واحساس رائع
جميلة وحلوه
جميله وحلوه نظراتك وفستانك حلو وجذاب ؛؛ وشعرك لونه يجنن صراحه خوش تسريحه
ولكن بسألك قلبك علامه مايفك الباب؟ ؛؛ اذا قصدك مفاتيحه ترى ضاعت مفاتيحه
في أحساسك ابد ماشفت شي يثبت انا احباب؛؛ ذبحك المظهر وضعتي ورا الأعلام والصيحه
أنا جيتك لنفسك وناديتك بدون القاب ؛؛ لأن ما همني طول النخل من دون تلقيحه
تعالي لي بلا ألوانتعالي لي جفن وأهداب ؛؛ وقلبك لو يبي يلعب أنا ضلوعي مراجيحه
تعبت اعاتبك وانتي ابد ما فاد فيك عتاب ؛؛ وليلك ياترى وش هو اذا غابت مصابيحه
واذا همك كلام الناس ورحتي تدورين اعجاب ؛؛ ترى من يرتفع عالي مصيره يجرب الطيحه
واذا قصدك عبدالمحسن المشاري يدور القاب ؛؛ تراني كبير بعيون نفسي وانتي مستريحه
( غناها الفنان علي كمال بعرس المذيعة أمل العوضي )
يالعنيده
والله وجيتي يالعنيده تخطين ؛؛؛ عقب الجفا والصد والهجر جيتي
كلك امل بأحلام عمرك تغنين ؛؛؛ وعلى اصدق رسوم المحبه بكيتي
جيتي ندم من لوعة البين تشكين ؛؛؛ وانتي من اول للقطيعه سعيتي
وش رجعك وانتي من اول تحامين ؛؛؛ حتى على اصدق من يحب انعميتي
وشلون حنيتي وقلت تمرين ؛؛؛ عقب الجفا وشلون عني رضيتي
وانتي من اول حالفه ما تعودين ؛؛؛ وعلى ونيني بالفراق اختفيتي
رحتي بكيفك ماجبرتك تغيبين ؛؛؛ لكن عزاي انك بكيفك مشيتي
طقت براسك فكرة انك تروحين ؛؛؛ونفذتي الفكره وتوك صحيتي
توك بصدق احساس روحي تحسين ؛؛؛ يوم انتهى صدقت الغلا وانتهيتي
جيتي من اللوعات والهم تبكين ؛؛؛ نسيتي انك باختيارك جفيتي
تبنين مدري يالعنيده تهدين ؛؛؛ قلبن على دافي وصاله ربيتي
قلبن بظله لا تعبتي تنامين ؛؛؛ وليا عطشتي من حنانه رويتي
انا لك الله ما احسب انك تمادين ؛؛؛ نار المصال ونار منها شكيتي
قولي وقلبي يسمع اللي تقولين ؛؛؛ من رحلة غيابك وش اللي جنيتي
طالبك قولي تم ما ابيك تبكين ؛؛؛ تكفيك دمعه خافقي لا طريتي
ويكفي يوم انك غبتي عن العين ؛؛؛ ما بين جفني والرموش اختفيتي
يلعن أبوبليسك جننت الناس من ممشاك
سبحان من صور جمالك وحلاك ؛؛ عن البشر تفرق بكل الطروقي
الشعر مثل الليل لامن تغشاك ؛؛ وضحك الثنايا مثل ضي البروقي
الناس مجنونه على مشيت أخطاك ؛؛ يلعن أبوبليسك امشيت ذوقي
يالله دخيلك من ردي الحظ وياك ؛؛ ويلعن ابو حظن بقربك طفوقي
ياكثر ماتمني يجي يوم لقياك ؛؛ وياما سهرت الليل حتى الشروقي
اثر نصيبي بالسهر بس ذكراك ؛؛ من دون شوفك العرب لي تعوقي
قالت احبه
قالت أحبه قلت منهو تحبين ؛؛ بالله قولي لا تزيدي عنايه
ودي أعرفه زين وأقلده زين ؛؛ وأعيش عمري كله أنتي معايه
ودي أبعرف وش بطبعه تودين ؛؛ بمشي على طبعه ولا أنظر ورايه
وأمشي على ذوقه سوى زين أو شين ؛؛ تقليد محبوبك هويته هوايه
قالت هذاك اللي له القلب والعين ؛؛ اللي نجومه لامعه في سمايه
هذاك عايش تاج رؤوس المحبين ؛؛ وروايته بالحب أصدق روايه
هذاك أملك له وسام ونياشين ؛؛ قلبه كبير ومالحبه نهايه
صادق وماله في حياتي شبيهين ؛؛ ثم قلت منهو فارس أحلا حكايه
قالت هذاك اللي وقف جنبك يمين ؛؛ ثم التـ (فـ)ـت الين جنبي مرايه
(غناها الفنان علي كمال )
ياطير بلغهم سلامي
ياطير ياللي بالسما ما تملي ؛؛ تكفخ بريشك لين تلحق سحابه
بلغ سلامي ثم عود وقلي ؛؛ وشهي علوم اصويحبي وش جوابه
القلب من حر الذي فيه يغلي ؛؛ وده يشوف لاكن امرن عذابه
يحول من دونه امامن يصلي ؛؛ متوعدن من يقربه بالحرابه
ياطير حال الحول ماشفت خلي ؛؛ حسبي على اللي مانعه حد بابه
حكم مايطلع ولوه يطلي ؛؛ واحرق هواء قلبي وزود عذابه
الشاعر عبدالمحسن محمد المشاري
مقتطفات جميله
إختيار ونقل جميل
//
ويعطيك العافيه
بأنتظار جديدك
تحياتوو .. .. ..