار يالغلا ؟؟ ايش صار ع مراد وريم ؟؟
أم مراد عطت نسرين السماعة وحطت ع السبيكر
ملاك ~ نسرين جاوبيني لا يكون امك كشفتك لا يكون فهمت غلط
نسرين بتوتر ~ ملااك امي جالسة جنبي
ملاك بلعت ريقها وخافت من أم مراد وسكتت
أم مراد اخذت السماعة ~ ولمعلومك يا ست ملاك أن كل هالتخطيط بيوصل لأمك وابوك ما بتشوفين خير لا انتي ولا نسرين ولا غيرك فاهمة
ملاك خافت منها ~ طيب طيب فاهمة بس يا خالة انتي فاهمة غلط
أم مراد ~ ووجع لا تقولين لي خالة
وسكرت في وجهها
أم مراد ~ انا ما بمنعك من شي ولكن الكاميرات هي الي بتمنعك
هههههههههههههههههههههههههههههه
>>ضحكة شيطانية هزت البيت
مراد وريم جو ~ شنو صاير ؟؟
أم مراد ~ اسكتوا لا يصير مصيركم زي ( باستهزاء ) نسسرين
مراد وريم عطول ركضوا لغرفتهم وهما خايفن من غضب امهم
أم مراد ~ لا تحلمين تررررى أنا كل يوم براقبك ولو أي حركة تصدر منك مصيرك [ القتل – الضرب – الجلد ] أي شي بسويه مو فارقة معاي
وطلعت من الغرفة
نسرين جلست تبكي وهي مو عارفة ايش تسوي
——————
في الإمارات ~
تحديداً في غرفة [ شجون ]
شجون اتصلت بـ….. بس جهازه مغلق
شجون بقلق ~ هف هف ليش جهااازه مغلق !
في [ الطيارة ]
هبطت الطيارة على أرض [ الريـااااض ]
——————-
في الرياض ~
نسرين تبكي بدون توقف
في الصالة
أم مراد ~ هلا وغلا ببنت خالي الغالية
أم جهاد ~ هلا بيج .. اخبارج ؟؟
أم مراد ~ امشي الحال وانتي ؟؟
أم جهاد ~ تمام .. اسال عنج
أم مراد ~ سألت عنك العافية
أم جهاد ~ بصراحة انا حابة اني اشوفج ونتجمع كلنا مع بعض
أم مراد ~ شنو يعني اجي لكم الامارات ؟؟
أم جهاد ضحكت ~ لاااا .. حنا في الرياض
أم مراد وقفت ~ جدد ؟؟
أم جهاد ~ اي والله .. الغالي استأجر شاليه لمدة ثلاث ليالي وبصراحة ما عندي مانع لو تجون انتي وعيالج وبننبسط مع بعض بس اذا ما جبتي معاج نسرين الحلوة ومراد وريم بزعل منج
أم مراد ~ ضروري يعني العيال ؟؟
أم جهاد ~ هيه ضرووري
أم مراد ~ طيب بفكر وبرد لك خبر
أم جهاد ~ طيب عن اذنج
أم مراد ~ الله معك
وسكرت وهي تفكر

انتهى البارت الأول ≈

توقعاتكم :
من هو البطل / البطلة ؟؟
ايش بيصير مع ملاك ونسرين ؟؟
شجون .مين الي تحبه ؟؟

همسة : اذا ما عجبكم سوري لسى مبتدئة

توقعاتكم :
من هو البطل / البطلة ؟؟
نـــســـريــن /// جـــهـــاد
ايش بيصير مع ملاك ونسرين ؟؟
مــدري راااح يرجعووون مع بعض بعد فتره
شجون .مين الي تحبه ؟؟
جـــــهـــــاد

صرااااحه بدااااايه مووووفقه

ننتظرررر البااارت الجااااااي.

تسسلمين حبيبتي هلآ بك نورتين ^^

رح أنزل بآرت كل ثلآثـآء .. سبت ^^

بسس اذا لقيت تفاعل بنززل الثلاثاء والسبت جزء طويل ^^

والاثنين و الخميس اجزاء قصصيرة ^^

للــــــــــــــــــــــــــــــ ـ رفع

مفاهيم الخجل بدايه موفقه والى الامام
حنى بأنتظارك

أهلين بك يا ميمو ^^

انطريني يوم السسبت بنزل البارت ^^

على كل حااال انا حبيت انسحب من رواايتك يعطيك العافيه

لالالالالالالا امززززززززززززح معااااااااااااااااااك للنهاااااااااااااااااااااايه الحلوووووووووووووووووووووه