ان حكت ذيك الشفايف ذوبت ذاك الجليد 2024.

في عذوبه في بلاغه كنهـا تنشـد قصيـد
تذوب في رق ولطافه حكيها همـس الغـرام

وان بدت نجل العيون برمش سهمه ما يحيد
من نظرها من خطرها ما انتظر منها السلام

ولا ارتخت ذيك الجدايل ولتوت من فوق جيد
من شذاها من بهاها ينكسـر لـون الظـلام

تبتهج دنيا السعـاده يبتـدي عيـد ٍ جديـد
قبلـة الله لـو تبيّـن مـا ورا ذاك اللثـام

لا اقلبت تمشي تباها ما تقل بالارض غيـد
غيرها زينـه تلاشـي مرنـا مـر الكـرام

عندها روحي رهينه من وراهـا كـم قيـد
عايش العمر برجاها ولا علي العاشق مـلام

املكت مني خفوقي صارت الحلـم الوحيـد
ربّعت ذيك المحاني ان صدق وعـد الغمـام

عاذلي كف السوالف كل قولـك مـا يفيـد
لو تسولف ما عذلته خافـق ٍ بالحـب هـام

درة ٍ يغرق بحرها من تصيّـد مـا يصيـد
ولا يجيها غيـر حـظ ٍ وفقّـه رب الانـام

من حلاها من بهاها عطرت جـو القصيـد

وبصدر عذب القصايد اصبحت ارفع وسـام

يعطيك العافيه

ينقل لقسم المنقولات