هاتي وجعك وهم الايام يابنت

هاتي وجعك وهم الايـام يابنـت
ودي بشيٍ منك لو هـي همومـك 
لاصار همك في خفوقـي تيقنـت
إني معك مابيـن ليلـك ويومـك 

وإني بروحك من جروحك تمكنت
أفطر غرامك في نهاري ماصومك 
يعني كسبت السبق يعني تطمنـت
إن الحلوم اللي تجينـي حلومـك 

هاتي عطينـي يابعدهـن تبينـت
كل الحقايق وأعجبتنـي علومـك 
ياما ويامـا فالعـذارى تمعنـت
حتى لقيت إن الجـوارح ترومـك 

ماكان حبـي يابعدهـن ولاكنـت
لو مارمتني من غرامك سهومـك 
توي عرفت الحب صدّقت وآمنت
وذعذع برادي من لهايب سمومك

نعم عشقتك موت حتـى تجننـت
شوفي دفاعي مايقـاوم هجومـك 
ماهان قلبي في غرامك ولاهنـت
إلا استعز الشوق يكفخ إل -حومك

لبست ثوبٍ من غـلاك وتزينـت
إنتي قدومك غير يسلـم قدومـك 
دام الوجع حبك وطاريـه يابنـت
زيدي وجع وآلام هاتي همومـك 

اقتباس:

المشاركة الأساسية كتبها بحـــر الحـــب لبست ثوبٍ من غـلاك وتزينـت إنتي قدومك غير يسلـم قدومـك  دام الوجع حبك وطاريـه يابنـت زيدي وجع وآلام هاتي همومـك 

رائع ماكتبت

صح لسانك


دام الوجع حبك وطاريـه يابنـت
زيدي وجع وآلام هاتي همومـك [/quote]

شهادتي في مثل اقلامكم مجروحه

وكثر الله من امثالك ممن لديهم قلوب تعرف صدق الحب

صح لسانك واعتلا شانك

ابداع يفوق العبارات

انتقيت العبارات واتقنت النظم

لتعبر عن رائعه اخرجتها بفن مبدع

نترقب درر لقلمك القادم

اختـــــــــــــــــــك

بنت عتيبه

لم تكتب سوى روعة

أحــــــــــــــاسيسك

دمت بإحساس يطربنا بجماله

تحياتي

اشكر كل من انار موضوعي مروره العطر
ودمتم بود وغلا

صح السانك
ابيات رائعه وراقيه
تدل ع ابداع صاحبها
يعطيك الف الف عافيه

الله يعطيكي الف عافيه

تقبلي مروري

يعطيكم العافيه غلى المرور العطر
ودمتم بود غالي