يقولون الغريب ان طالت الغربة تراه يعود
وانالي غربة طالت ذهاب ومالها عوده
رحلت بخافق يحمل شقاي وخاطرملهود
تمرجح به عصا هم على الاكتاف ممدوده
زهابي قربة عطشى ولابه بالطريق اعدود
ويجبرني ضماي اطرد سراب تكذب اعدوده
تحت شمس الهجير امشي بحيل من التعب مهدود
ورجلين من الرمضا تذوب وحيل مهدوده
ابي عن لاهب الصحرا ظلال من الشجر ممدود
ولكن الطلاح الي تجيب الظل مجروده
قعدت اسحب خطاوي رحلتي في مهمه مجرود
عناوين الحياة بطرقته ماهيب موجوده
قفارمابها غيرالمتاهة والطوال السود
جبال كل ماجاها الكلام تعيد مردوده
يتيه ابهالظلام ومابها للعابرين قعود
ها ليل توشح بالسواد وغابت شهوده
تطيح بهالهقاوي كل ماليل الظلام يزود
على رمل الوعود الي قليل تصدق وعوده
وانافي وسطها ضامي ولاعن حالتي منشود
مغير اقضب تلابيب الثرى واقبل اخدوده
وشديت العزوم ابغى دليل من الأثر موجود
اثاري كل ماهب الهبوب تضيع مفقوده
واعانق بالخلا همة بحبل من الصبر مشدود
واخايل بالسما برق كريم ترزم رعوده
عساه يبلل ارياق الجفاف وترتويه كبود
وتخضر القلوب الي بزين الحال موعوده
بعد مليتها رحلة عذاب مابها مردود
وقفت احزم حقايب همة بالله مشدوده
مدام ان الأمل باقي بلطف الواحد المعبود
تبي تفرج على عبد وثق بوجود معبوده
ويعطيك العافيه
تحيااتوو .. ..
تقبل مرووري ..
نص وافي يستحق الاشاده
سبق لي معانقة تلك الدره ولكن حقيقه اجهل مصدرها
لذلك ولاعليك امر ياليت يتم تحديد مصدر النص
بقلمك ام منقول ؟
تحيتي ~
العفوو
بآنتِظآآرٍ جدِيًـــــــدِڳ
يًعّطيًڳ آلِعّآفـــــــيًه
وَدِيً . . .
لسانك