كيفكم وكيف الصيام معكم 😻 عسى ماعطشتوا وتعبتوا ..الزبدة انا عضوة قديمة هنا متابعة بصمت دون مشاركات اليوم قررت ان شاء الله اني اضع روايتي "نسيتني ..علمني الليلة أنساك" وفكرتها مستوحاة من تجربة وقصة حقيقة بالاضافة الى عنصر الخيال ، اتمنى الاقي الردود المحمسة والبارت الاول سأضعه قريبا
القوانين / الإطلاع هام و الإلتزام ضروري
وهذا الموضوع راح يفيدك ياليت تطلعي عليه
البارت 1:
بداية نبذة عن شخصية محمد شاب وسيم عمره 25 متخرج من الجامعة معه بكالوريوس ويدرس ماجستير في أمريكا محمد هذا انسان بارد مايهمه شي راعي بنات يعيش مع اصحابه في نفس السكن وهم مشعل وسعود وخالد وراح نتعرف عليهم من خلال الرواية..
الساعة 7 الصبح قام مشعل طفى المكيف وفتح الدرايش ياعيال يالله قوموا نسيتوا الاختبار اليوم تأخرنا ونفض مفارشهم سعود يتمغط وشتبي انت ياقلق مشعل قلق في عينك يالله قم اختبار وراح زين مفرشه (مشعل انسان منظم ومهوس بالنظافة) صحيوا العيال وكلن راح اختباره ورجعوا بعد الاختبار سعود : ياعيال انا جوعان مافي شي ينوكل
محمد :ياخي انت كل وقتك اكل
سعود : وش اسوي الأكل هو متعتي الوحيدة في الحياة
العيال يضحكون هههههههههههههههه يقطع ابليسك
خالد :خلاص انا بقوم اسويلكم باستا بس مالي شغل اذا احد جاه تسمم
مشعل:وجع رح غسل يدك بديتول
وفي الشرفه محمد جالس يكلم أمه
يمه انتبه على نفسك واكل زين وانتبه من بنات الحرام
محمد:يمه الله يهديك صار لي سنتين الحين من ابتعثت على نفس الوصية
امه : الله يحفظك ياوليدي ويوفقك
انتهى البارت واذا لقيت تفاعل حنزل بارت ثاني
في مكان آخر بعيد عن امريكا جالسة عند الشرفة وتشرب كوب قهوه مع تشوكليت فجأه بوووووم
دخلت عليها نوره : وش عندك مسويه رومانسية وشاعرية
هند : يالله انتي ليش دفشة كذا خربتي جوي
اجلسي اجلسي احكيلي وش سويتي في العرس نوره : تخيلي ام ناصر قصت شعرها وصبغته موف
هند : امما كيف كذا مب صاحيه
نوره : اببدا مو لايق عليها *وجلست تكمل …الخ
هند هي بطلت الرواية انسانة هادية أحيانا وهبله احيانا مزاجية عمرها 18 جمييلة بما تعنيه الكلمة
عايشة مع امها وعندها 6 خوات و4 اخوان وابوها متوفي طبعا وضعها في العائلة الوسطى ومسحوب عليها
اختها الكبيرة ايمان 30 سنة متزوجة وعندها بنت و3 اولاد
عفاف :28 سنة متزوجة وعندها بنتين
نسرين : 25 سنة تزوجت ومات زوجها والحين مملكه
ويارا ولارا توأم في المتوسط
وسارة بنت عمها في نفس عمرها دفشة وشخصيتها قوية وشعرها بوي وتعششق شي اسمه الهلال
اما الاخوان
سعود : عمره 32 متزوج وعنده بنت ويشتغل ضابط
خالد 27 : يدرس طب وتوه متخرج
دحوم: 22 سنة انسان طيب جدا وفاهي لابعد الحدود محبوب العائلة
وليد :اصغر من هند بسنة طول الوقت خناق مع هند واحيانا احباب واصدقاء
بالنسبة للام انسانة مهتمة في نفسها كثير ودايم مع ربعها وسفرات تحب عيالها كثير لكن ينقصها الاهتمام الاب متوفي من ست طعش سنة في نفس ولادة يارا ولارا كان بطريقه للمستشفى بيشوفهم لكن الموت اسرع سوا حادث وتوفى من حينها