تبي الصراحه ماعرفنا نواياك

مليت أجامل وأكتم الجرح بسكات !
وأنا هواجيسي تروح و تجيني !
إلى متى عايش أسير المعاناة ؟؟
إلى متى دنيا الشقاء تحتويني ؟؟

اقول بكره ينتهي الهم وألقاك
ويطلع علي الصبح أقول باكر
ضايع بدونك بين شوقي وذكراك
أنا اعترف بالضعف مقدر اكابر
الصمت بيت ودمعتي ألف شباك
والهم باب وغيبتك ألف زاير

أكذب عليك أن قلت
بعدك شي عادي
أضحك وأنا من جور
الأيام مجروح
جرح توسط في حنايا
فؤادي
وليت الجرح ضيوف
يومين وتروح
بعثر ورقنا هالزمان
الرمادي
وأصعب شي على الأنسان
"غربه الروح"

الأول
كانت رسائلك مثل الشمس
كل يوم تشرق علينا
ثم صارت مثل الهلال
نشوفها بالشهر مره والحين
مثل البراكين تخمد وتثور
بعد سنين أتمنى الا تنقرض
مثل الديناصورات وتصير حكايه
وأساطير

ترجم شعورك من وراء حاجز الصمت
جاوب ونات شخص يودك
دامي بصوت الود للوصل ساهمت
وش اللي عن وصالي يردك

أرسل رساله من سكوتك تألمت
يمكن وراء صمتك حواجزتحدك؟؟؟
كنت احسب اني غاليك
بس الزمن علمني من اكون
مجرد عابر مجهول في حياتك

ضاق صدري وانت ما عندك خبر
كيف ماتدري وانا روحي معك
لو سألت العين هلت لك مطر
وأن سألت الروح يشهق من غلاك

وأن نويت البعد ماعندي خبر
أصلا كيف أدري وانا روحي معاك..!

قليل البخت مايضحك ..
ولو يضحك مايسمعونه!
وحزين القلب مايفرح ..
واذا يفرح يحسدووونه ….!
لية؟
حنا لا عطينا تنجرح راحه ايدينا؟
ولية؟؟؟
حنا لا خطينا .. تنقلب الدنيا علينا؟؟

طال البعاد ولوع القلب فرقاك
ومن غيبتك صاب المولع مضره
أسهر طوال الليل وأعيد ذكراك
وأرجع الماضي وبالقلب حره
يذكر زمان فات بالخير وياك
الله يعيده لو بالأيام مره

ما عادت أيام العمر مثل ما هي ..
ما عادوا أحبابي مثل أول أحباب ..
ما عاد يلفت في الزحام انتباهي ..
لا نظرة عيون ولا كلمة اعجاب ..
أصرخ .. و صرخاتي مداها شفاهي ..
و أبكي .. و دمعي على حد الاهداب ..

الظروف القاسية عيت تزين
اندمر وضعي وانا توي شباب
كل ماهانت علي ترجع تشين
بس أهونها ألين الرأس شاب
أشكي الوحده وهموم السنين
وأشتكي ظلم الدهر والعذاب
كل شيء بداخلي يبكي حزين
كل شيء بداخلي يبكي مصاب

تبي الصراحه ما عرفنا نواياك
تشد الحبل ثم ترجع وترخيه
لك مدتن وانت تكرر خطاياك
ماني بجاهل تزعله ثم ترضيه
ان كنت ناوي بالهجر مامنعناك
قبلك فقدنا من نعزه ونغليه….!!!!