بعض الصداقه للمصالح يبونك

ويالله صبرك من ضيقات حالي ..ويارب قوه كل ما ادبرت واقفيت

فكر بعقلك لا تغمض جفونك .. و اخذ النصيحه جعل ربي يخليك

لاشفت ناس باللقا يمدحونك .. اعرف ترى هرج القفا ما يسليك

من يمدحك قدام عينك يخونك .. ومن يمدحك بقفاك بالقلب شاريك

احرص ع اللي ضاق صدره بدونك .. و اترك صديق ٍ بالسعه دوم باغيك

بعض الصداقه للمصالح يبونك.. واليا اخذ المطلوب قل وش يبي فيك

عليك في ربع السعد ينفعونك .. لو واحد ٍ منهم عن الناس يغنيك

لا صحت ضايق كل ابوهم يا عونك .. ولا غبت عنهم ارسلو من يناديك

يرتاح لاشاف الفرح في عيونك ..و يضيق لا شاف الحزن في حكاويك

احدٍ على سر الصداقه يصونك … واحد ٍ على سر الصداقه حكى فيك

ربع الرخا لاضقت صعبه يجونك .. و ربع الشدايد واحد بس يكفيك

منقول