ياكثر اللي يتضاحك لي وقلبه بالمرض مغمور

تلاطم بالضلوع العوج موجن عاتين وبحور
ولامن مركبن وشراع يامن ثار ثايرها

أنا ما لي بهالدنيا سوى قلب وقلم وشعور
صديق صادق ياقف ليا صكت معابرها

وليا ضاعوا بلياها حياة من نكد وعثور
فلا مطرودها ملحوق من كثرت عفايرها

أنا قلبي دليلي في زمان مدبر مسعور
كبيرن مايهمه لو تحاول به صغايرها

ألملم بالقلم أشتات روحي في ورق وسطور
وأنثر كل معنى في ضمير اللي يناظرها

لي أحساس يصور ما يحوم بداخلي ويثور
صدوق وأعذب الأشعار ما تصدق مشاعرها

صديقي صعبن أختاره بعالم بالألم يمور
حسود وجاهل وراعي مصالح مع مكابرها

يا كثر اللي تضاحك لي وقلبه بالمرض مغمور
على وجهه يبين اللي يخبي في سرايرها

صديقي مأمني ياقف معي بالخير وإلا شرور
ولايذيع الذي بيني وبينه فعل غادرها

ولاينسى ليالينا ولاهو جاحد ومغرور
مواقفنا القديمة دايمن بالخير ذاكرها

ياليت الروح بحمول المصايب والعذاب يثور
دخيلك شيلهايامـال ويـن اللـي يثورهـا

عنينا من عنى الدنيا متاهات وشقى ودهور
ولو ان الجبـال تشيلهـا ماظـن تقدرهـا

اذا بظفرك طرفت العين لاتدور على دكتـور
ترى ماتحرق النيران غير اللـي يجاورهـا

لو الدنيا على كيفي اسوقه ولو تجي بعسور
ولكن ماعلى كيفه نغامـر فـي مخاطرهـا

انا وقتي غدر بي مالي حظ بالزمن عبـور
سنين يقطعه ماقسـاه ماترحـم مسافرهـا

ناس كنها تقضي حياته فـي وسـط تنـور
وناس مـادرت عنـه ولا ذاقـت مرايرهـا

انا كلي عذر واللي شكى من هالزمن معذور
وانا ادري جرح روحي زاد من كثرة تعذرها

تسنعنا السعاده يوم صرنا في فرح وسرور
نحاول نخفـي العلـه وتفضحنـا عبايرهـا

على الله كل شيء يسير وايام الزمن تـدور
متى تضحك لنا الدنيا عقب ماشان ناظرهـا