مواقف سارة / الكاتبة : اتعبني قلبي من جروح الليالي

الجزء الأول::::::::~

♥مــــواقـــــف▼ ســـــــاره‎‎♥
المـــــــــــــــدرسه_:________
رغم غير محبتي للمدرسه
لكنني اشتاق لها واتذكر مواقفها
المضحكه
إلا ان حلاوتها بجمعتها
وتحديــــــــــــــاتها لا اكتب هراء بل حقيقه
وسأذكر بعض من مواقفها~
========
في ‏‎‎عـــــــــــــــــــام 1445او1424كنت صف ثاني متوسط توني جايه لم المدينه
نقلنا من الرياض لأسباب
المهم اول ماجيت اسجل للمدرسه طبعا ابوي اختار مدرسه قريبه من بيتنا
رحت لم المديره معي امي وزميلتها
طبعا ليش زميلتها زميلتها بحكم انهاجالسه في المدينه وعشره وشغلات وواسطات مالها اول ولا تالي
المهم بعد مادخلنا على المديره
انا تعبت من كثر المشي واصلا امي وزميلتها فيه فما له داعي وقوفي المهم جلست ع الكنب
واي جلسه قبال المديره ورجل ع رجل وامي وزميلتها واقفين يتكلمون مع الأخت المديره
فناظرت فيني انا جالسه ورجل ع رجل وحاطه يديني فوق راسي
قالت:لحظه مين الي بتدرس فيكم فأمي والي معها لفوا علي 3 يناظروني
يعني انا الي بأدرس
والمديره الشر يتطاير من عينها :هذا وجه طالبه جايه تتعلم إيش هدا الي جايه تدرس أول تشوف الجلسه والاحتراااااام احترام الكبير
امي تناظرفيني مستغربين وش سوت البنت بعدين قالت لي امي اوقفي خليها تسجلك بعدين اقعدي
قلت طيب وقفت بعده عسرت علي التسجيل حســــــــــــبي الــــله
_______
المهم سجلت عندهم في المدرسه بعد ماسار عندي صديقات
كنت جالسه ورى مع المجموعه المهم تحتنا وصاخه وش وصاخه إلازباله
جت مدرسه الرياضيات قالت :يانوال على وحده من البنات كنسي اللي تحتكم
جلست البنت تكنس بكل مااوتيت بقوه وانا جالسه اضحك اقول [سيري]اشتغلي زين وإلا نخصم من الراتب [سيري اسم خدامتنا]
والبنات ضحك والمدرسه تناظر فيني وانا جالسه وتعليق في نوال نوال: الله يسامحك ياساره
شوي مادريت إلا بالمدرسه تقول نوال على البنت اتركي الي في ايدك
وتعالي انتي ياساره وكملي
عاد انا بكل براءه استاذه أنــــــــــــــــــــــاااااااااااااااااا
المدرسه: لا حبيبتي الي وراك قلت انا: اشـــــــــــــــــــــوى
عاد المدرسه وهي تنافخ :ايــــــــــــــــــــــــــواااااااا أنتي مين غيرك يعني فيه اسم ساره ثاني مافيه الا انتي
عاد انا بكل براءه استاذه ترضين البنات يضحكون علي ويقولون لي [سيري]
ترضين يا استاذه
اكيد جواك ماترضين انا اعرفك يااستاذه
المدرسه: تكنسي وإلا اخرجي برا
عاد انابشهقه: برااااااايا أستاذه لا لامااصــــــــــــــــــدق انتي يااستاذه الي اعرفه انك طيبه ماتسوين كيذا
الاستاذه وهي معصبه:تعلميني ايش الي اسوي والي ماأسوي اقول اخرجي برااا الكلام معاكي مايجيب نتيجه
انا: استاذه خلاااااااااص ولايسير خاطرك الاطيب اكنس ولا اطلع عشان إذا طلعت يتشمتون فيني الاعــــــــــــــــــــــدااااااء
نعم تحيا النظافه
عاد هذاك اليوم اليوم العالمي لنظافه لمجموعتنا_
=======
في نهايه السنه ايام مراجعه المدرسه مافيها إلامجموعتنا جايه المدرسه فـــــــــــــــــــــــــاااضيه ماعدا المعلمات
المهم نفحط في الاسياب ونقول نكت على بيبان المعلمات
المهم استهبال لأبعد الحدود عاد احناماشين اللقافه دخلنا روسنا في السلم حق الدرج عشان نشوف الي تحت
وكان باب المدرسات وراي مباشره المهم سمعنا باب المدرسات ينفتح
ف من الربشه والخرعه البنات طلعوا روسهم بسرعه وانا جالسه اتمعن في المناظر الخلابه الي تحت
مادريت الا البنات ساره طلعي راسك بسرعه خل نهج
ابغى اطلع راسي ماقدرت والله ماقدرت
ماحسيت إلاباحد وراي مين?
استاذه الدين واوك هذي انحاش منها إذاشفتها خل اهيه تجي وتناظرفي شكلي واو يافشيله جت عند تقول :ساااااارا
وش تســـــــــــــــــــــوين هنا!
انا ولاكلمه والبنات يضحكون
صدق والله راسي نشب
مدرسه الدين: ساراااا تشهق راسك نشب
انا:لا مانشب بس ابي اناظر تحت اصلا تحت مافيه إلادرج مقابله غرفه المديره
م/الدين: لا حبيبتي العبي غيرها وشو الي مانشب منتب قادره تحركين راسك تقولين مافي شي __(~؛*)
انا :ولا كلمه
المهم بعد مساعدات طلع راسي من السلم بكل عــــــــــــــــــــــــــــااافيه وبخير الحمدلله بعدها اذكر هجيت ماعاااد شافت وجهي ابد
ما انسى ذا الموقف ابد
==========
مره من المرات في ثالث متوسط كنا في الحصه السادسه
كانت عندنا مدرسه الرياضيات اسمها ساره وكانت عندنا مراجعه الفصل عااااد عندنا انواع الزهق
وهي خلصت المراجعه وطلعت حطت عريفه
المهم انا وزميلتي افنان طفشانين والله ياعالم طفشانين
المهم بعد اتخاذ قرار اننا روح للحمامات ونشوف الطقوس والاحوال المدرسيه عشان نهج ننزل تحت
المهم بطلوع الروح وافقت العريفه تطلعنا ثنتين مع بعض
رحنا لم دورات المياه افنان دخلت وانا برا عند الباراده وجالسه اشوف استاذه ساره عشان إذا ماكانت فيه يمدينا نهج
المهم سمعت صوت باب الحمام بينفتح
وجيت لين عند الباب على فتحه الباب جيت اخوف افنان وحاطه راسي مدنقه عند الباب
قلت: عـــــــــــــــــــــــــوووووووووووووووووووو
اول شي سمعت شهقه غريبه
ناظرت زين افتح زين مادريت الا استاذه ساره قدامي: ساره وش تسوين هينا وش الي مطلعك من الفصل
بسرعه قدامي ع الفصل عاااد وجهي الوان الطيف هههههههههههههههه بعد شوي طلعت افنان من الحمام
وي اكلت الموقف لحالي __
============
مره من المرات في حصه ابله الرياضيات عند ابله ساره
وهي تشرح وعندي جنبي نوال وقدامها غاده طول الوقت سواليف وضحك ع الصامت
عاااااااد استاذه ساره مقهوره مننا مولعععععه ع الحار
اخرشي يوم خلصت قالت ساره مايسير لازم تغيرين اسمك بعدين زي اسمي لازم تغيرنه
عاد انا فاقده الامل من تغييره : استاذه إذا جدتي غيرت اسمها انا اغيره <لانه مسميني على جدتي > صدق نشبه_
=============
مره في ثاني متوسط كانت الجمعيات
وكنت توني ماتثبت في اي جمعيه فكنت منحاشه بروحي
لانهم حابسينا في الفصل ف شفت فصل البنات جوا جالسين وفيه بنتين واقفين عند الباب وماعندهم مدرسه
المهم كنت هاجه من المراقبه الي تدخل البنات للجمعيه ف دخلت في هذا الفصل يوم راحت المراقبه جيت ابي اطلع
لين فيه مدرسات مجتمعات على كراسي وسواليف وضحك
لين وحده منهم قالت لي :يابنت ادخلي جوا هيا بسرعه طلعت مدرسه الجمعيه جالسه بعيد عن الفصل شوي
هالحين تورطت صدق ورررررطـــــــــــــــــــــــــه دخلت جلست شوي مالي خلق طفش
فيه بنت جالسه تتحرش بالكلام علي جيت قلت لها وش فيك خيييييير ان شاء الله وش فيك
البنت انا ما اعرفها بس قالت لي :إذا انتي شاطره اضربيني
قلت: لوابي اضربك مو بس اضربك إلا العن والديك بعد
جت قربت لمي قالت : ايششششش تقولي الله يلعن والديك وتعطيني كف
جيت انا اول مامسكت مسكت كشتها<شعرها> و ع طول انزل راسهالتحت وتكفيخ ع مستوى
بس ما تهنيت ع طول جوا مدرستين وفرعوا بينا
وجت وحده مدرسه الجغرافيا وخذتني وودتني عند الدرج
انا قلت اكيد مليون % انها بتوديني للمديره او المرشده وراح اكتب تعهد اقل شي
بس وصلنا لين نهايه الدرج قالت :روحي
قلت وين قالت :اي مكان تبينه روحي تنفسي في الساحه
قلت :طيب
المهم كنت جالسه تحت وطلعوا البنات صرفه جيت البس عبايتي اسمع صوت لفيت
اناظر لينها البنت الي تهاوشت معها قلت خير وش فيه عسى ماشر
قالت: ام القمل انا احب اتفرج ع المصارعه ابغى اتضارب معك
بسراحه ماعرفت اتكلم قصدي ماعرفت ارد
جت وحده من مجموعتنا بدور الله يذكرها بالخير جت سحبتني على جنب
قالت ما لقيتي إلا هذي تضاربين وياها تعالي بس معي رحت معها والبنت واقفه تصارخ مستقويه
لفيت عليها قلت ابوي جالس في السياره يستناني ماراح أأخره عشانك ماتستاهلين بسراحه
رحت السياره وانا داخلي خوف والله خايفه من بكره اول مره احس بكره موب زين
المهم دخلت عند ابوي بس جلست قال لي: سبحان الله يابنتي تدرين ان الي يقرا سوره يس 10مرات وبعدها يدعي تستجاب دعوته
انا من رجعت من البيت رحت لغرفتي صكيت الباب
وصليت الظهر وجلست اقرأ سوره يس زي ماقال لي ابوي ودعيت عقبه
دعيت ان ربي ينصرني ع البنت المهم قلبي ماني مرتاحه
رحت نمت وحلمت حلم طويل عريض بس خلاصه اني اطوف حول الكعبه
رحت عند كتاب تفسير الاحلام وقريت بالمختصر اني راح انتصر على عدوا _
المهم جلست البس واتجهز عشان المدرسه وسبحان الله كان عندي إحساس اني راح اتضارب ويا البنت
حطيت شعري قرن عشان شعري طويل وكثير
وسويت ذيل شعري ظفاير وماكملت شعري باقي كم خصله ماظفرتها عشان ابوي يقول يلا مستعجل عشان عنده المناوبه
وصلت المدرسه
رحت لم المرايه بكمل شعري ف شفت البنت الي متهاوشه وياها فقالت:اف اف ياربي في ناس ماني طايقتهم
ابغى اخرج هيا تعالوا ياصحباتي
وطلعت انا مقهوره واصله حدي ناظرتها بنظرات وقلبت عيوني وكملت شعري ……
ف من حسن حظي كان يوم اجتماع مع اولياء امور طالبات صف ثاني
ف في الفسحه كنت ماشيه مع صديقتي هديل
وماسكه فطيرتي وعصيري وشكولاته وماشين داخلنا من باب اسود مقابله درج طويل بنجلس فيه
فسمعت ازعاج واصوات عاليه ومن ضمن هالاصوات وحده تتكلم تقول ام القمل تعالي واجهيني إذا كنت شاطره
ف لفيت لينها البنت نفسها ولقيت نص بنات المدرسه معاها
انا والله العظيم خفت قلت في نفسي هذولا كلهم بيتضاربون وياي لا ما اصدق
قالت البنت تعالي يأم القمل لفيت عليها وقلت إذا انا راسي قمل فانتي غابه
قالت : هيا انا احب المضاربه تضاربي
انا بسراحه فقدت اعصابي
ف اعطيت هديل زميلتي الفطور حقي ورحت لين عندها وسحبتها بشعرها
وكان قريب مني الجدار وصقعتها ع الجدار ورميتها ع الارض
بعد ما عركلتها وسرت اناقز ب رجلي فوقها
وحاولت أنها تمسك بشعري بس ماقدرت لانه ظفاير كله
بعد كيذا ما اذكر شي فقدت اعصابي كلها احس سرت زي الوحش
مادريت إلا بوحده مدرسه جت شافت البنت فقالت بالحضري:بسم الله عليكي حبيبتي اقروا عليها ايه الكرسي
واخذتها معاها وراحوا بعد ماشالوها بنتين
عاد انا باعلى صوتي :هالحين هي الي جايه وتحارش فيني وتقولين لها بسم الله عليك خير
البنت بين بكاء وشعرها اقصد كشتها الطايره تقول: والله لأوريك والله لأجيب امي
عاد انا ماتهنيت في الفسحه لأنها صفرت بس جلست واحس اني ارتجف مع هديل
وهي تقول والله ياساره اني يوم شفتك قلت اتحدى إذا كانت ساره
[للمعلوميه انا الي يشوفني يقول هذي الهداوه كلهافيهاانا فيني هداوه واحيانا تجيني شطانه فتره وتروح ]
فأناوهديل جالسنافي الفه حقت الدرج وكل شوي يجون بنات ويتكلمون بصوت واطي بس الي اسمعه منهم يقولون:هذي __
ياشيخه والله هذي ويأشرون علي
__هذي لا مااصدق انها هذي هذي هاديه
المهم قلت وش تسوين ياساره البنت اكيد الحين عند المديره تشتكي بس جبتها
(وحده من صديقاتي في الابتدائي الله يذكرها بالخير <هيا> كانت تقول لي دائما
ياساره إذا تضاربتي مع احد اضربيه لين مايقول بس بعدين روحي اشتكي عليه)
رحت واشتكيت عليهافي الاداره ونزلت دمعتين حق البراءه ….
صحيح نسيت ترا البنت مخشت وجهي مخشتين:
في جبهتي وحده والثاني عند انفي ويوم اشتكيت عليها اخذت عذري المخوش الي في وجهي
رحت للفصل بعد ما هدتني الاداريه وكان عندنا فراغ عشان الاجتـــــــــــــــــــــماع ………
وانا جالسه اتفسح في الفصل جت عندي بدور قالت ياساره الله يهديك وش سويتي في البنت
انا شفته معها وحده من المعلمات وقلت اكيد جنيه طلعت علينا
شعرها مقلوب قلب حتى وجهها ماشفته من حوسه شعرها ____
الاصح ساره نسيت اقول لك ترا من بدت الفسحه والبنت تتمشى على المدرسه وتقول:{{من يبغى يشوف مضاربه حلوه}}
صحيح انا شكلي ماني راعيه مضاربات بس لاتتضاربون مع ناس انتوا ماتعرفون وش داخلهم لايغركم المظهر
المهم مر تقريبا يومين ع المضاربه ___بس والله العظيم
ان البنت من تشوفني ترتبك وتغير اتجاه عينها
بعد كيذا سووا المدرسه اجتماع عشان يسون محاضره انا وصديقتي هديل وشويه بنات جلسنا ورى اخرشي
فجت عندي بنت اشوفها بس ماعمري تكلمت معها جت تقول لي: انتي ساره صح_
قلت ايه نعم وش بغيتي
قالت: ياساره انتي مجنونه تضاربين ويامريم
قلت انا منهي مريم
قالت: البنت الي تضاربتي معاها
قلت :ايه البنت اسمها مريم
قالت: ايه هي مريم
قلت:وش فيه
قالت: بالعربي هذي ولدددد
قلت للبنت: ابشرك خليتها بنت قامت وبعدت عني وهي ميته ضحك
==================
مره وانا في اولى ابتدائي كنا جالسين عددنا تقريبا ٣ بنات
ف فيه بنت سمراء البشر ونوع شعرها خشن ف وهي جالسه معنا وتسولف
تقول :انا امي واختي جلسوا يروشوني ويبخون شعري بالفليت امس
بس انا والي معي جالسين نناظر بعض بإستغراب
البنت الثاني الي معنا تقول ليش يبخون راسك ب الفليت عشان ينعم والا ليش
عاد البنت السمراء تقول بشهقه:انتوا امهاتكم إذا روشوكم ما يحطون فليت بشعوركم!!!!!!!!!!
عاد انا قلبي قارصني من الغيره
حتى حنا عندنا فليت ليش امي ماتبخني فيه<يقلع ام الدلاخه>
فأذكر اني سألتها نفس السبب
جت اختها الكبيره تاخذها معها وسمعت بالسالفه شاورت اختها الصغيره بكلمتين ماندري وش طـــــــــــــــــــــــلاسمها!!!!!!
وجت البنت الصغيره قالت لنا:هذا سر ماراح اعلمكم
وراحت وانا والبنت الي معي نناظربعض كلنا علامات استفهام؟
المهم بعد خمس اسنين فهمت ان راس البنت كان فيه قمل
<<<<صدق انواع الدلاخه>>>
==============
مره في اولى ثانوي كنا في حصه الفيزياء
ف انا وافنان وسميه جالسين اخر شي ع الجدار وجالسين نكتب اي شي تكتبه استاذه الفيزياء ع السبوره
ومستعجلين عشان الحصه الي بعد الفيزياء راح تكون فســـــــــــحه
وحنا ماسكين الخط في الكتابه انا وافنان تفضحنا دئما ضحكتنا
ف استاذه الفيزياء شاكه ان فيه بنات يكتبون
وكانت سميه تكتب بس عشان طبعها الهادي ماتنكشف غالبا
ف مدرسه الفيزياء قربت لمنا وتتكلم عن الجاذبيه وهذا طبعها تمشي وتتكلم
فقربت زياده واخذت دفتر [دانا]<بنت من الجهه الثانيه>انا وافنان ع طول ابتسامه صفراء
كشفت دانا وماكشفتنا وضحكه خفيفه لفت علينا استاذه الفيزياء وقالت: انا شايفتكم من اول الحصه
وانتوا تكتبون بس انا ساكته بس راح اشوف مين فيكم اسرع وحده في الكتابه
فتحت دفتري
قالت:ماشاء الله ســـــــــاره اسرع وحده في الكتابه حتى انها وصلت الى النقطه الموجوده في السبوره
اذا ساره تأخذ المركز الاول
شوي فتحت دفتر افنان قالت: افنان للأسف المركز الثاني
مابينها وبين ساره الإ شي بسيط امداها تلحق على ساره
وفتحت دفتر دانا قالت: المركز الاخيره
لسا ماامداها تلحق في البدايه وسميه عشان هداوتها ما انكشفت اخذت دفاترنا وشقت الصفحتين الا كتبناها
بعد الفسحه اخذنا دفاترنا من عندها ونقلناهم من ســمـيه
____________________________
للكاتبه والراويه:~أتعبني قلبي من جروح الليالي