عوّدت اجر الصوت عقب المخاسير..واقول انـا مالـي ومـال التجـارة
اصبحت عقب المال مديـون للغيـر..وعقب الجيوب اصبحت راكب غمارة
والراس شيّب واشتغـل بالتفاكير ..والفقر في بيت الغنـا شـب نـاره
والراتب أقسـاط وايجـاروفواتبر..لاعندي ارض ولا بملكـي عمـارة
رحنا ضحايا فـي يديـن الهواميـر..الحـظ تـارة والهواميـر تــارة
في سوقنا الغاشـم أكلنـا خوابيـر..سوقٍ مع الهزة تناثـر غبـاره
الشعب صاروا في صفوفه طوابيـر..لكنـه أعلـن للجميـع إنهـيـاره
هـذي زراعيـة وهذيـك تعمـيـر..طاحت مثل ما طاح بـرج التجـارة
قلنا يبي له وقـت ويصيـر تغييـر..يرتـد وضعـه ويتعـدل مـسـاره
لكن تعلقنا … ويالله عسـى خيـر..مادام راسك حـي مابـه خسـارة
*
*
*
شكرا اخى الفاضل
الف شكر لنقلك الراااائع
لا عدمناك
تحياتي
تحيه لك ولذوقك
قصيده معبره عن حال الكثيرين في هذه الفتره
فالف شكر لك على هذا الاختيار
تقديري وحترامي
فقدناك
هكذا هي التجارة
مكسب وخسارة
تسلم على الاختيار
ودمت بكل خير
اجمل الامنيات
من سيد الامنيات
تحياتي
نشوان/سيد الامنيات