مقتطفات من أشعاري عبدالمحسن الشراري 2024.

[عبدالمحسن الشراري]

سهرت لاجلك ليالي.. وانت ناسيني؟
استحلفك قول لي (وشلون تنساني)

مقدر أوصف غلاتك في شرايينـي؟
لكن غلاتك تراها.. فاقت أخوانـي..

[عبدالمحسن الشراري]

شفني على غير حرّوه.. جيتلك عاني..
ودّي تفسر غلاتـك! كيـف جابتّنـي؟

اما تجيني غلا، وتطيـح بأحضانـي..
والا بنادي عليـك النـاس (سبتّنـي)

[عبدالمحسن الشراري]

جيتك مشي يالغلا.. خطّوه.. ورى خطّوه..
ولولاك غالي! وربي.. متعـب أقدامـي..

طيرك الى من شدى.. يعجبك في شدّوه..
يا غايتي.. يالغلا.. يا مصـدر إلهامـي..

[عبدالمحسن الشراري]

سهمك رماني، وطـاح القلـب بشباكـك..
وانا ادري ان الهوى، رمـاك بشباكـي..

يا ليتني طير واهبـط فـوق.. شباكـك..
وإليا غفيتي أبوسك.. وأكشف اغطاكـي..

لو كنت انا في غلاتـي يالغـلا شاكـك..
ما كنت أجيلك، وأبوسك، وأطلب ارضاكي..

[عبدالمحسن الشراري]

ياخوك وخْرّ.. ترانـي حيـل متضايـق؟
وإردود فعلـي، تراهـا حيـل عفْويّـه!

تعال.. واضحك معي، لا شفتني رايـق؟
وان ضاق صدري.. توقّع! هزّه أرضيّه..

[عبدالمحسن الشراري]

[يتبع]

صح لسانك

ونبض قلبك

وإحساسك

مقتطفات أكثر من راااائــعـهـ

حقيقة رااااق لي كل ماقرأت

مبدع انت

طاب لي المكوث هاهنا

فـ تقبل مكوثي

وارتشافي من نبعك

دمت بــ حفظ المولى

" ما يذبحـك؟ الا خـوي(ن) توصيـه!
ويمسي ذرى لاعداك! وقت الهبايـب؟ "
" ما طاحت دموعي على شان مخلوق؟
طاحت على شاني! وأنا أدرى بشاني؟ "
" وأحدن عزيز(ن) لو لبس ثوب مشقوق؟
واحد(ن) ذليل(ن) راضي(ن) بالهواني! "
" للفلسفـة مبـدا.. وعلّـم وثقافـة!
وللشعر درب(ن) كل شاعر.. يدلّه..
اللي يملّ الشـي؟ [يعنـي يعافـه؟]
واللي يعاف الشي؟ [يعنـي يملّـه]
شاعر يحاول، يشتهر بالصحافـة؟
وشاعر يحاول.. يشتهر بالمجلّـة؟
وشاعر عزيز(ن) ما رضا بالسخافة؟
وشاعر يبيها.. لو تجي بالمذلّـة.. "
"وشلون يحْيا الورّد، يا ساقي الورّد..
لا مرّت الأيام.. مـن غيـر؟ ميّـه! "
" اللي مضى فاتك، فـلا تلتفـت لـه!
واللي بقا مجهول! لا تنشغل فيـه.. "
" كسر القلوب أحيان، ما يجبره شـي!
وأحيان تجبر قلب، مكسور؟ كلّمـة..
وأحيان تلقا إنسان(ن) أقرب من الخيّ..
وأحيان تكره خيّ؟ بأسباب.. ظلّمـة! "
" أنا كذا مـن يـوم ربـي خلقنـي!
أعشق ثقة نفسي؟ واحب التواضع!
فقيـر لكـن! عزتـي علمتـنـي؟
لو يخضعون الناس.. ماني بخاضع؟ "
" سبع صنايع، ورب البيت يمشـاري؟
والبخت ضايع، وأنا مليت هالعيشـه.. "

لم أستطع إمساك قلمي عن الإقتباس
أبيات تراوح مستواها بين
الرائع والأروع وقمة الروعه
ولم أجد هنا إلا الإبداع
ولكن أروع ما قرأت هنا

" مشتاق وشوقي ترتعش؟ منه الخلايق.. والجبال؟
لإثنين غطّـى شوقهم؟ حتى على أختي.. وأخوي..
مشتاق للي شوفهم، أزكى من الميّ الزلال..
مشتاق لأمي، ثم أمي، ثم أمي، ثم أبوي… "
" ما قد ضحكت الا لبنتاخي ألماس..
ولا قد بكيت الا وانا حاظن (أمّــي) "

صح لسانك
والله يعطيك العافيه
و شكرا لك لإطلاعنا على هذا الإبداع
ننتظر جديدك
تحياتي وتقديري