مغامره في الوقت بدل الضائع

في يوم الإربعاء وبالتحديد آخر يوم من الفصل الدراسي الثاني يعني بالعربي آخر يوم بالمدرسه المهم كانو سبع بنات وثلاث معلمات
كانو مع بعض في نقل واحد المهم ذاك اليوم ماكان فيه ولا معلمه حاظره يعني من اللي حاضر الطالبات بس المهم عدت الحصص على خير وفي وقت الطلعة من المدرسه
سوسن ام الصرقعه 2/صبا قمة النعومه 3/ذوق راعية السواليف 4/ساره العاقله 5/افنان الأميره النائمه ماتقوم الاإذا وصلو عند باب البيت طبعا هي غير مباليه رقم 6&7 طلعو من المدرسه بدري00طبعا كان الكلام هذا فالشتاء وكان فالجو غيم المهم تحركت السياره وبما انه وقت طلعات البر000سوسن:ايش رايكم نقوله يمشينا فوق النفود 00ذوق :احسها صعبه حتى ما معنى معلمات00يابنت الحلال حنا خمسه وكل وحده اكبر من الثانيه ما شاء الله علينا00 صبا:كل واحد يتكلم عن نفسه لوسمحتي00 سوسن:المهم وش قلتو؟؟ ساره:وش فيك انت انهبلت صاحيه تبينا نطلع مع رجال غريب لاانا ماني موافقه وحنا مشاورينك اصلا 00 بدر(صاحب النقل)
: يعني انا اللي مشاورك انت وياها انا الحين مسؤول عنكم يعني اي شيء يصير لكم اللوم علي اتمنى تتفهمون يعني ولا عاد تتكرر00 صبا:الله احس بالحنان اول مره احس ان احد خايف علي00 سوسن:اي حنان قصدك قسوه احد يفوت طلعة البر بمثل هاالأجواء00ساره بنفسها تقول: كفو رجال اصبر لين امدحك عند اهلي كلهم00 افنان:اووووووووووووه ايش الإزعاج هذا الواحد مايعرف ينام00 ذوق:هههههههه كلن على همه سرى وانا على همي سريت00بدر: ياالله ايش هالزحمه من سوء الحظ حنا على الطريق اللي يودي لأحسن مكان لطلعات البر اذا بننتظر ماراح نوصل الا مع آذان العصر00سوسن:احسن علشان ثاني مره اذا قلت لك تسمع كلامي 00ساره:فكينا ياشيخه والحين اخوي بدر ايش الحل برايك؟ بدر:انا اعلمك ايش الحل بطلع من ورا النفود بعدين امسك الخط من الجهه الثانيه
سوسن: حلو ممتاز اقتراح جيد00ويوم ابعدنا عن الطريق العام وفي اعلى النفد تحديدا غرزت السياره00
سوسن: ياسلام لاومسوي فاهم بنقطع النفود ووو ساره:انت مو وقتك سامعه00 سوسن: بيكحلها عماها
بدر: والله ويمين بالله اذا ماسكتي لااجي واتوطى ببطنك
مو وقتك الحين00 صمت عم المكان بعد دقيقه00سوسن: تصدقون بنات اول مره اخاف كذا00بدر:ههههه اعذريني سوسن بس جد مو وقتك00سوسن وخدودها حمراء:حصل خير حصل خير00بدر: يا بنات لازم تنزلون من السياره وترى بتدفونها معي ولا بتمرحون الليله هنا00سوسن: ابشر ما طلبت شيء00
وبعد ربع ساعه من المحاوله ما فيه فايده حتى العدة مو معاي خلوني اتصل على اخوي اشوف ايش راح نسوي بها الورطه لاما فيه ابراج لازم اوصل الشارع العام مشي وبنفس الوقت المسافه بعيده ما اقدر آخذكم ولا اخليكم لوحدكم هنا مشكله00سوسن: توكل على الله انا احرسهم00صبا: لاالله يخليك لاتخلينا وتروح00بدر: لاتبكين وتعورين قلبي ماراح اتحرك من عندكم00ساره:اسمع قفل السياره علينا واستودعنا الله ماراح يظيعنا وتوكل على الله00بدر:فكره مقنعه واصلا ما قدامي الا كذا الساعه الحين ثنتين يعني لو مشيت متواصل بسرعه اوصل بعد نص ساعه يالله يابنات استودعكم الله الذي لا تضيع ودائعه توكلو على الله كلها نص ساعه وانا جاي00 ذوق: بنات راح بدربعد عنا اختفى00ساره: ذوق ما عرفتك خوافه الله يهديك بس نص ساعه وهو راجع نامو يابنات وإذاجا بصحيكم 00سوسن: ساره انت طيبه مره سامحيني على الكلام اللي قلته00ساره:يالله نامي على بالي عندك سالفه00وبعد نص ساعه00بدر: الحمد لله هذاني اشوف الطريق العام
واخيرا وصلت وش فيه الجوال لامو وقته يفظاالشحن
يارب انك تجيرن بمصيبتي حتى البنات مادري عنهم بحاول اوقف وحده من السيارات00وفي السياره00ساره:فيه واحد يقرب من السياره اكيد بدر بنات يالله اصحو بدر جا 00صبا: لاهذا مو بدر بس شكله راعي غنم00ذوق:بنات اذا حرك السياره ولا طق الباب ولا وحده تتكلم مانظمنه حنا خلاص00ساره:هذا اللي بيصير00 صبا:بنات قاعد يحرك السياره 00سوسن: اطلع له اتوطى في بطنه قسم بالله قهرني00في هالحظه كان بدريحاول يوقف سياره وفعلا وقفت سيارة شاب راجع من الجامعه00بدر: وجهه مو غريب علي يزيد؟؟ إيه يزيد عسى ماشرشفتك واقف لاسياره ولامايحزنون بعدين مو هذا وقت جيت البنات؟؟ بدر:اقولك فالطريق بسرعه اركب البنات في اعلى النفد00يزيد: البنات ؟يعني اختي افنان معهم00بدر: يابن الحلال حرك بسرعه00 وفي السياره00 صبا: رجع الراعي وفي يده حديده طويله اكيد بيفتح الباب بدر بدر تعااااااااااااااال00ساره: اهدي شوي الله معنا بعدين كذا انت تخوفينا معك00سوسن: قسم بالله انك بنت على هالحركات00ذوق: احسدك على برود اعصابك00سوسن: بصراحه انا واثقه اني ماراح اعجبه عشان كذا انا مرتاحه بس الخوف عليكم انتو00ذوق: بنات الباب بينفتح ايش نسوي؟؟00سوسن:انا اعلمكم ايش رايح اسوي فيه من معها كحل؟؟ صبا: انا معي تفضلي00سوسن: قسم انك مؤدبه المهم من رسمها حلو ساره صح؟ابيك ترسمي لي ذقن محترم00ساره: ابشري والله انك مو سهله00ذوق: بسرعه يابنات00يزيد: كم باقي ونوصل؟؟ بدر: ربع ساعه ايش هذا غرزت السياره انزل بسرعه وحاول تطلعها00يزيد: هذا وقتها تغرز00وبعد 10 دقايق الظاهر ان السياره ما راح تطلع اسمع بسبقك مشي وانت حاول بالسياره والحقني00بدر: توكل على الله00 وفي السياره000ساره: بنات الباب انفتح00سوسن:ولا وحده تتحرك انا بطلع له00 انت وش فيك مريض نفسي ولا ما تفهم رجال نايم بسيارته في امان الله وش تبي فيه وبعدين وش فيك قاعد تبحلق فيني (تناظرني) اول مره تشوف انسان وسيم؟ماالومك اتوقع اني على مستوى السودان وسيم فعلا00الراعي:الا انا مستغرب من حاجه يازول جسمك غريب فعلا00سوسن:انا ماعلمتك انا ولمدة سنتين كنت العب كمال اجسام فطلع جسمي برونقه الجمالي اللي قاعد تشوفه الحين فهمتني يازول000بدر: الحمد لله طلعت السياره00يزيد: هذا بدر طلع السياره00بدر:اركب بسرعه الساعه اربع00
سوسن في نفسها تقول:هذا بدر جا00اسمع يازول انا لاني رجال ولا شيء وربعي هذاهم جو بس هذا كان مقلب لتضييع الوقت00الراعي: يعني كدا؟00سوسن: اترك يدي اقول اتركني انا فيني مرض معدي00بدر : وقف عندك 00يزيد:امسكه خلني اتوطى في بطنه00وبعد الحرب00بدر:ها يابنات عسى مااحد تعور؟كلكم بخير؟ردو00يزيد: افناااااااان انت بخير ردي00بدر: اخاف متعورين بفتح الستاره000ياعيني رايحين بسابع نومه وحنا قلوبنا تضرب عليهم00يزيد: وافنان؟00بدر:هذي اصلا ما قامت حتى لو بتسألها ايش صار صدقني ما راح تجاوبك00يزيد:هههههههه اصلا اختي مصابه بإنفلونزا النوم وبعدين ما تلاحظ اننا جالسين نتفرج عليهم؟00بدر : يالله يالله الساعه 5 الحمد لله اني اتصلت على الأهالي وطمنتهم00اشوفك على خير00 مع السلامه00 وفي الطريق00بدر:الا وش رايك نطلع المره الجايه للبر يا سوسن؟؟؟
سوسن:لالالالالالالالالالالالالالالالالالا00
تمت بقلمي:
سويتي00000000000

يسلموووووووووووو

قسما بالله إنك مبدعه يا سويتي واصلي إبداعك بالتوفيق
وخليهم يتأدبون علشان ثاني مره مايتعودونها ويقولون نبي نخرج البر من دون أهليهم

الله يسلمك يارب يسلمو على المرور00
سويتي00

هههههههههههههه حرام عليك لاتقسي عليهم00
الف ترليوووووووووووووووووووووووووووووووووووووووووووووو ووووووووووون شكر على اطلالتك الأكثر من رااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااائعه00
سويتي00

تسلموووووووووووووووووووووووووووووووووووووووووووووو

يسلموووووووووووو

الله يسلمك خيو مشكور على المرور00
سويتي00