مرحبا جميعا
حبيت ابتدي مشاركاتي معاكم بهالقصيدة وهي من كتاباتي
وهالقصيدة كتبتاها تاريخ 1582003
اعتقد كنت في ثاني ثانوي:15:
إن شالله تعجبكم وتكون قد المقام
شكيت للقصايد جور الأيام وياي
وش بلا هالوقت صار دايمن ضدي
شلي حصل..شلي كدر صفا دنياي
شلي تغير؟!وش بلا هالكون لي متحدي
حتى الحبيب اللي عشقته خان هواي
نسى الحب..يوم كان الحب وجده ووجدي
تنكر لي ونسى ما خذا من عطاياي
وانا اللي قدره كنت رافعه بيدي
يقول انسى حبي وهواي وانسى انك غلاي
انا اليوم انلغى بالهوي معك عهدي
طعني بجوفي طعنة سالت منها دماي
اهداني الجرح وانا له ماعرفت وش اهدي؟
قلت معذور روح وانا ببدي لك جفاي
روح مثل ما قالوا جعلها دفعت مردي
لا تحسب قربك لي هو مطلبي ورجواي
"ماينحني راس الاجواد وانا بنت جدي "!!
هذا العلم جاك يا خاين وفاي
رووووووح ابتعد خلاص هذا هو ردي
شبيت بي نار تحرق اقصا حشاي ………
وبنشوف منهو اللي بيسعدك بعدي!!
لاحشا مو خطاك الخطا كله خطاي
يوم الناس تخون وفيت انا بوعدي !!
وشكيت للقصايد جور الايام وياي
يومي للقصيد شكيت وبيحت سدي
ولاهمني لوخسرت الهنا بدنياي
دام الهنا عيا يكون بدنيتي لي وحدي !!!!!!!!
وسلامتكم
حبيت انوه بس اني شاركت بهالقصيدة في منتدى من زمان يعني اول ماكتبتها وكان في منتدى دانة دبي باسم أخت القمر .. بس حبيت اذكر هالشي علشان لاتصير مشاكل :040124_em
أختكم
فمان الجرح
الجرح ماله أمان وان شاء الله بيكلأك بحفظه ويرعاك برعايته
صح لسانك ولا هنتي
قرأت لك
واستبشرت بشاعرة تملك جميع أدوات الابداع
اسمحي لي ان اكون متابعاً لروائعك
صح لسانك ولا هنتي
شبيت بي نار تحرق اقصا حشاي ………
وبنشوف منهو اللي بيسعدك بعدي!!
لاحشا مو خطاك الخطا كله خطاي
يوم الناس تخون وفيت انا بوعدي !!
وشكيت للقصايد جور الايام وياي
هلا وغلا فمان
تسلم الايادي ولاتحرمينا جديدك
رائعه بمعنى الكلمه
اخوك
عاشق الاهاات؟
صح بدنك والله يسلمك وماقصرت وانا لي الشرف انك تابع كتاباتي
تسلم وماتقصر عسى راسك سالم
عاشق الاهات
شكرا على كلامك وماتقصر وهذا اعتبره تشجيع لي
تسلم
اختكم
فمان الجرح
فمان الجرح
أهنئك على إبداعك أخي
الرائع.. أنت بالفعل مميز بكل
ما تقدمــه.. ألـف شكر لك
شكرا على كلامج الحلو ..ما تقصرين
ومشكووووووره على مرورج
بس حبيت اقول أن انا ( بنت ) 🙂
ومشكوره
أختج
فمان الجرح
ماينحني راس الاجواد وانا ولد بوى بن جدى
ما خنت عهدك ولا كنت على الوعدى
ظروف جت وراحت وانا مدرى
انكِ بقسوتكِ بتخونى عهدى
وش على بالك تقدرين تعيشى ببعدى
لا تتوهمى فى غيابى حياتك سدى
انا من رفع قدرك وعلاكى
انا من جعلك نجمه بسماكى
انا مرجعك وممشاكى
:::::::::::::
صح لسانك اختى واسف على الاطاله
كلمات جميله
الله لا يحرمنا من قلمك
تقبل تحياااااااتي
وتتبعه انامل تخط لنا الابداع
فمان الجرح
عندما ينزف قلمكِ
تتحول الصحراء اللى واحة
ويتحول الجفاف
الى انهار
تروين الظمأنين
وعندما تتواجدين
يختفي الجميع
حتى الحضور
لا يستطيع الوقوف امامكِ
فكيف بقلوبنا وهي تعانق
مشاعركِ
جمال حتى حدود المعقول
ووصف حتى اللا معقول
ونحن مع كلماتكِ
لا نجد سوى الأبحار في المجهول
كلنا نتمنى
حتى ولو قليلآ من ابداعكِ
بقلوبنا قمة العطاء
همسة اخيره لكِ سيدتي
*
*
*
*
الله لا يحرمنا منك