اول شي مثل ماتشوفون انا عضوه جديده عندكم وحبيت اول موضوع لي اني انزل اول روايه لي
صارلي 3 سنين اكتبها وخلصتها السنه اللي راحت ترددت انزلها في النت بس غيرت رايي
وحبيت انزلها في منتداكم ومانزلتها في اي منتدى ثاني يعني حقوق النشر محفوظه للمنتدى
<<ههههه اهم شي الحقوق
المهم مابي اطول عليكم بنزل اول بارتين واتمنى تنال اعجابكم واتقبل النقد والتعليق باي شي
سواء كان حلو او لا واتمنى اشوف تفاعلكم لاتخذلوني<<لها مكانه عزيزه هالرواية لان اللي
شجعتني ابداء في كتابة الرواية رفيقتي الله يجمعني فيها:)…
اختكم :لهفة اإلخاإطر=غرام الروح
البارت الاول
قامت الصباح مبكر على غير العادة راحت تسبحت
ولبست وكشخت ونزلت تحت تفطر مع اهلها نزلت من الدرج وهي مستانسة
محد قدها اليوم اخر يوم في الامتحانات والمدرسة شاقه الحلق من الوناسة
غرام وهي تقرب منهم :صباح الخير جمممميع
الكل : صباح النور
غرام وهي تبوس راس ابوها: صباح الخير ياوجه الخير
ابوها وهو يضمها: صباح الفل حبيبت ابوها
ناصر يغمز لبوه: حركات تعرف الفل يبا
ابوه عطاه نظره بمعني اسكت
راحت غرام وباست راس امها وضمتها: صباح الخير يادنيتي كلها
امها وهي تبوسها :صباح النور والسرور حبيبت امها
مبارك : الله لنا واحنا صافطينا على جنب
بندر : اي بالله راحت علينا
نواف يضحك: هههههه انتوا عيال البطة السوده خخخخ
بدر: اي اضحك وش عليك الكبير وانت اساس البيـ …..
قطع كلامه والتف صوب الدرج وهو يسمع صراخ وركض الكل التف يطالع شسالفة كانت شجون
ونوف نازلين يركضون لان تاخروا عالجامعه
شجون تصارخ: نوف الله يقطع ابليسج تاخرنا كله بسبتج
نوف وهي تعلي صوتها : لا والله في احد قالج امس تجيبين افلام نسهر عليها
شجون: اقول انزلي لا نتاخر اكثر
ابو نواف : شوي شوي لاتطيحون لاحقين عالجامعه
مبارك : لايبا عادي لاتخاف عليهم مب طايحين سوبر مان وبات مان ههه
ناصر: ههههه الله يقطع ابليسك بروك فهذي صدقت
شجون معصبه: تظنزون حضرتك انت وياه مالت زين.. والتفت على نوف ..نوف يله بسرعه
نوف تشرب الشاهي: اوكي اوكي يله
طلعوا وكمل الكل فطوره وكلن راح على دوامه وام نواف راحت لختها …
عائلة ابو نواف
ابو نواف ..حمد طيب والكل يحبه ويحب القعده عنده عشان كذا مجلسه مايفضى من الشياب او
الشباب وعلاقته قوية مع اخوانه..
ام نواف ..منيرة آية من الجمال رغم كبر سنها ام حنونه وطيبه لابعد درجه وهمها عيالها وزوجها
الكل يحبها وماحد يزعل عليها…
نواف 25 سنه يشتغل في شركه ابوه مع اعمامه وخاله مزيوون بمعنى الكلمة ملامحه حادة له هيبه
ورزه بين الكل شياب او شباب الكل يحترمه ويقدره ..
نوف توام نواف 25 سنه تدرس طب اخر سنه لها مزيوووونه ماخذه من نواف واجد لدرجه لو انها
ولد مايفرقون بينهم بس الفرق ان عيونها وساع وبنيه فاتحه عكس نواف عيونه بني غامق طيبة
وتنحب وتدخل القلب بسرعه…
مبارك 23 سنه يدرس هندسة معمارية اخر سنه له حلو لدرجة انه يشابه امه شوي وفيه من حدة
اخوه نواف احلى مافيه انه عبيط وعنده قاعده تقول (( اضحك للدنيا تضحك لك ))<<هههه فالها..
شجون 21 سنه تدرس كيمياء باقي لها سنة ونص وتخلص فيها شوية غرور لانها حلووه بشكل
وجسمها حلو تشابه ابوها وملامحها حادة بس احلى مافيها عيونها نفس عيون غرام بس عيونها
عسليه و مشكلتها دايم مستعجله ماعندها وقت هههه…
بدر 20 سنه يدرس ادارة اعمال مزيوون جماله هادي ويشابه عمه ابو محمد ماخذ من ملامحه واجد
دمه خفيف وعبيط لدرجه وطيب لابعد درجه …
بندر توام بدر 20 سنه يدرس ادارة اعمال كوبي بست من بدر حتى ماحد يقدر يفرق بينهم بس هو
طبعه هادي ويكتم فقلبه مايفضفض الا لتوام روحه اخوه بدر ويحب بنت خالته وعمه بس محد يدري
غير بدر وشوق اللي علمتها اخته بس يدرون انه يبيها لانه خطبها بس بعد يضحك واذا ضحك ماسكت<<يحاول يفرغ اللي فقلبه بالضحك…
آخر تؤامين….:
ناصر 18 سنه اصغر العيال يشابه ابوه واجد لدرجة ان يقولون له دايم حمد وهو صغير كان نسخت
ابوه وهو صغير حبوب وطيب وقلبه ابيض يحب بنت خاله وعمته رفعه والكل يدري انه يبيها …
وصايف توأم ناصر<<العائله كلها توأم ههههه >> غير عن ناصر ماتشبهه ابد بس ملامح بسيطه
بس دمها خفيف مثل اخوانها ولو ان فيها خصوصيه تحب تقعد بروحها اغلب الوقت بس تنحب
واقرب وحده لغرام اختها…
غرام اخر العنقود 17 سنه ثاني ثانوي نسخة امها عيونها وسيعه ولونها اسود مكحله من الله فيه
ا لمعه تسحر كل شي فيها يجنن هي احلى اخونها وخواتها مزيووووونه قليله بحقها بس نفس طبع
اخونها ماخذه منهم خفة الدم والرجة وماخذه طيبه وحنية امها وعقل ورزانة ابوها وحكمت عمامها
واهم شي بحياتها(العنود وشوق)..
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
وصلت غرام المدرسة بعد ماوصلها مبارك دخلت وتمت تنتظر عند باب
المدرسة من داخل بعد خمس دقايق وصلت العنود رفيقتها وبنت خالتها وعمها وتؤام روحها سلمت
عليها وضمتها كانهم سنين مب شايفين بعض هذي حالتهم كل يوم
العنود وهي ميته من الوناسة: غروم وناسه بنفتك بس وين اختنا فالله دايم متأخرة
غرام وهي تطالع البوابه: حتى انا اوف فكه هههه تلقينها تفطر لازم سنه عشان تخلصــ…… <<قبل
لاتخلص كلامها وصلت شوق بنت خالتها الثانية وعمها وتؤام روحها الثانية
شوق وهي تفسخ الشيله: هلا هلا هلا وغلا بروحي ودنيتي وحياتي كلها يابعد قلبي انتوا
العنود وهي تضمها : هلابج يابعد خلاني انتي
شوق: فديت روحج
شوق راحت وضمت غرام وتبوسها: هلا بزينت الحلا كله
غرام تضمها بقوه: الا انتي الحلا كله
العنود : اقول بسكم رومنسيات خلصنا امشوا ندرس قبل الامتحان
البنات : اوكي مشينا … ودخلوا داخل المدرسة وبدوا يراجعون مع البنات
في الشركة كان الاخوان الاربع مجتمعين – ابونواف-ابو محمد(ابو شوق)- ابو صالح(ابو العنود) –
سالم……<<بعدين راح تعرفونه
ابو محمد : انزين شراح نسوي اذا ماردينا بتروح علينا الصفقه
ابو نواف: اي بالله وراح نخسر كل شي
ابو صالح: نتوكل عالله ونوقع قبل لايربحها غيرنا وتروح علينا
ابو نواف: خلاص ان شاء الله انا راي من رايك ياخوي شرايك ياسالم
سالم بقهر: لا انا من رايي نفكر عدل
ابو محمد: شدعوه ياخوي السالفه ماتحتاج اقول يابو صالح كلم بو ظافر وشاوره شوف شرايه
ابو صالح : ان شاء الله ياخوي ع امرك
سالم تنرفز يوم سمع طاري ابو ظافر وطلع وهو معصب من عندهم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
ابو صالح-عبدالله- اخو ابو نواف اصغر منه بسنتين نفس طبع ابو نواف
طيب وحنون على عياله متعلق بعيال اخوانه ويعتبرهم مثل عياله….
ام صالح –شيخة- ام ولا كل الامهات طبعآ هي اخت ام نواف وام محمد تشابه خواتها واجد ونفس طبع
خواتها حنونه وطيبه وتدخل القلب بسرعه…
صالح 23 سنة يدرس هندسة معمارية اخر سنه له رفيق ولد عمه مبارك الروح بالروح من هم صغار
وهم مع بعض جماله متوسط وملامحه هادية وطبعآ دمه خفيف على رفيق دربه بس من يومه صغير
قلبه تعبان يعني اقل شي يأثر فيه ويتعبه….
العنود 17سنه ثاني ثانوي مزيوونه تشابه غرام وشوق واجد اللي يشوفهم يقول تؤام بس في فرق
بسيط بينهم ويتشابهون حتى في الطبع والصفات واكثر شي يهمها فحياتها (شوق وغرام)<<يالبى
صداقتهم….
نهاية الدوام في المدرسة طلعوا البنات من الامتحان وكل وحده شاقه حلقها من الوناسة كن بكره العيد
ويصارخون ويسلمون على بعض وطبعآ لايخلوا الوداع من الدمووووع<<ههههه هذي انا شي
اساسي عندي >>
غرام وهي تصيح: ياحياتي ياالهام والله بفقدج
الهام تضحك: ههههه والله انتي اكثر فديتج ان شاء الله نتقابل قريب
غرام تضمها: الله يقطع ابليسج مافيج ذرة احساس ياخي قدري شعوري انا اصيح وانتي تضحكين
الهام تبوسها: هههه شسوي خليت الدموع لج
العنود تسلم على ملاك:ملوكه بتوحشيني يالدبه
ملاك تصيح وتضحك: وانتي اكثر يالضعيفه
شوق تضحك عليهم : الله يرج ابليسكم تضحكون وتبكون
منار دموعها على خدها : والله بتوحشوني بنات مالت عليكم
البندري: انزين لازم مالت عليكم حتى انتي بتوحشينا يالمرجوجه هههههه
بعدها سلموا كلهم على بعض بس غرام والعنود وشوق مب لازم يودعون بعض لانه شي طبيعي
بتقابلون اربع وعشرين ساعه …والكل راح على بيته
الظهر12:15 فبيت ابو صالح كان قاعد هو وام صالح بنتظرون العنود وصالح على الغدا بعد شوي
وصلوا وبدى الصراخ في البيت بصووت العنود
العنود وهي تصارخ وتبوس ابوها: يبا تصدق خلاص خلاصنا افتكيت
ابو صالح يضحك: الله يوفقج هذا وانتي ماوصلتي ثالث ثانوي بس بطيتي اذني اجل فالثانوية العامه
وش بتسوين
العنود : من المدرسة عالمطار طبعآ
ام العنود: اي هين روح بدلي وانزلي تغدى الله يخلف على البنت استخفت هههه
صالح يضحك: اي بالله يمه مب بنت انا شاك فيها
ام صالح : بسم الله على بنيتي حدك عاد مارضى عليها
صالح يصفر: عااش المحامي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
ع المغرب 6:02 كانت ملاك تكلم حبيب قلبها منصور
ملاك وهي تضحك: منصور عاد والله بموت من الضحك
منصور: فديت الضحكه وراعيتها .. اقول ملوكي ممكن طلب
ملاك: امرني
منصور بخبث: مايامر عليج عدو مممم ابي اشوفج اليوم ضروري اشتقت لج
ملاك بخوف: مدري والله اخاف
منصور: من وشو بس شوي عالبحر محد راح يشوفنا
ملاك بنفس الخوف: مممم مادري بسـ …..
قاطعها منصور: لابس ولا شي تكفين ترى بزعل
ملاك بسرعه: لا كله ولا زعلك خلاص وعد
منصور بفرح: صدق وعد
ملاك: اي اوعدك خلاص برتب الوضح واكلمك
منصور بارتياح: اوكي خذي راحتج مع السلامه
ملاك سكرت وراحت تستاذن من امها عشان تروح عند منار ومن هناك تروح لمنصور من دون لايدري احد…
فبيت ابومحمد اخوهم الكبير يشابه اخوانه في كل شي بس العيب الوحيد اللي فيه انه عصبي شوي
غير عن اخوانه بس طيب ويحب عياله وعيال اخوانه واجد….
ام محمد – وضحه- اخت ام نواف وام صالح طيوبه وحنونه ووام مثالية مثل ماقلت تشابه خواتها …
محمد – 20 سنه يدرس ادارة اعمال طويل ومزيون وقلبه ابيض ودمه خفيف هاادي بس وقت الجد
عصبي شوي رفيق بدر وبندر دايم هم الثلاثي مع بعض مسمينهم الثلاثي المرح…
شوق-17 سنه ثاي ثانوي طبعآ مثل ماقلت تشابه غرام والعنود روح في ثلاث اشخاص جميلة وطيبه
ودمها خفيف وحساسه ونعومه وهاديه بس مب دايم واهم شي بدنيتها(غرام والعنود)<<الله لايغير
عليهم
راكان-14 سنه يدرس ثاني اعدادي احلى من محمد بشوي ملامحه حادة طبعه مثل مبارك ولد عمه
وفي العبط محد ينافسه…
شهد-10 سنوات رابع ابتدائي مزيوونه بشكل احلى وحده بين اخونها ملامحها بريئة وناعمه
وحساسه لابعد درجه بس فيها شويه غرور لاكنها تنحب…
……………………
شوق تصارخ: يما شهد انزلوا ماصارت تأخرتوا
ام محمد وهي نازلة: بسج صراخ خلاص نزلنا
شوق: وبنتج وينها؟؟
ام محمد: هذي هي وراي جاية.. ابوج واخوانج راحوا؟؟
شوق: اي منذ مبطي واحنا تاخرنا شهوده اخلصي
شهد وهي نازلة: اوف خلاص بطيتي اذني
شوق طلعت عيونها: لا والله اصغر عيالج هين لارديت براويج شغلج
وبعدها راحوا لجمعتهم فبيت ابو صالح كان الكل مجتمع هناك وفالينها……
((معلومه صغيرة الاخوان الثلاث بيوتهم جنب بعض يعني فحوش واحد بس بينهم طوفه وفاتحين باب
صغير بين كل بيت وبيت بحكم العيال والبنات كبروا فمايصير يخلون البيوت مفتوحه فبعض بس سالم بعيد عنهم))
فنفس الوقت راحت ملاك عند منار وقعدت شوي وراحت بس ماقلت لها انها بتروح لمنصور لانها لو
درت ماراح تخليها لانها دايم تحذرها منه وتقولها انها مب مرتاحت له وانه يكذب عليها بس منصور
ماثر على ملاك لدرجه انها تكذب الكل الا هو حتى منار رفيقت عمرها … راحت ملاك السييلين عشان تقابل منصور هناك…
فهالوقت كان الكل مجتمع فبيت ابو صالح – ابونواف وعياله –اب محمد وعياله-واخوهم سالم((طبعآ
سالم اصغر اخوانه مب متزوج وعايش فبيت بروحه مايحب يقعد مع اخوانه ولو انهم قالوا له انه
يجي ويقعد فبيت اي احد من اخوانه بس هو رفض بس يجاملهم لكن لو عليه مايجيهم لان طبعه غيور
ومايحب الخير الا نفسه واناني))
كانوا الرجال والعيال قاعدين فالمجلس والحريم والبنات داخل وفالينها رقص وسوالف
شجون قعدت وهي تنفس بقوه: اف تعبت خلاص …. مابي تعبت كملوا انتوا
نوف تضحك: ماقولج عجيز هههههه
بعد شوي قعدوا البنات يسولفون فنفس الصاله اللي فيها الحريم بس ابعد شوي وصايف والعنود
ونوف وغرام وشوق وشجون وشهد قاعدة تطالع فيهم من فوق لتحت <<يعنيني ماحب هالاشكال
وصايف تطالع شهد: اقول ياحظي شفيج تطالعينا كذا ليكون مب عاجبج احد
شهد تضحك: شسوي مليت منكم كنكم نسيتوا اني معكم
غرام راحت ولمتها : يالبى هالبنت باكلها … ((وقعدت تبوس فيها))
عند الحريم يخططون لسفرة الصيف <<احلى شي
ام نواف: الا وش رايكم نروح الامارات
ام صالح : اي بالله صدقتي يازين الصيف عندهم يبرد الخاطر
ام محمد: خلاص اجل نقول للرجال ونشوف رايهم ويوم الاثنين نمشي يمدينا نجهز
ام نواف : خلاص صار بعد العشاء نشاورهم ونشوف
ام صالح: هههه خل البنات يسمعون الحين بيطبون علينا
شهد راحت لامها: يما اسمع طاري سفر
ام صالح:هههههه مشاء الله امداج تسمعين
شهد تضحك: اي خالتي بس ماقلت لهم نذالة
ام محمد: هههههه فديتها دلوعتي خليها مفاجئة لاشاورنا الرجال
شهد بخبث: افا عليج لاتوصين حريص
وتموا يضحكون عليها صدق صغيرة بس عقلها وسنها اكبر منها..
عند ملاك … طبعآ راحت له وشافته قعدوا يسولفون وشوي ركبها الطراد وقعدوا يتمشون فالبحر
ومانتبهوا للي عيونه عليهم كانت قاعده جنبه وتسولف معاه
ملاك برومنسيه: تدري حبيبي مدري شلون بتصير حياتي بدونك
منصور يطالعها ويبتسم: يابعد قلبي لاتخافين انا لج وانتي لي
ملاك تطالعه بجديه وبرائه: اكيد ماراح تتركني وبتم معاي؟؟
منصور بخبث: اكيد ليه انتي عندج شك بهالشي
ملاك ضمته:اكيد ماعندي شك
((غبيه وواجد مثلها يصدقون اي واحد قال انه يحبهم وقالهم كلام احلى من العسل ومايفكرون فهلهم
ولا فسمعتهم ومايفكرون لو انه وحده من خواتهم شلون راح يرضى عليها بس شنقول الله يهدي الجميع ويستر على الكل))
في هالوقت فبيت ابو جاسم(ابو ملاك) – اب حنون وطيب بس مريض بالقلب عشان كذا متقاعد ومافيه
شده للشغل ومسك ولده الشغل من بعده..
جاسم -24 سنه طيب مثل ابوه ملامحه هادية وحنون على خواته يشتغل فشركت ابوه له هيبه بين
الرجال و الكل يقدره..
دانه- 21 سنه مزيونه ومتكبره شوي ومغروره بس بويه وتدرس علم احياء ….
ملاك-17 سنه ثاني ثانوي جمالها عادي بس ملامحها بريئة وتجذب احلى مافيها جسمها كنها عارضة
ازياء بس مشكلتها تصدق اي شي بسرعه…
نايف-15 سنه ثالث اعدادي مزيون احلى اخوانه رجال صغير وقف جنب اخوه وابوه بعز ضيقتهم
مهتم فدراسته وشاطر رزين وعاقل اللي يشوفه يعطيه اكبر من عمره حتى له حضور بين الرجال والكل يحترمه ويحترم اخوه…
.
كان جاسم قاعد فالمجلس بروحه شوي رفيقه اتصل عليه اسمه خالد
جاسم: هلا خلود شحالك؟؟
خالد بحزن: الحمدلله بخير صدق جاسم تعال السيلين ابيك ضروري في شي لازم تشوفه
جاسم خاف من نبره صوته لكنه قال:يلا الحين جايك دقايق وانا عندك
سكر جاسم وراح له على طول واول ماوصل تم يدور عليه الين حصله
جاسم بخوف: هلا خالد امرني وش اللي لازم اشوفه
خالد بدون مايطالعه اشر على الطراد اللي توه واقف جاسم اول ماطالع شاف اخته مع واحد وتوهم
نازلين
خالد:جاسم هدي اعصابك احنا فمكان عام
جاسم معصب: بذبحها
خالد بهدوء: حاول اول ماتنزل تاخذها بدون لاينتبه احد
جاسم راح صوبها وهي اول ماشفته من الصدمه تحس رجولها ماتشيلها مسكها من ايديها وصار
يسحبها شوي شوي وماسك اعصابه:ملاك امشي قدامي
ملاك تلعثمت ماعرفت شتقول: جـ….اسـ…..م
والله نزلتها وانا خايفه بس عسى ترضيكم كل ودي لكم…
ملاك بجد نفس نوعية البنات الغبيـات اللي يصدقون الكلام بسرعه
لكن إبتعدي عن قصص الحب المستهلكه ووالمتكرره
وصراحه كرهت سالم ماادري ليه
وحبيت أخوان غرام فللله
أما أخت ملاك دانه أنا مأأيد إنها تكون بويه عشان لاتتعرض روايتك لأي شي يعني ياريت تطلعي على موضوع قضايا وراح يفيدك حيل
المهم نرجع للراوييه هي يعني حلوه لكن أنتي لسه بالـبدداييه
والبـارت أحـداثه سريعه وسردتيها بسرعه ويعني ماحمستيـنا ولا سويتي قفلات وهيك يعني عشان الحماس
ومثل ماقلت لك إبتعدي عن قصص الحب المتكرره وياريت تكبري الخط يعني تخليه 5 عشان عيوني شوي فيها مشــكله ^ـــ^
وعندي سؤال
الروايه سعوديه ولا كـويتيه ؟؟
اما عن قصص الحب المتكرره اذا عن شوق وبندر هذا شي طبيعي دامها بنت عمه وخالته ومتربين مع بعض ونص الرواية واقعيه
سوا صارت لي او صارت لناس اعرفهم وللحين هذي البداية وملاك قصتها بتوضح فالبارت الثاني
وبتعرفون شنو سالفتها بالظبط اما اختها دانه شخصيتها ثانويه يعني بس للذكر والشخصيات راح
تقل مع البارتات الجاية والاحداث احلى واحلى بس للحين ماحطيت احداث بس تابعي وبتعرفين وكل اللي تبينه حاضره وبكبر الخط
ان شاء الله والرواية قطرية ^_^ مشكوره حياتي ع المرور
جاسم: يلا قدامي قبل لا ادفنج بالحيا
ملاك بخوف وارتباك من شكله: لـ…حظـه باخذ…..شنطتي
جاسم خلاص ماقدر يتحمل عطاها كف:ملاك لاتخليني اذبحج الحين امشي قدامي
ركبها السياره وراحوا البيت والله يعينها على اللي بجيها … كل هذا صار قدام عيون خالد قال بحزن:
ليه ياملاك ليه انا احبج ليه بعتي نفسج لهالكلب ليه ليه؟؟
وصلوا البيت نزلها من السيارة بالقوه طول الوقت فالسيارة ركبها ورا ماكان له خلق حتى يشوف
وجهها طول الوقت ماسك اعصابه الين يوصل البيت واول ماوصل صار يضربها ويشد شعرها وكسر
عظامها سمعوا صياحها وصراخها وطلعوا بس انصدموا ….
فبيت ابو صالح بعد ماتعشوا راحوا الرجال الصاله وقعدوا مع حريمهم بما ان مافي احد غريب والعيال
معاهم اما البنات كانوا قاعدين في الصاله الثانية قريبه من صاله الحريم بس ماحد يقدر يشوفهم
ابو محمد يفكر:والله ماعندي مانع نغير جو وش رايكم انتوا
ابو صالح: وانا ماعندي مانع
ابو نواف : وانا بعد معاكم… ها سالم وش رايك تخاوينا
سالم يفكر: لا انا عندي اشغالي لاخلصت لحقتكم
بدت لقافه العيال والبنات واولهم…………….
راكان : اقول الحين الناس يصيفون باروبا وانتوا فالحين تصيفون فذا الحر
محمد بتأييد: اي بالله صدقت ياخوي قولوا نروح فرنسا اسبانيا بريطانيا المانيا ايـ…..
قاطعته غرام بلقافه: لا لا نروح ايطاليا تكفون
بدر ومبارك وناصر ماتوا من الضحك:هههههههههههههههههههههههههه
نواف: الا يما بسألج انتي وش فكرتي فيه يومج حامل بهالبنت
ام نواف : مالك شغل فبنتي كيفها لو تبي تروح المريخ وديتها
صالح: اما خالتي المريخ مرة وحده ياحظج يابنت عمي
ناصر يضحك: اقول يما ليكون بدلوا اختى بوحده ايطاليا عشان كذا تحن تبي تروح لديرتها
راكان: يرحم امك شنو ايطاليا شايف الشعر اشقر ولا العيون زرق
غرام بعصبيه: يبا شوفهم
ابو نواف: ناصر ركان خلاص خلوا البنت فحالها … ولايهمج يبا انا اوديج بعد مانروح الامارات وعد
غرام تطول صوتها: ياجعلني افداك يبا الله لايحرمني منك
ابو نواف يضحك على بنته: ولامنج دلوعتي
ابو صالح: اقول ياخوي بسكم غزل فبعض نحن هنا
صالح: خطير يبا تعرف الاغنية
ابو صالح: اقول اسكت بس ماتنعطى وجه
عند البنات شوق بتموت ودها تشوف بندر صارلها فترة ماشافته فالعادة تلمحه عالاقل بس هالمرة ابد
ماشافته ماقدرت تبي تسمع صوته عالاقل شتسوي مالقت الا غرام
شوق بفضول: اقول غرام مممم شخبار اخوانج ..مم اقصــ…….
غرام قاطعتها : قولي بندر من الاول وبس
شوق تضحك بخجل: شسوي استحي
غرام ترفع صوتها: اقول اخوي بندر شخبارك من الصبح مب شايفتك
بندرفهمها((اهـ يالعيارة ههه من الصبح اجل)): بخير يااختي حتى انتي ماشفتج
بدر ضحك وضربه على بطنه وقال بهمس: يالعيار انت واختك عشان الحب ها
بندر بنفس الهمس: جب الله يفضحك لاحد يسمع
بدر: هههههههههههههههههههههههههههههههههههههههههههههههه
شوق ذابت على صوته ودها تكون معاه ودها تكون ملكه بس لازم تخلص دراستها((الكل يدري انه
يبيها لانه خطبها وعلى بالهم بنت عمه واقرب له بس مايدرون انه يحبها وميت فيها))
شافوا ملاك طايحه عالارض والدم طالع من فمها وراسها وايدينها وجاسم قاعد يضرب فيها برجوله
وهي تبكي وتترجاه: حرام عليك خلاص تكفى
جاسم: جب ولا كلمة بعد لج نفس تكلمين
ابو جاسم بعصبية: جاسم وجع اترك اختك
جاسم مايشوف قدامه غير انه يبي يذبحها:مب تاركها بذبحها اليوم صدقني ماتستاهل
تعيش….<<وكمل ضرب فيها وهي تبكي بحسره والم
نايف ركض وسحبه بقوه:خلاص اتركها وفهمنا السالفه
بعد جاسم بالقوه وهو يسبها:الحيوانه لقيتها راكبه مع واحد طراد لا وفالينها ماعليهم من العالم
والناس….. <<وطلع من البيت شغل سيارته وراح لمكان مايدري وين
الكل انصدم ماتوقع هالشي ابو نواف قلبه عوره وماقدر يوقف يحس انه انشل عطاها نظره وراح
ونايف منصدم وانربط لسانه ماعرف شيقول امها مسكتها من شعرها وعطتها كف يزيد عذابها والمها
الكل طالعها بنظره كره وحسسها انها حقيره الا اختها خذتها ودتها غرفتها وصارت تضمد
جروحها :ملاك شلي صار بالضبط مافهمت شي من جاسم شلون يعني شافج مع واحد ووين ومتى
اصلا طلعتي
ملاك ودموعها تنزل من الالم:ط..طلعت..مع منصور..ر
دانه وعلامات الصدمه فوجهها:ملاك انتي شلون سويتي كذا انتي تدرين انهم راح يذبحونج شلون
طاوعج قلبج مافكرتي ان احد من اهلي راح يشوفج ليه ليه ياملاك ليه..
ملاك تصيح بكل قوتها: بس خلاص لاتزيدين علي صار اللي صار بس تكفين
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ
مر اسبوع ع هالاحداث وع ملاك اللي حابسينها فالبيت ماتطلع حتى من باب غرفتها وحرموها من
الجوال بس مايدرون ان عندها جوال ثاني اما عائلة ابو نواف واخوانه كانت اليوم موعد رحلتهم بس
بالسياره رايحين الكل قعد من الصباح وجهز اغراضه ومشتطين البنات وحالتهم حالة والعيال جهزوا
السيارات وكانوا يشوفون شلون الترتيب
ام نواف تكلم عيالها : بندر نواف ماتبون تغيروون رايكم مب مرتاحه تعالوا معنا وانا بقنع نوف اكيد
بتروح دامكم رايحين الشغل والدراسه لاحقين عليها..
نواف قام وباس راس امه: يما جعلني افداج خلاص انتوا روحوا احنا لاخلصنا بنجي تدرين الكل رايح
ولازم احنا نتم ونوف ماباقي لها شي ع امتحاناتها وتخلص وبنجيكم ان شاء الله..
بندر: وهو الصادق يما انتوا لاوصلتوا وريحتوا شوي وخذت لكم كم يوم بتلقونا فوجيهكم ترى الايام
تمر بسرعه كلها كم اسبوع واحنا عندكم بإذن الله…
ام نواف : ع رايكم وهواكم بس لاتاخرون يله انا بروح اشوف باقي الاغراض
نواف : قواج الله يما…ولف ع بندر : اقول بندر
بندر: سم
نواف: شخبار عمي سالم ماسمعت عنه خبر
بندر تضايق من طاري عمه مايحبه ابد: مدري عنه خله ع هواه هو الخسران
نواف بضيق: الله يهديه بس
ــــــــــــــــــــــــــــــــــ
اما فبيت ابو صالح نفس الحال مع الحوسه والازعاج الكل حايس بتجهيز الاغراض
العنود وهي تصارخ: يما وين الخدامه خليها تنزل باقي الاغراض
ام صالح: زين زين لاتصارخين الله يخلف علي بس ماعاد في نعومه بهالزمن
صالح نازل من الدرج وهو يضحك: هههههه يما قلت لج بنتج هذي منتهيه ماحس ان فيها انوثه ابد
هههههه
ام صالح : مايخصك فيها هذي الغاليه جعلني مافقدها..
صالح يسوي نفسه زعلان: يعني انا ولد البطه السوده
ام صالح دمعت عينها وضمت ولدها: وربي مالي اغلى منكم انتوا الاثنين جعل ربي يخليكم لي ذخر
واشوف عيالكم وعيال عيالكم
صالح وهو يبوس راسها وخدودها: امين يالغاليه ويخليكم لنا انتي وابوي يارب
ـــــــــــــــــــــــــــــــــــــ
وفبيت ابو محمد بعد نفس الحالة وشهد من الصباح تصيح مب لاقيه باقي اغراضها
والبيت معتفس وشوق ضايق خلقها ومقبوض قلبها وكلمت البنات وقالولها يمكن من السفر او عشان
النتيجه مب صاير شي ان شاء الله تطمنت شوي بس للحين تحاتي
محمد وركان خلصوا كل اغراضهم وراحوا يمرون ياخذون عيال عمهم ع حسب ترتيب السيارات وهي
راح تكون:
سيارة ناصرفيها: ناصر وصالح قدام ورا البنات اللي هو الثلاثي المرح ((شوق ـ عنود- غرام)) والاغراض
سيارة مبارك فيها: مبارك ابومحمد قدام بحكم انه الكبير وابو صالح وابونواف وراكان
سيارة محمد فيها: محمد وشهد قدام وام محمد وام صالح وام نواف وشويه اغراض
سيارة بدر فيها: خواته شجون ووصايف وباقي الاغراض وباقي الخدامات يعني ثلاث خدامات بما ان
السيارة جمس وكبيره حطوا اكثر الاغراض فيها..
وبكذا صارت الساعه 5 المغرب وحركوا كل السيارات وتوجهوا للامارات اول شي….
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
كل ها الدنيا بلايا… والله عالم بالنوايا…
قد سمعت الحب قاتل… لكن ما اعرف بالخبايا…
ما خطر بالبال لحظه… أني واحد من الضحايا..
ليتني ما عشت ساعه… ليتني ذقت المنايا,,,
ملاك كانت قاعده فغرفتها وملانه اشتاقت لمنصور وودها تكلمه ماتابت من اللي صار طلعت الجوال
اللي خاشته وكلمته قالها لازم يشوفها بس هي رفضت قالت له اهلها حابسينها بس هو اصر عليها
انها تجي ويوم حاولت تفهمه انها ماتقدر لان الباب مسكر والمفتاح عندهم :ملاك ترى صورج كلها
عندي وانتي استغفر الله يعني اخلصي علي وتعالي والا الديره كلها بتدري عنج…
ملاك تصيح ومنصدمه من اللي قاله: منصور انت شتقول حرام عليك ليه تسوي فيني كذا انت مو
تحبني مو بتزوجني منصور خاف الله فيني ((وصاحت بكل قوتها))…
منصور حن قلبه لكن قساه: هههه تدرين ملوك كنت احبج وناوي اخطبج بس انتي سلمتيني نفسج
بدون مانع اجل لاتلوميني منج انتي السبب مب انا المهم انتظرج وبعد ساعه الكل بيكحل عينه بشوفتج
يله مع السلامه…
تمت تصيح وتصيح وتوها حست بغلطها طول الوقت كانت تطلع معاه ويوم جا وقالها ابيج تصيرين
حلالي ماقلت له تزوجني بالاول قلت انا كل حلالك وهو انصدم ماصدق بس وش بضره سوا اللي يبه
وخذ حاجته ولو انه كان يحبها لكنها بغبائها باعت نفسها وسلمته جسمها وشرفها وماكانت تدري ان
في قلب ثاني تعلق فيها وكان متعلق فيها من يومها صغيره بس حسافه ماعاد ينفع الندم الحين طاح
الفاس بالراس,,,,
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ
وصلت كل السيارات حدود الامارات كانت الساعه 3:12 الفجر بس بعد مادخلوا الحدود بشوي صار
اللي ماتوقعه احد بدون سابق انذار انقلبت سيارت الشياب اللي سايقها مبارك ومحمد من هول المنظر
ماسيطر ع السياره اللي سايقها وفيها الحريم وانقلبت اما بدر ماكان منتبه كان يطالع يساره ومطلع
راسه لسيارة ناصر لانها وراه وصارخت شجون بس مافي فايدة دخل فسيارت محمدو ناصر كان
مسرع وخذ بريك فجأءة الين ضرب راسه فالقزاز الللي قدامه ونزف راسه اما صالح ع طول نزل
ونزلوا معه البنات غرام رحت وشافت امها طايحه برا السياره وكلها دم من الصدمه ماصاحت بس
كانت تهز امها والعنود وشوق كل وحده راحت تشوف امها وابوها واخوانها صالح من اللي شاافه
ضاق نفسه وقلبه تعب الين طاح ووقف النفس عنده ودقات قلبه ودعت الدنيا شوي غرام راحت لخوها
ناصر لقته اغمى عليه مايتحرك تقومه وتهزه وتكلمه بس مافي فايده شوق تصيح من هنا والعنود
تبكي من هنا وشوق مانتبهت لخوها انه طايح كانت في سياره ماره من جنبهم ومن شافوا الحادث
وقفوا كانوا اربع شباب ((مبارك – احمد – مشعل – خالد))
مبارك وقف يوم شافهم لانه هو اللي يسوق: شباب مو كنها سياره منقلبه
مشعل طلع من السياره:الا ثلاث سيارات مب وحده تعالوا خل نشوفهم
نزلوا وراحوا صوب السيارات وخالد ع طول اتصل ع الشرطه والاسعاف مبارك راح عند البنات كانت
كل وحده فحاله العنود ضامه اخوها صالح وتشاهق وصوتها رايح وشوق واقفه تطالعهم وساكته تبي
تصحى من اللي فيه تغمض عيونها وتفتحها تقول حلم بس يطلع لا وتشوف المنظر اللي يقطع القلب
ويدميه اما غرام كان نظرها مركز ع ناصر تبيه يتحرك بس ماتحرك ابد اللي هون عليها انه يتنفس
قرب منها مبارك لانها اقرب وحده له قعد جنبها وكلامها بكل حزن من الحال اللي اهم فيه قالها بكل
هدوء: هذا اخوج؟؟
غرام وجهها كله دموع : اي اخوي.
مبارك : شفيه؟؟
غرام مارفعت راسها : ضرب راسه بالقزاز.
مبارك بحزن : يتنفس؟؟
غرام صاحت وللحين منزله راسها : الحمدلله.
مبارك وده يمسح دموعها ويضمها بس تذكر انه مايصير : الحمدلله خلاص تصبري الحين بيجي الاسعاف ومافيه الا العافية.
توقعاتكم شلي راح يصير البنات بروحهم وماحد معهم وناصر راح يموت ولالا؟؟
ملاك صدق منصور خاش لها صور ولالا؟؟
ووش سالفه مبارك وربعه وهل راح يكون لهم قصه فحياة ابطالنا؟؟
وهل الحادث هو فعلا حادث ولا متعمد؟؟
الاحداث احلى والاحلى فالبارت الجاي واتمنى الاقي الرد منكم اشوفكم ع خير حبايبي
وان شاء الله تنال رضاكم