وانشالله انشالله تعجبكم
وكل جزء راح اكمله مرتبط بقدر التشجيع اللي راح القاه<<واثقه
اولا :: التعريف بالشخصيات
فيه شخصيات مهم تعرفونها الحين وفي شخصيات ممكن تعرفونها خلال القصه
اول شخصيه::أمل..18 سنه..بنت جميله وربي معطيها…لكن تنهار بالمواقف الحساسه..وحيده اهلها
هاذي راح تتعرفون على اهلها بالقصه
العايله الثانيه جيران امل…..ابو عبد العزيز((فيصل)) عنده::
1-عبدالعزيز 22 سنه..شاب طموح…يدرس علمي..مو رومنسي مثل اخوه لكن اكثر وسامه ورجوله..كتووم بشكل
غير طبيعي..لكن مع الضغط يقول كل اللي بقلبه…اسمر وطويل شنبه خفيف لكن لايق عليه..اعز اصحابه سعود
2-خالد توأم عزيز لكن غير عن بعض ..ما فيهم ولا صفه مشتركه..لون عيونه عسلي فاتح عكس عزيز عسلي غامق
يدرس ادبي..رومنسي..جذاب لكن مو مثل عبد العزيز..لكن يدخل القلب قبله..شخصيته تجذب..الحياة عنده ايزي
اصحابه هم نفسهم اصحاب عزيز او بالاحى نفس الشله الا ان خالد عنده صديقه العزيز نواف..يشبه خالد لحد معين
4-نوف.19 سنه.بنوته..كيوت..لمستهبله..ما تعترف بشي اسمه حب..تكره حركات البنات مثل مكياج وما الى ذلك
5-لمى..17 سنه..الصديقه الصدوق لامل
6-طلال 16 سنه…واحد بايع عمره..يدخن ويشرب شيشه وما همه احد..ما عنده طموح..جذاب اكثر من اخونه لكن اسلوبه
يخلي الناس ينفرون عنه..لكن حبوب وقلبه ابيض
___
الجزء الاول من القصه يبتدي ببيت بو عبدالعزيز
الكل جالس..عبد العزيز زعلان ونفسه بخشمه
خالد يتحرش بطلال ولمى عند امل..ونوف كالعاده تشرب شاي مع امها وابوها
قام عبد العزيز::انا بطلع…
ابو عبدالعزيز::وين رايح؟؟تعال تقهوا شاهي
عبد العزيز:مالي خلق
خالد بمكر::ترا الشباب بكرا طالعين للبر تعال
عبد العزيز يطلع:افكر
نوف:وينها لمى ما اشوفها
ام عبدالعزيز:وينها اكيد مع امل
طلال يحاول يبعد عن خالد:يبا.. ما قلت لي متى بتجيب لي سياره؟؟
ابو عزيز::اذا شفت درجاتك
طلال:عز الله ما شمينا ريحها
عبد العزيز يدخل ويجلس
نوف:مو على اساس انك بتطلع
عبدالعزيز:يبا ابودي سيارتي الكراج خربانه مدري وش فيها
خالد رن جواله::هذا نواف ابن الذين يدق ويقطع
نوف:ايه على طاريه..تكفا ابي اشوفه
خالد:نعم نعم نعم ..ما عاد الا هو..وينا فيه
نوف:انا تدلعوني نواف…(وتقولها بدلع)..ابي اشوف هو حلو مثلي
خالد:تكفيين يا الليدي ديانا
عبد العزيز بتردد:خالد..اّ .. ممكن اطلب منك طلب
خالد فهم قصده وحب يقهره:اي اطلب..بس اذا رجعت من عند الشباب
عبد العزيز تحطم وسكت
خالد يذب عليه المفتااح::وابيك توصلني..قم
عبد العزيز ابتسم:يا حبي لك
خالد:مو عشان عيونك..لاني ما ابي اسوق اساسا..ها بتجي البر
عبدالعزيز:انشالله على هالخشم
وهم طالعين قابلوا لمى::اهلييين
خالد:وانتي اربع وعشرين ساعه عند امل
لمى:شسوي مسكينه..لحالها..
عبدالعزيز::ما راح ترجعين لها
امى::والله ودي بس عندي بحث على الكمبيوتر
عبد العزيز بإهتمام:اها..طيب طلال ما راح يذاكر عندها..اخبرهم اصحاب
لمى::لا..طلال ما يروح الا اذا كنت معه
خالد:اقووول امش قدامي لا يكثر..ابروح لنواف
طلع عبد العزيز ووصل خالد للشباب ورجع
جلس خالد وفتح الاب توب
نواف:لا سلام ولا كلام..افا خلود
خالد: ماني رايق لك انت اخر واحد يتكلم
بدر يروح يجلس جنبه:شكلك معصب على نواف..ههههههههه
نواف يروح لهم:حركات خلود متى صرت تزعل
عند عبد العزيز..وقف السياره بعييد عن البيت شوي وراح وقف قدام بيت ابو امل
عند امل..تكتب بدفترها..عن خالد.حبها الاول والاخير..تحبه بكل شي فيه..كلامه..شكله..شخصيته..قطع احلامها صوت
جاي من المطبخ..خافت ونزلت بشويش وسكرت الباب وراها
امل:لمى ..انتي رحتي؟؟لمى تكفين لا تخوفيني
راحت للمطبخ ما لقت شي..رجعت فوق..شهقت من الخوف وبنفسها::انا متاكده اني مسكره الباب..ليه مفتوح
دخلت ودمعتها على طرف عينها..راحت على السرير وقرت قراان .. هدت نفسيتها ورجعت راسها لورى وجلست تتذكر
قبل خمس سنين..كيف توفى ابوها..كانت نايمه بحظن امها تتستناه يجيب لهم العشا..بعدين قامت على صوت صياح امها
تتذكر كيف عانت وهي تعيش بدون اب..وتشوف امها تتعب عشان تامن لها حياة كريمه وهم مقطوعين من شجره
راحت بها الذكريا لقبل شهرين .. بدت تبكي اكثر يوم تذكرت اخر كلمات لامها قبل ما تموت..الحين كلهم ماتوا وتركوها
وحيده..ما عندها احد يرعاها..والشؤون الاجتماعيه يودرون على عمها الوحيد اللي ما تعرفه ولا قد شافته
نامت وهي تتذكر كل هالاحداث
دخل عبدالعزيز لغرفتها وجلس يتأملها شوي..سمع صوت وطلع بسرعه من دريشه المطبخ
___
وش تتوقعوون كان عبد العزيز يسوي..؟
ومل؟ بتلقى عمها ولا لا؟؟
واذالقته كيف بتعيش معه؟
وش مصيرها مع خالد؟؟
كله بالجزء الثاني انشالله
اتمنى عجبتكم القصه
وهاذي التكمله
___
رنت لمى الجرس لكن محد رد رجعت للبيت
رقت فووق عند نوف
لمى::نوف ابي النت
نوف:لا
لمى:عندي بحث
نوف:ما خلصتي؟؟
لمى:كنت ابخلصه عند امل بس ما ردت
نوف:اانا برووح لظلال اجلس..اسرعي
لمى جلست ..جتها اضافه بالنت
لمى:من معي؟
صاحب الاضافه:وااحد من ارض اللله والواسعه
لمى:اها ولد يعني ..باي
:لحظه لحظه..ليه مستعجله طيب
لمى:وش بغييت
عند طلال جالس وحاط رجل على رجل ويشفط دخاان
طقت نوف الباب:طلالوه افتح
طلال:هاه((ويطفي الزقاره بسرعه))جالس البس دقاايق
ويذب الزقاره من الدريشه ويعطر الغرفه
وشرب مويه لين قال اميين
فتح وحالته حاله:هلا 🙂
نوف:وش تسوي
طلال:انا..ما اسوي شي
نوف دخلت:طلال
طلال:هااه
نوف:وش هالريحه؟؟
طلال:أ..ريحه العطر حلو صح
نوف تلتفت عليه:مو قلنا اخر مره
طلال:نوف خلاااص .. صعبه اتركه من يوم وليله
نوف:ابسكت بس على شرط
طلال:امري
نوف:سكر الباب يلا
طلال ابتسم:من قدي .. نوف فيصل بتقعد معي
نوف:اخلص علينا وين الولاعه
اليووم اللي بعده
قاام خالد الصبااح وطلع يفطر مع نواف بالمملكه
خالد:ترى شكلنا مصخره
نواف:افا..ليه
خالد:نفس الجنز ونفس البلوزه…لاونفس الكاب بعد
نواف:فلها وربك يحلها يا شييخ
خالد:لا ما يصير .. ابرجع البيت اغير..بعديين اليوم فيه اكشن
نوااف يضحك:اكشن بقووه..جالس اتخيل الموقف
خالد:يلا سريينا
عند البيت
خالد:نواف يمكن اطول ادخل الحووش
نواف:طيب
عند نوف فووق..لان خالد طالع استغلت الفرصه تبي تروع عبد العزيز
خذت من خالد ثوب وغتره ولبستهم وحطت لها شنب بالكحل
نزلت تحت..
شافت خالد بيدخل
ما عرفت ويين ترووح على طول دخلت المطبخ..وطلعت منه على الساحه
مشت وهي تناظر وراها تخااف يشوفها
قالت خلاااص اوقف استناه اذا طلع يشوفني ويرتااع
شاف نواف ظهرها..على باله عبدالعزيز
راح رلها من ورى وحط يده على كتفها:هلا عزوز
التفتت وهي مرتااعه
والتقت عيونهم
نوف لا اراديا:نوااف
صحيح ما قد شافته بس هذا اول شي طرى على بالها
نواف جالس يناظر مو مصدق عيونه..هاذي بنت..ليه مسويه بعمرها كذا
وهبت عليهم نسمة هوا..طيرت الشماغ
وطلع شعر نوف..ومع الشنب تحفه << هع هع
جلس يتأمل وجهها ثوااني بعدين سمعوا صوت خالد
راحت بسرعه للباب الخلفي اللي طلعت منه
خالد:نوااااااااااااااف..اكامك من الصبح وين رايح؟
نواف:لا واقف هنا ما رحت مكااان
خالد:عبدالعزيز طلع مو موجود
نواف:هههههههههههههههههههه اجل يلا خل نشوف وش بيصير
عند عبدالعزيز قاام وطلع للبر على وعد خالد
مشى مشى ومشى
دق على سعوود صديقه::وينكم؟
سعود:بالشقه …شي جديد؟
عبدالعزيز:بالشقه؟؟ ما طلعتوا البر
سعود:ههه من اللي قالك طالعين للبر الله يهديك
عبد العزيز عرف انه كل مقلب:خلاص اجل بااي
ورجع وهو معصب
دخل عليهم الشقه
خالد اول ما شاف ةوجهه ضحك وما عمل حسااب للكف الي بيجيه ويخلي ظهره على الجدار
عبدالعزيز وهو ماسطك ياقة ثوب خالد والشرار طالع من عيونه:يا الخسيس
خالد:روّق يا بو الشباب مزح ترا
عبد العزيز:اوريك شلوون مزح انا..((ويبدى عبدالعزيز يشتغل تكفييخ)
مسكوهم بالنهايه
سعود:خلاص شباب اقضبوا اراضيكم
بدر:يلا كل واحد يصلح سيارته ماله داعي انتم اخوواان
عبد العزيز يسحب يديه منهم ويطلع::ما اتشرف ابد
لحظة هدوووء قطعتها ابتسامه وضحكه خفيفه من نوااف:تصدق يا خلوود ان عزيز يعرف يكفخ
خالد يمسح الدم اللي عند فمه ويناظر نوااف نظراات غريبه
نواف عرف انه قال شي غلط خصوصا ان الكل قاام يناظره ابتسم ابتسامه ترقييع:وش بنتعشا؟؟
عبد العزيز رجع البيت معصب..لا سلّم ولا حتى رد على امه وهي تكلمه وراح لعرفته
دخل بعده خالد على نفس الحاله لكن مبهذل شوي
ام عبدالزيز:صاير شي بينك وبين اخووك؟
طلال:متطااقين؟
خالد:يخسا ويعقب..انا انزل نفسي لمستواه وامد يدي على بزر..((ورقى))
نوف بطريقة تأكييد:الا متطااقييين
عند امل
امل:لمى..تكفيين عطيني جواالك
لمى:من شهر وانتي مزعجتني وش عندك؟
امل:ولا شي بس ابيه
لمى:طيب ليه معيه تخلين اشوف وش بتسويين؟
امل:احسسن ما ابييه
لمى:على العمووم انا برووح الحمام..وترى هاه..يا ويلك لو فتحتي جواالي..حافظه شلون شكل حطته وبغرف لو حركتيه
امل:روحي بس منيب فاتحته
اول ما دخلت الحمام مسكته واستغلت الفرصه وجلست ترسل صور خالد لجوالها
اكثرها كاان مع عبد العزيز بس فيه صور لحاله
اليووم اللي بعده … بالجامعه
نواف وسعوود ما قصروا..قالوا لكل الجامعه عن طقااق خالد وعبد العزيز
وفيه ناس تجاوبوا معهم
راحووا جماااااااعه كثيييييييييييييييييييييييييره مررره لعبد العزيز يترأسها سعود
سعود:عزوز .. تعال معنا خالد يبي يعتذر منك
ونفس الشي نوااف معه جمااعه كبيره
نواف:خالد..وش رايك تجي معنا…عبد العزيز يبي يقولك شي
وجابوهم قداام بعض
والي ما يدري وش السالفه والي ماسك ضحكاته والي يصورهم بالجواال<<لحظاات حلوه
بدر:يلا عااد خلاااص تصالحوا
خالد يحضن عزيز ويهمس بأذنه:ما كأنه انضحك علينا؟
عبد العزيز:الا لاحظت..كمل تمثييل لين نرجع البييت
عند طلال
كاان الفسحه..راح بالحمامت مع اخويا يدخنون
عبد المجييد:وش رايكم بس ننحااش؟
علي:لا ويييين ..
طلال:الا معه حق..وش ورانا
علي:لا لا انا اقول انها فكره مش ولا بد
عبد المجييد:رووح زيين…يعني انت اللي افكارك تجيب الونااسه .. ترا حدهم خل نطلع الشرقيه
طلااال:الا معه حق ورانا حصص
عبد المجيد:ترا ازعجتنا..الا معه حق وش ورانا…الا معه حق ورانا حصص
علي:وش هاللتناقض..انت واقف مع ميين
طلاال:واقف معكم اجل مع مدرس الرياضيات
علي:على طاري مدرس الرياضيات..كني سمعت صوته
عبد المجييد:طف السجاره بس طفها
العصر
لمى جالسه تسولف مع الولد اللي سوا لها اضافه..اسمه فييصل
لمى:هاه وش سوييت؟
فيصل:بخصوص ايش؟
لمى:بخصوص المشكله اللي مع صديقك
فيصل:اييه..ما تدريين الشباب لعبوا عليينا..خلونا نتصالح
لمى:احسسن..ما ينفع تتطاقوون على سبب تافه
فيصل:خليك ممننا..انتي اللي وش اخبارك
لمى:تمااام
فييصل:دووم مو يوم
لمى:دام حسك ونبض قلبك
فييصل:على هالحاله ماراح بنبض..وانتي ما تعطيني وجه..ترا يوقف قلبي تجيني سكته
لمى:ههههههههههههههههه
رجه طلاال البيت واستقبلته نوف
نوف:وش ذا الريحه..طلال.. لاتفضحنا
طلال:الحيين برووح اترووش
نوف:استنى..وين امانتك؟
طلال شهق:تدعيين علي بالمووت..افا
نوف:مو امنتك روحك..امنتك اللي بالي بالك
طلال يطلع من جيبه : هاه..بس لحد يشووفك
الصبااح
قاام خالد بنشاط وسحب معه عبد العزيز اللي كان نعسان
عزيز وهو يحك عيونه :ليالله صبااح خير..ليه مقومني
خاالد:عشاان الحين محد بالشقه
راحوا هناااك..و سووا شغلهم
عند امل
امل:لموو..تهقيين بيلقوون عمي؟
لمى:وش فيك انتي ما تبينا؟
امل:ما قلت كذا بس
لمى:بس ايش…اقوول كلي وانتي ساكته بس
امل:لمى انتي ما تحسيين كيف الواحد ما عنده اهل..انتي عندك خمس عماان..وثلاث خوال وخاله
لمى:وليه احنا مو اهلك..لا تكدريين علينا من صباح الله خير
العصر
الشباب كبهم بيرووحون الشقه..عند الباب
نوواف:خويلد..ليه مخلي الباب مفتووح؟.
ويدخل وفجأه..طرااااااااااااااااااااااااااااااااااااااااا اااااااااااااااااااااااااااخ
الكل ضحك واولهم خالد
نواف يشيل السطل من على راسه:مشالله..انت اللي حاطه..ومويه بارده بعد الله يلعنك
((ويذب اللسطل عليه))
خالد:حوبتي..ترى عرفنا انتكم لعبتوا علينا
سعوود يدخل:ههههه الحمدالله الانتقام صار لنوواف..ههه
ويجلس على الكنبه..طششششششششش
تنفقع التفافيخ اللي كانوا معبينها مويه
نواف هنا ضحك:ههههههههههههههههه..على الاقل انا راسي اللي جا عليه مويه..انت ..منيب قايل ههههههههههههه
سعود يوقف:الله يغربل لك يا خالد.تعال اوريك شغل الرجال يا ابو بلوناات
خالد يحتمي بعبدالعزيز:مو انا لحالي..عزوز معي
عبدالعزيز لين الحين يضحك على شكل سعوود:خير انشالله ههههه توهقني ليه انت اللي ساحبني
مشاري يولع المكيف والمرووحه:المهم يلا الفلم بيبدا وحر
خالد و عبدالعزيز على طول احتموا باقلاب طاوله
الكل قاام يناظر المروووحه
طرااخ طيخ طووووخ
والكل قام يركض..يحتمي باقرب شي
طلع خالد وببطنه يوجعه من الضحك
تركي:مشالله..حتلا المروحه ما سلمت منكم..
مااجد ماسك ظهره:وش حاطين فوقها الله ياخذكم..انكسر ظهري
خالد خلاااص انبطح على الارض من الضحك ودمعت عيونه
مشاري يتحسس مكانه قبل لا يجلس:نواف تكفا ولع التلفزيون
طييييييييييييييييييييييييييييييييييييييييييييييييي يييييييييييييييط
الكل:هههههههههههههههههههههههههههههههههههه
مشاري:والله ما سويتها
عبد العزيز راح جنب خالد على الارض
نواف وهو يضحك يسحب شي تحت مشاري:ههههههههههههه هاذي البلونه اللي تطلع صووت
سعود:والله منيب ناسيها لكم..شباب .. ما ودكم تكفخوون احد
نواف:الا . ومو اي احد..نفسي تهف على واحد اسمه خالد
بدر:لا اانا متوحم بواحد اسمه عبد العزيز
ويمسكونهم الشباب ويجلودنهم
وعلى كثر ما انطقوا…ضحكوا
رجعوا البيت وهم يسولفون ويضحكووون
نووف:وش فيكم تضحكوون؟
عبد العزيز:انا لله..مستكثرة علينا الضحكه بعد
طلال:مشالله عليكم..تتطاقون وتصلحون
دخلت لمى ووجهها متغير
خالد:شفييك
لمى حظنت عبد العزيز:بترروح
عبد العزيز:من؟؟
لمى ترفع راسها وعيونها مليانه دمووع:امل
عبد العزيز:هاااااااااه..وش قاعده تقوليين انتي..
نوف:وين بترووح؟
لمى خلاص خنقتها العبره وجلست تصييح
خالد:وين بترووح يا لمى
لمى:لقووا عمهما..في الخرج..وبترووح له وماراح نشوفها
وش تتوقعوون ردة فعل عبد العزيز؟
وخالد؟
ولمى كيف بتفارق امل؟؟
وهل عم امل هذا طيب؟؟
وش راح يصير لها لما ترووح الخرج؟؟
خالد يناظر عبدالعزيز نظره شك:طيب خلاااص لازم تفرح لها وشفيك؟؟
نوف راحت لهم:لمى انتي من جدك تتكلمين
لمى تمسح دموعها:ايه .. حتى عمها اسمه ابو ناصر..وبيجيها بكره ياخذها
طلال:طيب ليه ما سال عنها كل هالسنين
لمى:كان في خلاف بين ابوها وبينه
نوف:يعني ما راح يحب امل
خالد:لا اكييد..اموله تنحب بسرعه
عبدالعزيز ما كان يسمع شي
اظلمت الدنيا بعيونه
بينه وبين نفسه:خلااااااااااااااااص راااحت… ليييه…لييييييه ((ونزلت دمعه))
::هييه وش فيك
رفع راسه لطلال و راح لغرفته
نوف:يا بعد عمري مو هاين عليه فرااق اخته اموول
طلال:كلنا مو هاين علينا
عند امل
كانت منسدحه على السرير تفكر
::كيف بيكون عمي…طيب والا شرير…حنون والا لا..؟؟عصبي والا حليم؟؟
اسئله كثيير دارت بعقلها لحد ما تذكرت شي
وقفت:خالد
خلااااص بتافرق خالد….مستحيييل
بدت تصيح من جديد..مسحت دموعها ونزلت تفتح للمى الباب
لكن اللي ما توقعته……………………..
راحت للمجلس تطفي الانوار…بطريقها صدمت بشي
رفعت راسها ناظر
امل:عبدالعزيز!!!!
عبد العزيز متفاجئ لكن بسرعه قام يدور كلام يقوله
بدون مقدمات:انتي بتروحين؟
امل:وانت داخل البيت لا احم ولا دستور عشان تسألني
عبد العزيز تألم من داخله..عرف انه مسوي شي غلط لكن لهادرجه هو مو مهم عندها
عبدالعزيز:طيب اسف
لف وجهه للجهه الثانيه بيمشي لكن وقفه صوت امل
امل:عزيز انا ما قصدت تكفا لا تزعل..وبعديين انا لازم ارووح
عبدالعزيز خنقته العبره:طيب ليييييه؟؟ حرام عليك اللي تسوينه يا امل اقعدي هنا وانا احطك بعيوني
امل جلست تستوعب:عزيز..انت فاهم الموضوع غلط..انا
((يقاطعها)):امل انا احبك حسي فيني
والتفت من جديد بوجهه يملاه الدمووع
امل جلست تستوعب مو معقووله اللي قاعده تسمعه..مستحيييل .. هي تحب خالد…
ما عرفت تطلع منها الكلماات..
قطع هالموقف صوت الباب
امل :أ..أ…لمى..جـ..جــ أأ .. لمى جت ..و..
عبد العزيز:لا خلاص انا راح اطلع………((ابتسم وصوت يطغا عليه الحنان))امل..الله يوفقك وانتبهي لعمرك
ورااح
امل خلاااص مو عارفه وش تسوي
راحت فتحت للمى وجهها يعطي الوان ودموعها بعيونها
لمى:حبيبتي وش فيك؟.
امل تاشر ب
أصبعها على ورى ودموعها شوي شوي تنزل:بس..كـ..كنت اتذكر اني ما راح اشوفك ((وحظنتها ))
لمى:يا بعد عمري خلاااص لا تصيحين
عند عبدالعزيز
ركب سيارته ووهي واصله معه مو طايق نفسه
اليوم الثاني
كاان طلال رايح مع لمى عند امل..
لان امل كانت تذاكر له
قامت لمى للبيت عشان تجييب اغراض
طلال:امل..وش هالدفتر؟
امل:دفتر عادي..اكتب فيه
طلال:اقعدر افتحه
امل:طبعا لا
طلال:طيب اموول..جاايع
امل:سو لك سندويش
طلال:ممكن تسوين لي
امل تناظره بنص عيون:انشالله..بس اذا فتحت الدفتر
طلال يقاطعها:لالا..وش دعوه
امل:ترا عرفت وش لون شكله..يا ويلك لو لقيته متغير..
طلال:جاااااااااااااااااااااااااااااااااااااااااااا ااااايع
امل:طيب طيب
واول ما طلعت فتح الدفتر
فتح عيونه
كله خالد خالد خالد خالد
صكه على السريع ورجعه مكانه
قام وطلع::امووول خلاااص ما ابي سندوييش
اول ما دخل بيتهم وصلت سياره عند بيت امل
نزل منها رجال وراح طق الباب
فتحت امل :مين؟؟
::انا ابو ناصر
امل:تفضل يا عمي
دخل الساحه:زاد فضلس
امل يوم شافت وجهه تجمعت الدموع بعيونها كان يشبهه ابوها مره
بو ناصر:مشالله مشالله..هاذي بنت اخوي..والله ما حسبت بحسابي انس قمر يا بنت اخوي
امل ابتسمت وارتاحت نفسيتها … لان شكله حبوب
امل:تفضل
بو ناصر:والله ودي يا بنتي..بس مستجعل..يلا جيبي اغراصس عشا نلحق نوصل قبل الليل
امل:انشالله
لمى دخلت وهي تناظر في بو ناصر:السلام عليكم
بو ناصر:وعليكم السلام
راحت لمى مع امل
طلع عبد العزيز وشااف بو ناصر واقف عند الباب …
بو ناصر:السلام عليكم(ومد يده)
عيدالعزيز ناظره من فوق لتحت وكشر بوجهه +نظرة حقد ومشى عنه وركب سيارته
بو ناصر يخمس لنفسه:من بره الله الله ومن جوا يعلم الله
طلع بو عبد العزيز وسلم عليه بالاحظاان لانهم يعرفون بعض زماااااان
بو ناصر:اللي طلع قبل شوي ولدك؟
بو عبد العزيز:ايه هذا ولدي الكبير عبدالعزيز
بو ناصر يجامل:ايه مشالله طلع وهو مبتسم وسلم علي وحب راسي و شوي ويحب يدي بعد
بو عبد العزيز افتخر:ايه تربيتي..من يومهم صغار معلمهم احترام الكبير
داخل بالبيت
خالد:وش قاعد تقوول؟؟
طلال:اللي سمعته
خالد:امل؟
طلال:كيفك لا تصدقني
خالد:الا مصدقك بس(ويرن جواله)
خالد:الو..يووووه نسيت..اوكي خلاص جاي جاي..لالا..مسافة الطريق بس..باي
طلال:بتروح
خالد يقووم:اييه ..يلا تشاو
نزل خالد
بو ناصر فتح عيونه:مو هذا اللي..اللي
بو عبد العزيز:ههههههههههه لااا… هذا توأم عزيز…خالد
التفت خالد وشاف بو ناصر ابتسم له وراح وسلم عليه وحب راسه بعد
بو ناصر:ايه صدق خلق وفرق
بو عبد العزيز على وجهه علامة استفهام
طلعت امل ومعه الشناط هي ولمى…وانخنقت يوم شافت خالد
التقت عيونهم
خالد ما عارف وش يسوي..هالبنت تحبه..
بعد عيونه وركب سيارته
رغم ان الموقف قاسي عليه لانه احتماال كبير خلاااص ما يشوفه
جااه احساس غريب…يحس شي يسري في جسمه ما يقدر يوصفه
معقوله يحبها……..لا مستحييل
امل اخته مستحيل يحبها…..خرب افكاره رنة الجوال
خالد:هاه..طيب طيب انا بالطريق .. يلا باي
مشى خالد وخذ قلب امل معه
بو عبدالعزيز يكلم امل وهي مو حوله
لمى تنغزها ممن خصرها
التفتت بسرعه:لالا ما قصرت يا عمي كثر الله من امثالك عمري ما راح انسا جمايلك
بو عبدالعزيز:لا تقولين هالكلام يا امل ترا احنا اهل وانتي حسبة بنتي والله
بو ناصر:والله رايتك بيضا يا خوي وما قصرت يلا عن اذنكم
حظنت لمى امل بالشاارع …خلاص بيفتقروون
امل:لا تنسيني
لمى بمزح وهي تمسح دموعها:اصلا ما تهميني
امل صدقت:طيب اسفه..يلا عمي
لمى مسكتها وحظنتها من جديد:انتي قطعه من قلبي مستحيل انسااك
بو عبدالعزيز:الحين من اللي قال انكم بتفترقون..امل بتجي تزورنا واحنا بنزورها..صح يا بو ناصر
بو ناصر:ايه بس يلا يا بنتي عندي اشغال..هاتي الشنط
امل:انشالله…مع السلامه
بو عبدالعزيز ولمى:مع السلامه
لمى حطت راسها بحظن ابوها وهي تصيح
ركبت امل السياره رايحه للمجهوول ما تدري وش راح يقابلها
جلست تطالع شوارع الرياض::يا ترى … بشوف هالشوارع من جديد؟؟
جلت تتذكر ايام الطفووله
حصلت لها موااقف كثيير مع خالد………طبعا مو اكثر من عبدالعزيز لان عبدالعزيز يجبها
لكنها ما تدري ان عبدالعزيز يحبها وبكذا … جلست تفكر بخالد
تتذكر قبل ما يموت ابوها كانوا مسافرين للإمارات وهناااك صارت لها مواقف معه
كان عمرها 13 سنه وهو 17 سنه
صحيح صغاار بس كانت تحبه من ذااك الوقت
تتذكر يوم يوقف بيهم الاصنصير وتجلس تصييح وهو متوهق فيها
وكيف خالها تضحك وهم في هالحاله
تتذكر يوم نجحت من المتوسط ومن الفرحه جلست تركض بالشارع تبي تبشر امها
وصقعت فيه وطاحوا على الارض وتعورت رجلها وهو اللي دخلها بيتهم
و يووم كانوا معزومين على عرس ..كان عمرها 17 سنه وهو عمره 21 سنه
كانت رايحه تلبس وتتجهز عند لمى
ودخل عليها بالغلط في غرفة لمى وشافها … واللي زاد احراجها انه ابتسم لها وعلق على شكلها
ما تدري من وين جااب هالجرأه
تتذكر لحظاات حلوه جمعتهم
رااحت بها الذكرياات مع لمى…
وكيف كانت تغار من اهتمام عبدالعزيز فيها
تذكرت عبدالعزيز… ما فكرت بتفقده والا لا؟.
بدت تفكر فيه بعفويه
تتذكر يومها بثاني ابتدائي..كان في سادس
يوم يرووح يشتري حلاو على شكل خواتم
وعطاها واحد وقال انا صرت زوجك
ضحكت على هالموقف …… عمرها ما فكرت ان عبدالعزيز يحبها
تذكرت نوف…تذكرت طلال
حتى ابو عبدالعزيز وام عبدالعزيز جلست تفكر فيهم
وذكرييااااات كثييره مرت معها…………
اكثرها عن ابوها
تتذكر كيف كان مدلعها ومو مخليها تحتاج شي
كيف كان يحس فيها … كيف كان الاب والام والاخ والصديق لها
كان اقرب لها من امها
تتذكر كييف صار له الحاادث
بو امل:هااه اموول وش تبين نتعشا
امل:انا ودي بهرفي
بو امل:من عيوني…ابقوم اجيب لك
قام..وهي بحضن امها
ناامت وابوها لين الحين ما جا
قامت يوم حست بقطراات تبلل وجهها
وصوت باكي :: كيييف……..شلووون..ومتى…
قامت وهي مرتاعه:ماما وش صاير
طاح التلفون من يد ام امل وحظنت بنتها…خلاااص بنتها صارت يتيمه
تتذكر كيف عااشت حياتها من غير اب
واللي كاان اقسى عليها
وفاة امها
خلاااص من بقى لها بالدنيا غير هالعم…وماتدري وش مصيرها معه
قطع حبل افكارها بو ناصر::امل..نمتي
امل:هااه .. لا صاحيه
بو ناصر:ابعلمك عن عيالي ..
امل:اييه..ما سالتك عنهم اسفه..
بو ناصر:لا عاادي..اكبر واحد ناصر 19 سنه..بعين ماجد 17 سنه بيدخل قبلك على طول .. وطارق 15 سنه
والصغيير محمد الددلووع 11 سنه…
امل:الله يخليهم لك
جلس يسولف لها عن عياله….
بالرياض
طلال:شلون راحت وما ودعتني
نوفكولا انا ودعتني بعد
لمى:شلوون تودعكم..عمها فجأه جا وطق الباب
طلال قاام:انا طاالع..ملل
طلع وكعادته مع اصحاابه
علي:وش فييك متضايق؟؟
طلال:ابد ما فيني شي
عبدالمجيد:هاه طلوول اشوفك فتره غاطس ببيتكم ما تطلع
طلال:الاختبارات جاايه وابوي واعدني بسياره بس اذا نجحت
علي:تنجح طل
طلال:انت بس اطلع منها ويصير خيير
تابع >>>
خالد مع اصحاابه
نواف:خالد… ما قد سولفت لنا عن خواتك..قصدي اهلك
خالد يناظره بنص عيون:ليه يعني انت اللي تسولف عن اهلك
نواف:ابسكت خلاااص..طيب وين الاب توب
خالد:بالبيت
نواف:خل نرووح نجيبه((يبي يحتك في بيت بو عبدالعزيز يمكن يشووف نوف))
خالد:يلا اجل قم
بالطرييق رن الجوال
خالد:هلا نواف..انا بالطرييق..لالا..جاي اخذ الاب توب…خلصيني يلا وطفيه تراني قريب…باي
نواف وعلى وجهه علامه استفهام:واحد اسمه نواف..وتققوله اخلصي
خالد:لااا..هاذي اختي اسمها نوف وندلعها نوااف..مسيكينه بالبيت لحالها .. والحين اباخذ الاب توب
وش رايك ما ناخذه…مسكينه؟؟
نواف يبي يروح لبيت خالد:الا الا نبي ناخذه…بعدين البنات عمرهم ما يطفشوون
خالد:على قولتك..وبالمره اروح اغير الثوب
نواف:مدري انت كم مره تغير في اليوم.؟
خالد:هههههههههه مو مثلك سنه ما عندي الا ثوبين
نواف:نعم..ترا ما اسمح لك..وبعدين من قال اني احب البس ثياب
خالد:وانت الحين وش لاابس؟.
نواف:طالعني يا الحووَل
خالد التفت:توني ادري … هههه تصدق
نواف:مو انا قايل حوَل..
خالد:تصدق شكلك بالجنز والبلوزه الصووف والكاب ..رهييب
نواف يعدل بلزوته:احم احم…
خالد:حبتيين يا قاهرهم
نوااف:اقوول بس صل على النبي ترا تعطيني عيين
خالد يكش ببوجه:من حلاااك يعني..ها وصلنا دقايق واارجع
نواف:لالالالالالا..بنزل..انت تطول
خالد:مدري وش بتستفيد بتجلس في الحووش
دخل خالد.. وسلم على نوف
نوف:وين رايح..مو ماخذ الاب توب
خالد:لا انا ما ابي البس ثووب..برررد ابي شي يدفيني..وانا نازل بجي اخذه خليه على الطاوله
نوف : طيب
حطت الاب توب وراحت المطبخ…
خالد وقف بالدرج يقرا رساله جايته..وتاخر عشان يدخل غرفته
يوم سمعت نوف صوت الباب كانت تحسبه باب البيت..تحسب خالد طلع
نوف:يوووه رااح ..نسيت اقوله يجيب لي كرواسان..برووح الحق عليه
لانها في المطبخ..كان اقرب شي لها الباب الخلفي
شاافت نوواف من بعييد تحسبه خالد
نوف:الحمداله لحقت عليه
وركضت لها وطبت عليه..ومسكته مع كتوفه من ورا وهي متعلقه به::خاااااااااااااااااااااااااااااااااااااالد
التفت نواف وهو مرتااع
التقت عينه بعين نوف مره ثانيه
كانت وجهها قريب من وجهه مره
يعني ما في مجال يقرب اكثر من كذا
هي ارتاعت يوم شافت وجهه..مو خالد
تركته لا اراديا وطاحت على الارض وصقعت رجلها بالدرج
نوف:آآآآآآيي
نواف جلس يستوعب..يناظرها وهو مبتسم…شوي قدر الموقف ونزل لمستواها
نواف:يوووه فيه دم خل اشوف
نوف:لالا..خلاص روح عني ما علي عبايه
نواف:ترا انا ما اعض..بس بشووف الجرح يمكن يكوون خطير
نوف رفقعت البنطلوون وهي حدها مستحيه
نواف:انا قد دخلت دوره اسعافات اوليه..الجرح مو خطير مره
رفعت عينه تناظره
ما توقعت شكله كذاا
مع انه نص وجهه مو باين لان الكاب يغطي بس كان حلو
رفع راسه لها…ما اهتم عليها عبايه والا لا
نواف:شكلك احلا .. بدون الشنب
نوف حست بالموقف:هيه انت ترا عطيتك وجهه…بعد عني
نواف وقف:افا افا افا…الحين تقابلين الاساءة بالاحساان.؟؟
نوف:صووت خالد
نواف ما عرف يتصرف..خلاااص جالس يشوف ظل خالد من الباب
راح بسرعه ودخل جوا البيت
خالد ومعه الاب توب:بسم الله الرحمن الرحييم…وش جابك انت هنا
نواف بإبتساامه عريضه وهو يتقصد يعلي صوته:لالا ولا شي بس كنت ابقولك ان النااس لازم يروحون اي مكان
ثاني..عشااان الناس الثانيين ما يتوهقيوون
خالد:وش قاعد تخرب انت..اسمع..اختي هنا..اطلع يلا قبل لاتجي
نوافكبس ابذكرك النااااااااااااااااااااس لازم يدورون اي شي يروحون عنده
خالد:وش فيك انت..اقوول خر ابي اطلع
ويبعده بيده
نواف غمض عيونه:والله خالد مالي شغل والله العظييم انا
((يقاطعه خالد)):وشفييك؟
نواف يفتنح عيونه بشوي شوي ويناظر حوله…نوف مو موجوده.. خذ نفس:ولا شي
خالد:امش يلا ترا حومت كبدي
راح خالد للباب الخارجي نواف يناظر حوله
شااف طرف لنووف … حنى راسه عشاان يشوفها
ابتسم لها وسوا بيده حركه :باي باي
نوف طيرت عيوننه وتأففت منه
بعد عشر دقايق دخل عبدالعزيز وطبعا متنرفز وماله خلق شي لان امل سارفت
نوف:عزوووز تعاال
عبدالعزيز يروح لمصدر الصوت:وش تسوين هنا؟
نوف:طحت.. ساعدني
وش تتوقعوون بتصير تطورات بين نوف ونواف؟
وخالد وش موقفه بعد ما عرف ان امل تحبه؟
وشلون راح تكوون حياة امل ؟
وش المفاجئه اللي تنتظر عايلة بو عبدالعزيز؟؟
مشكورة ننتظر التكملة
ونوور .. توقعاتك بالنسبه لنوف ونواف..مو كلها صح
وعيال عم امل..انتي بتعرفيين بنفسك:)
___
عند خالد بالسياره
خالد:نواف ليه ساكت
نواف:………………..
خالد يصرخ:نوااااااف
نواف ارتاع:خيييير..وش تبي
خالد:اللي ماخذ عقلك يتهنا به
نواف خذ نفس
خالد:الا وش فيك قبل شوي جالس تخربط..
نواف:ما فيني شي…استخف دمي
خالد:المشكله انه ثقييل
عند امل
بو ناصر:يلا يا بنتي وصلنا
نزلت امل بهدووء وهي تناظر حولها.,.دخلت البيت..ما تسمع الا صووت وااحد يصارخ
:ايوواااااااا..قوووووووووووووووووووووول…فـــــــ ـــــــــــزت
:::اقول اسكت بس وكمل لعب توها ما خلصت المباراة
بو ناصر:هاذولي عيالي تفضلي
دخلت امل الصاله شافت اثنين(طارق15-محمد11)يلعبوون بلاي ستيشون واما ناصر وماجد جالسين
الكل التفت للامل وعلى وجهه علامة استفهاام
امل:السلام عليكم
بو ناصر:لا تستحين يا بنتي تفضلي..ماجد…قوم حط الشنط بغرفة الضيوف
ماجد يقووم وهو يناظر امل بإستغراب :انشالله
امل تسلم على ام ناصر:هلا خالتي
ام ناصر بدون نفس:هلا
شوي جا ماجد
بو ناصر:يا عيال هاذي بنت عمكم..امل..سلموا عليها
محمد قاام بسرعه ومد يده ورجع للبلاي ستيشون
ماجد:هلا
امل:اهليين
بو ناصر:طاارق..سلم
طارق التفت وعطا امل نظره حقد:ما اعرفها
امل تضايقت شوي
بو ناصر:قم
طارق يتأفف ويقوم يمد يده:اهلين
امل:هلا بك
شوي دخل ناصر:السلام عليكم
الكل:وعليكم السلام
ناصر يجلس وهو عيونه على امل ورافع حاجب:هلا ببنت عمي..كيفك
امل:الحمدالله
ام ناصر تقووم:عن اذنكم..بروح ازين العشا
بو ناصر:اذنك معك..حموود..وخر خل العب معك بلاي ستشوون
محمد:انت ما تعرف تلعب…وخر فيذاك
بو ناصر:افااا..اجل ما نيب جايب لك شريط جديد
محمد:احسن((كان دلووع امه وابوه وما ينرفض له طلب))
طاارق:ليه انت اليل تعرف تلعب..نصوور تعال العب معنا
ماجد قاام وجلس معهم:ما يعرف نويصر..فحز فيذااك
ناصر قام وجلس معهم:انا ما اعرف اللعب ..ابكسر راسك الحيين
صاار الكل جالس عند البلاي ستيشون اوامل منحرجه
بو ماصر:امل يا بنتي تعرفين تلعبين؟؟
امل انحرجت اكثر وبهدووء:ايه
ناصر:تعااالي.(ويفحز لها)
هي استحت لانه كبير…راحت جلست عند عمها
ناصر يناظرها وهي ما عطته وجهه
بو ناصر يسحب يد البلاي ستيشون من محمد:خل امل تلعب
محمد:خييييييييير..انا وش دخلني فيها
امل:لالا.خله يلعب يا عمي
بو ناصر:لا ما عليك منه دلووع
محمد :اوووف
بدت امل تلعب وهي مررره منحرجه ..
طارق:يووووووووووووووه..فازت علي
ماجد:جب انا الحين ابفوزز عليها…..((امل استطلفت ماجد…لكن ناصر ..لا))
امل:طاارق..(تمد له اليد)خذ العب
طارق قام يناظرها دقايق بعدين ابتسم:لا العبي انتي
جت ام ناصر:العشاا
الكل قاام يتعشاا..والكل استلطف امل..الا ام ناصر..وناصر نظراته لامل غريبه
امل تحاول تتحاشاه قدر المستطااع…هذا غير انه هو الوحيد اللي اكبر منها..
بعد العشا راحت لغرفتها وفتحت دفترها:::
امي الحبيبه…ابي الحبيب
لن اقوول لماذ تركتماني وحيده في عالم ملئ بالناس؟؟
لن اقول لماذا تخليتما عني وانا في امس الحاجه لكما؟
لن اقول لماذا ذهبتم…لأحبتكم في الاعلى..ونسيتم احبتكم هنا؟؟
لن اعترض على اقدار الله
فأنا ايقن ان كل ما يحصل لي الان…خير لي
لان الله لن ينسى عبدا خلقه
هل سارى وميضا للسعاده؟؟
هل سافرح..؟؟
هل سأنسا دمووعي؟؟
لن اطلب منكما العوده لاني اعرف انكما لن تعودا
لكن اسال الله العلي القدير ان يجمعني بكما..يوم الحسااب
""
فتحت صفحه ثانيه وبدت تكتب عن خالد .. لحد ما نامت
طلال عند اخويااه
علي:اقوول طلووول
طلال بدون نفس:هااااااااااااااااااااااااه
علي:جرب
طلال يلتفت:وشو
علي:خذ
طلال:وش ذاا
علي:شي يعدل المزااااج
طلال:لالا..مشكوور
علي:ياخي جرب
طلال بتردد:ما ودي
علي:ههههه..خايف
طلال:وانا ولد ابوي ..جبها
اليووم الللي بعده
قامت امل…وراحت تتوضا عشاان تصلي الفجر
طلعت من الحمام اللي كان داخل الغرفه شاف نااصر بغرفتها
امل:انت شو تسوي هنا؟
ناصر:توني ادري ان بنت عمي حلوه كذا
امل:اطلع ما علي عبايه
ناصر:عارف انو ما عليك عبايه
امل:طيب ممكن تتضل بره
ناصر:اها طرده محترمه…طيب..
وش كان يفكر نااصر فيه؟؟
وهل طارق استلطف امل؟؟
كيف راح تعامل ام ناصر امل؟؟
وطلال وش اخرتها؟