من ماضي الوقت تذكار / بقلمي

***

مع اول اطلاله لي بمنتديات غرآم … اضع بين ايديكم روايتي (من ماضي الوقت تذكاار )
اتمنى ان تكون بمسوى فكركم الراقي ..
::
بسم الله الرحمن الرحيم
من ماضي الوقت تذكار
(1)
:

كل شيء بارد حولها..او يغطيه هالة من السواد
والمكان يخيم عليه الهدوء والصمت اكثر من المعتاد
بداخل الغرفه التى خصصت لها ..والتي كانت قاتمة مظلمة اكثر من اي غرفه اخرى
فتحت ديما الباب ودخلت بعد ما استاذنت
بخطوآت واثقه .. تقدمت نحو الستائر وازاحتهآ لتسمح لاشعة الشمس الدافئة بالدخوول
ظلت تنظر لاختهـــآ زينه ..وتتأمل لون بشرتها الفاتح
والخالي من العيوب والناعم مثل بشرة الاطفال
وفمها الحساس المليء بلون الورد..وعينيها العسليتين
وشعرها الطويل ولونه الجذاب والمتهدل على كتفيها النحيلتين
ولا كأنها استفاقت امس فقط من غيبوبه استمرت اربع سنوات
صبــــــــــآح الخير …عسى نمتي زيـــــــــن ؟؟؟
زينه بصوت مبحوح وهي تجمع شعرها المتناثر وترجعه خلفها
ماقدرت اناام من الصدآآآع
ديمــــآ / الطبيب يقول ان الصداع والدوخه شي طبيعي للي بمثل حالتك
صمتت لحظه ثم اردفت / قدرتي تتذكرين شي .. والا لأ
ضغطت زينه على جانبي رأسها وعلى وجهها ترتسم علامات تعب
ولا شي الا الفرآآآغ …
ظهرت ابتسامة رضا وارتيااح على شفتي ديمــآ
لاتشيلين هم … ذاكرتك رح ترجع لك مع الوقت بالتدريج
انفتح الباب واندفعت طفلة جميله نحو ديمــآ
مــــــآمي.. انتي وين ؟؟ ادور عليك انآ
احست زينه بالدماء تندفع لوجهها..وبشي حاار يسري بين فقرات ظهرها
عضت طرف شفتها..حتى ذاقت طعم الدم
ديما وهي تدفع الطفله لمغادرة الغرفه
روحي انتبهي لفهوودي .. جايتكم الحيـــــن
تبعتها عينــآ زينه حتى خرجت / بنتك ؟؟
هزت ديما راسها بالموافقه
زينه /ربي يحرسهـــــآ ؟؟كم عمرهاا ؟؟
ديماا/ هذي نور خمس سنوات .. وعندي فهد عمره سنتين
زينه / الله يخليك لهم..
واردفت بعد تردد/ وهذااك اللي قلتي اخونآآآ.. وينه فيه ؟؟
اطالت ديما النظر في وجه زينه / قصدك بآسم..؟؟؟
رآح لشغله … بس اتصل من شوي يسأل عنك ..
وقفت واتجهت للباب / انا طالعه لعيالي .. خذي راحتك البيت مافي احد غيرنــآ
وزوجي مسافر هاليومين ..مانتظرت رد زينه وخرجت بسرعه
عادت زينه للتمدد وهي تشد الغطاء وتهمس بـ ضيــــــــــآع
نــــــــــــــــــــــــــور !!!!
نــــــــــــــور !!!
نــــــووور !!!
اطبقت جفنيهاا بقووه ….
راحت تبحث عن شيء في ذاكرتها الفااارغه
تعالت الاصوات..وازدادت الطلاسم

وجوه كثيرة..بتقااسيم تجهلها
بعضها تنبت من الظلام..ثم تختفي
اختلست النظر لكل الوجوه
علهاتلتمس خيطا يقودها لفك رموز تلك التعابير

وعند آحد الوجوه..توقفت

انهااا..؟؟
طفله بالشهور الاولـــــى
اسمها..
نـــــــــــــــــــــــــــووور ؟؟!!
ولهــــــآ وجهه…زينه !!!!

:

وش صار / وش اللي غيرني .. ما عدت اعرفني طبيت في المطب
عيار / كانو يسموني .. وكلهم يعرفوني مالي انا والحب
كانت تدندن بصوت هادي وناعم وهي تنزل الدرج بخفه
صبااح الخير دلوعتي
التفتت بدهشه لصاحب الصوت اعلى الدرجاات
ضاقت عيناها /انت هنـــــآ؟؟!!!!
تداركت نفسها بسرعه وقالت / صبااحك فل ..واحلى فل
ظلت واقفه بمكانها حتى وصل لعندهآ وحضنها بحب كبيـــر
تاخرت عن شغلي بس عشان اكحل عيني بشوفتك
بابتسامه عتب رقيقه / بـــآبااا؟؟؟
مسك ايدها وتوجهه لطاوله الطعام
همس بهدوء / تعالي نفطر سووآ
وقف لمآ انتبه لتألقها بالبس.. تراجع خطوتين وصار ينظر لها باعجآب
صفر بحماس وهو يرفع حاجبيه / وشـ عنده الحلو ع الصبح
احتقن وجهها فنزلت راسها وهي تحرك قدميها بارتباااك وخجل
كنت ابي اتصل فيك واخبرك ….
رفعت نظرها شوي وشافته عاقد حاجبه وكانه مو مصدقهآ
واردفت بحزن مختنق /بعد اذنك … آبي ازور مامـــآ
انتقل مشاري من النقيض للنقيض من الهدوء الساكن الى الغضب العارم
الحالة التي لا بد أن تصيبه كلما سمع اسم زوجته السابقه
التفت بحدة وهو ينظر لهآ بقسوة متوحشة
نعم وش قلتي؟؟
تهمس بألم وهي تحاول منع دموعها من الانحدار
تكفى بابـــآ… حيل مشتاقه لها
تنهدت بعمق أكبر والكلمات تخرج من بين شفتيها مرتجفة متقطعة خائفة
والله بموت ابي اشوفها … بس هالمره تكفى
مشاري بثقه حازمه / اظن اني حذرت تجيبين طاريها..انتي ماعندك ام فاااهمه
ويالله اطلعي لغرفتك مابي اشوفك قدآمي
تنهار على ركبتيها..وتنكب على يد والدها تقبلها..
تهمس باستجداء موجع/ تكفى بس هالمره ..تكفى
والله ماعاد أطلب منك شيء في عمري كله
انتزع يده بقوه .. رفع ابنته من الارض وضمها بين كتفيه بكل قوته
اخذ يمسح على خصلات شعرهااالناعم بحنو / انسيهآآآ حبيبتي
صرخت مستنكره بصوت مبحووح / انسآآآهآآ؟؟ ليه ؟؟؟؟
وشـ ذنبي تحرمني من امـــــي
سالت دموعها البائسه بين كتفيه ..
شعر مشاري أن البلل الذي بدا يغرق صدره.. كما لو كان يغرق روحه في دوامات عاتية
خرجت لغرفتها مجبره تجر ااذيال خيبتها وحزنهآ
رمت نفسها على السرير وانخرطت بنوبة بكاااء حااده

:

يحاول أن يتناسى الذكرى المؤلمة التي تأبى الانزياح
همسات الرجال المحتقرة بكل مكان
(هذا اللي زوجته عافته وخذت صاحبه )
اضطراره لبدء حياة جديدة ابتعد فيها مع ابنته عن اهله كل اقربائه وحتى أصدقائه القدامى..
غلف روحه بكل البرود والجمود حتى يتعايش مع الخزي الموجع
تحمل مسؤليه ابنته(يارآ) بالكامل .. صار لها الآب والام في وقت واحد
كان يظن لما يحرمها من امها ويغرقها بالرفااهيه بتنسى ان لهاا ام !!!
قهره يتزايد ويتزايد ..وشـ اللي ذكرك فيهااا ؟؟؟
زفر بحرارة لاهبة أحرقت صدره /والله لانسفك نسف ياا ديما انتي وزوجك

:

سمعت باب الغرفة يغلق بهدوء..رفعت راسها واستدارت نحو الباب
همست بخفوت /بـــــــــــــآســـم ؟؟
جلس قربها على حافه السرير..وخلع حذاءه بهدوء
رفع قدميه على السرير وتمدد بجوارهــآ
لكنها هبت جالسه ورفعت ركبتيها وضمتهما بذراعيها
همس ببرود /ماانمتي ؟؟
رمت الغطاء عنها بعصبيه
باسم وصوته بدآ يحتد / اتركي الهبال .. وارجعي نامي ابرك لك
شدت حزام روبها وصفقت الباب بقوه وهي تغاادر
تمددت على الآريكه بالصاله و اسئلة كثيره راحت تدور برأسها دون ان تجد لها اي تفسير….؟؟
شعرت بوحدة مؤلمه تغلفها من كل جانب…
وصمت رهيب يغرقها بجو من الكآبه
في كل مره يخرج من المنزل اظل انتظره وكانه لن يعوود ابدآ
وعندما يرجع احس ان روحي عادت إلـــي…
فأنا اعشق فيه كل شيء ..حتى ظله
وهو يريدني كالاله ..اغسل .. انظف ..اطبخ ..
حتى دموعي يريدها ان تجف لوحدهآآآ
عندما سألته باصرار / لماذا الصمود امام مشاعري المتأججه
فكان جوابه احمق .. لايريد لرجولته ان تنتقص !!!!
اغمضت عينيها بقووه وقلبها يخفق بعصبيه وانفعاال
صدق انك لوح …
حينها كان باسم بدا يغفو للتو .. ايقظه الرنين المتواصل لهاتفه
ما ان راى اسم المتصل حتى تزايد جزعه .. هاا ديمـــآ ..زينه فيها شي؟؟
ديمآ / بسم الله عليك .. شفيك متخرع ؟؟
باسم / لا ..بس .. استغربت اتصالك بهالوقت
ديمآ / بهالوقت؟؟؟ تو حتى ماصارت تسع .. لاتكون ناايم بس ؟؟
ايه والله توني غفيت .. خفت زينه فيها شي
وانت ومرتك مااعندكم غيــــر النووم .. يالله عاد بكره الخميس تعالو معنا وغيروا جو
سألها مستفسرآ /وينكم فيه ؟؟
ديما /بالمطعم الايطالي .. عجلوا مارح نطلب حتى توصلوون
كانت بدور ماسكه الرموت وتقلب بالقنوات ..
لما سمعت صوته ينادي باسمها .. تظاهرت بالنوم
حين تاخرت عليه بالاجابه .. خرج لها بنفسه
جلس على الكنبه المقابله لها
بدوور .. نمتي ؟؟؟
وابتسم وهو يردف /والا تطلعين نتعشى بالمطعم ؟؟
فتحت عيناها وهي تظن انها قد سمعت خطأ/ هآآآ وشـ قلت ؟؟لايكون تمزح بس
اتسعت ابتسامته /
وهالسوالف فيها مزح ؟؟؟
يالله قومي اجهزي .. ديمآ وبندر ينتظرونآ
بدور فزت وتعثرت من شده خيبتهآآ
اهآآآ السالفه فيهآ ديمآآ .. وانا اقوول شصااير بالدنيآآ
يااخي انت ماااتعرف تسوي شي بنفسك .. لازم يعني حد يعلمك ..
نفسي مره تفاجآني بشي بدون ماتحشر حد بينااا
ورجعت تتمدد ع الكنبه نفسهآآآ
اسفه ماني رايحه .. اعتذر لاختك بالنياابه عني
ابتعد عنها بدون ولاوكلمه ..بعدهآ بدقائق سمعت صوته يغادر الشقه
كانت تنتظر منه تبرير .. اعتذار .. اوحتى كلمه عتب ..
تنهدت بالم عميق ويأس حقيقي
حياتها كاملة تنهار أمامها.. وليس في يدها أي حل!!!

:

من ماضي الوقت تذكآر

(2)

:
يتناول وجبته بتوتر واضح
رشف من قهوته ووضع الكوب بعصبيه
يشعر بصداع فعلي وأعصابه على وشك الانفلات من تزايد الغضب..
يريد ان ينتقم ..يجرح ..يهين.. اي شي يبرد بعض من ناره في
من سببت له الخزي

رفع صوته بعصبيه /شااادو.. شااادو .. وينك ياااتبن
تقدمت الخادمه بحذر / نعم ياابيه …
/ يااارا نزلت من غرفتها او طلعتي لها اكل او اي شي؟؟
شادو / دي مـ نزلتش من اول امبااارح .. وحتى مش راضيه تفتح او ترد عليآآ
والموبايل بتاعها يديني مغلق على طوول
وترددت للحظات قبل ان تسأل / انتآ مزعلهآ والا إيه ؟؟
مو شغلك ..و ضرب صحنه بالملعقه فتناثر الطعام
شادو بعتب / نفسي اعرف حتتصرف إزاي دلوئتي .. البت حتروح منآ بشربة ميه
مشاري / تقلعي من قدامي لا اكفر فيك
شادو/ هو انتا مائدرتش على الحمار تتشطر ع البردعه .. انا رايحه من أودامك اههو
بس ماتبئش تندهلي الا لما تروأق خالص
وضعت (مستر كي ) على المنضده / اهو المستر كي ..
ابئى طل على بنتك .. دي زنبها في رأبتك

:

ازاحت شعرها عن وجهها ومسحت دموعهآ
تشعر بالوهن وترتعش من الحراره
لامتناعها عن تناول اي نوع من الطعام او الشراب ليومين متتالين
وجدت نفسها تسبح بين غيوم من لهب..وجبال تفورحمم
أفاقت على يد قويه..تربت على وجنتيها
ياارآ .. يآآآرا ..
حاولت رفع جفنيها..وتشبثت بيد امتدت لهآ ..
وصارت تهذي بـ حزن..مآآآمآآ
تسمع صوت متوتر/ شكلها تهذي من الحرارة..
وصوت شاادو المحبب لها / بسرعه يااابيه .. البت حتمووت
لم تستطيع مقاومه غيبوبه النوم..فغابت عن عالمها
:

خرج الزائرون..وأُطفئت الانوار القويه في الممرات
وعم السكون في اقسام المستشفى المتعدده

تسحب يزيد بهدوء…ودخل الغرفه المخصصه لها
وقف يتأمل وجهها الشاحب وملامحها الناعمة المظللة بالسواد
كانت موغلة حزناً..أنفاسها حارة
احبها اكثر من اي شخص..ويحبها الان اكثر من اي وقت مضى
وسيظل يحبها حتى النهاايه
لطالما بدت له يارا عشق الطفوله ..جميله .. مدلــــله ..رقيقه
حينما فتحت عيناها ببطء وكسل
كاد ان يطير فرحاً
يارآ رفعت رأسها لتظهر عينيها المحمرتين وتفاجأت بعينيه تتفحصها بكل جراءه
همست بمحآوله منهآ أخفآء توترهآ
وقلبهآ في الحقيقه يقرع طبول من الخوف
انت مين ؟؟ وشـ تسوي عندي ؟؟
ظل ينظر لها بصمت بدون حتى مايرمش ..
تنتفض بعنف وتوشك على البكاء / اطلع برآ قبل انادي الممرضاات
تقدم خطوه للامام / انا يزيد ..
صرخت بجزع / لااا تقرب … يااحيوان يااقليل الادب
وبنفس الوقت تضغط على زر نداء الممرضات
قفز للخلف / هدي ..هدي .. انا اشتغل هنآ .. والعم مشااري وصاني اطمنه
على صحتك .. واشوف اذا ناقصك اي شي
صمتت لبرهه ثم همست بغضب / و واقف تبحلق فيني ..وفااغر خشتك ياااوقح
توسعت عيناه وقال بصدمه / اســــــف … مو قصدي اضايقك
رجع للخلف بدون مايلتفت وقبل خروجه قال بهدوء / عن اذنك
تنفست بعمق ووجهها يزداد احمرا لما انتبهت لشعرها المكشوف
ولبسهاا (بجامه )تظهر مفاتن جسدهآ الغض
(الله ياخذك ياللي اسمك يزيد .. يعني اناا ناقصه هم )

:

كانت قد اعتادت صباح الخميس من كل اسبوع ان تخرج للتسوق
تتجول بين المعارض والمحلات ..
اختارت زاويتها المفضله باحد المطاعم ..طلبت قهوه وجلست تشربها بهدوء
وقفت امامها امرأة منقبه وقالت / بدوور ..؟؟ عاش من شاافك ياادوبيه
فورآ عرفت صاحبه الصوت / هبه .. من جد هذا انتي ..؟؟
هبه وهي تسحب مقعداً وتجلس بجوار بدور
وحشيني حيــــــل .. وشـ جابك هناا؟؟
بدور / ههه.. جابني اللي جاابك حبيبتي .. والله انك على بالي دايم
هبه كمن تذكر شيئا/ تصدقين عااد .. كنت ويزيد نتكلم عن اهل زوجك قبل كم يووم
وصرت ادور على رقمك او رقم ديما بس للاسف الارقام اللي عندي كلها قديمه
واردفت وهي تخرج هاتفها من حقيبه اليد / لازم تعطيني ارقامكم ضروري
بدور/ رقمي بعطيك اياه عادي .. لكن رقم ديمآ لازم اقولها بالاول
الا انتي وشـ تبين برقم ديما .. اعرفك مو بذاك الزود معها
هبه / تعرفين بنت عمك شايفه نفسها مدري على ايش
لكن انا بصير اطيب منها وباتصل لها اتحمد سلامه زينه وبنتها يارآ
بدور ارتعشت بعنف / زينه … وشــ فيهاا زينه ؟؟؟
هبه مستغربه / ماتدرين انها فاقت من الغيبوبه ورجعت لبيتها ؟؟
شعرت بدور بتوتر عميق وغضب أعمق
زينه ؟؟؟
هبه بتاثر/ ويارا مسكينه .. تنومت كم يوم بالمستشفى
حسبي الله على من كاان السبب !!!
توقف ذهن بدور عن اسيعاب ثرثره هبه بعد ذلك
تشعر بغيظ شديد من كتمان باسم للخبر
وقفت وهي تنتفض من الغضب ..
هبه/ بدور اقعدي ..ليش مستعجله ؟؟
مشت باتجاه المصعد وهي تشعر أنها تكاد تسقط من فرط ارتعاشها وتوترها

:

كانت مستلقيه على السرير..تتأرجح بين الحلم واليقظه
بوجه يتصبب عرقا ..وعينين محدقتين بالظلام
ارتعد جسدها على يد صغيره تربت على كتفها
ههه .. خفتي ؟؟
نظرت لوجه نور
و أطآآلت النظر
تبحث في اعمااق ذاكرتها الناقصه عن شيء لا تعرف مااهو
ليتزايد الالم اكثر واكثر
شدت نور على كتف زينه..ثم ابتسمت …!!!
يالله..كم هي جميلة ابتسامتهآ
نوور / انتي مريضه ؟؟
هزت زينه راسها بالايجااب
نور / وين يعورك ؟؟
اشارت زينه لراسها / صدآآع .. الحين اكل الدوآ ويخف بسرعه
فركت جبينها في محاوله بائسه لتخفيف الالم
جلست على طرف السرير وهي تضغط بيديها الاثنتين على رأسها
وقفت وحاولت تمشي باتجاة دورة المياة .. احست بدوخه قويه
وكأن الارض مو ثابته تحتهآ ..فسقطت وارتطم رأسها بحافه السرير

::

موعدنآ كل سبت باذن المولى

انطلقو بأرائكم وتوقعاتكم
بنتظار ردودكم ..

محبتكم/ شمس 🙂

السلام عليكم …كيفك ياعسل؟…يشرفني اني اكون اول من يرد ع روايتك ويعلق عليها
الصراحة كلمة رووعة قليلة عليها …ماشاء الله عليك من اسلوب وسرد القصه وشخصيات
وكل شي ..الله يعطيم العافية بجد بجد روووعة …واعتبريني من اليوم انا من متابعين
لروايتك ^_^…تحياتي لك..~

يسعد لي مساءك عيون قتاله ~
ابهجني تواجدك وردك ..

موعدنا غدآ عزيزتي .. فكوني بالقرب ..

كل الود ~

وعليكم السلآم والرحمه ~

عوافي روح زايد ..
اتمنى يعجبك الآتي ..
ود واكثر

رررررررررررررروايه ابداع مشاء الله بجد
زينه ليش فاقدة الذكرة
وهم كم اعمارهم
وليش خانت زوجها
تقبلي مروري

مرحبتين وحيده كالقمر ~
باذن المولى بالاجزاء القادمه ستتضح الامور
كوني بالقرب

بسم الله الرحمن الرحيـــم

:

***
من ماضي الوقت تذكـــآر
(3)
****

كان باسم عاكفآ على قرأة ورقه من الاوراق المبعثره بجوار اللاب توب على طاولته
امتدت يده اليمنى بكوب القهوة الفارغ ناحيه بدور / هاتي كافي
ازدحمت على شفتي بدور كلمات الغضب والامتعاض
/ ابي افهم .. انا زوجتك وشريكه حياتك .. والا مجرد قطعه اثاث مالها اي قيمه ؟؟
لاح شبح إبتسامه ساخره واهنه..على شفتي باسم / وشـ مناسبة هالسؤال هالحين ؟؟
بدور / لاترد على سؤالي بسؤال.. ليه ماعلمتني ان زينه فاقت من الغيبوبه وفاقده لذاكرتهآ؟؟
باسم / وهذا انتي عرفتي .. وشـ تقدرين تسوين ؟؟؟
رعشة تسري بأوصاليها وأطراف أصابعها..ورغبه جامحة في البكاء

اي رجل انت ؟؟
مانوع ذلك القلب الذي يضخ مثل دمك؟؟؟

رفعت راسهآآ بتحدي مليء بالغرور / بتشوووف وشــ اقدر اسووي !!!

::

هزت زينه رأسها…آآآه..
ثم رفعت يدها تتحسس عنقها..وراسها للتتأكد من خلوها من الرضوض
واخيرآ تنفست بعمق و فتحت عيناها بالتدريج
مرت دقائق…لتستوعب ما حولها
وتبتسم شفتاهآ..لملامح تألفها
قالت / كبرتي ياماما .. لكن ملامحك ماتغيرت كثــير
كانت تنظر لنور بلهفه وتتفحص ملامحها بدقه وتركيز ارعبت الطفله
قالت وهي تفتح ذراعيها / تعالي .. قربي مني حبيبتي
تراجعت نور للخلف جزعآ / مآآبي .. مآآبي .. وخرجت مسرعه
اندفعت زينه خلفهآ ..وعيناها تتفحصان المكان
والهدوء الذي يعم الارجاء يساعدهآ على الاسترسال بالذكرياات
( الف حمد وشكر لك ياارب ..نور ماصار لها شي بالحادث .. بس بندر وشـ صاار عليه ؟؟)

سارت بالممرات وبين الغرف.. تستجدي ذاكرتها لتجود عليها بالذكرياات
هذة غرفه الضيوف
وهذة غرفه طفلتنا نوور ..
وهذة الغرفه ببابها المفتوح تحمل اجمل ذكرياتي مع بندر
صوت حوار ساخن اقتحم هدوء المكان
ومن خلال الباب المفتوح…التقطت كلماتهما
ديمــــآ / زينه .. زينه..!! حرام عليك ياابندر .. راعي مشااعري شووي
شهقت زينه بهلع وهي تسمع صوت تعرف صااحبه
بندر/ يااحياتي ونور عيني .. ام فهودي انتي نبض قلبي والله ..
زينه ماتعني لي اي شي .. ومايربطني فيهاا غير نوور وبس
وحضنها اكثر / انتي شايفه حالتها اللي تصعب عالكافر.. والطبيب يقول نسبه استرجااع الذاكره
عندهآآ ماتتعدى 20 بالميه ..فاعتبريهاا مو موجوده .. او ماتت .. اوللحين فاقده لوعيهاا
مايفرق حبيبتي دامنا سوآآ
ديمآ / طيب يالله بسرعه خذ اللي تبيه من الملابس وارجع للفندق ..
ولاتجي مره ثانيه قبل ماتقول لي ..
بندر / امم . وشـ رايك زينه هي اللي تطلع وتروح لعند باسم .. والله اني تبهدلت
وكأني مجرم وهارب من العداله
ديمآ/ لا والله .. من جدك انت ..
انا متأكده ان زينه بتتذكر كل شي لما تشوف واحد من شخصين
انت … او بدوور .. عشان كذا خلك بعيد قد مااتقدر حبيبي
اما بدور .. انا حذرت باسم مايقولهاا شي .. والله يستر

يصرخ نبضهاا … وتأن كافة اوجآع جسدهآآ
ديمآآ .. و بندر ..؟؟
كيف ؟؟ كيـف ؟؟
شعرت زينه بدوامه عنيفه تشدهآ الى أسفل ..تشدهآ الى ماتحت الارض
حيث يسكن الاموات ..الذين تمنت ان تكون إحداهم بتلك اللحظآآت !!!

***

توجهت بدور مباشرة لغرفه زينه متلهفه ..
طرقت الباب بخفه ودخلت ..
كانت زينه تجلس متربعه على السجاده ..وتغطي وجهها برداء الصلاة
صوت بكائها جعل بدور تحس بقسوة الالم الذي تعيشه
احست بحشرجه..وغصة..في حلقها
رفعت زينه بصرها / بدوور .. الحمد لله اللي شفتك ..
ديماا اختي ياابدور .. خذت كل شي مني .. وحتى نوور تناديهاا ماما ..وشـ بقآ لي .. وشـ بقى ؟؟
جلست بدور بجوار اعزصديقاتها وبنت عمها وزوجة اخيها سابقا تواسيها
ودموع القهر شكلت سحابه امام ناظرها/ الله ينتقم من الظاالم …
طوقت عنقها بقوه / وينك عني ياابدور .. انا بحاجتك الحين اكثر من اي وقت
زفرت بدور بقوة, وظهر الغضب على وجهها
قومي غسلي .. وتعوذي من الشيطان ..
وانا اللي باخذ حقك من هالعقربه ديمآآ

خيم صمت كئيب..
مرت امامها تفاصيل الحادث المؤلم قبل اربع سنوات
::
التفتت زينه للمقعد الخلفي حيث ابنتها ذات الثلاثه اشهر
مستغرقه بالنوم في المهد المخصص لها
ورجعت تنظر للطريق امامها ..وتواصل حديثها مع بندر
قالت بفرح وامتنان /مشكور حبيبي ع السهره الحلووه .. والعشا الاحلى
بس مدري .. احسك مو مبسووط ؟؟!!
نظر لها نظره غريبه .. ثم رجع ينظر للطريق امامه
قالت بنبره من بدآ يقلق فعلا / في شي مضاايقك ؟؟
اجابها بعد تردد/ ودي اقول لك شي .. بس اتمنى ماتسيئين فهمي
زينه بنبره جاده وقلبها يخفق بشده / وشــ صاير …؟؟
بندر / احنا لازم ننفصل ..
لحظاات صمت قاتله ..حاولت زينه استيعااب ماقاله
وشـ قصدك بـ ننفصل ؟؟؟
بندر / بصراحه انا احب وحده .. واحنا متفقين .. بس لازم اطلقك عشان اقدر اتزوجهآآ
انت شقاعد تقوول ؟؟حب وزواج … طيب وانا يااابندر .. مافكرت وشـ بيصير فيني ؟؟
/تابعي حياتك .. مثل مانا خططت اتابع حيااتي مع اللي اختارها قلبي وعقلي
رددت كلماته ودموعها تنهمر / اختارها قلبك وعقلك .. وانا .. ونوور ..وشـ نكون ؟؟
اجابها بنبره حاده وصريحه /اكبر غلطه بحيااتي
اندفعت تضربه بيديها بطريقه هستيريه .. وهو يحاول تفادي ضرباتها
صرخ / زيـــــــــــــنه .. اهدي شوي.. خليني اعرف اسووق
انوار ساطعه وفرمله قوويه ..ثم الم عميق ووجع ليس لها قدرة على احتمااله
فغابت عن الوعي
***

هاا هي يارا تعود للمنزل..
رأسها مثقل بهموم..لا تظنها ستنتهي
فطلبها المتجدد بـ الحاح..قوبل برفض لا رجعة فيه
عيناهاالحزينتان..تراقبان السقف فوق رأسهآ..
كأنها تبحث عن حل..لمشكله مستعصيه..!!!

كانت تنظر بشرود لشاشه هاتفها تضيء .. والخمول سيطر على كل حواسها
( اكيد شاادو مافي غيرها تحب الازعااج )
توقف رننين الهاتف..فتنفست الصعداء
وضعت جهازها على طاولتها الصغيره ..واتكأت
بذقنها على ركبتيها..وابعدت خصلات من شعرها عن وجهها
للمرة الثانيه ..رن هاتفها….اجابت بعصبيه
شااادو.. كاافي ازعااج …
ولدهشتها ردت سماح بمرح / لا يااالسخيفه .. تشبهيني انا غصن الباان
بشاادو خيشه البصل .. صدق انج مضيعه ..
رغم جو الكآبه الملازم لها الا انها ضحكت من قلبهاا
مرآآآحب سمسم .. والله فرحت لما سمعت صووتك .. اخباارك واخباار عمتي
واخوانك كلهم …ان شاء الله كلكم بخيـــر
سمااح / الحمد لله تمااموو .. وعال العاال .. وكلهم يوصلون لج السلاام
يارا / هاا وكيف الجو عندكم بالشرقيه .. ؟؟
سماح / الجو والله حلوو ..رهيــــــــب .. حق طلعاات وناسه ..
يارا / واكيــد اكيد بتخيمون بالبر مثل كل سنه ؟؟
/ ياليــــت والله .. بس عندنا زواج اخووي سلماان الاسبوع الجااي ..
وانشغلناا بالتجهيز وهالشغلات ..
/ صحيح .. الف مبروك والعقبآ لك ياقميـــل
/ الله يسمع منج يابنت الحلال .. ونودع العزوبيه وسنين الضيااع
بس مو هاذا موضوعنــآ .. انا داقه بس عشاان اعزمج عالزواج .. واتمنى ماتفشليني
مثل اخر مره
/ مااعاش من يفشل سمسومه .. لكن لازم يكون عند بابا خبـــر
/ خالي مشااري خليه على امي .. هي بتكلمه وبتخليه يرضى غصبن من ورا خشمه
/ ياليت يرضى يااسمااح .. قربت انجن من الملل ..
/ بسم الله عليج .. اسمعي .. يمكن نطلع للبر عقب زواج سلماان .. فخذي احتياطج
بالبس الثقيل .. لان عندنا برد جاامد ..
/ اممم .. صاار .. بس من بيكون معكم ..
/ مافي الا حنآ وبيت عمي عبد الرحمن .. مثل كل سنه ..
/ يووه .. بنات عمك الغثيثاات .. ماآرتااح لهم ..
/ هههه.. وحده توكلت ( تزوجت) وبااقي وحده بس
الله يلهمنا الصبر عليهاا ..
/ ههه.. اهم شي الدباابات .. نبي نفلهاا سمسومه
/ افاا عليج .. رح نخليهاا اياام ماتنسي ولا تنمحي من الذاكره

رددت ياارآ ..و لاتنمحي من الذااكره ..
ولا تنمحي من الذآآكــــــــــره
وشـ اللي بيخليهاا ماتنمحي من الذااكره ؟؟؟

وبرغم من كل السعادةالتي كانت تبدو على ملامح يارا
فقد غصت بحزن شاحب أعلن سيطرته على قلبها
ينتابها شعور مؤلم ..من ذلك الفرح
الذي تشوبه نكهة مرارة مآ
فهي من الأشخاص الذين يخافون من الفرح والبهجة
كما كانت امها تردد مراراً
(الله يعطينا خير هالفرحه ويكفينا شرها)
وكأن فرحتهآ ..سوف يتبعها شر

****

من باقي الوقت تذكـــآر
(4)
*****

ابتسم مشاري ابتسامه عريضه وهو يدس يد يارآ تحت ذراعه…
/ عمتك سنآآ كانت تسأل عنك من دقايق …
اغمضت عينيهآ بخفه وهي تبتسم لتظهر غمازتين تزيد من جمالها السآحر
/اهآآآ .. وماقالت شي ثااني ؟؟
/ امممم …. مثل ايش يعني ؟؟
/ بآآآبا .. معقوله منت راضي احضر زواج سلماان ؟؟
/ الا انتي اللي معقوله تروحين للشرقيه وتخليني لحاالي .. كيف يطاوعك قلبك !!
طبع على خدهآ بوسه رقيقه…
عضت على شفايفها بضيق ونظرت له ثم نظرت لراحه كفيهآ
خلص باابا .. اذا ماتبيني ارووح عاادي ..
مسك هاتفه واجرآ اتصال ع السريع
وهي ابتعدت لتجلس على اريكه مقابل شاشه التلفااز وفكرها بعيد
لا ام ولا اخ او اخت وبسبب تحكمه وتشدده كانت صدقاتي شبه معدوومه
وحتى تواصلي مع خالى باسم وزوجته بدور بالخش والدس
تنهدت بعمق وكلمات امها تتردد براسها
في اخر مكالمه لهاقبل تتنوم بالمستشفى
مدري كيف تسمحين له يتحكم بحياتك بهالشكل ؟؟
يارآ /لا ياماما تصرفاته كلها من خوفه علي وعلى مصلحتي ..
ديما باستهزاء / ايه .. هين !!
وينها فيه مصلحتك وانتي محبوسه لاطلعات ولاروحات وجياات زي باقي البنات
تقدرين تقولين لي متى اخر مره طلعتي وتسوقتي لنفسك…
/وليه اطلع واتعب نفسي وكل شي اطلبه وزياده يجيني لحد عندي
/وشغلاتك الخااصه ..؟؟
/عندي شااادو .. تفهم علي بدون ماتكلم ..
وشادو ذي تعدينهاا من الحريمم .. اوقات اخااف عليك منهاا
واردفت ديمآ بضيق / متى بتجين .. تراني مو فاضيه .. عندي مسؤلياات ومأجلتها عشانك
اجابت بكدر / خلص يااماما .. مقدر اجي اليوم.. خليهاا بوقت ثااني
ديما بعصبيه / اكيد مشااري السبب ..لكن الشره مو عليه .. الشره عليك اللي تطاوعينه بكل شي
وزفرت بشده وهي تكمل / ياارآ .. تراني كارها لضعفك واستسلامك لمشااري ..
لاعاد تدقين علي لانك ماتسمعين لنصايحي
و لاني ماابرد عليك ابد ابد …وسكرت بدون مااتسمع رد ياارآ

..اغمضت عيناها بشده وهي ترجع للواقع
جلس قربها على الكنبه ..احاط يده اليمنى حول كتفها الايمن
ويده الاخرى على ركبتهآ..وهمس / دلوعتي .. وش اللي بخااطرك ؟؟؟
تبين تروحين للشرقيه تغيرين جو ؟؟
احست انهآ لو نطقت بحرف سـ تدمع عينيهاا..فأكتفت بهز راسهاا
طيب .. انا موافق .. بس بشرط…!!!
شادو تروح معك وتكون ملازمتك مثل ظلك ..
قفزت تنهال عليه بالقبلات / حااضر باباا .. اللي تامر عليه بيصيير …
موبس شاادو .. اذابعد تبي الطبااخ والبستااني اوالبوواب مو مشكله
حيااهم الله
لمعت في عينيه ابتسامة بارده …
وابيك بعد تنتبهين لنفسك دلووعتي .. والله يصبرني على فرقاااك
يارآ بمرح / شدعووه .. وين بروح انآآ .. كلها كم يوم وراجعه
بعدين هآآ .. لاتحاول تلعب بذيلك منآآ ولا منآآك .. تراني باتصل كل دقيقه واخذ
اخباارك .. لاتفتكر بخليك براحتك …
قرص خدهآآ بخفه / عن العيااره الزايده .. ويالله قومي كلمي شاادو وجهزي نفسك
طيارتكم ع السااعه سبعه
يارآ باستغراب/ يعني حجزت لنآآ .. حتى قبل ماتعرف بوافق ع الشرط والا لأ ؟؟؟
مشاري / ماتقدرين ترفضيين ..
رمقته بنظره / احبك يااحلى بابا بالدنيآآآ
ثم رفعت يدها تشوف ساعة يدهآآ/ يوووه ماافي وقت .. ونادت وهي تطلع لغرفتهاا
شااادوووو.. تعالي بسرعه…
اخذ نفس عميق وهو يشوف فرحتهآآ وحماسها اللي من زماان مفتقدهآآ
وهمس / الله يحفظك .. ويردك لي ساالمه

****

تضع يدينها على وجهها وتبكي بصوت مسموع وتندب حظها وحياتها ..!
آآآه يااخوي ..ليتني مت بدل هاالزيجه اللي مااخذيت منها غير الهم والكدر
منك لله يااعسآآف .. رووح الله ياخذ حقي منك ياامفتري ..
يزيد حك طرف خده وقام يجلس بجنبهآآ / انتي مااتتعبين ابد.. كل يوم وثااني لك ساالفه
الله يكون بعوونك يااعسآآف .. ويكفيك شر هالدععاوي اللي تنزل عليك بدون حق
وقفت بغضب / ايه ادري انك انت اللي مقوويه علي .. هذا بدل مااتوقف معي وبصفي
شدها وجلسهاا بمكانها / عسااف صديق عمري .. وعارف طبعه واخلاقه زين ..
وطالعها بطرف عينه/ وانتي اختي وادري بلساانك ماايرحم ولايحشم احد..
دفته بعيد عنهآآ / وانا اللي عاشرته وادري بخصااله الزفت اللي زي وجهه
يزيد / وشـ كالكلام يااهبه .. عيب الله يهديك تتكلمين عن زوجك بهالطريقه
هبه / من حرقتي والله يااخووي .. صديقك ذآآ بخيــــــــــــل .. بخيــــل
فاقع مرارتي من بخله …
تخيل انه يبيني احضر زوواج بنت عمه بالشرقيه بفستاان قديــــــم
يبي اهله وبناات عمه السعالوه يتشمتون فيني ..عااد هم يبونها من الله ..
يزيد يهز راسه بأسى / تعرفين ان عسااف متخسر بالزواج حاطلك بيت وفارشه
باحسن وافخم الاثااث .. وراتبه يروح نصه بتسديد هالاقسااط .. والبااقي بلـ يالله
يكفيكم لاخر الشهر .. راعي ظرووفه الله يصلحك يااهبه ..
نزلت راسهاا بخجل / عاارفه كل ذا .. ومقدره ظرووفه والله .. بس في اشيااء ماقدر
اتنازل عنهاا .. انا تعودت ماالبس فساان سهره الا مره وحده بسس ومستحيل اغير
بنفسي .. مستحيـــــل ..
خلص مااابي ارووح للشرقيه .. مو لازم احضر هالزوااج ..
الابتروحين .. وبتحضرين الزوااج .. وبالفستاان اللي تبينه حبيبتي ..
صرخت وهي تلتفت لعساف اللي دخل وبيده كيس كبير من افخم دور الازيااء
ركضت لعنده وطوقت عنقه بيدينهاا .. معقوله شريت الفستاان اللي خااطري فيه
شعرت بيديه القويتين تحيطان خصرها .. قربها منه اكثر وقبل شفتيها بخفه
ثم قرب فمه من اذنها.. وهمس لها بكلمات جعلتها تحمر خجلا ..
ووقف يزيد يشاهد منظرهما..الذي يؤكد بأنهما متيمان ببعض
تراجع يزيد للخلف وغطى عينيه بكفيه وهو يقول/ يااخي ماافيكم صبر الى ان ترووحون بيتكم
رااعو مشااعر اللي ماادخلوو دنياا ..
ضحك عسااف وقاال/ اختك مااخلت فيني عقل ..ماقول الا .. وسكت لحظه بعدين كمل
.. الله يعطيك على قد نيتك يااخووي
كان ينظر بعشق لـ هبه وهي ترتدي عبايتها .. مسك آصابعها وشبكها مع اصابعه
قبل ان يغادر التفت لـ يزيد وقاال / تراك بتخااويناا للدماام بعد بكره ..
ماعليك الا تحضرشنطه ثيابك .. المواصلات والاكل والشرب وحتى الجولات السياحيه و الترفيه
مدفوعه بالكاامل
تخللت اصابعه خصلات شعره النااعم / غبي اللي يرفض مثل هالعرض
***
تململت وهي تنظر للساعه..
لماذا يسير الوقت ببطء..؟
عاودت وللمره المليون الاتصال بهاتفه النقاال والنتيجه نفسهاا .. مغلق …
عانقت وسادتها..مغرقةً راسها فيها وانفجرت باكية …..
واصلت البكاء حتى نبهها صوت الباب ..دخل ومشى بتثاقل نحوهآآ
جلس على حافة السرير ..ومرر اصابعه على شفتيها..وهمس بصوت خفيض / حبيبتي .. بدورتي ؟؟؟
رفعت جسمها قليلا / وين كنت ؟؟
اردفت وهي تقطب جبينهآآ /وش هالريحه اللي فيك ؟؟
ابتسم وقال بثقل /احبك .. ومشتااق حيـــــل .. تكفين لاتنزعين الروقاان
عقدت حاجبيها بتوتر / انت رجعت تشرب ؟؟؟ ليه يااباسم ..حرااام عليك اللي تسويه فيني وفي نفسك
لف يده حول خصرها وضمها بقووه ..
اشاحت بوجهها عنه / لا تلمسني وانت بهالحااله ..
ادار وجهها عنوه ناحيته / لا وانا مصحصح عاجبك .. ولا وانا مروق عااجبك ..
شدد قبضته آكثر حول خصرهآآ .. وشـ تبين علميني ؟؟
اجابت بنزق وهي تحااول التملص من بين يديه / ماايخصك ..
اقترب اكثر واخذ يهمس لها بكل رقه بمعسول كلام الحب …
اغمضت عينيها بشده .. وخارت قواهآ تماما …
فكانت بين ذراعيه كالدميه ..لا حول لها ولا قوة…
واستسلمت لدفء جسده الغامر…..

*****
وقف سكرتيره جابر امام مكتبه وقال بكل تقدير واحترام
طال عمرك تم فحص عمليات الشراء و البيع و المردودات
المرتبطة بهم فحص شامل
والمدقق قدر يحصل على اثبات فواتير شراء صوريه ومستندات صرف مزوره
وايضا اكتشف وجود تلاعب بالاجور .. واختلاسات كبيره بالمخازن
/ومن المسؤل ؟؟
جابر / موظف الحساابات بندر .. وشريكه مدير المخازن باسم
تنهد بارتيااح ….
واخيرا وقع بندر بخطأ قد يكلفه حياته .. ويدمر مابناه مع شريكه باسم
على مدى عشر سنوات …
**

انطلقوو بالردود الحلوه مثلكم
وشدو حيلكم بالتوقعاات

ررررررررررررررروعه بداء الغموض ينكشف شوي
بس متى البارت الجاري
هل يزيد بيصير من نصيب يارء
حاسة مشاري بيتزوج زينه مادري ليش
منتظرينك على جمر
حبي وياليت تنزيلين بارت قريب
تقبلي مروري

آهلين وحيدهـ ~

مشكوره عزيزتي عـ التواصل
فديت قلبك البارت القادم يوم السبت .. وابشري لو خلصت قبل كذآ رح انزله بدون تردد
بس انا احب ادقق بالكلمات والجمل واراجع الاملاء مضبوط قبل ينزل البارت
اممم توقعاتك جدآ رهيبه .. يعطيك العافيه