هذي روايتي الأولى ويارب تنال اعجابكم..
****
-فـــــي بـــــيـــت أم ابـــــراهـــيم-
قامت من النوم و التفت بفجعه على الساعه وشهقت: الساعه 12! ليه محد قومني ياربي! الله يستر!
تروشت و لبست لبس عادي جدا! بنطلون ليقينق و بلوزه كت لونها ازرق وشبشب بيت-الله يكرمكم-
نزلت و تفجأت بإختها قدامها وبعصبيه: لين! ذا كله نايمه؟ والله لو مو أمي قايله خليها راقده عشان نرتاح كان جيت وسحبتك من شعرك
لين: أ..أسفه ما عاد اعيدها
جا صوت من بعيد يقول: وعد اتركيها والله لا تشوفين شي ما يرضيك تفهمين؟
لفّت وعد وشافت اخوها سالم وعينه بتطلع من العصبيه
ركذت لفوق عند امها, ولين كانت تبكي بحرقه
جا سالم وحضنها: خلاص لا تبكين انا صرخت عليها
لين: هاذي مو اول مرا تعاملني كذا هي وخالتي انا مدري وش سويت لهم انا ليه عايشه هنا ياربي
سالم: خلاص لين لا تبكين ترا كلهم يحبونك لكن هم كذا
لين: انا ادري انهم ما يحبوني امي وابوي الوحيدين اللي يحبوني ياربي وينهم
سالم: وانا وابراهيم وين رحنا؟
لين بإبتسامه: ايه وانتم بعد
–
خلونا نتعرف على الشخصيات البدائيه بالقصه
لين: بطلتنا, 18 سنه, ابوها وامها متوفين وعايشه مع مرت ابوها واخوانها, طولها وسط وعيونه واسعه لونها رماديه على امها السوريه, شعرها لحد ظهرها لونه اسود, هادئه وخجوله ما تحب تحتك بأحد كثير الا بصديقتها أرين و مشاعل اللي معها من المتوسط
ابراهيم: اخوها من ابوها, 24 سنه, متزوج *منيره* وعنده بنت اسمها لين على اسم اخته
سالم: اخوها من ابوها, 22 سنه, شعره مثل -كرستيانو- اللاعب اذا تعرفونه! وسيم وجذاب, يحب لين اكثر من وعد
وعد: 18 سنه, بينها و بين لين بس شهرين, تكره لين هي وأمها, تحاول تخلق مشاكل بين لين واخوانها عشان يطردونها من البيت, شعرها لحد كتفها لونه اشقر رمادي و طويله شوي ونحيفه, عيونها كل يوم بعدسات بس الاصليه لونها اسود
ساميه-أم ابراهيم-: زوجة ابوها, تكره لين كثير و دايم تعذبها ولكن تخاف من عيالها لما يصارخون عشان لين وبنفس الوقت تنقهر من لين و دايم تفكيرها انُ لين (من تحت لتحت)
–
في مــكــان ثــانــي عــنــد قصر ابــو ســلـــمــان:
: هلا ساميه كيفك
ساميه: والله الحمدلله انتي كيفك وكيف ابو سلمان وعيالك وبناتك
ام سلمان: والله كلنا بخير كيف لين و وعد وعيالك
ساميه انفهرت لما اختها سألت عن لين وقالت: كلهم بخير بس هالزفت لين لا تجيبين طاريها
ام سلمان زعلت على لين وقالت: انا ابي افهم ليه تكرهونها!
ساميه بعصبيه: مها لا تفتحين هالموضوع ثاني خلاص!
: يما وينك انا جيت
ام سلمان: هذي ارين جات من برا اكلمك بعدين مع السلامه
ارين: يما انتي هنا, مين كنتي تكلمين؟
ام سلمان: ياشين اللقافه هذي خالتك ساميه
ارين: غبار يما من زمان على خالة ساميه
ام سلمان: ههههه
ارين: لما اشتقت لمنيره مارح تجي عندنا؟
ام سلمان: مدري والله, الا وين اختك ليال؟
: انا هنا جيت
ام سلمان: ليه يا يما ماخذه الاكياس معك كان قلتي للخدامه تروح تشيلها
ليال: عادي يما شدعوه المهم انا جوعانه!
ام سلمان: طيب يالله نادي سلمان ونواف وسعود
ليال: حاضر
–
ارين: 18 سنه, شعرها بني فاتح وعيونها عسليه, جذابه و حبوبه ولكن طايشه, يسمونها المهرج اللي بالعايله, صديقة لين ومشاعل الروح بالروح زي مايقولون
ليال: 20 سنه, عكس ارين جدا هاديه, عيونها وساع لونهم اسود و نحيفه, عقلها اغلب شي بدراستها
سلمان: 22 سنه, صديق سالم اخُ لين, طويل و نحيف, جذاب وجميل, عصبي شوي, حبوب ولكن مايبين لأحد
نواف: 18 سنه, توأم أرين هو اكبر منها ب6 دقايق, مع اخته دايم, ملامحه جميله, يحب المغامرات والضحك الزعل بجهة وهو بجهة
سعود: اصغرهم, 8 سنوات, يضحك و عقله اكبر من عمره
–
في بــــيــت ابـــو عبدالعـــزيــــز:
: يالله يا يما ماصار غدا بموت جوع!
ام عبدالعزيز: مشاعل! خلاص بطلي حنّه زهقتيني
مشاعل: وش دخلني تراني ما افطرت قاعده على لحم بطني من الصبح
ام عبدالعزيز: اللي خلاك تنتظرين من الصبح يخليك تنتظرين احط الأكل, يالله نادي هيا وعبدالعزيز
مشاعل بصراخ: هـــيـــا عـــزوز ياللــــــه الغـــــدا
ام عبدالعزيز: ترا اعرف اصارخ مثلك انا قلتلك ارقي ناديهم
مشاعل: مافيني سوري يالله بموت جوع
ام عبدالعزيز: الله يهديك
–
مشاعل: 18 سنه, صديقة لين و ارين, عربجيه شوي بس خجوله احيانا, شعرها لحد ظهرها لونه اسود و عيونها لونها عسلي غامق, بيضا بس مو مرا
هيا: 21 سنه, طيبه و دايم تخبي على مصايب مشاعل, محترمه و اسلوبها جميل
عبدالعزيز: 24 سنه, طويل بزياده و شعرها قصير وقاصه بطريقه حلوه, عيونه وساع ومرسومه رسم من ربي, جذاب
–
هاذي نبذه عن بيوت ابطالنا.. رح نبدأ الاحداث وان شاء الله تتحمسون لها..
****
على طاولة الغداء وفي وسط السكوت
ارين: يبا
ابو عبدالعزيز: هلا
ارين: يبا بطلبك طلب بس قول تم
ابو عبدالعزيز: تم
ارين: نبي نطلع المزرعه 3 ايام تكفى انت قلت تم
ابو عبدالعزيز: زين ماعندي مشكله لكن انا رح اسافر قطر عندي كم شغله وبرجع بعد اسبوع
ام عبدالعزيز: اجل رح انادي خواتي سامية و مها و صاحبتي مريم
ابوعبدالعزيز: اللي تشوفينه يامنال سوّيه
ارين: الحمدلله, انا بروح اكلم مشاعل ولين عشان يجون
ليال: وانا بروح اجهز اغراضي
نواف: وانا بعد
طلعوا فوق وبقى سعود وام عبدالعزيز وابو عبدالعزيز
ام عبدالعزيز: وانت يما مارح تطلع؟
سعود: لا ابي اكل تبون الفكه مني؟
ابو عبدالعزيز: هههه لا شدعوه
****
كانت قاعده تسوي غدا و فجأه دق جوالها
ردت وهي تقلّب بالرز: الو هلا رونه
ارين: هلا لين كيفك
لين: بخير انتي شلونك؟
ارين: بخير الزبده ترانا طالعين اليوم المزرعه اكيد رح تقول لك خاله ساميه بس بغيت اقول لك انا اول
لين: وناسه ميش رح تجي؟
ارين: ايه الحين اكلمها
لين: اوكي اجل اخليك تكلمينها يالله مع السلامه
ارين: باي
لين طلعت الصاله تبي تطلع غرفتها بس وقفتها ساميه
ساميه: على وين؟
لين: طالعه ارتاح شوي
ساميه: والغدا؟
لين: باقي ماخلص
ساميه: اقول تعالي اقعدي بالمطبخ بلا كثر كلام
لين راحت للمطبخ كأنها خدامه! خلاص صارت تحس بالاهانه كل يوم
لا اخت تعاملها زين ولا زوجه اب اللي حسبت انها رح تكون بمقام امها من بعد ماتوفت
صارت تفكر لين, انا وين ابوي؟ ليه تركني؟ انا ادري انه ما مات مع امي! و ساميه تكذب تقول ابوك مات انا ادري انه تركني بس وين راح واهل ابوي؟ ليه ما يسالون عني؟ معقوله من بعد حادث امي وانا 10 سنوات ماسألو عني؟ معقوله نسوني؟ معقوله انا صرت ذكرى بالنسبه لهم؟ اكيد فيه إنَّ بالموضوع
كملت لين الغدا وحطته لساميه و ووعد وسالم وكانت تبي تطلع فوق لكن سالم استوفقها
سالم: لين تعالي تغدي
ساميه ناظرت بسالم نظرت قهر, هي ماتحب لين تاكل معهم
لين: لا شكرا
سالم: لين! انا قلت تعالي
لين: زين
راحت وجلست بجمب سالم
–
انتهى البارت اتمنى يعجبكم, لا تنسون الردود عشان اكمل.gif "Graaam (284)")
بداية مقبولة تنقصها الخبره والتدقيق الروائي , مشاعر مع احترامي طفوليه كـ " مشهد " البداية للبطلة لين وسالم والاخت الكارهه الوهله الاولى " المشهد الاول " يجب ان يكون بوصفه وسرده رواية منفصله لانها ستخلق انطبع للأتي أما مشوق ومحفز واما منفرً ,,
في المستقبل راعي النقاط التالية :
السرد بسلاسة ومفردة مفهومه
وصف المشاعر سوا كانت لغة ملامح او لغة جسد , وصف المكان والزمان بتفصيل " المدينة ’ المكان ’ الساعه "
" اعتقد إذا هناك رجلا سوا اخا او قريب لانثى مكسورة لا يتجرء احدً لأذلالها "
وتجديد مطلوب ^_^ سرتي موفقه في عالم الأدب و الكتابة
خالص امنياتي