هناك عدة اعتبارات تؤخذ بالحسبان …..
أولا : لون بشرتك :
( العسلي والرمادي والبني والاخضر الغامق والتركواز ) طبعا يؤخذ بعين الاعتبار تورد البشره وشحوبها والمكياج الملائم لكل بشره .
ثانيا : لون عينيك الطبيعي:
العيون الفاتحه :
بالغالب يتوفر في كل ماركه مجموعه خاصه لذوات العيون الفاتحه وبالغالب تكون الوان العدسات ذات شعيرات ملونه بلون فاتح نسبيا نظرا لان العيون الفاتحه تمتص اللون اكثر من العيون الغامقه التي تحتاج الى شعيرات اغمق .
العيون السوداء:
معقده جدا في اختيار العدسه ، ولنتيجه افضل في العدسات يجب مراعاة اختيار الوان مناسبه فالاخضر بالغالب لايعطي النتيجه المرجوه عليها ، واكثر الألوان وضوحها عليها ( العسلي ، التركواز ، والرمادي)
العيون البنيه والعسليه :
واغلب الفنانات اللي تطلع فيهم العدسات روعه جدا هم اللي عيونهم عسلية أو بنيه ، و سر جمال لون العدسات ………. مدى تناسق لون العدسة مع لون عينيك الطبيعية …………
ومن أمثال هالنجوم :
هيفاء وهبي واشتهرت بلون العدسات الرمادي :
رولا واشتهرت بالعيون الزرقاء والرمادية :
أليسا واشتهرت باللون الرمادي سابقا والعسلي في الوقت الحالي :
راح نتكلم الحين عن أنواع العدسات :
تختلف العدسات من حيث المدة :
طبعا تقاس حسب عدد أيام استخدامك لها ……………
يعني مثلا الأسبوعي معناه انك تلبسين العدسات سبع مرات . والمدة اللي تقرينها بكرتونةالمنتج هذي مدة انتهاء المحلول مو العدسة .
طبعا أسعار العدسات:
الدائمة سعرها يتراوح بين 300 إلى 600 ريال للزوج الواحد .
الشهرية بين 80 إلى 200 ريال
وفيه الماركات اللي تحمل أسماء مصممين عالميين تكون سعرها غالي شوي 900 ريال وفوق .
وطبعا فيه اعتبارات أخرى تقاس بها سعر العدسة :
مرشح الأكسجين : وهي العدسات اللي تكون فيها مسامات عشان الحدقة تمتص الأكسجين أكثر وهي بالغالب عدسات صحية ومريحة
نسيج العدسة يأخذ بعين الاعتبار. ودرجة وضوح الرؤية بها .
ومدة صلاحية العدسة مالها علاقة بجمال اللون يعني سواء شريتي عدسات أسبوعيه أو دائمة من نفس الشركة راح تكون نفس اللون بس الشعور بالراحة فيهم يختلف نوعا ما .
وممكن معرفة مدة صلاحية العدسة :
راح تزلق شوي من الحدقة
بتلاحظين ضبابيه في الرؤية
ألم في العين وصعوبة في فتح عينك بعض الأحيان .
ملاحظه :
حذاري من لبس العدسة بعد انتهاء مدتها لأنه ممكن تسبب ضرر في الشبكية أو خدش في الحدقة .
أما أشهر شركات إنتاج العدسات فهي كالتالي :
ـ فريش لوك ( freshlook ) :
واعتقد أنها اكبر شركه تحتوي على مجموعه كبيره من الألوان ومتنوعة وهي عبارة عن ثلاث مجموعات …
ـ مجموعه خاصة بالعيون الفاتحة وأسمها (freshlook dimensions):
ـ مجموعه خاصة بالبشرة الحنطيه والسمراء والغامقة ( الأفريقية ) وتحتوي على مجموعتين ( محدده وغير محدده ) وهي المجموعة الكلاسيكية(freshlook color blends):
ـ مجموعه باللمعة وأسمها (radiance) وأعتقد أنها أفتح من المجموعة القديمة …..
راح اكتب لكم من واقع تجربتي انطباعي عن هالماركه :
طبعا أول عدسات اشتريتها كانت فريش لوك واعتبر ألوانها جيده من حيث الشكل لكنها غير مريحة، وشكلها صناعي شوي ، وفيها ضبابيه في الرؤية ، واشتريت من المجموعة القديمة ، المجموعة الجديدة ماجربتها ومادي هل هي غير مريحة مثل اللي قبل لأني أخر مره شريت منها كانت قبل سنتين ، والألوان اللي جربتها واقتنيتها :
البنفسجي( أعطيه ثلاث نجوم من خمس ) وكان جميل كلون ويعطيك بالضبط مثل اللي بالصورة وينعكس عليه لون لبسك ساعات مثلا يعطي على ازرق أحيانا حسب لون لبسك .
الأزرق : لابأس به ( اعطيه نجمتين )
الأخضر: لابأس به ( نجمتين )
الرمادي : جيد ( ثلاث نجوم )
العسلي : مادخل مزاجي ( نجمه )
سعرها : يتراوح بين 100 و150 ريال للمؤقته اما الدائمه 450 ريال وترا مافي فرق بين الدائمه والمؤقت غير بالمده ولا تراها نفس النوعيه بس فيه يعض الدرجات ماتلقينها غير بالدائم .
ـ إذا تبين عدسات تعطيك نفس نتيجة فرش لوك وبرؤيه افضل وشكلها طبيعي اكثر انصحك بـ frequency:
الرمادي : جيد وافضل بقليل من فريش لوك ( ثلاث نجمات )
التركواز : ( ثلاث نجمات )
العسلي: ( نجمتين )
باقي الألوان جيده ولونها تماما مثل فريش لوك.
سعر الزوج : 120 ريال وهي عدسات مؤقته
كوين كلور ( queen color):
تحتوي على عدة الوان تقريبا 14 لون ، جربت من عندهم لونين واحد فيهم غريب وبهرني وميزة الوانهم انها تبان طبيعيه .
جربت اللون الابيض لون غريب وعجيب جدا ماكنت اتوقع فيه لون كذا تلبسيه ويعطيك لون رمادي فاتح او يعكس حسب لون عيونك طبعا انا عيوني سوداء غامقه طلع علي رمادي حلو ، اختي عيونها بني طلع عليها مثل هالصوره …..( اعطيه خمس نجوم )
وكمان عندهم لون عدسه صفراء فاقع قالي البائع انها تعطي لون مايل للاخضر بس ماجربتها للأسف .
وجربت العسلي ( اعطيه ثلاث نجوم ) ماكان بروعة الابيض .
وهذي بقية الوانهم بس للامانه ماجربتها :
البنفسجي
ألأزرق المحيطي .
الأزرق الفاتح .
الأخضر الفاتح
اسعارهم : 350 ريال للزوج وهي عدسات دائمه لثلاث أو اربع سنوات . وهي تابعه لشركه ايطاليه وللاسف بدت تنقرض من السوق بسبب الزحف الامريكي .
وايضا من العدسات اللي جربتها ناتروال لوك ( natural look) :
واعتقد انها تحتوي على اربع الوان فقط لكنها طبيعيه جدا .
جربت من عندهم اللون الرمادي رائع جدا ( خمس نجوم )
والاخضر بايخ جدا للعيون السوداء ولونه جاي على زيتي ( نص نجمه )
وهي عدسات دائمه سعرها 400 ريال وهي دائمه 4 سنوات . واعتقد انها تابعه لشركه المانيه وبدت تنقرض هالشركه بالسعوديه بسبب زخم المنتجات الامريكيه بهالمجال وطرح اسعار بمتناول الجميع . لوووووووووووووووول شفتوا لوين وصلت في بحوثي عن العدسات حتى التسويق دخلت فيه .
عدسات اليجنس (elegance):
من عيوبها انك ماتجربينها قبل يعني تشترينها على العمياني واسعارها يمكن تعتبر من اغلى العدسات تتراوح بين 500 و600
عدسات (acuvue) من جونسون أند جونسون:
ومن ابرز ميزاتها انها مريحه جدا ، وفيها الوان متعدده البعض متخصص للعيون الفاتحه والبعض للغامقه وهي عدسات شهريه .
وفيه مجموعه خاصه بالعيون الفاتحه :
وفيه مجموعه خاصه بالعيون الداكنه :
وأسعارهم بمتناول الجميع………
عدسات ديورا سوفت(durasoft)
عدسات دائمه وأمريكيه وهي من أوئل الشركات الأمريكيه ………بس للأمانه ما جربتها طول عمري أشوفها وما تدخل مزاجي ………مع العلم أن ألوانها حلوه ومتنوعه ومطلوبه………….وسعرها تقريباً ب500 ريال
عدسات بوش أند لامب (bausch &lomb):
بالنسبه لي أعطيها (سالب 200 نجمه) بأختصار مالها داعي كأنك تشترين عدسات شفافه ماراح أظلم الماركه بس يمكن هي ماتناسب العيون السوداءأشتريت من عندهم العسلي والأخضر ………….وكان أختيار فاشل وطبعاً تشترينها ع العمياني برضو ……وأعتقد أنها مجموعة soft lain تابعه لنفس الشركه ………….وثنتينهم طايحات في كبدي ……
عدسات (toens color) وعدسات (images ) :
هما تقريبا نفس اللون بس الأختلاف أن وحده فيهم محدده والثانيه من غير تحديد وأنا مخربطه أيهم المحدده والغير محدده …….وراح أذكرلكم بالضبط إللي جربته …..
العسلي المحدد بالضبط مثل عيون أليسا بالضبط 100% ويمكن أحلى بعد ….ومظهرها طبيعي جداً أعطيها (خمس نجوم)
العسلي من غير تحديد فاتح جداً ملائم للعيون السوداء أعطيها (خمس نجوم) وأعتبرها العدسه القنبله …..لأنها واضحه ومع التكحيل أحلى وأحلى …..
التركواز جربته وأعطيه (ثلاث نجوم ونصف) .
الرمادي حلو وأعطيه (ثلاث نجوم)….
الأزرق الغامق وأعطيه (نجمه وحده ) لونه مثل البويه
الأكوا وأعطيه (نجمتين) ….
الأخضر وأعطيه (نجمتين) ليش؟ لأنه دايم مايبان ع العين
طبعا من كل لون فيه محدد وغير محدد ……………
ميزتها مؤقته وسعرها بمتناول الجميع 100 ريال ……….بس إذا راح تشترينها من الخطوط السعوديه راح تحصلينها ب300 ريال شفتو الفرق ……..
يتبــــــــــــــــع…….
من المصممين إللي أشتهرت عدساتهم شانيل وجفنشي وفرزاتشي وكريستيان ديور ……………
وكان الطابع المميز بالعدسه ظهور شعار الشركه على العدسه ………..أو الحرف الأول من أسم المصمم ……….
وهذه عدسات دار ديور ……(golden dior)……..وطبعاً ماجربتها مانزلت السوق السعودي ……وأعتقد أنها ماتليق بالعين العربيه لأنها مجرد لمعه ذهبيه ……………
وبالتأكيد أسعارها مرتفعه ……..
طبعا انا جربت ماركات عديده جدا وكثيره وماذكر غير المميز وذكرته لكم واغلب العدسات اللي جربتها كانت لونها مثل البويه يعني توهقت فيها ولا أذكر اساميها لاني كنت بالبدايه واهم شي عندي اني اشتري عدسه وعلى بالي كل عدسه تبان في العين ،وهذي ايضا ماركه ماجربتها لأن شكلها بالعرض مو حلو وغير طبيعي والله اعلم ممكن تكون حلوه وممكن تكون بايخه بس انا افضل دائما العدسه اللي تبان طبيعيه وواضحه . يعني يرجع لذوق الشخص .
طبعا لاتنسون لما تشترون العدسه راح يعطيكم محلول مجاني ومعاه عبوه لحفظ العدسات مو تنسينه ضروري ولا راح تنشف العدسه ، مو مع الفرحه تنسون .
طريقة لبس العدسات :
اكيد كلكم عانيتوا من هالمشكله في البدايه ……………. انا شخصيا بديت البس العدسات وانا بالمتوسط يعني كنت صغيره وقتها وخايفه من العدسات وضررها ………… وغير زن اهلي علي راح تنعمين ترا مالنا شغل احنا علينا النصح وانت راسك يابس ………… انواع القلق والله ……. وفي النهايه قلتلهم مالكم شغل انا المسؤوله …… مابي مساعده منكم ………… وقسم بالله يابنات قعدت يوم كامل احاول البسها ماعرفت …… لاني من النوع اللي يرمش وأخاف المس عيني وغير اهلي صلحولي رهاب … واختي جت ساعدتني اردى وأردى ماضبط معي صرت ارمش اكثر ….. ولما يئست وعيوني صار حجمها دبل من التنفيخ وصارت حمرا … حطيتها على جنب وقلت مابلبس عدسات بعد اليوم …………. قمت اليوم الثاني بالصبح وبهدوء ومحد عندي ولبستها ……………….. فرحت فرحها مابعدها فرحه ………..سبحان الله انا تعذبت فيها واختي من ثالث محاوله ماشاء الله عرفت تلبسها ……… يعني يعتمد عليك مو الكل يتعذب فيها تختلف من ناس وناس …………… المهم فرحت والله ماطلعتها من عيوني قعدت فرحانه فيها ……. والحين تعالي شوفيني البسها زي السلام عليكم!! مع التعود كل شي يصير سهل ………….
وان شاء الله هالطريقه توضح للبنات اللي ماعندهم معلوميه كيفية لبسها ……… واهم شي قووا قلوبكم ……..
ـ قبل كل شي اغسلي ايدينك زين بالصابون واشطفيها زين ، ولا تمسحين بمنشفه او حتى كلينكس خليها تنشف لحالها افضل عشان شعيرات الانسجه ماتتجمع على العدسه .
ـ طبعا يلزمك عدسه ، وتأكدي انك تلبسينها في الاتجاه الصحيح مو تلبسينها بالمقلوب لانها تضر العين ، وفيه بنات يحبون يلبسونها بالمقلوب عشان لونها يكون افتح ساعات … او يتغير لونها ……………..
ـ تأكدي ان العدسه نظيفه والافضل لو تنقطين عليها المحلول وتمسحين عليها ( راح افصل كيفيه تنظيف العدسه)
ـ الحين امسكي العدسه على الاتجاه الصحيح .
ـ افتحي عينك يعني خلي ايد تمسك جفنك وعيونك مفتوحه على الاخر وحطي بايدك الثانيه بالسبابه العدسه على عينك .
ـ حطي بايدك الثانيه بالسبابه وخلي بقية اصابعك تثبت الجفن السفلي وحطي العدسه العدسه على عينك .
ـ بعد ماتخلينها غمضي عينك وافركيها بنعومه عشان تثبت العدسه في المكان الصحيح .
طبعا في البدايه راح تكون صعبه انا الحين سرت البسها بالسبابه واثبت الاصبع الاوسط في جفني السفلي فقط وافتح عيني من غير ماثبت يدي يعني البسها بسهوله مجرد اني الصقها بالحدقه وافتح عيني ……. يعني لاتخافون راح تتطورون بس هذا الشرح للمبتدئات .
وعلى فكره انا احب البسها قبل المكياج وحتى قبل لاحط شي على وجهي عشان مايلزق فيها أي وسخ .
كيفية اخراج العدسه ؟
سهل جدا مجرد ان تتمسكين العدسه بالسبابه والاصبع الاوسط وتخرج بسهوله ، بس احذري اذا اظافرك طويله استخدمي الملقط الخاص باخراج العدسات وهو سهل جدا ايضا ..
كيفية تنظيف العدسه ؟
بعد ماتخرجين العدسه من عينك حطيها على راحة يدك وقطري عليها بالمحلول وضعي اصبعك عليها وحركي بشكل دائري عشان تزيلين البروتين المتجمع عليها .
اسكبي كميه من المحلول على عبوة العدسات وضعي كل عدسه في المكان المخصص لها .
العنايه بالعدسات:
يجب ازالة البروتين منها بعد كل لبسه ، وكل ثلاث اشهر او ست اشهر حسب استخدامك للعدسه، شيليها لمحل البصريات خليهم ينظفونلك اياها تنظيف عميق . انا عن نفسي انظفها قبل لألبسها وبعد ماألبسها ، ولا تنسين دائما اغمريها بالمحلول ، مش الماء لازم المحلول وتأكدي ان المحلول مانشف وكمان تأكدي من صلاحية المحلول لان مدته تنتهي بعد ست اشهر من تاريخ الفتح .
العدسات انواع منها الطبيعي ومنهاالصرعه…….. وبالغالب محبين هالنوع هم نجوم الروك ………… وتستخدم في اعياد الهلوين ( عيد البرباره ) أو حفلات التنكر ………… وأيضا في العروض السينمائيه …………….
والبعض يوحي انك مصابه بالعمى (والعياذ بالله )
أو عيون مزغلله …
أو شبكة عنكبوت ……
أو عيون حيوانات
أو مثل التنين والوحوش ومخلوقات الزومبي المشهوره بلأفلام المرعبه (عودة الأحياء والأموات)…..
أو عيون المخلوقات الفضائيه (الخيال العلمي ).
أو عيون الشيطان ……
أو عيون تضيء بالظلام ………
والبعض أشكال ظريفه ….ووجوه مبتسمه …..أوراق وورود ….
اكسسوارت العدسه :
وبالغالب تكون هديه مجانيه مع العدسه….
وكمان ننتبه للمحلول ومدة صلاحيته وتاريخ الأنتهاء..
الحين نجي للمهم ؟؟؟؟؟؟
السر الخطير اللي يخلي لون العدسه غير شكل ؟
؟
؟
؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟
طبعا هذا السر يخلي العدسه تبان افتح وطبيعيه اكثر ………………. يمكن كثير من البنات يحبون يحتفظون فيه سر لكن انا راح افشي السر اللي ينكره 55% من البنات تقريبا …………….
والسر هو ………………………… …
انك تدبلين العدسات يعني تلبسين عدستين في عين وحده …………. وجربوا وراح تلاحظون الفرق ………… انا عن نفسي جربتها لكن مالبسها مع ان كل صديقاتي يسوونها لكن انا موسوسه واخاف على عيني …………. جربتها ثلاث مرات وماخليتها اكثر من عشر دقايق على عيني ، بس عن جد روعه تصير عيونك اطلق من عيون نانسي عجرم .وماتبان انها عدسه تبان حقيقيه ، بس تعتمد على الوان العدسه اللي تنسقينها … يعني جربتها في العسلي مابينت حلوه كثير ……….. وجربتها بالعدسات البيضاء طلعت كأني عميا فاتحه جدا ……. وفيه بنات يحطون اخضر على ازرق يطلع يهبل ……… وعسلي على اخضر ………. ورمادي على ازرق …………… يعني صراحه نسقي الالوان وراح يعطيك لون حلو …………………….
وبالنسبه للضرر اعتقد انها مضره لانها تقفل مسامات العدسه اللي تزود العين بالاوكسجين …………… والله اعلم ..
……..تم بحمــــــــــــــــــد الله ……
للأمـــــــــانه منقــــول لعيونكم مع بعض التعديلات..
لكن بريئه من التجربه الأخيره لأني ماأحب أغامر بنفسي ..
والعين نعمه لازم نحمد ربنا عليها ونحافظ عليها قد مانقدر..
غيرنا يتمناها..
((دعواتكم لي ولأختنا صاحبة الموضوع ))
دمتم بصحة ..
يعطيــــــــــكـ الف عافيــــهـ ياارب ..
ماننحرم من جديدكـ ..
تقبلي مروري ..
تحيااتي ..
$$
يسلمووو
مواضيعك دائماً مميزة ومتكامله..
فديتك..
^_^
تقبلي مروري يالغلا
.
ஃ القَمرْ الغأمضْ . . ∫≈
يآهَلآإ بَالعسًلْ 🙂
يعَطيكْ العافيهِ ع الطرٍح المُتكَآملْ ~
أهمْ شِيءْ ، بالعدسًأتْ النظآفِـه وتعقيمْ ألأيدينْ !
قبلٍ ألأستخدام ~
بعدَين ْتدبيلْ العدسآتْ ؟!!! .gif "Msn (9)")
أنا يالله ألبسً عدسَه واتعذبْ لما تنلبسً ، !!
أروح أركبْ وحدهـ فوقهأ خخخ
طيب وشٍ الفائدهـ ؟! .gif "Msn (8)")
لآعدمنَآإكْ حبُوِبـهٍ 
~)
.
.
ماقـصــــرتي انتي وصاااحبــــــــة الموضــــــوووع
مجهـــــــووود رااااائع
تقبلــــــــــوا مـــــــــروري
ماننحرم
سبحآن الله وبحمده ،♡
سبحإن الله العظيم ♡