يالصغير مايكبرني لقب

يالصغيـر مـا يكبرنـي لقـب 0000ومايصغرني اليا انكرني صغيـر

ما خذينا الصيت من جمع الذهب 000ولا نسابة شيـخ أو قربـة أميـر

كاسبينه من هل السيف الحـدب 000الجنايز كـان مـا جـاك النذيـر

صيتهم نجم علـى راسـه لهـب 000سمعوا الصقهان به واجهر ضرير

بالوفا تاريـخ ابيـض ينحسـب 000لا حكوا بالحق حييـن الضميـر

ضيغمي ٍ للسناعيـس انتسـب 000لابت ٍ طلنـا بهـا عـرش ٍكبيـر

عند حدك يا كثيـر الهـرج تـب 000ولا تمر النار وثوبك من حريـر

كـان لـك عـز ٍ بذلـي فتعقـب 000والله إلا تبطـي وحبلـك قصيـر

احسب انك من صناديـد العـرب 000واثري ساترتك عباتك يا غريـر

ما حسب لسّـوس زراع القصـب 000والقراده مـادرا عنهـا البعيـر

لو حسبنـا للحسايـف والتعـب 000مابذرنـا يالعصافيـر الشعـيـر

عـن هلـك وبرأي لله احتسـب 000الرجال اللـي مجاراهـم عسيـر

من قريش المصطفى وأبو لهـب 000والدغالب ما غشت عذب الغديـر

للرجال مـن الرجاجيـل العتـب 000والزكاة اتحل فـي حـال الفقيـر

لعن ابو وقتٍ غدينا بـه حطـب 000تحرقـه نـارٍ…. بثورها أجيـر

ما ألومك الزمن سـوا العجـب 000هو بقى غيـر الكرامة بالجفيـر

مـا أذل والرأس يـشـم اللهب 000لو بقى من شمر ٍ طفـل ٍ غريـر

ما أهاب ولا يزلزلنـي غضـب 000الشجاعـة ورث والعاقـل غزيـر

يـا صغيّـر مـا يكبـر باللقـب 000غير منهو كان من دونه صغيـر

اهداء الى عاشق طلال الرشيد الاخ / عاشق الاهات
ساري جدة

[/all1]