اكلم شارع خالي سواده من سواد الليل
ترى ماهو فلس ولابقلبي قلت
الأشعار…
ولكن واقعي يرفض علي أكتب بلا تعديل..
انا راح العقل مني وعندي للجنون أعذار..،،…
معاناتي إذا بوصف يفوق الوصف والتعليل…
من اللي قد وقف مثلي يواجه لعنة الأقدار…؟
رضى يبقى ويتحمل
عشر أضعاف همه يشيل…
من اللي ثبت أقدامه يقاوم شدة التيار؟…
يعرف ان النخل وهو النخل راح وجوفه السيل…
من اللي حب له طفله وحلم من يوم كانوا صغار…
يتوج حبه بفرحه وأمه تحضنه بتهليل…
يمر الوقت وسنينه تمر ويستوون كبار..
ويتغرب لجل حلمه يسابق كل شباب الجيل..
ويرجع رافع راسه بعد ماصار هو طيار ..
ويبقى من حلمه الوردي زفاف يرفض التأجيل…
يجيها يقول حان الوقت تعالي نكشف الأسرار…
طفح كيل الصبر ماعاد في صبري كيل..
ويذكرها بوقت صار مع مر الزمن تذكار..
بأيام الطفوله يوم يغرقها غلا وتدليل…
يمازحها وتردد له: …
..(ترى الكذاب يروح النار)..
يجافيها وتهمس له: …
..(أعرف أن الجفا تمثيل..)..
وتدمع عينهم لثنين ويهلون الدمع مدرار…
ترى الذكرى ولو حلوه طواريها تهد الحيل…
وتسرح في وسط عينه ..تفكر..
ترتجف..
تحتار..
يسألها عسى ماشر….؟!
ويطيح من ايديها المنديل…
وتنزل عالركب وتقول تسامحني على اللي صار…؟؟!
حشا والله ماخنتك ولكنه حصل تبديل…
تراها غيبتك طالت وتدري وقتنا غدار
كبرت وخفت تتأخر…
…وخير البر بالتعجيل…
ويشهق يلمح الخاتم يحس القاع تحته دار..
ولايستوعب الموقف بليا شرح أوتحليل…
يسود الصمت ولاكلمه ونظره كلها استنكار..
شلل صاب اللسان وصاب كفين العتب تكبيل…
دقيقه تمر طعمها مر نهاية عمر موت أزهار
خساره حب …ضياع فدرب
نار تشب…عذاب و ويل…
ويسرح لوبعيده تهون ولكن كيف بنت الجار…
ويكسر صمته بصرخه تعدت في مداها سهيل…
ويفقد وعيه وينزل على قاع الثرى منهار..
مصيبه كيف يتحمل؟
ترى مابالأمر تسهيل…
مابينه وبين غرفتها ..ممر..ونخله…وجدار…
وهذا اللي يعذبه ويزيد طينه بتبليل…
يشوف اللي سرق عمره سكن وياها نفس الدار..
غدى جار وله حق نزل في محكم التنزيل…
ويتخيله يغازلها ويقول انه عليها يغار…
ويتردد صدى همسه ولمسه وضحكه وتقبيل…
يناظر دارها وفكره ورا ذيك الستاير حار…
وشباك الهوى عتمه بعد مازادوا
التظليل…
يقرر زوجها يبني ويرفع مستوى الأسوار…
ويتصرف على كيفه عنده منهم التوكيل…
ومكسور الجناح اللي بلا ذنب يذوق امرار…
يصارع حسرته ويجر بعد ذيك الهزيمه ذيل…
يفكر كيف طاوعها الضمير تكون شي ضار…
بعد ماكانت لعمره عمر يحسب مداه طويل…
خذت كل مابقى منه ومن عقله خذت الأفكار…
وبرواز الوعد مايل خذته تخاف قال وقيل…
عطت بروازه لغيره وخلت في الحشا مسمار…
وآخر كلمه قالتها رجاء ماأبيك تعيل…
ورد بكل غصب يسأل تحسبني من أهل الثار…؟!
أناوقتي غدا ملكي ولا يتحمل التعطيل…
وداع الله وإذا بعدك مرض ايماني العطار…
أنالي رب مايهمل بقراء كتابه بترتيل…
وإذا كانت مسافات المنازل بيننا أشبار….
لخليها سفر أيام وأساوي كل شبر بميل…
وإذا قالوا علي مجنون أو ملبوس أوصابه زار…
يناجي شارع خالي لوحده في توالي الليل…
بقول ان الجنون أرحم كتبت من الجنون أشعار…
وصدق شعري يتحدى الذي قال الشعر تمثيل…
وأعيش العمر ارددها
((ترى الكذاب يروح النار))
براءه كانت الجمله ولكنه حصل تبديل…
حكاية عمري من يوم الطفوله لين صرنا كبار…
في هذي الصفحه شفتوها وعايشتوها بالتفصيل…
أبي شخص ينورني ومن أبياتي بس يختار..
حرف ماشكى من هم ويبشر مني بتعديل…
بعدها بعلن إفلاسي وبترك عالم الأشعار…
لأني ماقدرت أعطي لحزني في الشعر تعليل …
وبرجع للسرير اللي من غيابي شكى محتار…
واريح عين شوفها سواد يشبه التكحيل…
وفي آخر بيت بسألكم عرفتوا ليش أناجي القار؟؟
وقولوا للثريا من تناجي لوخذلها سهيل؟!…
الله لا يحرمنا منك ومن جديدك يالغلا
–شوفك شفآ – يسعد مسآئك
العنوآنْ بإيجآزهـ مٌؤثرْ فـ كيف بسردْ التفآصيلْ
و تنآثر المشآعر كلمآتْ , / جداً روعة
ينقل للقسم الأنسب
منورهـ / تحيآتيّ
.gif "Msn (4)")
ولاكن هذا واقعنا الى نحبه يبعد والى يحبنا نعذبه
بجد شي مؤثؤه والله يعين الفراق عن المحبين
إختيار جميل وذوق راقي
سلمت يمينك وسلم نقلك
//