عشقتك من سمعت صوتك و لا عمري بيوم شفتك / الكاتبة : صدى بسمه

ركان:عن اذنكم شباب بارجع انا وابو حميد البيت اشوفكم بالليل في الاستراحه
وسام:اذنك معاك بس ترا السحور علي
ركان:اجل فمان الله
طلال داخل غلط:بتكملون الترحيب في البيت صح
حمد وهو طالع :اخ واخوه انت اش عليك
الشباب:ههههههههههههه لقط لقط يا طلال
طلال:ايه ماعليه هين
====================
في هاللحظه وفي بيت ابو سالم رن جوال حياة وكان المتصل طبعا لمار
حياة :الو يامرحبا بهالصوت
لمار : مرحبا فيك الف شخبارك ياقلبي؟
حياة: تمام انتي كيفك؟
لمار :عايشن اقول ياحلوة
شو رائيك اجي افطر عندكم بكرا وبعدين نطلع المجمع باحتمال ان بكرا اخر يوم رمضان
حياة:حياك البيت بيتك بس ما قلتي اش عندك بالمجمع ماشريتي ملابس العيد من دبي لما رحتوا
لمار:الا انا شريت وخلصت بس انتي ماعرفتي
حياة :وشو اللي ماعرفته
لمار:انا راح احظر عيد ميلاد بنت عمك ميرا وبما اني ما اعرفها قلت نروح انا وانت نشتري لها بكرا انت اعرف بذوقها و بعدين وراح نطلع المزرعه بالعيد وراح نجلس اسبوع واخاف انسى فتكون جاهزه الهدية من الحين
حياة:حلو بس ليه ماتطلعي مع ندى بما انها في عمر ميرا يمكن تكون اعرف مني
لمار بصراخ:لا انتبهي تعرف ندو ابيها مفجأه حتى افكر اجي معكم وانتي تقولي لي ندى لا والف لا
حياة:هههههه طيب اعصابك
لحظه خليك معاي
(تناظر الباب )تعال اجلس شوي واقفل
راكان:لا عادي خذي راحتك
حياة:لا تعال اصلا انهي المكالمة
راكان وهو يجلس:وهذي جلسه تامري امر
حياة:ما يامر عليك ظالم ثواني اقفل وارجع لك(ترجع السماعه)الو
لمار:كان قفلتي احسن
حياة:ههههههههههههه كنت اكلم اخوي حبيبي نور عيني
ركان تبسم لها
لمار:ياسلام وماحلي اخوك في عينك الا وانتي تكلميني طول اليوم مع بعض ماعرفتي تكلميه الا الحين
حياة:لا هذا ركاني فديت عمره
لمار:ركان
حياة:هههه ايه ركان اش فيك
لمار وتوها تستوعب:الحمد لله على سلامته هو جاء؟
حياة:هههههههه لا البنت فصلت ياخوي
تبسم راكان
اقول لك عندي تقولي لي جاء وبعدين اذا مو عارفه جاء ولا لا على اي اساس تقولي الحمد لله على سلامته
لمار وبدت تعصب:اقول انا غلطانه انتي ماتنعطين وجه وعلى فكره ما راح اجيكم بكرا مدام اخوك جاء
حياة وهي تبي ترفع ضغطها :يعني جات على راكان اخواني الأثنين ماملو عينك بتسون انك مستحيه من راكان
لمار وكأن الموضوع عادي:لا ياقلبي اخوانك كلهم ع العين والراس بس انا قلت بما ان اخوك توه جاي من السفر فأكيد يبي يجلس معكم ع الفطور بكرا فماله داعي ارز وجهي
حياة:اهااا قلتي لي
لا اخوي ماعنده مانع صح ولا راكاني عادي لمار تفطر عندنا بكرا
ركان :البيت بيتها اكيد
لمار:بينا تلفون بكرا
حياة :قلت انا وركان فطورك عندنا بكرا كلمه وانتهى الموضوع
لمار:خلاص اوك والحين فمان الله
حياة :الله وياك
====================
الساعه ٢بالليل
رن جوال فواز وقال:ياربي شتبي هذي بعد (وضرب بأيده الجدار ورد)الو
الطرف الثاني:الو اسمع لاتخاف ولدك عندنا بس انساه ولاتسأل عنه(وقطع الإتصال)
====================
في الاستراحه كانو طلال ووسام و فارس(مايطلع معاهم الا نادرا) ومعاهم سالم بس ماخبروه ان اخوه جاء من جده وشوي سمعوا صوت الباب الخارجي للاستراحه
سالم :شباب مواعدين احد يجي
طلال:هذا يمكن اخوك حمد
سالم:بس حمد مايحب يجي هنا الا نادر
وماكمل جملته الا حمد داخل عليهم هو وراكان :السلام عليكم
سالم وهو يوقف:وعليكم السلام هلا والله باخوي الحمد لله ع السلامه
ركان: الله يسلمك من كل شر
سالم:وأنا اقول وش الطاري وسام عازمنا على العشا لو اعرف ما قبلت العزومه انت اخوي وانا المفروض اللي اعزم
#################

قبل المغرب بربع ساعه
دخلت لمار بيت خالتها حنان وسلمت على خالتها حنان والبنات وكانت جايبه معها صينية حلا
حنان:هلا يمه لمار وشلونك وشلون الأهل
لمار :الحمد لله كلهم تمام و يسلمو عليك
حنان:دوم يارب(وهي توقف)عن اذنك يما لمار انا بروح اشوف الخدامات يجهزوا لنا فطورنا وفطور الشباب
لمار:خذي راحتك ياخالتي
حياة:ايوه لمو وش جايبه لنا معك
لمار وهي تناظر حياة: شوف البنت بدال ما تسأل عن حالي تسأل عن الأكل صدق انك ولا اقول هونت مانيب قايله
انا جبت معاي شيز كاكو
حياة وهي مستانسه:وناسه انتي سويته
لمار:ايه انا مسويتها تاكلي صوابعك وراها
====================
على الفطور في بيت ابو فارس
سديم:ماما وينها لمار ابي اخذ رايها اي اكسسوار احلى على فستاني
امها:اختك طالعه تفطر في بيت خالتك حنان
سديم وهي معصبه:السخيفه ليه ماخدتني معها
ابوها وهو يقاطعها ويكلم امها:
ايش عندها بنتك اليوم تفطر في بيت ام سالم
اسماء:ابد بس البنات اليوم بيطلعوا المجمع بعد المغرب وبنتك باقي لها كم غرض وراح تروح معهم
ابو فارس:سالم معهم
اسماء:ايه اصلا ما يترك خواته بالمجمع وحدهم الا اذا معهم احد من الحريم
ابو فارس : انا اشهد انه رجال عن الف رجال
====================
(بعد الفطور)
لمار:بنات متى راح نطلع السوق
ساره: انا عن نفسي ماراح اطلع انتي وحياة وامل بس اللي راح تطلعوا بس انا من رأي لا تطلعوا قبل ما تعرفوا نتيجه تحري رؤية الهلال
امل:وانا معاك احسن بعد
(وكملوا الفطور بين سواليف واستهبال حياة)

====================
اعلت اللجنه العليا لتحري رؤية الهلال بان اليوم الخميس الموافق للتاسع والعشرين من رمضان للعام الحالي هو اخر يوم من ايام شهر رمضان أعاده الله علينا بكل خير وان يوم غد الجمعه هو اول ايام شهر شوال فكل عام وانتم بخير
ابوفارس وهو يوقف :انا بنزل لامي وابوي بجناحهم اعيد عليهم وانتم الحقوني لا تتأخروا
اسماء+الأولاد:انشاء الله
====================
شمعنى هالكلام يعني مراح اشوف ولدي يافواز
يعني بكرا عيد وولدي ما ينام في حظني اهئ اهئ اهئ
خلني اروح لها يافواز
فواز وهو مايدري يصبر نفسه ولا يصبرها: يا اماني ياقلبي انتي كيف اوديك عندها ناسيه اللي صار قبل
أماني: لو نسيت ما قلت لك باروح لها انا خايفه على ولدي
فواز:لا تخافي ماراح تسوي له شي يضره باذن الله
اماني:هذاني صديقتهاوشوف وش سوت فيني تحب اذكرك (وهي تكشف ظهرها )شوف الحروق
تذكر لما سافرت اسبوع للشرقية ولا تحب اذكرك
فواز عيونه تدمع ليه لا وهو متذكر تفاصيل الحادث وخايف على ولده اكثر منهاصرخ في اماني وقال م حاب تذكريني بشي انا مو متحمل خلاص كافي
اماني:انت رجال مو قادر تتحمل هذا(وتأشر على قلبها)كيف يتحمل قول لي كيف كيف اهئ اهئ اهئ
فواز اخذها بحضنه وجلس يهديهاالى ان نامت وطلع من البيت
====================
أمل:بنات ترا بعد صلاة العشا بنطلع على طول لان سالم بيحطنا وبيروح (تناظر لمار)وانتي اتصلي في اخوك راح ناخذه معنا
لمار:لا تكفين الا فارس يرفع الضغط (تقلد فارس)لمار عدلي اللثمه لمار انا رجال انا اتكلم
هيه انت وش عندك تناظر محارمنا والمسكين كان يناظر الهندي صاحب المحل
امل+سارة+حياة:ههههههه ههههههه ههههههه
امل :انا مالي دخل سالم قال كلمته وانتى تبين روحي ناقشيه
لمار :لا خلاص بتصل باخوي احسن
حياة:يسلم لي الخويف انا
لمار تتنتظر اخوها يرد:لا تكلميني انتي لا لا مو انت اكلم الغبيه اللي عندي
فارس:لايكون حياة ترا ما اسمح لك
لمار:شوف الولد الا حياة وتستاهل بعد سخيفه(تظربها حياة)آي هذي اللي تدافع عنها
فارس:تستاهلين زود بعد
لمار وكانها زعلت:افا وانا اقول بعايد اخوي حبيبي قبل العالم بس انا استاهل
فارس رق قلبه:ترا امزح وعارف ان السالفه مزح ولا انا ما ارضى احد يمس شعره من راس اختي الغالية
لمار:بعدي والله اخوي بعد عمري ياعزوتي وسندي ياحبيبي انت
فارس:لا مدام فيها عزوتي وسندي يعني سالم ماراح يوديكم السوق ويا فارس جيب محمد وتعال ودينا صح(محمد سواقهم مصري الجنسية)
لمار:افا عليك ياخوي انا اتصل فيك لاجل مصلحه لاحشا بس انت جهز نفسك لان حنا بنمرك مانحتاج محمد
هنا البنات انفقعوا ضحك لان لمار فتحت السبيكر من بدا فارس يدافع عن حياة
فارس:انا عارف السالفة فيها مصلحه وبما ان ماحد رضي يروح معكم مافي الا فارس
بس اللي يقول لكم لا
لمار :فارس حبيبي ما يقول لا
فارس :ليه ما اعرف اقول لا يعني؟ عادي لا
حياة :لا فارس تكفى طلبتك خلينا نروح
فارس عناد في لمار:اوك بس عشان خاطر حياة
لمار:انا بقفل وخلي حياة تنفعك باي
فارس:الو الو
والله اختي قابلت حياتوه وراح عقلها وطلع يجهز نفسه للصلاه وجهز ملابس الطلعه على اساس يرجع من الصلاه ويبدل على طول
====================
اقول لك افتح الباب انت ما تفهم
دسوقي(حارس البيت الغريب):اسف يا سعادة البيه لكن الست ءالت لي ما افتحلكش الباب
فواز:افتح الباب لا رتكب فيك جريمه
دسوقي :ماقدرش ياسيادة البيه وعلى فكره هما مش موقدين اصلهم طلعوا ومعاهم ابن حظرتك طلال
فواز و هو يحاول يهدى ويمسك اعصابه: سألتك بالله ابني طلال بخير فيه شي امانه عليك اذا صاير له شي تكلم
دسوقي:ابن حظرتك زي الفل ماحصلوش حاقه وبعدين هو مش عند حد غريب واسمح لي ياسيادة البيه دي مهما كانت بتحبك وتحبه مستحيل تعمل للباشا الصغير حاقه وحشه
فواز بلاك مادريت وش سوت فينا:انت من سمح لك تتدخل في شي ما يخصك
دسوقي:انا اسف يابني ماقصدتش
فواز:حقك علي ياعمي بس انا متوتر سامحني
ومشى عنه وهو يجر رجوله جر يفكر بهمه وكيف راح يحل هالمشكله
====================
لمار:مو بالعاده فروسي ساكت وواقف بعيد
فارس طنش لمار
حياة تساسرها:هذا طال عمرك انا قايله له اما يسكت او اقول انه متحرش فينا
ويجدعونه برا
لمار :ياقلبي عليك يا أخوي
حياة :بلا ياقلبي بلا عمري ما صدقنا سكت عنا
أمل :اخلصوا علينا تعبت صار لنا ساعتين وحنا نمشي
فارس : اش رايكم اعزمكم على عصير
لمار بعربجه وهبال:اقعد
تعرف تعزم الناس
فارس: انا الغلطان
أمل:تسلم يافارس ماتقصر بس انا ابيهم يخلصون لان عندي موعد في المشغل بعد ساعتين
فارس:اجل اسمعوا قدامكم ساعه ياتشتروا وتخلصوا او نرجع البيت
حياة +لمار:لا خلاص بنشتري بس عطنا نص ساعه
فارس بعدم تصديق:نشوف
(وفعلا ما مرت نص ساعه الا واشتروا حياة اشترت عطر فخم وساعه ودب في صندوق خشب وكتبت كل عام وانتي بخير وعقبال الثمانين سنه بس لاني عارفتك بتخرفي بدري ههههه(قلت لكم رجه هالبنت) اما لمار اشترت دب كبير ولبسته سلسال شكل قلب بفصوص كرستال ملونه وحلق نفس الشي وحطت معاه عطر
ناعم مره وساعه وحطته داخل شنطه فخمه وكتبت معاه رساله احترت وش اهديك وخصوصا ان هذا اول لقاء لنا اتمنى يعجبك ذوقي لمار عبد العزيز ال( _ _ _ _ _)
====================
صباح العيد وبعد الصلاه كان الكل مجتمع في غرفه ابو عبدالعزيز يعايدون عليه
عبدالعزيز واولاده الجوهره وزوجها واولاده ومن الشباب اولاد ابو سالم لانهم يعزون ابو عبدالعزيز ويعتبرونه مثل جدهم
اول شي سلم ابو فارس وبعدين ابو وسام وبعدين الجوهره واسماء وبعدين الشباب بالترتيب اول بندر و سالم وركان بعدين وسام وحمد وطلال وفارس وسلمو على الجده واخيرا البنات اللي هم لمار و ندى وابرار وسديم وحلا وغلا اللي جاو مع خالهم سالم
ابوعبدالعزيز:وانتم بخير وصحه انشاء الله عسى الله يبلغني فيكم واشوف عيالكم
سالم بحكمته المعتاده:ربي يعطيك طولة العمر ياجدي وتشوف عيالنا قريب انشاء الله
ابوعبدالعزيز:انشاء الله اقول ياولدي ياعبدالعزيز عندك فوق الدولاب ظروف كل واحد مكتوب عليه اسم صاحبه وزعها عليهم
(خيرك سابق ،ماتقصر ياجدي، حنا عيدنا بشوفتك، مايحتاج، عساك سالم)هذي عبارات الموجودين بالغرفه
الظروف كانت موزعه كالتالي
خمسه الاف ل(عبدالعزيز،اسماء،جوهره ،ابو وسام،حنان _يعتبرها مثل بنته _)
الفين ل(بندر،سالم،راكان،حمد،طلال،وسام،فارس،ندى ،لمار،حياة،امل،ابرار،ساره_مايعطيها الا اذا كانت بالرياض_)
خمسئه ل(حلا،غلا،سديم،فهد)
ابوعبدالعزيز:على فكره راح تطلعوا المزرعه اليوم بعد العصر جهزوا نفسكم
فارس:ماراح تطلعون معنا ياجدي
ابو عبدالعزيز:لا انا وجدتك ماراح نطلع انا جهزت كل شي لطلعتكم
فارس خاف على جده:مو بالعاده ياجدي ماتطلع معنا عسى المانع خير
ابوعبدالعزيز اللي فهم حفيده:لا ماشر يابوك بس حنا بعد بكرا حاجزين لمكه بنطلع ناخذ عمره قلنا نريح شوي
فارس:يتقبل الله ياجدي
طلال بصوت واطي مايسمعه الا الشباب :ايه هين يريح الا يفضي الجو له ولجدتي
الشباب:ههههههههههههههههههه
جلسوا شوي يسولفون مع الجد والجده بعدين قام سالم ويكلم الشباب بصوت مايسمعه غيرهم :قوموا خلوا البنات ياخذون راحتهم
قاموا كلهم
بندر :حنا بنطلع للمجلس يبا
طلعوا الشباب ما بقي غير بندر اما ابو وسام وابو فارس طلعوا من اول وفتحوا البنات لثماتهم وسلمو على بندر ثم طلع عند الشباب
====================
يدق جوال حياة
حياة:الو هلا ومرحبا بالهصوت
ندى:هلا فيك كل عام وانتي بخير
حياة:وانتي بخير وصحه وسلامه
وعيدك مبارك يارب
ندى :ايامك سعيده ياقلبي
والحمد لله على سلامة ركان توني اعرف اليوم انه هنا لما شفته في بيت جديحياة:الله يسلمك يارب بتطلعون المزرعه اليوم
ندى:ايه لايكون ماراح تجون
حياة:الاراح نجي بس يمكن بكرا
ندى بزعل:ليه
حياة:راح نروح اول لبيت خالتي العنود واخاف تمسك فينا للعشا
ندى :طيب تعالوا سوا واذا ماترضى اخلي خالتي اسماء تكلمها
حياة:اوك نشوف واذا مارضت خلي خلي خالتك اسماء تكلمها
ندى:خلاص اوك وعلى خير ياقلبي
حياة:الله وياك
(خليني اكلمكم عن العنود شوي
العنود تصير خالة سالم واخوانه وام حاتم زوج ساره
زوجها ابو عمر كان عسكري سابقا متقاعد حاليا يشتغل بالتجاره عندهم اربعه اولاد وبنت اولادهم عمر الكبير صار عليه حادث سياره قبل تسع سنوات وانشل وصار مقعد عمره ٣٩سنه كان خاطب وتركته خطيبته بعد الحادث ورفض يسوي العمليه اللي ممكن تخليه يرجع يمشي و حاتم زوج ساره ويشتغل عسكري عمره ٣٧سنه و محمد عمره ٢٣سنه صديق حمد يدرس معاه في نفس الجامعه علي ١٦سنه ،ليان ٢٣سنه دلوعه امها وابوها واخوانها تدرس حاسب صح حلوة بس مغروره ماتفكر الابنفسها تحسب الكل يحبها ومقنعه نفسها ان راكان يحبها ويبي يتزوجها مثل ماهي تحبه
====================
فواز توه راجع من صلاة العيد
اماني:وينه ولدي حبيبي
فواز حاب يغير جو:افا ماتسالين عني مافي كل عام و أنت بخير حبيبي ولا ماعدت انفع حبيبك
اماني تبسمت:اكيد انت حبيبي ودنيتي كلها بس عيدي مايكمل بدون ولدي
فواز:وين محمد
اماني:راح يعايد الجيران ولا تغير الموضوع
فواز:هههه هههه خلاص ولدك تمام وبخير
اماني رجعت تناظره:متى راح يرجع
فواز :انا كلمت العم دسوقي اذا صار شي يبلغني وقال لي انه فرحان بالعيد وراح يطلع الملاهي اليوم يعني اطمني اخباره راح تكون عندنا اول باول
اماني:انا افكر اقول لخالي عبدالعزيز يمكن يقدر يساعدنا
فواز: ابنك ما راح يصير فيه شي وداد صحيح مريضه لكن تظل قلبها طيب (وداد زوجة فواز الاولى ما جابت له عيال وتزوج عليها فواز ولما كانت اماني حامل بطلال اكتشفوا ان وداد حامل لكن للاسف صار عليهم حادث ومات الجنين اللي ببطنها وسلمها ربي وبعدها انفصلت عن فواز وكرهت زوجته اماني لان لاها ابن ومامات جنينها بالحادث رغم انهم كانوا صديقات وظلت عايشه في بيت بجنب اهل فواز لانها اقرب وحدة لام فواز)
اماني:اوك
====================
ياخالتي الله يهداك كل مره لازم هالدموع خلاص هذي آخر سنه لحاتم والسنه الجاية وحنا عندك كان هذا كلام ساره لخالتهاالعنود
العنود تمسح دموعها:وياطولها من سنه
(طبعا حاتم عسكري بالخبر وطلب نقل للرياض وباقي له سنه ويتم النقل)
حياة وحابه تغير الموضوع:صح خالتي بيت عبدالعزيز ال( _ _ _ _ _)راح نطلع معهم المزرعه مثل كل سنه وعازمينكم هالمره
العنود:متى راح تطلعون
حياة:اليوم
العنود :انتم وهم بس؟
امل:لا ياخاله حنا وبيت عمي ابو وسام
ليان:وبنت عمك هذي مادري شاسمها راح تكون موجوده
حياة:قصدك ندى ايه راح تكون موجوده
ليان ياثقل دمها:اها اسمها ندى(وكأنها ماتعرف)
طبعا الكل كان موجود وحنان وبناتها وليان باللثمه
حمد يكلم ابو عمر:امشوا معنا ياخال
ابو عمر:اذا الأولاد حابين يروحوا ماعندنا مانع
كلهم عدا عمر و ليان:ايه
ابو عمر:وانت ياعمر
عمر:انا مابي اروح الناس في المزرعه ماتروح تجلس وأنا (سكت)
أمل:لاتقول كذا حنا عمرنا ما شفناك مثل ماتقول وبالعكس طلعتك راح تغير في نفسيتك كثير وطلبتك ماتردني قول تم
عمر طول ساكت:تم يابنت خالتي(عمر بعد الحادث صار قريب من امل وهي اللي طلعته من حالته بحكم خبرتها في علم النفس بس هو خايف يحبها وترده وتكون تعتبره مجرد حاله لا أقل ولا اكثر)
أبوعمر:وانتي يادلوعه البابا؟
ليان بكل جراءه:اذا راكان يبيني اروح اروح؟
ابوعمر ناظر ركان وعارف ان بنته احرجته:اكيد راكان مايمانع
ليان :اسمعها منه
ابوها عصب ومايبي بنته تتعلق فيه:وانتي شعليك من ركان
ليان ساكته
ركان بملل من هالبنت:وانا ليه امانع مزرعتي هي
ليان :يعني لو مزرعتك ماتبيني
راكان لا حول ولا قوة الا بالله ويحاول يمسك اعصابه لا يقوم يكفخها اكره ماعنده البنت الجريئه وهذي ماتستحي قدام ابوها واخوانها:انا ماقلت كذا
وانتي كيفك حابه تطلعي معنا حياك ماتبين شي راجع لك
ليان بدون نفس:خلاص بروح
ابو عمر:اجل خلاص بس اتصلوا فيهم وبلغوهم انا راح نجي
سالم:ان شاء الله
انتهى البارت الثاني/

التوقعات

تتوقعون بدر راح يقدر يساعد اخوة ويرجع له ولدة ولا راح تتصل اماني في خالها؟؟؟؟؟؟
ليان راح تسوي شي بالمزرعة ولا راح تتكفي باللي سوته بالبيت مع راكان؟؟؟؟؟؟؟؟
شو تتوقعوا ممكن يصير بالمزرعة من احداث؟؟؟؟؟؟
هذي مقاطع من البارت للتشويق وابي رايكم شو ممكن تكون التكملة؟
راكان:حياة اللي راح اقوله لك مابي احد يعرفه تمام
حياة بقلق واضح:قول ياخوي وتأكد مافي احد راح يعرف بشي
راكان :انا ما كنت حاب اقول لك اليوم بما انه عيد بس اخاف ما القى فرصه ثانية نكون وحدنا
حياة:قول ياخوي…………………………………
وش ممكن يكون قال لها