يا بنت يا اللي في كناكر تخيطين

تريحي يابنت جـاء لك بديليـن
رجالهم في شغلكم ماتـونّـا

اذا اشتغل يابنت وانتي تشوفين
وان دقت الابره على السلك غنّا

على الخياطه ياخذ الصنف عشريـن
ومن القماش يخيط باليوم طنّا

رجالهـم يابنت يعرف بثنتيـن
الكحل فـي عينه وبالكف حـنّا

من الكويتيين يحمل عناويـن
وراعيه من خوفه خفا الاسم عنّا

لكن لك الله لابدا الخط خطين
والحمد لله جت عـلى ماتمنّا

وأوضّح اسمي واطبق القاف قافين
واللي تحدّانا ترا ماشطنّا

انا من اللي ان تعلّوا شياطين
بظهورها شجعان ابطال حنّا

جندي سعودي جيت من منبع الدين
نحمي عروبتنا ونحمي وطنّا

جيش السعودي بالمعارك شجيعين
وأبدالنا بالمعركة هي كفنّا

يابنت لهروجه حذارك تصاغين
هذي خبول الناس جت تمتحنا

عرّضت ساقك للكسر يا مسيكين
خـبـل(ن) رماه الله واجله تدنّا

نسيت صنعتكم وفيها فهيمين
معروفـة صنعتك من غير ضنّا

فزتوا علينا صنفكم صار خمسين
بديله المـرقـب عليها تثنّا

يابنت كانك للصياعة تريدين
جندي كويتي سمسري لك يعنا

يشاركك بالمصلحه لو تعيبين
ويفـرح اذا يسمع جرسكم يرنّا

ويساعدك كان الزباين كثيرين
بطران واحلى اخبار عنهن شرنا