أحلى غرام بعد العذاب / بقلمي : ©Ḿ!šs bàkŁaħ 2024.

[عــائلة العم خـالد:
نواف: عمرهـ 23 سنه يدرس في كندا شاب وسيم شعره ناعم طويل وعريض اسمراني يحب ميار و ايار مووت داق معهم صداقه يدرس مع بدر صديقه من الطفوله..
راكان:22 سنه يدرس هندسه مع جذاب بمعنى الكلمه اذا عصب يمممه يخوووف بعدوا عنه لأنه اذا عصب ما يعرف امه من ابوهـ وااحد راعي فلآت واستهبالآت..
طويل له عضلآت مفتوله لون شعره غريب شكل طلق فيه عرق اجنبي لون شعره اشقر فاتح..
شوق:21 سنه أكبر وحده من البنات مملوحه دمها شرباات دايم مع رغد مستحيل تشوفون شوق بدون رغد ولآ رغد بدون شوق تدرس رياض اطفال متوسطه الطول شعرها قصير لين تحت رقبتها ولون شعرها بني بيضا زيا لقشطه..
ايار: بنت ناعمه وهاديه بس اذا انهبلت انهبلت توأم ميار شعرهـا طوييل لين نص ظهرها طويله خشمها نحيف وطويل شعرها ناعم ولونه اسسسسود سواد الليل.. عيونها عسليه بيضا..
ميار:توأم ايار بنت تمووت في الفلله شعرها طويل لين نص ظهرها وناعم ولونه أسوود سواد الليل طويله بنت مطفوووقه مووت عيونها عسليه خشمها نحيف وطويل بيضا..
ما يفرقون بين الثنتين الا من رسمه اليد لأن ميار اصابع يدينها نحيفه وطويله أما ايار شوي عريضه..

عــائلة العم محمد:
فهد: 24 سنه ولد عاقل ما يحب الجمعات كثير يعني شوي منعزل طويل و ابيض رموشه كثيره وطويله خشمه سلة سيف خخخخ ..فنان في لعب الكورهـ..
نـايف:22 سنه مصررررررقع .. مو صاحي خاصه اذا اجتمع هو و راكان طويل وشوي عريض عيونه بني غامق شعره مو ناعم ولآ خشن وسط خخخ..
مهـا:20 سنه شكلها ناااااااعم مرره وكيووت تحب الموضه و شعرها قصير ولونه بني مو طويله مرهـ ومنعزله شوي عن الناس حساااسه مووت موو بيضه مرهـ..
رغد:21 سنه داااااااايم مع شووق مو صاحين قسمها رياض اطفال جميييله عيونها وسيعه بيضا ..
عــائلة يوسف:
طلال: 22 سنه شاب وسيم وجذاب راعي طلعات يحب السفر يلتزم بالمواعيد ودقيق يعني اذا قال الساعه :1 و3 دقايق يعني وحده وثلاث دقايق طوييل وله عضلآت مفتوله حنطي خشمه طويل ونحيف حواجبه مرسومه شعره مويه ناعم اشقر لأن جدته سوريه اذا ضكت يصير خقق و مليوون خقق يحب الخيييل والرماايه..
رشـا:18 سنه بنت صرقوووعهت فلله رهيبه دايم تمزح تحب اخوها طلال مووت طويله بيضا شعرها بني فاتح مررهـ شعرها لين تحت كتوفها بشوي..
عــائلة بندر:
فواز:25 سنه شاب حلو ووسيم..
رهف:23 سنه بنت دااجه اخر همها اهلها جمييله..
فاطمه:19 سنه بنت هاديه وحلللوه تحب اخوها مشعل..
مشعل:3 سنوات يدنن ياناس..

بسمـ الله الرحمن الرحيمـ..

اليووم قررت انزل روآيتي الأولى وهي بعنوآن احلى غرام بعد العذاب..

اتمنى انهــآآ تعجبكمـ ..
مع العلم اني اتقبل انتقادادتكمـ ومدحكمـ هع هع بسعهت صدر..
يسلموووو..
بس يمكن اطول بين البارت والثاني..

بس رجاء اللي بينقلهـآ يذكر اسمي فيهـآآ..

..((بسم الله الرحمن الرحيم))..

اليوم راح أقدم لكم أول روايـه لي في عــالم النت كثيير ما كنت أتمنى أنا أكوون كـاتبه روايـات وأخيراا جتني الفرصـه وها آنـا ذا أقدم بين يديكم روايتي وهي بعنوان:

..((أحلى غرام بعدالعذاب))..

للكــاتبـه: ©Ḿ!šs bàkŁaħ..

&

ومن خلف الكواليس: ربوووش ..

..((ميار وأيار في السووق))..

ميار:هههههههههههه شفتي وش لوون طـاحت ياحراام هههه والله انها تمووت من الضحك..
ايار وهي كـاتمه ضحكتها:ميوور لا تظحكيين بصووت عالي تراك بتحرجيين نفسك..
ميار:ايه والله شوفيهم كلهم قاعدين يناظرون فيني يمه اقوول خلينا نمشني..
وطلعوا ايار و ميار من مملكه المرأه ونزلوو تحت وراحوو لمحلات كثيره لحد ما أنقصت يدينهم من الأغراض..
ميار:ايروكم الساعه؟؟
ايار:باقي شوي ويأذن العشا..
ميار: يووووه شذا بتجينا اليووم ..وش رايك نطلع بس ونادي خـالد يجي يشيل الأغراض؟؟
((خـالد هذا سـايق ((او تقدرون تقولون حارس شخصي بودي قارد..
ايار:يالله بدق عليـه..الوو خـالد تعال عند البوابه الي نزلتنا من عندها ..
خـالد:ان شالله طال عمرك..
ايار:مع السلامه..
بعدين التفتت ايار على ميار لقتها تطالع في واحد ..
ايار:هيييه ميرو ميـآر ..بس لاحياة لمن تنادي..
قربت ايار من أذن ميار :
ايار:وززززززززززززززززززززز..
أمــا ميااار المسكينه تحسبها ذبـانه وقامت تحرك راسها يمين ويسار وتحك اذنها من براا
ايار:ههههههههه لا تخافين مو ذبانه هذي أنــا شفتك سارحه وحاولت أكلمك ميه مرره بس انتي ما ترديين فقلت يمكن اذا سويت ذي الحركه تنتبه لي وبعدين وش فيك مبحلقه بالولد؟؟
ميار:اصلا من قال اني خايفه من الذبانه وبعديين وش عليك ابحلق في الولد ولا اسوي اللي أسويه مفروض انك اذا شفتيني سرحانه كذا خلاص خليني..اففففف وينه راح كله منك..
وقفت ايار:اققول الشرهه مو عليك الشرهه علي أنـا طيب أنـا أوريك..
وراحت ايار للبوابه عشان تركب السياره وتعطي خالد الأغراض ميار وراها تلحقها بس ميار ما كانت ماسكه اغراضها زين فطاحت الأكياس على الأرض..
ميار تتحلطم:اووف هذا وقتك انتي بعد والله حاله اوف..
وبعد ما جمعت أغراضها قامت وهي رازه نفسها ومسويه انها شيء وتمشي برزه وراحت عند البابوطراااااااااااااااااااااخ
تدرووش وش هذا صوته هذي ميار صقعت في قزاز الباب
ميار تفشلت وقالت في نفسها:اففففففف والله فشيله الناس كلها تطالع فيني حسيت بإحساس هذيك الحرمه اللي طاحت ياربي وش لون أقووم؟؟ أسوي نفسي مغمى علي..لالا كذا بأحط نفسي في موقف محرج أكثر أمري لله بقوووم..
وقامت ميار وهي متفشله..
بس كان فيه مجموعه شباب شافوها وهي تصقع وماتو عليها من الضحك..
وراحت عند ايار وهي ميته من الضحك لأنها شافت خبطه(صقعه)ميـار بالقزاز ويوم وصلت ميار عند ايار ..
ميار مسكره أذانيها بيدينها:لا تتكلميين أعرف هذي عقووبه ربي فيني عشاني ظحكت على الحرمه بصووت عالي ولو تكرمتي لا تسمعيني صوتك أنـا مو نـاقصه احراج زيـاده على احراج الموقف اللي كنت فيه..
ايار:هههه يممه كليتيني بقشووري .. ((وسكرت سنيم فمها))
هاه وهذي سكته ..
وأخذ خالد من رنيم الأغراض وركبها ووصلهم للبيت..

~~~~~~~~~~

((في بيت أبـو نـاصر)).." الله يرحمه"

بدر كان قاعد يقرى الجريده وشذا جالسه تناظر التلفزيون وطفشانه

شذا بدلع: بــدوري..

بدر يناظرها بطرف عينه:أظن أن اسمي بدر مو ((ويقلد صوتها))بدوري..

شذا:طيب..بدر ..ممكن خدمه صغنونه هالقد..

بدر يتأفف من طلباتها اللي ما تنتهي:ياكثر طلباتك..وش تبين؟؟

شذا:أبيك توديني لـ..

بدر يقاطعها:لا..

شذا وفيها الصيحة:ليييه؟؟

بدر بإصرار:لاتناقشين..

شذا بخبث:طيب مو انت أعرف بالأول..

بدر بتطنيش:مو لازم..

شذا:طيب قل مين؟؟..ها قلت مين..

بدر وهو يسكر الجريده:غصب تتكلمين؟؟

شذا وهي تسوي مو مهتمه:خلاص مو لازم كيفك بس كنت بروح لأيــآآآر و ميار بس شكلك ماتبغى توديني بقول نـاصر يودوني..

نقز بدر:هااه؟؟

شذا وهي رافعه حاجبها:من قال هااه سمع..

بدر:لالا ناصر مشغول في الشركه خلاص انا اوديك وامري لله..

شذا:امري لله هااه.. ايه هيين..

وشال بدر الجريده وحطها على المكتبه: اذا بتروحين روحي تجهزي الحين ربع ساعه وأجيك ..

((نـرجع لـرشـا بعد مانزلت لسوق صحارى))

رشـا:يمه..والله بس باقيلي أروح لـميك أب فورإفر و مـاك ودبن هامز.. عشان أرجع هذاك الفستان الفوشي..

أم طلال:والله أنـا تعبت معدبي ماشيه ..

رشـا برجـاء:يممه تكفييين والله اليوم آخر يووم للترجيع تكفيين..

أم طلال:خلاص لاتزعجيني أنــا بلحالي تعبانه..انتي روحي بسرعه لاتتأخرين..

رشـا بإستعجال:خلاص..طيب..مع السلامه..

وراحت رشا ركض ماصدقت أن أمها وافقت وراحت أول شيء لـفور إفر وبعدين راحت لمـاك وشرت منه روج فوشي صـارخ وروج أورنج مشمشي جنان بعدين وهي في طريقها رابحه لدبن هامز عشان ترجع فستانها الفوشي جت بنت صغيره عمرها مابين 4-5 سنوات ومسكت يد رشـا..

البنت:واااااااااااع مـامـا..

رشـا تورطت ولا تدري وش تسوي فخذت يد البنت الصغيره وقالت لها:أنـا مو مـاما..وين ماما

رشا هنا حست نفسها غبيه البنت مضيعه وهي تسألها وين أمها لو مانت تدري كانت راحت لأمها على طوول..

رشا:طيب وش اسمك ياحلوه؟؟

البنت:اهئ اهئ لينا..

رشـا:طيب تبين حلاوه؟؟

لينا سكتت على طول وقال:ابي حواوه..

رشـا:طيب تعالي معي..

وراحت رشـا بلينا لكشك الحلويات وشرت للينا أنواع من الحلويات عشان تسكت..

وبعد ماشرت للينا الحلويات راحت فيها لإداره السووق ويوم وصلت سألوها بعض الأسئله وبعدين شكروها ..

الأمن:تقدرين تروحين الحين يا أختي وشكرا لك..

رشا كانت بترووح بس حست بتأنيب الظمير وقررت تبقى لين يجون أهل لينا وتروح معهم..

رشـا:لا ماراح ارووح لحد مايجوون أهلها..

حاولو الأمن معها وقالو لها :ان أهلها ممكن يتأخروون وإن… وإن….الخ..

بس رشا كانت معنده وفي الأخيير تركوهاا واستسلموا للأمر الواقع..

وأمن المجمع سوو نداء لأهل الطفله لينا..وانتضروا شوي وجتهم حرمه حاطه أنواع الميك أب ولابسه عبايه كنها محل سهره ونافخه شعرها كنه صعرور..

جوليا وبكل برود:افف وين البنت اللي عندكم اللي أسمها لينا بنت وليد الـ…

الأمن:طيب وش تصيرين لها؟؟

جـوليآآ:أمها..

الأمن:طيب "والتفت على لينا وسألها" هذي ماما؟؟

لينا بخووف وهي تشد على يد رشا:لالا مو ماما..

الأمن:معليش ماراح نقدر نسلمك اياها..الا اذا كان عندك اثبات..

جوليا:طيب ..غير هالحل وش عندكم لأن أنا مامعي بطاقه العايله..

رشـا:معليش على التدخل بس انا عندي حل..

جوليا:وانتي وش لقفك وبعدين من انتي؟؟

رشـا تجاهلت أسئلتها: دقي على أبوها وخليه يجي واذا تعرفت عليه ممكن تآخذونها واذا ماتعرفت عليه الأمن يعملوون الصح والمفروض يسوونه..

جوليا:انتي وش تـ..

الأمن يقاطع كلامها: صح كلامها ياخاله..

جوليا:انت هيي وش خاله ؟؟شايفني كبر أمك؟؟ وبعديين بسرعه عطني اياها..

الأمن:آآآسف..ماراح أقدر اعطيك اياها لحد مايجي أبوها..

جوليا:افففففففف..امري لله..

ودقت على أبو لينا..

جوليا: الوووو..هلا..أنـا في السووق..لالا مابعد طلعت..طيب..المهم تعال مررني..والله عاد فظ نفسك..وتعال كلها دقايق..اففففف والله هذي بنتك مو أنا..طيب..طيب..بسررعه..باباي..

وبعد ماسكرت التيليفون:الحيين جاي..

استأذنت رشا وراحت على جمب عشان تكلم امها ويوم فتحت الجوال لقت 2مكالمه لم يرد عليها وشافت المتصل دمــعه عيني..((أم طلال)) فخافت ان فيه شيئ صاير لها ودقت على أمها..

رشـا:الوو..هلا ماما..فيك شيئ؟؟

أم طلال:هلا..وينك ماتردين؟؟

رشا:يمه فيه سالفه لازم أخلصها بعدين أبجي بنت ضايعه ولازم أساعدها طيب؟؟

أم طلال:وش السالفه بالضبط؟؟

رشا:بعدين أقوولك يامام الحين اعذريني

أم طلال:فمان الله لاتتأخرين..وقري على نفسك الورد والأذكار..

رشا:ان شالله..فمان الله

وبعد ماسكرت التلفون التفتت ولقت رجال وسيم عيونه عسليه وطويل ماسك في لينا وجالس يبتسم لها ويحبها

رشا بصوت واطي:السلام عليكم

الكل ماعدا جوليا اللي جالسه وسافهه الكل وتلعب بالجوال:وعليكم السلام..

الأمن:خلاص اللحين تقدرين تروحين وهذا والد الطفله وجاا الا اذا كان فيه شيء ثاني؟؟

رشا:طيب بس ممكن دقيقه؟؟

الأمن بإستغراب:خذي راحتك.

رشا:ليونه حبيبتي تعالي شوي

جوليا:شكل الأخت مطووله..اففففففف

رشا بأدب :معليش بثقل عليكم شوي بس دقايق

لينا:بابا معليس ألووح؟؟

أبو لينا:أي يا بابا معليش

وراحت لينا لرشا أما رشا فمسكت يد لينا ودخلت رشا يدها في شنطتها وطلعت منه كيس حلويات لينا ومدته للينا وباستها ..

رشا:يالله مع السلامه روحي مع ماما وبابا

كل هذا قاعد يصير تحت عين جوليا وهي مو عاجبها اللي قاعد يصير..

لينا:ثكرا.. وراحت وضمت((خمت))أبوها وهي مستحيه وشكر أبو لينا رشا على مساعتدها للينا..

وبعد ماطلعت رشا من غرفه

راحت لدبن هامز ورجعت الفستان وراحت لأمها وارجعو البيت مع السواق وفي الطريق قالت رشا لأمها كل اللي

صار

(( عند راكان ونايف ))

كانو راكانو نايف يناظرون مبارات الهلال والنصر ومتحمسين ويقشمون في هالحب ((وياكلون هالفصفص)) ويـرموونه من الحماس وكان فيه هجمه قوييه للهلاليين و راكان ونايف يدعوون أنها تدخل وفي قمه الحماس وفجأه وبدوون أي مقدمات خرب التلفزيوون وقام يوشوش ..

راكان وهو يرمي كرتون المنديل اللي جمبه:الله يقلعك هذا وقتك؟؟آآآآآآآآآآآآآآآآآآآآخ..

وقام راكان من مكانه وطق التلفزيون وطاح التلفزيون وأنكسر..

راكان بعصبيه:أحـــــسن ..في الشيطان.."وراح قعد مكانه وهو يطق برجوله على الأرض"

نـايف:وش ذاااااا..كسرته وش لون بنعرف دخل قوول ولا لا؟؟قلي يالفطيين عقب ماكسرته وش لون بنعرف؟؟

راكان :أصلا هوو من زماان خربان مدري وش اللي كان مصبرني عليييه..أقوووول بسرررررعه دق على طليييل خلينا ناخذ منه الخبر ..يالله بسررعه دق..

وفتش نـايف في جيووبه بس مالقى تلفوونه..

نـايف:افففففففف هذا وقتك..وانت قم وساعدني في تدويره..قم..

راكان وهو يضغط على أسنانه:طيييييب..

ودورووو في كل مكان مالقوو..

راكان :أقووول نايف "وأشر على الكرسي اللي جمبه" تعاال استرييح ضاعت علينا المباراه..

نـايف:طييبب انت وين تلفونك؟؟

راكان:وديته عند الشركه مخررف ..

وجـا نـايف بيقد ورفع المخده وجـابيجلس لقى جوااله تحته..

نـايف:يالله خلنا ندق ..لقييت الجوال لقييته..

ودق على طلال رنـــه.. ثنتــين.. ثــلاث..الخ.. بس للأسف مارد..

نـايف:هذااااا وقته؟؟

راكان يحك راسـه:والله مدري..وش رايك نرووح للمقهى اللي موجود على الشارع العام؟؟

نـايف:طييب شف كم الساعه كم باقي يووم كنا نناظر المبارات كان باقي 5 دقايق..

راكان بعد ما ناظر الساعه وبخيبه أمل:لا معد باقي شيئ..

راكان:عندي لك فكره؟؟وش رايك ندق على فهووود؟؟

نـايف:صح وش لون ماخطرت على بالي..

راكان بإستعجاال:يالله بسررررعه دق دق..

نـايف:طيب خلني أطلع أسمه….هذا هوو..

دق نـايف على بيت أبو نـاصر "رحمه الله"

كان فهد في الـصاله الثـانيه يناظر المبارات ووشذا قاعده في الصاله الصغييره تقلب في القنواات وكل شوي تسمع صرخاات فهد ومــاله..

ويووم رن التلفوون قمزت وقاللت وأخيراا في أحد بيطلعني من هذا الطفش يمكن ميارولا ايار؟؟

شذا:الووو..

نـايف:هلا..الوو..

شذا:من أنت؟؟

نـايف:ويين فهد؟؟

شذا:طيب من انت؟؟

نـايف:لووو سمحتي عطييني فهوود بسرعه الله يخلييك..

شذا حبت تماطل وتستهبل معه وهي عارفه انه نـايف :طيب وش تـ…

طووووووووووووط..

ما أمداها تكمل كلامها الا ونـايف مسكر الخط بوجهها..

بعد ماسكر نايف السماعه ناظرت شذا السماعه وقالت

شذا:وش فيه هذا؟؟أحسن كييفه هوو الخسراان..

عند نـايف كان يغلي من من العصبيه وقال

نـايف:أنـا الغبي اللي داق على البيت وأترجاها..

ودق على جواال فهد..

فهد:الوووو هلا والله مبروووووووك الفووز والله ان طارق هداااف شفت وش لووون صنـ..

نـايف بمقاطعه وبقهر:اقووووووول اسكت ماشفناا الهدف..

فهد:ليش انت وميين اللي ماشفتووه؟؟

نـايف:أنـا و راكان..وكلللله بسبب راكانوه وتلفزيوونه..

فهد بغباء:لييش انتو ماشفتوو الهدف؟؟

نـايف:انت تستغبي؟؟أكيييد ماشفناه ولا أنا لييش دااق؟؟

طييب ناويين تسوون مسيره؟؟

فهد:أكييد وش دعوه..

نـايف:طيب ويين بيحتفلووون فيه؟؟

فهد:في التحليه أو العليا والله مدري؟؟تعاال انت و راكان..

نـايف:خلاص جايين.. لا تمشوون احنا راح نجي عندك ومن هناك نمشي للمكان اللي نبييه طيب؟؟

فهد:خلاص..بس استعجلوو..

نـايف:مع السلامه..

راكان:هاااه أرووح بسيارتي ولا بسيارتك؟؟

نـايف: اللي تبي ولا تدري بسيارتك أحسن..

راكان:يالله مشينا..

~~~~~~~~~~

اتمنى أن القصه كبدايه عجبتكمـ..

بانتظار رأيكمـ وانتقـادكمـ..