حبيتها والحب ماهو خطيه عشقتها عشق على العشق زايد

هذي قصيدة اخذته من قصة ((( بشروة اني ابرحل))) اكيد معروفة

اتمنى تعجبكم…..

حيل الله اقوى يالعيون الشقيه *** وش في يدي غير السهر والقصايد
اشوف حبي ميت في يديه *** واصوغ له بأبيات شعري قلايد
قالوا توفت وافقتها المنيه *** واصحى ترى اللي مات ماهو بعايد
الموت حق وخل نفسك قويه *** يامها بهالدنيا تشوف النكايد
قلت العنا شي مااقدر عليه *** والحزن عندي صار سلم وعوايد
ماتت وذكراها على البال حيه *** ودموع عيني لاطرتلي شدايد
حبيتها والحب ماهو خطيه *** عشقتها عشق على العشق زايد
وافراقها للقلب من غير نيه *** وانا اشهد ان فراق الاحباب كايد
عفت الهوى عفت الليالي الهنيه *** عفت الغزل حتى منام الوسايد
كل الليالي عقبها سرمديه *** والا الفرح في دنيتي شي بايد
والقلب ميت من ممات الوفيه *** مايشحنه حب البنات الجدايد

دمتم بود

أخوي الراقي
هلابك والله وبقصيدتك
بس انت تقول خذيتها من قصة………….الخ)
فأنا حبيت اسألك هل القصيده لك والا يعني منقوله؟؟؟
لأن المشرفين اكيد راح يسألونك عن كذا لأنها اذا كانت منقوله فالاكيد انهم بينقلونها لقسم المنقولات اللي خاص فيها
اما من ناحية القصيده فأنا ابصم لك على العشره انها على اسمك يعني راقيه ومن راقي
اخوي اتمنى انها لك عشان نتمسك فيك اكثر واكثر
لأن القصيده هذي جايه من شاعر بحر وحنا ياربعك نحب القصيد الجزل ونطمع في اهله وفي تواصلهم ومعرفتهم
عالعموم اخوي
انا يشرفني ان اكون اول شخص يقوم بالرد على موضوعك
وعلى كل حال
الله يعطيك العافيه
واذا انها من عندك فصح لسانك على بدعها
واذا انها من عند غيرك فسلمت بنانك على نقلها
وانت على كل حال اسم على مسمى راقي وجبت راقي
لاعدمتك اخوي
وتقبل تحيات اخوك
أســــ الغنج ــــير

هلابك اخوي

والله القصيدة هذي منقوولة مثل ما قلتلك
من قصة(رواية)

تشرفت اخوي بردك المتواضع والراقي

كل الشكر لك والتقدير..تقبل تحياتي
اخوك …. الــــراقــي

..
آلرآقي ..
قصيده رآئعه آخوي ..
تسلم آيدك على آلنقل ..
تحيآتي لك ..
..

تسلم يا الغالي على النقل

كلك ذوق واختيارك رائع

.
.

القصيده اكثر من روعه

هل القصيده انت كتبتها

لانها روعه

شكرا حبيبي

مشكور ع المرور

ما يعرف الذوق الا راعي الذوق

شرفت متصفحي عزيزي

لا اختي انا ناقلها من رواية بشروة اني ابرحل

تشرفت بحظورك

روعه يسلمو عالنقل الراقي يالغلا
اسم على مسمى

لكم ودي " نسمة ليل "